رسالة الى كل يائس................قصتي مع البكالوريا

[bis kou]

السلام عليكم ورحمة الله وبركاته

ها قد ظهرت نتائج البكالوريا ... مبارك لكل من نجح بالمعدل الذي رغب به .........
ولكن اليوم انا جئت من أجل فئة كنت انتمي اليها في العام السابق ........ انها الفئة التي لم يحالفها الحظ في الوصول الى تخصصات احلامهم ..الفئة التي ربما تعيش دمارا وصراعا نفسيا في هذه الأثناء ....... رسالتي موجهة لأنا في الماضي

اليكم قصتي مع البكالوريا بالتفصيل كي شغل ممل

حسنا ... لطالما كانت هناك فتاة تدعى "خديجة" لم يمر عام إلا وتم تكريمها مع الأوائل ... لطالما كنت انا المعروفة بين الكثير بأنني "القراية" أو "الخباشة" وكان يضرب بي المثل في الكفاح والشجاعة والعزيمة والإرادة ..... إلى أن اتى ذلك العام ........ عام البكالوريا
قبل بداية العام الدراسي مررت بظروف ونفسية لم يعلم بها سوى ربي سبحانه بدأ العام الدراسي ونفسيتي نوعا ما محبطة إن لم أقل محطمة ...
حسنا الكل متحمس من اجل نيل الامتياز .... لكن يا ليتني لم اتحمس زيادة .... لحد الآن مازلت اتذكر عدد الناس السلبيين الذين صادفتهم ذلك العام من بعض ما كنت اسميهم بالاصدقاء وهم لا يستحقون حتى ان يكون الشبه ..بدات الاقنعة بالسقوط واحدا تلو الآخر..... كلام سلبي من كل من يحيط بي ... كانت نفسيتي تقريبا محطمة .... ومازاد الطين بلة هو انني اصبحت اتاثر باي شيء اسمعه ... كل يوم انهض وكلمة بكالوريا معلقة في ذهني ....كل يوم كلام سلبي حتى اصبحت أنا السلبية في حد ذاتها .... نعم انا الفتاة التي لم تعد قوية بعد اليوم ........ انا الفتاة التي كنت اضحي من اجل مساعدة الغير لكن كي جات في الصح وجات فيا ....... لم ادري من كان معي ........ على كل حال الحمد لله انني كنت انوي ذلك الخير لوجه الله

حسنا لن اطيل الحكاية واحكي كل التفاصيل والاحداث المؤلمة التي حدثت معي ذلك العام ........ اجتزنا البكالوريا ولم اكن ادري حتى اين يدور عقلي وما هي تلك الاجابات التي وضعتها في الاوراق ........ حسنا اقتربت النتائج وانا فاقدة للامل كليا في الحصول على البكالوريا .... لكن صراحة ذهلت لما رايت معدل 12.40
في البداية لم ارد التفكير في قضية هل المعدل جيد ام لا.......بل فرحت لانني اخيرا خرجت من تلك الثانوية ال....... لكن ما حطمني حقا هو انني كنت عندما رايت النتائج معلقة ويا ليتني لم ارى تمزق قلبي تحطمت نفسيتي شرد ذهني ولست ادري ما حصل
لقد كنت الوحيدة.......اي نعم الوحيدة من بين كل المجتهدين الذين لم يحصلوا على معدل +15 في حين قسمي كان فيه ما يتعدى 10 ممن تحصلوا على معدل يفوق 16 تبارك الله اللهم لا حسد .......... بعدما كانت خديجة من الاوائل ككل عام ........في عام البكالوريا كنت من بين الاواخر الذين تحصلوا على المعدل
لم ادري اين اخبئ وجه وخاصة امام والدي...... ادركت فعلا كم انني كنت حمقاء .... في الوقت الي انا لي كنت نظل نشكي ونطلب من زملائي انهم يعاونوني .....مشي مكانوش يقراو وانا كالحمقاء رحت تبعتهم .............. في الوقت الي راه يقولك منيش نقرا وراني حاصل هو راه هاضم البروقرام كاليه وشاربو ....... كاين لي يظل يتعب فليكور باش فالتالي يجي يحرم عليك في الكلاسة وألف تبا لهؤلاء ......كرهت نفسي وغاضتني حياتي هل انا هي خديجة تلك القوية التي يضرب بها المثل في عزيمتها وارادتها ها ؟؟؟ .... علاه خديجة واش صرالك وين كنتي ؟؟ .........شفتو هذاك الشعور تاع تتمنى لو ان الارض تنشق وتبلعك ومتعيشش هذاك الشعور تاع الذل لي عشتو صراحة تلك اللحظة لا اتمناها حتى لأسوأ أعدائي
حسنا حمدت الله وصليت ركعتين قبل النوم .... شكرت الله وقلت بان الخيرة تبقى دائما فيما اختاره الله ..... لكن صراحة كانت اقوى بكية بكيتها في حياتي كلها الى اليوم مزالها تغيضني
بدون ما ننسى الكلام الجارح والناس لي تستحلى فيك ...... وتزيد الاقنعة بالسقوط الواحد تلو الاخر ........ ايه ما ننساش كلمة الي ماداش باك 2019 لما كان الحراك ميشقاش يزيد يعاود وميطلش قاع على القراية
والكثير من الكلام الجارح صراحة منكذبش عليكم دخلت في حالة اكتئاب وايام عشتها حتى اسوأ اعدائي ما نتمناهالهمش وكل يوم ازداد تحطما وخاصة يوم الاعلان عن التخصصات والتوجيهات منحكيلكمش
عشت صراعا نفسيا رهيبا جدا ......... لم تكن لدي ادنى رغبة في اعادة البكالوريا بل ولم اتقبل الفكرة حتى خاصة مع ما كنت اسمع من ظلم للاحرار
لا ادري مالذي قادني الى تخصص لم اتخيل يوما انني سادرسه ليس احتقارا فيه لالا حاشا قصدي لا يتناسب مع ما كنت اطمح اليه

ذهبت للتسجيل في الجامعة وصراحة عدت والدموع في عيني فانا لست في المكان الذي اردته
وكل يوم اذهب بخطوات متثاقلة نحو الجامعة ....... الى ان جاء ذلك اليوم ......سمعت تلك الجملة الي طيحت مني نصف كرامتي ........لكن اشعلت في نار العزيمة والارادة ......... بكالوريا 2020 يا انا يا انت
لا انكر انني واجهت صعوبات نفسية كبيرة في البداية فالكل يدرس في كلية احلامه وما زلت انا عالقة في البكالوريا
وكل يوم وما زلت اسمع عبارة "لي ماداش باك 2019 ميشقاش يعاود الباك'' لكن هذا لم يزدني سوى اصرار وعزيمة للوصول

اول قرار اتخذته هو التوقف عن الدراسة في الجامعة ورغم انه قرار جد صعب لكن كنت مستعدة لتحمل المسؤولية وتحمل عواقب القرار الذي اتخذته.......... ولم اخبر اي احد بانني سأعيد لانني ادري ان ليس كل من يبتسم في وجهك يحب لك الخير فالكثير من الوجوه ترتدي أقنعة النفاق
بدات بالاطلاع على كل التغييرات التي حصلت هذا العام ....... ثم بدات بتنظيم نفسيتي ثم الدراسة ...... لن احكي طويلا ما حصل في البداية لانني صراحة عانيت كثيرا جدا
لكن رح نزيد نحكيلكم وش صرا من بداية الكورونا باش تعرفو وش صرا معايا
في البداية كلنا عشنا ذلك الرعب عن عدد الاصابات والاجراءات الوقائية...... وتحية لماء الجافيل الذي حضر بقوة هذا العام
وراكم عارفين ايضا القنطة تاع الحجر الصحي وكامل ..........ازدادت معها المشاكل عندي دون نسيان العذاب النفسي الذي عشناه حول عدم تحديد العتبة والبكالوريا في جوان ام سبتمبر .........لا دروس خصوصية اضافة الى مشكل انفصالات الجزائر
وتزدااد الامور سوءا يوما بعد الآخر .......... مشاكل في البيت مشاكل الدراسة + تدهورت اوضاعنا المادية وين صدقوني يامات والله والله والله ما كنت نلقى حتى وش ناكل ...... نقرا وانا في قمة التعب من كثرة الجوع + نفسية تقريبا محطمة ..لكن لم يمنعني من مواصلة الدراسة لاني كان هدفي هو عدم الرضى بالذل الذي عشته العام الماضي ولا اريده ان يتكرر
وتزداد الاوضاع سوءا خاصة بعد ان مرض هناك من افراد عائلتي بهذا الفايروس
وكل يوم ازداد صراعا نفسيا بين الاستسلام وبين القتال .......... اماان اري العالم من هي خديجة او حب الذل
وهذه مواضيع تختصر ما عانيته كذلك

