يوميات عضوة - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى الحياة اليومية > قسم يومياتي

قسم يومياتي يهتم بالحياة اليومية للعضو : تجارب .. حوادث .. فضفضة ...

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

يوميات عضوة

إضافة رد
 
أدوات الموضوع انواع عرض الموضوع
قديم 2014-02-15, 17:00   رقم المشاركة : 1
معلومات العضو
ام عبودة
عضو برونزي
 
الصورة الرمزية ام عبودة
 

 

 
الأوسمة
المواضيع المميزة 2014 وسام مميزة التطبيقات 
إحصائية العضو










افتراضي يوميات عضوة



كيف هي احوالكم. اكيييد الحمد لله
من العنوان اكيد فهمتو الموضوع اليوم راايحة نحكيلكم ام عبودة واش ادير كل يوم واعمال كل ايام الاسبوع عندي فيها اللي يتشابه وفيها اللي لالا
المهم نبدا على بركة الله

الصباااح يصوني المنبه


اول حاجة نديرها كي نفتح عينيا على الفون بلافون ههههه نقول الحمد لله هذا يوم جديد في حياتي
نتفقد زوجي واولادي نتوظا ونصلي ونحفظ شوي قران من بعد الى المطبخ. نوجد القهوة
وسينية القهوة نهتم بيها كثيرا لانها الاهم في اليوم نحب انها تحتوي على الحليب والعصير والقهوة ليا انا كيييد باش نصحصح مليييح
والخبز انواعه مالح ام حلو البيض والجبن وكل مرة تختلف حسب ايام الاسبوع والموجود
نبدا في مراطون الاولاد يتعبوني باش يفيقو من بلايصهم وانا اللي نغسلهم وجوهم واسنانهم باش ما يكركبوليش الدوش
ونفقعد ساعة وانا نستنى فيهم باش يشربو الحليب
نلبسهم ونبعثهم مع السائق الى المدرسة
يجي دور الزوج نوجد ملابس الخرجة و نلمعو حذاء اكرمكم الله ومن بعد يودعني ويروح الى اشغالو اليومية اللي لا تنتهي
ينوض ولدي الصغير لازم بيبرون مع الدلع لانو مع التكشيرة والله ما يشربووووو
نظفو ونلبسو حوايجو ونمدلو لعب او يروح لجداه وجدو يلعب عندهم
يبدا مشواري التنظيفي

نفتح الشبابيك. دخول الشمس يفرحني بزاااااف



نلم الغسيل بوم بعد يوم



ونشمس الفراش







نسيق




نرتب غرفي انا والاولاد. لانو انا مع العائلة الكريمة الكبيرة الفطور ماشي عليا مي ساعات نحب نطيب لاني نموت على الكوزينة
فعندي الوقت ندير كل شئ الصباح



يرجعو الاولاد نفطرهم. ونلعب معاهم شوي يلحق الوقت نبعثهم الى المدرسة نصلي ونتكا شوي
من بعد ندخل للكوزينة كاش ما نوجد لقهوة العشية يرجعو الاولاد يشربو الحليب ويلعبو شوي ويتفرجو حتى يلحق وقت المراجعة
ندبر للعشاء لازم يكون مميز لانو زوجي الاغلب يفطر في الخارج والعشاء مميز عندي نتلمو ونتحاكو ونتناقشو في مواضيع تهمنا الكل
والعائلة تتلم كلها الله يدوم المحبة يا رب
من بعد صلاة العشاء نوجد المائدة
اولادي نعشيهم من قبل باش يرقدو الا ايام العطلة نعطيهم الحرية

نغسل المواعن ونرتب المطبخ. ونتفقد اولادي في اماكنهم اذكاري اليومية عمري ما نفرط فيها لانها االطاقة بالنسبة لي
ومنتدايا الغالي كون ما نصبحش عليه ونمسي. ما نرتاحش ههههه

عندي حوايج نديرهم من ذاك حسب الجو والظروف

تسياق الجنان





نغسل الزرابى


تغير دكور الغرفة



نحكم المكنسة ايام الغبار والمطر





نغسل النوافذ ونمسح الابواب




وهذه ابام خاصة.ايام لابانتور في الادارة. وبمانا مكتب زوجي بجنب غرفة النوم يعني الحالة ما نحكلكمش كيفاه كانت
هاذي تمرميدة لا بانتور




