**الدوبارة البسكرية"الأصيلة" من مطبخي يميم**

*بيتي مملكتي* · 2013-04-09, 16:42

تعرفوا بلاك حكاية الدوبارة و كيفاش حتى سماوها هكذا
يقولوا بلي كانت واحد المرأة في القديم ماكان في "كوزينتها" إن صح التعبير والو باش تطيبو لزوجها كي يولي من العمل نتاعو

مالا كان عندها شوية فول و حمص و حوايج أخرى بسيطة دارت بيهم هاذ الأكلة و كي جا الزوج نتاعها قالها واشي هذا يا مرا قالتلو هذي الدبارة بمعنى أنها تدبرت أمورها بالحوايج البسيطة اللي بقاتلها في المطبخ و دارتلو الغدا ولا لعشا
و من هذي القصة جات كلمة دوبارة والله أعلم أنا هذا واش سمعت

اليوم و كيما كل مرة راح نقدملكم أكلة تقليدية و راااااااااااااائعة فعلا ماش لأني من بسكرة نقولكم هكذا ولكن فعلا هي رائعة و خاصة التي تباع في المحلات تجي أفضل من نتاع الدار لكن حتى نتاع الدار تجي بنينة
لذلك أنصح كل من يزور بسكرة يذوقها راح يولي لبسكرة على جالها ههههههههههههههه

وهي الدووووووووووووووبارة البسكرية على كارها

لنبدأ على بركة الله

البسملة1

الدوبارة تاع اليوم درتها بالحمص فقط لأنو الفول ما كانش عندي لكن تقدري تديريها بالحمص فقط أو بالفول فقط أو مزيج بين الإثنين

المقادير سهلة و بسيطة جدا

[IMG]

[/IMG]

- حمص مشمخ ( كذلك الفول لازم يكون مشمخ) الكمية إختيارية لكن أنا حضرت كمية تكفي لشخصين
- حبة طماطم كبيرة تكون حمراء مرحية خشين
- حبة فلفل أخضر حار مقطعة (أنا استعملت قرن غزال لكن هي تجي بالفلفل العربي الصحراوي أفضل)
- كسبرة خضراء مقطعة
- حبة ثوم مرحية رقيق
- ملح
- 1 ملعقة صغيرة فلفل أحمر حار و أخرى حلو مرحي
- ملعقة كبيرة هريسة حارة
- نصف ملعقة كبيرة طماطم مصبرة(ما نحبش نكثر منها لأنو البنة كامل في تاع الحب)
- زيت زيتون أو زيت عادي حسب الرغبة
-2 ملعقة صغيرة كمون أخضر مرحي هذا هو المكون السحري
- 3 أنصاف دوائر ليمون

التحضير
** الحمص يطيب وحدو والفول وحدو لكن نفس الخطوات
*في الكوكوت نغلقو على الحمص يطيب في الماء الحلو بدون ملح حتان يتفتحو بعض الحبات و يخرجوا الخثارة نتاعو
*كي يطيب زيديلو الملح و خليه يغلي مدة 10د و طفي عليه، المرق نتاعو لازم يكون مغطيه بعد ما يطيب
*ضيفيلو ملعقة صغيرة كمون أخضر مرحي

[IMG]

[/IMG]

*في صحن غميق ضعي الطماطم المرحية خشن و الثوم و الكسبرة و 2 ملاعق كبار زيت زيتون و الفلفل المقطع و الطماطم المصبرة و الهريسة الحارة والليمون و التوابل المذكورة بما فيها ملعقة صغيرة كمون أخضر مرحي و اخلطيهم مع بعض جيدا

[IMG]

[/IMG]

[IMG]

[/IMG]

**حذاري**

**الخطأ الشائع الأول في تحضير الدوبارة أنو يستعملو فيها البصل و لكن الدوبارة الأصلية حبيباتي ما يجيهاش البصل أبدا**
*والخطأ الشائع الثاني عند تقديم الدوبارة أنهم يخلطوا الدرسة نتاعها مع الحمص و الفول والمرق نتاعهم و من بعد يحطوه على النار يغلي و هذا خطأ لأنو لتحضير الدوبارة البسكرية عزيزاتي الدرسة نتاعها ما طيبش**

**الطريقة الصحيحة لتقديمها هي إنك تسخني جيدا الحمص و الفول نتاعك و تحطيه في صحن التقديم و من بعد تضيفيلوا الدرسة و تخلطيه جيدا و من بعد حطيلو شوية كسبرة مقطعة من فوق و ملعقة زيت زيتون وقدميه مع الخبز نتاع الخباز
و بصحتكم
السخانة نتاع الحمص والفول و المرق نتاعهم راح تذبل الدرسة بلا مبالغة في الطهي تجي اممممممممممممم
ما نحكيلكمش لازم تجربوها

[IMG]

[/IMG]

[IMG]

[/IMG]

أتمنى أني أفدتكم بما قدمته لكم

ام محمد السوفية · 2013-04-09, 16:51

يعطيك الصحة اختي
شهتيني في الدوبارة عندي مة ما درتهاش

terrou · 2013-04-09, 16:53

mmmmmmmmmmmmmmmmmm ya3tiiiiiik essahaaaa 44444444444

ساندي 28 · 2013-04-09, 16:53

يعطيك الصحه شكرا لكييييي

*بيتي مملكتي* · 2013-04-09, 16:54

اقتباس:

المشاركة الأصلية كتبت بواسطة ام محمد السوفية

يعطيك الصحة اختي
شهتيني في الدوبارة عندي مة ما درتهاش

الله يسلمك اهلين بالسوفية و ناس واد سوف مرحبا بيك جارتي لعزيزة

*بيتي مملكتي* · 2013-04-09, 16:56

اقتباس:

المشاركة الأصلية كتبت بواسطة terrou

mmmmmmmmmmmmmmmmmm ya3tiiiiiik essahaaaa 44444444444

شكرا لك نورتي صفحتي عزيزتي

اقتباس:

المشاركة الأصلية كتبت بواسطة omnadjem.10

يعطيك الصحه شكرا لكييييي

الله يسلمك شكرا لك أمنجم منورة حبيبتي

zineb hanifa · 2013-04-09, 17:34

اكلة شهية .شكرا لك.

أنآحلُم · 2013-04-09, 18:09

كثر خيرك ختي والله كنت نحوس عليها ودرت موضوع نحوس على بسكرية تقولي الطريقة الصحيحة
شكرا على الموضوع

wafa34 · 2013-04-09, 18:12

بارك الله فيك

mama kika · 2013-04-09, 18:23

يعطيك الف صحة على الوصفة و الشرح الوافي

ام ملاك. · 2013-04-09, 18:24

عجبتني انا نحب الدوبارة بزاف مي مانعرفلهاش وكي نشوف الوصفات نتاع الاخوات يخلعوني من الوصفة الطويلة ونقول صعيبة نخافها
ههههه
مي كي درتيها بهاد الطريقة المبسطة نجربها انشالله وان شالله تخرجلي كيما موالفة ناكلها

*بيتي مملكتي* · 2013-04-09, 18:33

اقتباس:

المشاركة الأصلية كتبت بواسطة zineb hanifa

اكلة شهية .شكرا لك.

العفو اختي منورة

اقتباس:

المشاركة الأصلية كتبت بواسطة أنآحلُم

كثر خيرك ختي والله كنت نحوس عليها ودرت موضوع نحوس على بسكرية تقولي الطريقة الصحيحة
شكرا على الموضوع

العفو عزيزتي شكرا لردك الطيب

اقتباس:

المشاركة الأصلية كتبت بواسطة wafa34

بارك الله فيك

الله يبارك فيك أختي شكرا

اقتباس:

المشاركة الأصلية كتبت بواسطة mama kika

يعطيك الف صحة على الوصفة و الشرح الوافي

الله يسلمك و يحفظك شكرا لك على الرد الجميل

اقتباس:

المشاركة الأصلية كتبت بواسطة مونية ك

عجبتني انا نحب الدوبارة بزاف مي مانعرفلهاش وكي نشوف الوصفات نتاع الاخوات يخلعوني من الوصفة الطويلة ونقول صعيبة نخافها
ههههه
مي كي درتيها بهاد الطريقة المبسطة نجربها انشالله وان شالله تخرجلي كيما موالفة ناكلها

ما سماوها دوبارة غير لأنها في الأصل مجرد دبارة بصح واش نقولك ياك تعرفي شحال بنينة هاذ الدبارة هههههههه

يعني بسيطة و مقاديرها موجودة في كل دار و ساهلة ماهلة بصحتك أختي

حورية الحر · 2013-04-09, 21:54

يعطيك الصحة اختتي ام اياد انا ثاني بسكرية او هادي هي الطريقة ال نعتمدها في الدوبارة
مرة اخرى يعطيك الصحة شرفتينا

*بيتي مملكتي* · 2013-04-09, 22:14

اقتباس:

المشاركة الأصلية كتبت بواسطة حورية الحر

يعطيك الصحة اختتي ام اياد انا ثاني بسكرية او هادي هي الطريقة ال نعتمدها في الدوبارة
مرة اخرى يعطيك الصحة شرفتينا

الله يسلمك و يحفظك أختي شكرا لك نورتي صفحتي ربي يبارك فيك

sofiane2075 · 2013-04-09, 22:28

https://www.djelfa.info/vb/showthread.php?t=779893

ما شاء الله جاتك تشهي انا نحبها كيما نتاعك حمراء و حارة و تقريبا نفس طريقتي انا ماكنتش تعرفها و لما شريناها من مطعم متل ما قلتي الحمص وحدو و الدرسة وحدها تخيلتها حسب البنة و راني نديرها وحدي مانحبش لي تطيب بالكاربونات بتعير لونها و بنته و تجي كامل قشور بارك الله غيك افدتنا شكرا و الله يجازيك كل خير