https://www.djelfa.info/vb/showthread.php?t=2254828

https://www.djelfa.info/vb/showthread.php?t=2255024

https://www.djelfa.info/vb/showthread.php?t=2255361

https://www.djelfa.info/vb/showthread.php?t=2256008

وهل توقفت الاحداث عند اقتراب البكالوريا ؟؟ طبعا لاااااااااا

في اسبوع البكالوريا لم ارد اخبار اي احد ولم يدري اي احد انني اجتاز الامتحان ........ انتهى اليوم الاول الحمد لله كلي امل وثقة ويقين بان الله لن يضيعني ........لكن

في اليوم الثاني على التوالي اتذكر عندما انهيت امتحان الرياضيات وكلي فرح بما قدمت الى ان جاءتني الصدمة الكبرى ........ توفيت عمتي رحمها الله وكانت لها مكانة خاصة لدينا كم هي طيبة القلب..... لا يخرج من فمها الا الخير حكيييييييمة جدا ....وكم كانت لها مكانة خاصة عندنا..... توفيت وكانت صدمة عندما تلقيت الخبر
ذهبت لاجتياز امتحان الانجليزية بنفسية محطمة تماما ...... حتى انني استغرقت اكثر من نصف ساعة لاختيار الموضوع المناسب ......بل وحتى انني لم اقدر على مراجعة العلوم التي كانت كابوسا مرعبا لي ..........فضلت ذلك اليوم راحتي النفسية على ان ازيد من تحطيمها بالمراجعة

ذهبت ذلك اليوم لاجتياز العلوم وكلنا يدري بقصة العلوم 2020 (لا اله الا الله محمدا رسول الله) وكنت احل بنفسية متعبة من حدث البارحة + صعوبة الموضوع ....... لا علينا
وزادت الصدمة الكبرى عندما رأيت ان المقترحات التي حفظتها في الفلسفة لم ترد اي واحد منها بل حتى واردت المخاطرة وعدم الذهاب بتحليل النص ولا ادري راجعته في اخر لحظة ونجوت باعجوبة حتى انني بكيت وانا اقوم بتحليل ذلك النص

انتهت البكالوريا ونفسيتي محطمة حتى انني صرخت وبكيت عندما انهينا

فضلت الاعتزال عن كل الصفحات المتعقلة بالبكالوريا وحذفت المتابعة لها
تركت امري لله ودعوته كثيرا بان يعوضني عما مررت به

يوم النتيجة
كلما ما تقترب النتيجة تزداد نبضات قلبي بل حتى انني لم استطع الاستيقاظ صباحا من شدة الخوف ....... في يوم الاعلان عن النتائج خرجت في الصباح من البيت كي انسى الخوف والتوتر .......... عدت للمنزل ومقدرتش حتى نفطر
وتقترب تلك اللحظة الحاسمة

انها الساعة 15:00
في البداية تبلوكا الموقع الكونكسيون راحت ريزو راح تقول حلفو فيا
وكنت في منزل خالتي وامي كانت جد قلقة وكانت تتصل في كل لحظة ولم نرد الرد حتى تعلن النتيجة
بدأت الزغاريد في المنزل المجاور انا ثماك خلاص فشلت رجليا موليتش نحس بيهم
ونحن نحاول ثم نحاول الى ان وصلت 15:15 ولم تعلن النتيجة بعد حتى بدات ابكي خفت انو تكون النتيجة مرعبة او اسوا من العام الماضي

لكن مهلا .......... السيت طلع ادخلت خالتي الرقم السري ورقم التسجيل واستغرقت النتيجة مدة من الزمن للظهور حتى شفتها تشوكات نا زدت تخلعت

واااااااااااااي راكي جبيته ب 16.28 لا انا ولا هي ولا اي احد صدق هذه النتيجة خاصة بما انني مررت على كل هذا

