مشكلتي مع الخطاب

[allamallamallam]

اختى ننصحك ......

اذا كان هذا الخاطب من اقربائك و من عايلتك و كان سيرته حسنه فى منطقتكم اتكلى على الله و اقبلى بيه
اما

اذا كان ما هوش من عايلتك ننصحك ما تقبليش خاصة مستواه العلمى راه متدنى يا اختى فهو لم يصل حتى لثانويه

و ارجو ان تسأليه سؤال وعلاه ما كملتش قرايتك او علاة زعكوك من المدرسه ؟؟؟؟ من خلال هذا السؤال راح تكتشفى الكثير من شخصيته

زيد يا اختى خدمة السمسار هذه خدمة ناس طراطقيه و لسانهم حلو يبيعك ويشريك وما تفوقيش بيه فيهم الهف الا من رحم ربى

انا كون جيت فى مكانك ما نقبلش

واعلمى فى الأخير ان الزواج هو مكتوب قضاء و قدر .............و انشاء الله عسى خير


سلام

[amine eco]

كلشي بالمكتوب اختي متخميش

[ندرومة49]

المستوى لا يهم قد يكون متوسط لكنه متفتح ويعرف فن التعامل خير من واحد دكتور
الاستخارة مهمة جدا

[nadineisraa]

اولا تاكدي ان اخلاقه اهم شيء
سقسي عليه وعلى اصحابه وسيرته ومع من يمشي
المستولى ماشي مشكل خلاص انتي دايرتيه مشكل واذا بقيتي كما هاك لن تتزوجي ابدا

[TOKYO]

عادي هده تجربة ربما تكون عندك معلومة عن قادم و ربي اعطاهالك باش تتعلمي و رزاق من عند ربي
المهم ما تطورت علاقة تاعكم ما والو
عادي المشكل ليس في فارق في مستوى تعليمي فارق في معاملة في تسيير عائلة في تكوينها في تضحيات بينكم
ربي يرزقكم بالخير

[biks]

إستخيري الله فالخير فيما إختاره الله

[الرجل النبيل]

بالتوفيق ان شاء الله

[sersoura26]

والله ساعات نحير من الردود تاع بعض الاعضاء خاصة الرجال ما نعرف علاه غير في الجزاير لي دايما المراة تنقص من روحها المهم عندكم انو مدين انا ما ننتقصش من واحد مدين ومربي بالعكس مي ماشي هدا هو الشرط الوحيد كاين حوايج بزاف لازم يتوفرو في الرجل لازم يكون توافق في كلش بصح في المراة ما تقولوش المهم الاخلاق والدين لالا لازم تكون ايضا جميلة هدي بعد صفة اساسية عندكم ما تقدروش تتنازلو عليها

[AMINA.Z]

استخيري ربي و حكمي عقلك شوية

اذا ماكيش متقبلة فكرة المستوى ما تحاوليش تقنعي روحك

التقارب في المستوى مهم و اللي يقلك اتحاوري معاه تقدري تعرفي

ماكانش منها

اولا الحياء راح ما يخليش تتحاوري براحتك
و زيد هو راح يبينلك غير الحوايج الملاح

ما تصلحش خلاص حكاية انك تقدري تعرفي شخصية انسان من حوار و لا لقاء واحد

ما تتسرعيش اختي و ربي يجيب اللي فيه الخير

[alvaro198648]

المشاركة الأصلية كتبت بواسطة sersoura26

والله ساعات نحير من الردود تاع بعض الاعضاء خاصة الرجال ما نعرف علاه غير في الجزاير لي دايما المراة تنقص من روحها المهم عندكم انو مدين انا ما ننتقصش من واحد مدين ومربي بالعكس مي ماشي هدا هو الشرط الوحيد كاين حوايج بزاف لازم يتوفرو في الرجل لازم يكون توافق في كلش بصح في المراة ما تقولوش المهم الاخلاق والدين لالا لازم تكون ايضا جميلة هدي بعد صفة اساسية عندكم ما تقدروش تتنازلو عليها

الشروط المتوفرة في المراة يجب ان تتوفر في الرجل فالمراة كذلك تحب الرجل الوسيم

[alvaro198648]

allah yjib el kheirrrrrrrrrr

[سومية88]

شكرا علي الردود انا رفضت ليس بسبب العمل او المستوي الدراسة عرفت دخل الحبس وزيد شكيت بلي دراهموا حرام لان يكسب سيارة 300 مليون وسقسيتوا كيفاش كون راس المال بدا يتهرب ان شاء الله ربي يرزقني ويرزق جميع المسلمين بالزواج الناجح

[ليندة حورية]

ربي يرزقك بولد الحلال قولوا امين

[بنت لبحر]

انا نقلك حاجة واحدة صلي الاستحارة و خليها على ربي سبحان

[نسمة تفاؤل]

ايه عندك الحق اختي كي رفضت على خاطر الاخلاق هي كلشي ربي يرزق كل بنات المسلمين الازواج الصالحين