الرد على اهل المخطوبة؟؟؟

[الفلة البيضاء]

المشاركة الأصلية كتبت بواسطة سعاذ

السلام عليكم
اختي لزم انتم لي تعيطولهم
وتقلولهم يقلبولكم لخبر
حنيا عندنا هكدا سواء فيما يخص دراهم او تقلاب لخبر
خاطر جيهم حشومة يعيطو لاهل راجل و يقولوا رانا قبلين هذي يهدروها قبل مايجيو يشوفو اما بعد شوفان نتوما لي تعيطو
ربي يجيب خير

صح بعد الشوفان اهل الشاب هما الي يعيطو ولكن طولو واقيلة مافيهاش

[* الحلم سكر *]

المشاركة الأصلية كتبت بواسطة الفلة البيضاء

صح بعد الشوفان اهل الشاب هما الي يعيطو ولكن طولو واقيلة مافيهاش

السلام عليكم
يا اختي الأخت الأخت سعاد ردت عليك على اساس خوك لي راح يخطب يعني انتم اهل العريس اللي تتصلو ؟؟؟
و أنا نقلك نصيحة ما تتصلوش بيهم ماهيش نوغمال انتم اللي تجريو وراهم لوكان حابين يرجعو الخبر كانو رجعوه خاصة عندهم رقم الهاتف خلاص و زيد انتي خليها اذا جات فرصة او صدفة بلقاء ما عليش اسألوهم او ادا كاين وسيط ممكن لكن تتصلو هادي ماجاياش خلاص

آسفة على التدخل مرة اخرى و زيدي خمي مليح و الاحسن تنساي
ربي معاك و يهدي بالك و ان شاء الله يروقكك ما تتمناي

[الفلة البيضاء]

المشاركة الأصلية كتبت بواسطة pgcd

السلام عليكم

يا اختي الأخت الأخت سعاد ردت عليك على اساس خوك لي راح يخطب يعني انتم اهل العريس اللي تتصلو ؟؟؟
و أنا نقلك نصيحة ما تتصلوش بيهم ماهيش نوغمال انتم اللي تجريو وراهم لوكان حابين يرجعو الخبر كانو رجعوه خاصة عندهم رقم الهاتف خلاص و زيد انتي خليها اذا جات فرصة او صدفة بلقاء ما عليش اسألوهم او ادا كاين وسيط ممكن لكن تتصلو هادي ماجاياش خلاص

آسفة على التدخل مرة اخرى و زيدي خمي مليح و الاحسن تنساي
ربي معاك و يهدي بالك و ان شاء الله يروقكك ما تتمناي

نعم اختي فهمت انه الاخت سعاد فهمت على اساس اخي هو الي خطب راني ندعي في ربي باش ننسى هذه التجربة لانه ماشي ساهلة يجو للطفلة و يشوفوها ولمبعد ماتعجبهمش هذا تحطيم لنفسية البنت و من اليوم سوف اكون ضد فكرة انه يجي الشاب و يدخل للبيت و يشوف الي حاب يشوف يعسني كي نخرج من الدار و يسقسي عليا مليح و لمبعد كي يجي انا نشوف اذا يعجبني ولا لا لانه انا ثاني عندي الحق بالرفض او القبول شكرا اختي على الرد البناء بارك الله فيك و يزقك انتي ماتتمناي انشاءاالله

[سعاذ]

السلام عليكم
سمحيلي اختي وقيلا انا فهمت لحكاية بالمقلوب
ربي يجيب لخير ان شاء الله
سمحيلي تعيشي

[الفلة البيضاء]

المشاركة الأصلية كتبت بواسطة nana27

نورمالمو يسقسو قبل ما يخطبو يعني مادام جا لدار و دار الرؤية يعني راهو عارف واش راهو داي و مدة سمانتين بزاف كبيرة انا ننصحك ما تعمريش راسك بيهم بزاف و ادا جاك مكتوب وحدوخر ما تفرطيش فيه على جالهم و ما تقوليش لباباك يتصل بيهم لانو هدا ليس من الاصول لازم هوما يتصلو ما تحطيش روحك و عايلتك في وضع محرج

شكرا على الرد ........وحتى والدتي قالت نفس ماقلته و هم قبل ان يتقدمو يعرفوني وراوني عدة مرات الا الشاب لم يسبق له ان راني و لكن يعرفوني جيدا و كل شيء .......تع الصح ماشي حنا الي نتصلو بيهم و لكن امر محير جاو و قابلين و راضيين و خرجو فرحانين و لكن مابانوش؟؟؟؟ الله اعلم

[خديجة13]

مادامهم من الاقارب كلفي وحدة م قريباتك خالتك و لا اي وحدة مداري تروحلهم تزورهم زيارة عادية و تجبدلها موضوع ابنهم واش دارو فيها و هي راح تحكيلها كلش هكذا تطمني

[الفلة البيضاء]

لا استطيع كرامتي لا تسمح بهذا هم من طرقو بابنا و طلبوا يدي على سنة الله و رسوله من والدي و ابنهم يحلم ان يرزقه الله فتاة مثلي

[biologie2001]

اختي انساي الموضوع .....و ربي يجيبلك مكتوب خير منو ان شاء الله.