اوووف بعد ما تنقات الحالة



وهذا المكتب. بعد ما نظفتو *من تمرميدة لابانتور*







وهذه الغرفة شمستها كان نهار مشمس يهبل










هذه حيااااتي او بالمعنى يوم من ايامها
وانتوما يا ريت. اللي تحب تحكي واش ادير
لاني لاحظت نفسي. في ايام الدورة اللى فاتت مع البنات كنت في قمة النشاط مع انها اعمال تكرر نفسها الا ان متعة كتابة وتصوير اشغالي
تزيدني نشاط
وفي هذه المناسبة. نشكر خيتي سمراء الدنيا صاحبة الافكار









 


رد مع اقتباس
قديم 2014-02-15, 17:44   رقم المشاركة : 2
معلومات العضو
سمراء الدنيا
عضو فضي
 
الصورة الرمزية سمراء الدنيا
 

 

 
الأوسمة
المشرف المميز 2014 المشرف المميز لسنة 2013 
إحصائية العضو










افتراضي

اهلا وسهلا بالنحلة النشيطة ام عبودة
فكرتينا بايام النشاط ....يعطيك الصحة ......
كي نشوف هاذيك الجردة نتاعك نتمنى فيها كويس قهوة بالقرب من طيطيات عبودة ههههههه
يومياتك تختلف بعض الشيء عن يومياتي ............انا نهتم بوجبة الغداء اكثر لان الاولاد يجو من المدرسة جيعانين و الاب ايضا يجي من العمل فلازم تكون الوجبة دسمة و العشاء خفيف
ان شاء الله نحط يومياتي هنا بالصور و نشوفو يوميات باقي الاخوات

بالمناسبة دورة بيتك جنتك ان شاء الله تكون مع بداية شهر مارس










رد مع اقتباس
قديم 2014-02-15, 21:16   رقم المشاركة : 3
معلومات العضو
شوشو 11
عضو متألق
 
الصورة الرمزية شوشو 11
 

 

 
إحصائية العضو










افتراضي

شكرا لكما سيدتا النشاط والهمة سمرا وام عبودة
تعرفت عليك ام عبودة من دورة بيتك جنتك وفعلا كنت رائعة ومشاركاتك اروع وخاصة صور الجنينة كما قالت سمرا
اكيد يوميات كل واحدة تختلف عن الاخرى ولكن الطرح رائع واتمنى اثراء الموضوع من الاخوات حتى تعم الفائدة
شكككككككككرا










رد مع اقتباس
قديم 2014-02-15, 21:51   رقم المشاركة : 4
معلومات العضو
نبض الفؤاد
عضو محترف
 
الصورة الرمزية نبض الفؤاد
 

 

 
إحصائية العضو










افتراضي

ما شاء الله على اهل الهمة و النشاط......هاذي يوميات جزائرية حرة....سمعت مرة يحكو في الراديو...على مسابقة داروها في الخارج

مشاركة معاهم وحدة جزائرية...المهم عطاوهم يوم راحة....كل وحدة حرة وش تدير....لقاو الدزايرية لابسة بليغة وتدير الميناج....جاتهم غريبة

حيق الاخريات كل وحدة وين راحت تحوس...ووحدة دير شوبينغ.....احنا السولاجمون نتاعنا.
....الشغل










رد مع اقتباس
قديم 2014-02-16, 10:50   رقم المشاركة : 5
معلومات العضو
التوليب الجميلة
عضو فعّال
 
إحصائية العضو










افتراضي

llah ybarek










رد مع اقتباس
قديم 2014-02-16, 13:09   رقم المشاركة : 6
معلومات العضو
ام عبودة
عضو برونزي
 
الصورة الرمزية ام عبودة
 

 

