ارز مفور وتليتلي مفور على الطريقة التونسية روووووعة - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم الأطباق الرئيسية

قسم الأطباق الرئيسية الأطباق الرئيسية حصرية لأعضاء المنتدى

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

ارز مفور وتليتلي مفور على الطريقة التونسية روووووعة

إضافة رد
 
أدوات الموضوع انواع عرض الموضوع
قديم 2015-02-15, 10:23   رقم المشاركة : 1
معلومات العضو
ام اماني77
عضو مميّز
 
الأوسمة
وسام التقدير المرتبة الثانية 
إحصائية العضو










New1 ارز مفور وتليتلي مفور على الطريقة التونسية روووووعة

بسم الله الرحمان الرحيم

اخواتي الغاليات جبتلكم اليوم وصفتين من المطبخ التونسي للارز والتليتلي بطريقة مختلفة على الطريقة الجزائرية لي متعاودين عليها

الطريقة سهلة وسريعة وصحية ومافيهاش ماعن بزاف فقط نحتاج الى صحن نخلط فيه المكونات وبرمة مع الكسكاس والنتيجة اكثر من راااائعة

https://


https://

اذن على بركة الله نبدأ بوصفة الارز

المقادير:

كاس ارز بسمتي منقوع في الماء لمدة ساعة
صدر دجاج مقطع الى قطع وممكن نعوضه باللحم بدون عظم مقطع الى قطع صغيرة
ربطة سلق
بصل
سنينات ثوم
جزر مقطع مربعات
كمية من الجلبانة
م ك ونصف طماطم مصبرة
4م ك زيت
توابل انا استخدمت الفلفل الاسود والتابل نشريه من تونس ممكن نعوضه براس الحانوت المهم التوابل كل اخت تحط التوابل لي مالفة تحطها في الارز
ورقة رند
نعناع انا ماعملتوش ماكانش متوفر عندي
ملح

الطريقة:

في صحن كبير نحط كل المكونات

https://

نخلط جميع المكونات مع بعض باليد نضيف الرند

https://

نحط الخليط في كسكاس ونحط فوق البرمة لي فيها ماء مغلي يعني نطيبه على البخار

https://

نغلفه بورق الالمنيوم ونخليه يطيب مرة على مرة نحركه بالشوكة

https://

بعد مرور نصف ساعة نفرغه في جفنة نحركه ونذوق اذا لقيته ناقص ملح نضيف واذا لقيته مش طري نضيف كمية من السلق لان هو لي
يطلق الماء ويخلي الارز طري لان في هذا الوصفة لا نحتاج الى الماء

نرجع الارز يفور ومرة على مرة نحركه حتى يطيب تقريبا يحتاج الى ساعة المهم كي نذوقه نلقاه طايب

نحطه في صحن التقديم ونزينه حسب الرغبة انا زينته بالفلفل مقلي كما يعمله في تونس وبيض مسلوق


https://

https://


://




الان نقدملكم وصفة التليتلي نفس الطريقة فقط نعوض السلق بالمعدنوس

المقادير:

كاس ونصف تليتلي
كمية من صدر الدجاج مقطع
ربطة معدنوس
م ك ونص طماطم مصبرة
زيت حواي ربع كاس هو لي يخلي التليتلي مايعجنش
توابل انا استعملت فلفل اسود تابل قصبروفلفل احمر
نعناع و زعيترة انا ماكانش عندي
ملح

في صحن كبير نحط التليتلي مباشرة من الكيس بلا مانشمخه ونضيف باقي المكونات

https://

نحطها في كسكاس ونحطها تفور يعني نفس طريقة الارز بالضبط

https://

مرة على مرة نحرك بواسطة الشوكة انا نفضل الشوكة احسن من الملعقة باه مايتعجنش ويجي حبة بحبة

بعد مرور نصف ساعة نحطه في جفنة ونذوق للملح ونشوف اذا خص الزيت نزيدلو شوية حتى مايتعجنش واذا شفتو ناشف نزيد المعدنوس لان هو لي يطلق الماء ويخليه طري

من بعد نرجع التليتلي يكمل يطيب

مدة الطهي حوالي ساعة المهم كي نذوقه نلقاه طايب

وهذا شكله بعد ماطاب

https://


شوفو ما احلاه والذوق امممممم

https://

عن قرب

https://

ملاحظات مهمة:

1هذا الوصفتين يطيبو على البخار بدون اضافة الماء الى المكونات لذلك كمية السلق والمعدنوس لازم تكون مليحة انا قلت ربطة ممكن نحتاج اكثر لان الربطة في بعض الاحيان تكون صغيرة لذلك لازم في نص الطياب نذوق ونشوف اذا لقينا الارز ناشف نزيد شوية سلق واذا لقينا التليتلي ناشف نزيد شوية معدنوس
2 طهي الارز والتليتلي بهذا الطريقة يعتبر وجبة صحية نظرا لما يحتويه السلق والمعدنوس من فوائد وحتى لي مايحبوش السلق والمعدنوس يعجبهم انا اولادي عجبهم بزاااااف رغم انهم مايحبوش السلق
3ممكن نضيف الخضر في الوصفتين حسب الرغبة ووكن نضيف الزيتون الاخضر

ان شاء الله اكون وفقت في الشرح ولي ماجربتش هذا الوصفة تجربها لانها ساهلة وبنينة وحتى تنقص غسل الاواني يعني مافيهاش ماعن بزاف


ولي جربتها وعجبتها ماتنسانيش من صالح الدعاء لي ولعائلتي

في امان الله









 