[imi02i]

ليس حلا أن تلتقي النساء في حفل زفاف لإثبات أمر الخطبة أو ردها
لأن هذا الأمر لازال يحتاج إلى مفاهمة بين الرجال
والأولى أن لا تؤول إلى هاته الفترةكاملة
لكن توقعي أن هناك ظروفا منعتهم حتى من الإتصال بكم
الحل هو الإنتظار فترة زيادة، وإذا طال الأمر عن حده فليتصل ولي الفتاة دون حرج
والله تعالى أعلى وأعلم

[مريم الصابرة]

السلام عليكم اختي
ربي يجبها فالصواب يا رب ويردو ويكون خبر مفرح إن شاء الله
شوفي عادتنا لما يمد العريس مبلغ من المال يمعنى المرأة عجباتو وراه موافق وما تعرفيش واش عطلهم صدقيني مرات يفوت شهر باه يردو الكلمة كل ناس وكيفاه وممكن عندهم سبب او شيء عطلهم برك لأانو لو ما عجبتهمش الطفلة اكيد كانو أيضا يردو خبر عارفين الناس يستناو فالرد بمعنى الصبر وإن شاء الله فيها خير بما إنو مازال الخبر السلبي ما وصلش بمعنى فيها امل رب يجيب الخير وفالأخير ندو نصيبنا ربي يوفقها ويتمملها بالخير شكرا

[الفلة البيضاء]

المشاركة الأصلية كتبت بواسطة مريم الصابرة

السلام عليكم اختي
ربي يجبها فالصواب يا رب ويردو ويكون خبر مفرح إن شاء الله
شوفي عادتنا لما يمد العريس مبلغ من المال يمعنى المرأة عجباتو وراه موافق وما تعرفيش واش عطلهم صدقيني مرات يفوت شهر باه يردو الكلمة كل ناس وكيفاه وممكن عندهم سبب او شيء عطلهم برك لأانو لو ما عجبتهمش الطفلة اكيد كانو أيضا يردو خبر عارفين الناس يستناو فالرد بمعنى الصبر وإن شاء الله فيها خير بما إنو مازال الخبر السلبي ما وصلش بمعنى فيها امل رب يجيب الخير وفالأخير ندو نصيبنا ربي يوفقها ويتمملها بالخير شكرا

اختي اشكركي على وقوفك جنبي و صراحة عندما اجد تعليقك في موضوع ما اسر كثيرا لان كلماتك كلها موزونة و فيها هدف كما قلتي الصبر و الصبر والصبر

[الفلة البيضاء]

المشاركة الأصلية كتبت بواسطة imi02i

ليس حلا أن تلتقي النساء في حفل زفاف لإثبات أمر الخطبة أو ردها

لأن هذا الأمر لازال يحتاج إلى مفاهمة بين الرجال
والأولى أن لا تؤول إلى هاته الفترةكاملة
لكن توقعي أن هناك ظروفا منعتهم حتى من الإتصال بكم
الحل هو الإنتظار فترة زيادة، وإذا طال الأمر عن حده فليتصل ولي الفتاة دون حرج

والله تعالى أعلى وأعلم

شكرا اختي و سبحان الله كلامك نفس كلام الوالدة انه من غير اللائق ان تقول الخبر الي هو كي نتلاقاو في العرس ترى ماهي الظروف التي قد تتمنعهم انشاء الله ربي يقدم الخير

[سجل أنا جزائري]

المشاركة الأصلية كتبت بواسطة الفلة البيضاء

نعم اختي فهمت انه الاخت سعاد فهمت على اساس اخي هو الي خطب راني ندعي في ربي باش ننسى هذه التجربة لانه ماشي ساهلة يجو للطفلة و يشوفوها ولمبعد ماتعجبهمش هذا تحطيم لنفسية البنت و من اليوم سوف اكون ضد فكرة انه يجي الشاب و يدخل للبيت و يشوف الي حاب يشوف يعسني كي نخرج من الدار و يسقسي عليا مليح و لمبعد كي يجي انا نشوف اذا يعجبني ولا لا لانه انا ثاني عندي الحق بالرفض او القبول شكرا اختي على الرد البناء بارك الله فيك و يزقك انتي ماتتمناي انشاءاالله

أختي كل واحد و الظروف تاعو كاين رجال ما عندوش الوقت باش يعس الطفلة وكتاش تخرج و كتاه تدخل
يولي يتحم يشوفها في الدار و خاصة اذا ماكش وسيط بيناهم