 
الأوسمة
المواضيع المميزة 2014 وسام مميزة التطبيقات 
إحصائية العضو










افتراضي

الله يخليكم الكل
سمورة حتى انا من نكون وحدي الغداء نديرو مع العشاء والعشية نريح وزوجي يولي للفطور مي كي تكون العائلة راهو متهني علينا ما يوليش وشغالاتو بزاف الله يعين ازواجنا واش راهم متحملين
يعطيك الصحة وان شاااء الله نكون معاكم في الدورة الجاية لانو الغبار غادي يدير فينا حالة لازمني من يكورجني في الصوالح
نبض الفؤاد هذه مائة بالمائة حنا الدزيريات من الشمال الى الجنوب من الشرق الى الغرب عندنا حرارة القلب وقليل اللي عندهم الشغالات مي غيرنا عندهم
حتى ولو يكون العائلة ذات دخل متوسط شغل عقلية برك
انا عن نفسي ما نقدرش ندير واحدة في داري لانني نصيب راحتي في شغلي
شوشو نورتيني وان شاء الله نتلاقو في الدورة الجاية
منال اسمعيني مليح ولو الوحدة تكون تعرف كل شئ في دارهم عند للزوج تولي حاجة اخرى
في دارنا نخدمو كل شئ بصح براحتنا ولو تعيط عليك امك تجيك نورمال والله ما نتذمرو
بصح ممكن ربي يطيحك عند العائلة ومش كيفكيف والراجل يعيط تولي تحسي في روحك ما كي اديري في والو وانت من تنوضي وانت في الصوالح
وتتعلمي الصبر لانو يكون فيه الاولاد و هما وحدهم صواااالح ما تنتهيش
اليوم انا خرجت شريت بزاف حوايج باش نطبق راهي حاكمتلي










رد مع اقتباس
قديم 2014-02-16, 13:17   رقم المشاركة : 7
معلومات العضو
ام عبودة
عضو برونزي
 
الصورة الرمزية ام عبودة
 

 

 
الأوسمة
المواضيع المميزة 2014 وسام مميزة التطبيقات 
إحصائية العضو










افتراضي

الصباح كي نضت. صليت صلاتي وحفظت اية برك سورة البرك ما قدرتش على الحفظ اليوم صبح راسي واجعني
المهم وجدت القهوة ونوضت الاولاد للمدرسة برك الزوج كان تعبان من عمل الامس حب يرقد شوي وماهر الصغير رقد بحذاه
شوفتو كي يجي الربيع يحلى النوم في القيلولة والتصباااح يطلب على الواحد مش كيف الشتاء ههههه
المهم
لبست الاولاد وبعثتهم الى المدرسة لمت الحوايج للغسيل لقيت الصابون ما عنديش. ايا قلت الصبيحة هاذي نديرها للشوبينغ هههه
انا حقيقة ما نخرجش بزاف نلم لوازمي في قائمة ونروح للسوبيرات ومن بعد الكوسمتيك ومن بعد المكتبة ومن بعد تاع الالبسة والفراشات وتاع الديكورات المهم
كل واحد نشري من عندو نقولو خليهم على جنب ومن بعد نديهم نكمل حوايج الكل ونعيط للسائق ناخذ حوايجي والى المنزل
ونروح الى البيت نرتب الحوايج
ونفطر ونتكا شوي بويسك نتعب خصوصا اليوم خرجت معي ماهر تعبنيييييييي










رد مع اقتباس
قديم 2014-02-16, 14:37   رقم المشاركة : 8
معلومات العضو
لينة نور
عضو مميّز
 
إحصائية العضو










افتراضي

السلام عليكم

سلتك ركبت علي الدوخة يا أم عبودة



وانتي تغسلي ولى بختة ؟











رد مع اقتباس
قديم 2014-02-16, 15:31   رقم المشاركة : 9
معلومات العضو
ritaj salmon
عضو مشارك
 
الصورة الرمزية ritaj salmon
 

 

 
إحصائية العضو










افتراضي

الاخت ام عبودة يعطيك الصحة و ربي يعاونك و يعاونا على الشقا نقلك اختي والله الواحد بيكم يتشجع و يتحفز يخدم صلاحو كلما زادت همتكم و نشاطكم نزيدو احنا ثاني طبعا نقصد انتي و الاخت سمراء المدبرة المنزلية الاولى .










رد مع اقتباس
قديم 2014-02-17, 09:11   رقم المشاركة : 10
معلومات العضو
ام رزيقة
عضو نشيط
 
إحصائية العضو










افتراضي

الله يعاونا جميعا اخواتي










رد مع اقتباس
قديم 2014-02-17, 09:23   رقم المشاركة : 11
معلومات العضو
ام عبودة
عضو برونزي
 
الصورة الرمزية ام عبودة
 

 

 
الأوسمة
المواضيع المميزة 2014 وسام مميزة التطبيقات 
إحصائية العضو










افتراضي

اقتباس:
المشاركة الأصلية كتبت بواسطة ام رزيقة مشاهدة المشاركة
الله يعاونا جميعا اخواتي
اللهم امييين يا رب









رد مع اقتباس
قديم 2014-02-17, 09:25   رقم المشاركة : 12
معلومات العضو
ام عبودة
عضو برونزي
 
الصورة الرمزية ام عبودة
 

 