رد مع اقتباس
قديم 2015-02-15, 10:27   رقم المشاركة : 2
معلومات العضو
مطبخ الاحلام
عضو نشيط
 
الصورة الرمزية مطبخ الاحلام
 

 

 
الأوسمة
موضوع مميز 
إحصائية العضو










افتراضي

السلآم عليكم

يسرني أن أكون أول وحدة ترد

يعطيك الصحة ختيتي ياحبي للأرز

بصحتكم

شكري وودي










رد مع اقتباس
قديم 2015-02-15, 10:34   رقم المشاركة : 3
معلومات العضو
DIDA34
عضو مشارك
 
إحصائية العضو










افتراضي

ماشاء الله وصفاتك كلها قمة ربي يحفظك وبارك الله فيك










رد مع اقتباس
قديم 2015-02-15, 10:39   رقم المشاركة : 4
معلومات العضو
ام نور78
عضو فعّال
 
الصورة الرمزية ام نور78
 

 

 
إحصائية العضو










افتراضي

مميزة في كل وصفاتك ..أنامل من ذهب
ربي يحفظك









رد مع اقتباس
قديم 2015-02-15, 10:41   رقم المشاركة : 5
معلومات العضو
omaymen
عضو مميّز
 
إحصائية العضو










افتراضي

ممممممم واش نقولك كلش من يديك الله يبارك تحفة
انا من محبي الارز و التليتلي نجربهم ان شاء الله تسلمي عزيزتي









رد مع اقتباس
قديم 2015-02-15, 10:54   رقم المشاركة : 6
معلومات العضو
moonkamar
عضو مشارك
 
إحصائية العضو










افتراضي

بارك الله فيك طريقة صحية بالفعل وبلمسة من ايدك خلتو اجمل واطيب










رد مع اقتباس
قديم 2015-02-15, 11:01   رقم المشاركة : 7
معلومات العضو
أم آدم و دارين
عضو مجتهـد
 
إحصائية العضو










افتراضي

شككككككككككككرا حبيبتي الغالية أم أماني كلك على بعضك حلوة و الأحلى الجهد اللي تبذلينه باه تفيدينا ربي يعطيك ما تتمناي أنا أحبك في الله
لأنني أحسك صافية النفس وصفاتك رائعة كالعادة و هاذي حاجة ماشي جديدة عليك .. رايحة ندمج هذا الموضوع ثاني في موسوعة أم أماني للطبخ
و هو موضوع عملتو لعيونك جمعت فيه كل مواضيعك القيمة في قسم الطبخ و المأكولات نتمنى تشوفيه و تقيميه و إذا شفتي فيه أي نقائص قوليلي
و أنا نعدلها ...... دمت لنا










رد مع اقتباس
قديم 2015-02-15, 11:06   رقم المشاركة : 8
معلومات العضو
fadila34
عضو محترف
 
الصورة الرمزية fadila34
 

 

 
إحصائية العضو










افتراضي

يعطيك الصحة انا مجربة الروز يجى هايل بصح من يديك احل واحل خرجلك 4444444444444 وانا لزم ندير تعك لانني من محبين ام اماني ربي يطيلك ما تتمني










رد مع اقتباس
قديم 2015-02-15, 11:07   رقم المشاركة : 9
معلومات العضو
إكليل
عضو محترف
 
إحصائية العضو










افتراضي

أمممممممممممممممممم كل شيء يشهي سلمت يداك










رد مع اقتباس
قديم 2015-02-15, 11:18   رقم المشاركة : 10
معلومات العضو
ام ندى 87
مشرف سابق
 
إحصائية العضو










افتراضي


وصفه صحيه ولذيذه فنفس الوقت يعطيك الصحه ودمتي متالقة
يستاهل التثبيت










آخر تعديل ام ندى 87 2015-02-15 في 11:18.
رد مع اقتباس
قديم 2015-02-15, 11:29   رقم المشاركة : 11
معلومات العضو
عطرالذهب
عضو برونزي
 
الصورة الرمزية عطرالذهب
 

 

 
إحصائية العضو










افتراضي

امممممممم يعطيك الصحة على وصفة الارز الجربي شفتها في قناة سميرة الامس وكنت ناوية نديرها موضوع ياخي سبقتيني هههههههههه بصحتك يالالة والله روعة وصحي واهم حاجة مايوسخ لماعن بالزاف هههههههه









رد مع اقتباس
قديم 2015-02-15, 11:45   رقم المشاركة : 12
معلومات العضو
أم أيوب 11
عضو مجتهـد
 
إحصائية العضو










افتراضي

الله يعطيك الصحة اقتصادية من كل النواحي بوركت










رد مع اقتباس
قديم 2015-02-15, 11:58   رقم المشاركة : 13
معلومات العضو
chaima chama
عضو جديد
 
إحصائية العضو










افتراضي

ما شاء الله عليك ام امانيددائما وصفاتك متميز
يعطيك الصحة










رد مع اقتباس
قديم 2015-02-15, 12:00   رقم المشاركة : 14
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

ربي يحفظك وبارك الله فيك










رد مع اقتباس
قديم 2015-02-15, 12:10   رقم المشاركة : 15
معلومات العضو
jojo dj
عضو مميّز
 
إحصائية العضو










افتراضي

يعطيك الف صحة ويحفضلك العائلة الكريمة ام اماني درت الخير كمليه درينا وصفات طبخ بريزونتابل حاجة للضياف حطة كملينا في قسم الاطباق خلينا من قسم الحلويات ربي يعطيك ماتتمناي










رد مع اقتباس
إضافة رد

الكلمات الدلالية (Tags)
مفور, التونسية, الطريقة, روووووعة, وتليتلي

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 10:55

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc