اقتباس:
المشاركة الأصلية كتبت بواسطة فارس الجزائري
السلام عليكم
خيرا إن شاء الله
أولا عجبتني حكاية ( لما نعود نلعب مع راجلي ) حاب نعرف بكل صدق واش من لعبة تلعبوا فيها ؟ بكل صراحة
أما بالنسبة لموضوعك أولا أخطأتي لما قلتي لزوجك أنها ترتدي ذلك لأجله
لأنك بهذا وجهتي رسالة لعقله الباطن ستجعله يهتم بها
ولكن بامكانك تصحيح ذلك بأن تهتمي أنت كذلك بنفسك ولا تحاولي أن تظهري لها ولا لزوجك ولا لأي شخص آخر بأنك مهتمة بالموضوع بل حاولي أن تظهري أمام زوجها بمظهر محترم فيه حشمة
أما زوجدك عندما تكونان لوحدكما حاولي أن تفتنيه لأن زوجك حلالك ولك أن تمارسي معه كل الطقوس الأنثوية
أما زوجة أخيه فلا تحاولي أن تظهري أمامها بأنك مغتاظة .
طبعا نحن هنا لا نتكلم عن الجانب الشرعي لأن الجانب الشرعي له موقف آخر فيما يخص ظهورك أنت أمام أخو زوجك وظهورها هي أمام زوجك والذي من المفروض أن لا تظهرا إلا بالثياب المحتشم
طبعا هاته الحلول مؤقته لأن الحل النهائي هو الاستقلال بمنزلكما لوحدكما وهذا ما يجب أن تركزي عليه إنكان بالامكان ذلك
بالتوفيق إن شاء الله
|
شكرا خي علي الرد القيم و لاشبع فضولك لانو باين عليك ماكش متزوج نمدلك مثال احيانا كي نعودو في المطبخ نتناقشو على موضوع و باش يغلبني يضربني على راسي و احيانا نضحكو على موقف او اي حاجة هذا واش نلعبو و عندك الحق اخي في كلامك راني غلطت و تسرعت و ندمت بزاف
و في ما يخص زوجها راني نتفادى فيه تقريبا ما نشوفوش و ان شاء الله نحاول نطبق نصائحك و بارك الله فيك اخي
اقتباس:
المشاركة الأصلية كتبت بواسطة mitrochka
أختي العزيزة
أنا قريت موضوعك قبلا وعاودت دخلت فقط للرد عليك
اول حاجة تمسكي بالله سبحانه و تعالى
انت زوجته حلاله و هي بعيدة كل البعد ولا تدعي لها مجالا لتحبطك أو تؤثر على معنوياتك
انا محتارة فيك في امر واحد تقولين عنها جريئةكأين الجراة فيما تفعل إنها الوقاحة بعينها و هل من ذلك أكثر مما تفعل مع زوج غيرها و بحضور زوجته و أمام مرأى منها اللهم نرجوا العفو منك و الرحمة
أعلمك أختي انها غنسانه مريضة حاولي أن تضعي لها حدا و من دون أي إزعاج لنفسك و لا تدعي لها مجالا لمقابلة زوجك
و الحل الاكيد هو خروجك من البيت
و ربي يكون معاك أختي
|
شكرا اختي و الله كلامك من ذهب لانها تعدات الجرأة و اصبحت وقحة ان شاء الله رايحة نعمل بنصائحك
اقتباس:
المشاركة الأصلية كتبت بواسطة ام مريومة
شوفي اختي خلي ثقتك بروحك كبيرة و بلاكي تبينيلها بلي انت اقل منها ولازم زوجك كي تحكي معاه بلاكي طيحي بروحك و تبينيلو بلي هي خير منك
و كي تكوني في غرفة النوم لازم عليك تتنتهلاي فيه و كي يخرج الصباح من الغرفة يقعد يشوف غير فيك و البسيلو في غرفتك غير اللباس المثير و زيدي فهمي زوجك بلي حرام يقعد معاه و يشوف فيها و هي لابسة هاديك اللبسة و لازم هو تاني يعكسها و يبينلها بلي ميحبش هادو الصوالح فهميه بلي راهو لوسها الكبير لازم تحترمو و ربي معاك ختي نحيها من راسك و عيشي حياتك مع راجلك
|
ربي يخليك اختي صدقيني راني هدرت معاه قتلو ما تهدرش معاها قاللي راهي كي اختي و عيب عليك تهدريلي هكا و مع العلم راهي من اقاربهم و يعرفوها
اقتباس:
المشاركة الأصلية كتبت بواسطة madoucha
لازم تحترم سلفها وهذا من باب الادب و الحشمة و المرا لي ماعندهاش حياء ماهيش مرا
الحياء تاج المرأة
كم هي تافهة بدل ان تهتم بامور تفيدها في حياتها الزوجية راهي لاتية تغري في رجل متزوج والله غير عيب عليها
|
هذا هو المشكل ما تدير والو في الدار غير تسيق و احيانا تطيب الماكلة لكن الاعمال الكبيرة عليا خاصة كي يجي زوجي نطيب نخبز و ندير الحلويات و الديسار لانو يشتاق لاكل البيت و هي تستغل الفرصة ربي يصبرني و يعينني