 
الأوسمة
المواضيع المميزة 2014 وسام مميزة التطبيقات 
إحصائية العضو










افتراضي

اقتباس:
المشاركة الأصلية كتبت بواسطة ritaj salmon مشاهدة المشاركة
الاخت ام عبودة يعطيك الصحة و ربي يعاونك و يعاونا على الشقا نقلك اختي والله الواحد بيكم يتشجع و يتحفز يخدم صلاحو كلما زادت همتكم و نشاطكم نزيدو احنا ثاني طبعا نقصد انتي و الاخت سمراء المدبرة المنزلية الاولى .
اولا شكراااا على مرورك والله شرفتيني
وصحيح من تجربتي الخاصة لقين انه لما نكتب مذكراتي اليومية نحس بالنشااااط اكثر والرغبة في اعطاااء المزيد والحمد لله
السلام اكيد موصوووول الى الغالية سمورة









رد مع اقتباس
قديم 2014-02-17, 09:47   رقم المشاركة : 13
معلومات العضو
amina nourhanne
عضو مبـدع
 
الصورة الرمزية amina nourhanne
 

 

 
إحصائية العضو










افتراضي

اولا حبيبتي نقولك ربي يبارك لك في صحتك و في عائلتك و في دارك و الله درتيلي القلب باش نشطار مع انو داري ديما مخملة و عندي عام و نص زواج بلا ذراري يعني الموضوع اسهل ليا!!!! بصح ساعات الواحد يتكاسل ههههه !!!!يا ريت كل واحدة تحط يومياتها هاكدا نستفادو من بعضاينا!










رد مع اقتباس
قديم 2014-02-17, 09:57   رقم المشاركة : 14
معلومات العضو
ام عبودة
عضو برونزي
 
الصورة الرمزية ام عبودة
 

 

 
الأوسمة
المواضيع المميزة 2014 وسام مميزة التطبيقات 
إحصائية العضو










افتراضي

اقتباس:
المشاركة الأصلية كتبت بواسطة لينة نور مشاهدة المشاركة
السلام عليكم

سلتك ركبت علي الدوخة يا أم عبودة



وانتي تغسلي ولى بختة ؟ :d


يهنيني واااااااااع
عندي جييان عادية برك بصح نستعمل مساحيق وخلطات هههههههه
وسلتي هذيك عادية ما فيهاش فراشات .......... الاولاد تعبت معاهم
وغطاوات المخايد والريدوات الفوط تاع الحمام الغسيل هذاك تاع يوم او يومين برك
الاسبوعي حالة اخرى بصح بحب الغسيل ههههه لانها الماشينة تغسل والماء سخون
وتمنيت نشري كيفها الله غالب ما صبتش وين نحطها لازمنها انستلاسيون الدوش نظن تفسد والمطبخ ما عندناش البلاصة
اذا كتب ربي في داري الجديدة ندير واحدة لكن وقتاش بعد زمن طويييييييل
الحمد لله على الساعة هذه









رد مع اقتباس
قديم 2014-02-17, 10:26   رقم المشاركة : 15
معلومات العضو
ام عبودة
عضو برونزي
 
الصورة الرمزية ام عبودة
 

 

 
الأوسمة
المواضيع المميزة 2014 وسام مميزة التطبيقات 
إحصائية العضو










افتراضي

اقتباس:
المشاركة الأصلية كتبت بواسطة amina nourhanne مشاهدة المشاركة
اولا حبيبتي نقولك ربي يبارك لك في صحتك و في عائلتك و في دارك و الله درتيلي القلب باش نشطار مع انو داري ديما مخملة و عندي عام و نص زواج بلا ذراري يعني الموضوع اسهل ليا!!!! بصح ساعات الواحد يتكاسل ههههه !!!!يا ريت كل واحدة تحط يومياتها هاكدا نستفادو من بعضاينا!
اولا ربي يسهلك وتمتلئ عليك البيت
اسنغلي وقتك اليوم تشوفي لا كوافوز مخرتبة ومتحوفة. ولي قارنتور مرتبين في الصالة والمطبخ تنسي الحوايج فوق الطابلة وزيد وزيد هههههه
ما نيش نخوف فيك بصح من بعد يولي الجري الجري هههههه
التكاسل مرات يجينا حتى حنا من كثرة الرحة ما نلقاوش واش نديرو برك









رد مع اقتباس
إضافة رد

الكلمات الدلالية (Tags)
حوليات, عضوة

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 17:24

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc