شرح جاكيت تريكو بيبي جميل
منقول للافاده ان شاء الله
جاكيت تريكو بيبي جميل مع الشرح بالصور
وده شكله لو حاتعملي بسفره مدوره
جاكيت تريكو بيبي جميل مع الشرح بالصور
حااشرح الاول الجاكيت الرجلان الازرق
حانحتاج شلتين 50جرام يعني 100 جرام
ابر دائريه مقاس 4مم
وعلي فكره ممكن ابر مستقيمه عادي بس لابر الدائريه بتديكي فرصه تقيسي طول ماانتي ماشيه علشان تظبطي المقاس
- 4علامات للغرز وممكن تحطي خيط من لون مخالف او بنسه او دبوس امان
العينه- 19غرزه و25سطر =10سم
المقاس بيبي حديث الولاده
غرزه عدل =ع
غرزه مقلوب=م
حطي علامه = ح
الزياده =اشتغلي في الغرزه من الامام والخلف
م=اعملي غرزه زياده وده حايكون في اول السطر واخره
وبيكون في اول السطر بانك بتعملي 1عدل ثم لفه
وفي اخر السطر بانك بتعملي لفه ثم 1عدل
التنقيص=2عدل معا
البدايه
ابدئي عند الرقبه واعملي 26غرزه
اشتغلي 1عدل -ح- 2ع- ح-20ع-ح-2ع-ح-1ع
(سطر التقسيم)
السطر 2- م
السطر 3-اشتغلي عدل مع زياده غرزه علي كل جانب من جانبي العلامه
يعني كد ه حانزود كام غرزه ؟؟؟
السطر 4- م
السطر 5- اشتغلي عدل مع زياده غرزه علي كل جانب من جانبي كل علامه +م عند بدايه السطر ونهايته
كرري السطرين 4و5 حتي يصبح عندك 44غرزه للضهر و26غرزه لكل كم و24غرزه لجانبي الامام
منتهيه سطر علي ضهر الشغل وحايكون شكل الشغل كده
وشوفي الميزه من الشغل بالابر الدائريه انك بتعرفي شكل الجاكيت ومقاسه
جاكيت تريكو بيبي جميل مع الشرح بالصور
جاكيت تريكو بيبي جميل مع الشرح بالصور
عندنا كل الغرز علي الابره
حانحط غرز الكم علي ماسك للغرز ونكمل الجسم للجاكيت
زي الجاكيت الكروشيه بالظبط
بتشتغلي ال24غرزه الجانب للامام وتزودي 3غرز وتحطي غرز الكم علي ماسك للغرز و بعدين تشتغلي غرز الضهر ال44وتزودي 3غرز (للجزء اللي تحت الكم ) وبعدين تحطي غرز الكم علي ماسك للغرز وبعدين تشتغلي ال24غرزه للجنب الامامي الاخر
وكده حايكون معاكي 98غرزه علي الابره
ودي طريقه زياده الغرز في الجزء ده
ولوقت ابدئي باترون الاجور وعلي فكره ممكن مش تتقيدي بالاجور اللي معمول بيه الجاكيت ده
ممكن اي اجور تاني تحبيه او تفضليه
او جرسيه او ضفاير زي ماانتي عايه
المهم نقول باترون الاجور
دلوقتي احنا اشتغلنا السطر السابق علي وجه الشغل
السطر ده حايكون علي ضهر الشغل يعني مقلوب
يبقي كه السطر 1-مقلوب
السطر 2-1ع *لفه-2ع معا- 1ع*وكرري مابين العلامتين حتي اخر السطر
السطر 3- مقلوب
السطر 4- عدل
جاكيت تريكو بيبي جميل مع الشرح بالصور
كرري ال4سطور دي 7مرات كمان
كده كررتي البترون 8مرات
بالنسبه للكم حاتاخدي الغرز بتاعته من علي الماسك وتزودي غرزتين قبل ماتبتدي وبعدين تشتغلي السطر وتزودي غرزتين في اخر السطر ولو بتشتغلي علي ابر دائريه زودي 4غرز وبعدين وصلي في دائره بس حطي علامه في منتصف ال4غرز دي كعلامه لبدايه السطر كده معاكي 30غرزه
اشتغلي جرسيه مع تنقيص غرزه في بدايه ونهايه السطر في حاله الشغل بابر مستقيمه
وعلي جانبي العلامه في حاله الشغل الدائري
نقصي الغرزتين دول كل عاشر سطر 3مرات
لما تخلصي التنقيصات اشتغلي سطرين بدون تنقيص ثم اشتغلي سطر خروم وبعدين سطرين بغرزه الجرسيه واقفلي
واثني علي سطر الخروم لعمل فستونات زي ذيل الجاكيت
واعملي الكم الثاني زيه
ركبي الزراير
وخلاص ده خلص وندخل في الثاني
بس قبل كده عايزه اشرح لو عايزه تعملي جاكيت بمرد مش بسبعه
بتعملي حسابك في الغرز اللي في الاول بيكون فيه غرز زياده في الامام
المهم الجاكيت حاتبدئي علي 44غرزه
10-2-20-2-10 وده التقسيم
وده شكل البدايه
الجاكيت ده معمول بدون بانده زراير
وبيعتمد علي انك بتعملي له حرف كروشيه
جاكيت تريكو بيبي جميل مع الشرح بالصور
منقول من اخت لنا فى الاسلام
( تقرير عن مشاركة سيئة )، و الموجودة أسفل كل مشاركة .
2014-09-27, 15:00
براسيار بيبي للاخت سندس
العرض العادي