حدث لي مثل قصتك حتى عتقدت انا هو الرجل المطلوب

لكن انا رديت الجواب مع أحد معارفها صراحة وجدت نفسي في موقف محرج اثناء الخطبة لما وجدتها ليس مثل ما وصفها لي لم استطع اعبر عن رأيي و هم أعتقدو اني موافق حتى أمي ايضا قتلهم خلاص العرس بعد شهرين ههه

لكن بعدها خممت مليح و رديت بالسلب فهذه زاوج ليس مجال للعاطفة , خممت نقبل باش ما نجرحش الفتاة لكن ما نقدرش ندي وحدة مش عاجبتني

من هذيك نهار اشترطت كل من يقترح علي فتاة نشوفها قبل ما نروح لدار دبر راسهم كيفاه يديرو باش نشوفها

و اريد أضيف شيء مش يعني انه لم يعجب بك لست جميلة فكل واحد كيفاش يشوف الجمال كيما هذي لي حكتلك عليها قالولي عندها جمال خارق لكن لما شفتها لقيتها عادي

و هناك أخرى عندي تظهر جميلة لكن هم برونها عادي

[الفلة البيضاء]

المشاركة الأصلية كتبت بواسطة سجل أنا جزائري

أختي كل واحد و الظروف تاعو كاين رجال ما عندوش الوقت باش يعس الطفلة وكتاش تخرج و كتاه تدخل
يولي يتحم يشوفها في الدار و خاصة اذا ماكش وسيط بيناهم

حدث لي مثل قصتك حتى عتقدت انا هو الرجل المطلوب

لكن انا رديت الجواب مع أحد معارفها صراحة وجدت نفسي في موقف محرج اثناء الخطبة لما وجدتها ليس مثل ما وصفها لي لم استطع اعبر عن رأيي و هم أعتقدو اني موافق حتى أمي ايضا قتلهم خلاص العرس بعد شهرين ههه

لكن بعدها خممت مليح و رديت بالسلب فهذه زاوج ليس مجال للعاطفة , خممت نقبل باش ما نجرحش الفتاة لكن ما نقدرش ندي وحدة مش عاجبتني

من هذيك نهار اشترطت كل من يقترح علي فتاة نشوفها قبل ما نروح لدار دبر راسهم كيفاه يديرو باش نشوفها

المهم انك رديت عليهم و طمنتهم و الرؤيا الشرعية هي مجال للخطيبين انه يشوفو بعضهم و تكون الراحة النفسية و ما حيرني انه الشاب بدت عليه علامات الاعجاب كان كثير النظر و كثير التبسم و تحدث مع الفتاة و اعطاها مبلغ من المال وقال "ماشاء الله" و قال"ماعندنا مانقولو ناس فاميليا" حتى وهو خارج من الباب زاد نظر اليها و كل هذا لم تعجبه ؟؟؟؟ اريد فقط ان اسالك هل يجب ان ترد الجواب بالسلب ام انك تطنش حتى لا تجرح البنت و اذا كانت اعجبتك هل حقا عندما يكون لك ظرف لا تستطيع الرد بالايجاب ؟؟ ارجو ان ترد على سؤالي و جزاك الله الف خير امممممممم لحظة سؤال اخير البنت الي قلت رحت وشفتها هل شكلها فقط الي ماعجبكش ام لها ميزات اخري كالتدين ولاخلاق والعلم؟؟؟؟؟ اسمحلي على الاطالة

[الفلة البيضاء]

المشاركة الأصلية كتبت بواسطة الفلة البيضاء

المهم انك رديت عليهم و طمنتهم و الرؤيا الشرعية هي مجال للخطيبين انه يشوفو بعضهم و تكون الراحة النفسية و ما حيرني انه الشاب بدت عليه علامات الاعجاب كان كثير النظر و كثير التبسم و تحدث مع الفتاة و اعطاها مبلغ من المال وقال "ماشاء الله" و قال"ماعندنا مانقولو ناس فاميليا" حتى وهو خارج من الباب زاد نظر اليها و كل هذا لم تعجبه ؟؟؟؟ اريد فقط ان اسالك هل يجب ان ترد الجواب بالسلب ام انك تطنش حتى لا تجرح البنت و اذا كانت اعجبتك هل حقا عندما يكون لك ظرف لا تستطيع الرد بالايجاب ؟؟ ارجو ان ترد على سؤالي و جزاك الله الف خير امممممممم لحظة سؤال اخير البنت الي قلت رحت وشفتها هل شكلها فقط الي ماعجبكش ام لها ميزات اخري كالتدين ولاخلاق والعلم؟؟؟؟؟ اسمحلي على الاطالة

نزيدلك سؤال هل كي شفتها مديتلها مبلغ من المال كاين الي يقولو حق الشوفة وكاين الي يقولو كي تعجبه يعطيلها مبلغ من المال