قعدت خالتي تعنق فيا وهي تبكي وانا نبكي لانني فعلا لم اصدق هذا النتيجة

اتصلت امي وهي كذلك لم تصدق النتيجة وابي كذلك ماما حتى تلفتلها الهدرة

لكن خلاصة الموضوع شوفو ربي سبحانو كي يجيب اليسر بعد العسر.......كان الجميع خائف من اني ربما قد لا احصل على البكالوريا اطلاقا بعد كل هذا الذي مررت به ..........لكن شوفو عوض الله جميل ان االله لا يعطي اقوى المعارك الا لاقوى جنوده ............ احسست رغم ان الله ابتلاني بابتلاءات صعبة جدا الا انه في الخير عوضني بهذا المعدل الذي انساني في نفسي الحمد لله والشكر لله بعد كل ما مررت به وفقني الله للوصول الى هذه النتيجة

الخلاصة من كل شيء

انا ادري ان الكثير منكم اجتازوا بظروف صعبة ربما منعتهم للوصول الى ما يريد.........اريد ان اوصل رسالة الى اولئك الابطال وراء هذه الشاشة
من كان له حلما فعليه ان يملك قلبا من حديد وارادة من فولاذ ......... ان احلامك تستحق ان تقاتل وببشدة من اجلها
اردت ان اقول لك ان ما من شيء يسمى مستحيل بل انت من تصنعه

امش على قدمك المكسورة ولا تترك أثر يدك على كتف أحد

الحمد لله وما توفيقي الا بالله ........... اشكر اعضاء هذا المنتدى خاصة قدس هبة سارة ونسرين والحمد لله جد فخورة بالتعرف عليكم
هذي كانت غي جرعة التحفيز ........ عن قريب نحكيلكم على المراجع والقنوات لانني فعلا متعبة من السفر لكن محبيتش نخليكم يا ابطال

من سيكون بطل القصة القادمة يا ترى ؟؟؟ نعم انه انت

[وسام سومة]

اختي خديجة بصحتك بصحتك بصحتك والله تستاهلي كل خير
فرحتلك من قلبي سيرتو كي قريت قصتك لي تنطابق عليا تماما والله حالتك كيما حالتي
شكراااا باسكو رديتي فيا روح العزيمة والإصرار والتحدي باش نوصل وين راني باغيا مالقري كاين ناس بزاف نتاقدوني و هدرولي هدرة تقسم القلب مي معليش الخيرة فيما اختاره الله
نتمنى برك تحطيلنا كيفاش كنتي تقري واش اعتامدتي. ...
شكرا اختي خديجة مرة أخرى وفقك الله â‌¤

[عاشقة الكواكب]

ولله يا اختي خديجة صدمت عمري
سبور 1 نلعب فيه وانا ميتة بالتعب و محتارمة استاذ مع لبلقي ميلغبوش ويسبوه وكامل يمدنا 1 في سبور علاه ذا ظلم
زيد شريعة غلطت فث شيىءواحد حسب تصحيهم ندي 19 نلقاها 15 علاه
عربية وما ادراك فهمت شعر هضم وجاوبت غلطت في سؤالين فقط
نلقى كارثة لا علاقة كيفاه ذا


ومنحكيش
علاه ولله حسيت بظلم حافظين من كراس واحد اجابة وحدها اهرى يمدولها ونا لا

مشكل خط مشكل منهجييييية

مفهمتش
ولي غاضتني واحد في حجرة وراقيه نصهم بيوضا يخبش دا اكثر


علاه ذا
غاضتني لي كانوا يلعبوا ودايرين ويل نجحوا بفوق

وانا عام كامل تعب وقراية عدت كزومبي وضغط ولبكى وتخمام شعري شاب


في اخير هك ولله حنهبل
رجاءا ختي معاودة حرة خالعتني بزاااف وكيما قولتي ظلم احرار وزيد مفهمتش مشكل ممدوليش اسموا خط منهجية ف جميع مواد


خاصة انوا قلت نخير تخصص بيولوجي وهو شارج
ونعاود اومام تو


حيكفيني وقت لانوا مش حنبلوكي عام ف جامعة


ولله تخلى عني جميع وانا اصلا وحدي توسويس خوف تردد

[اخلاق راقية]

الله يبارك ربي جازاك على تعبك وعلى وش فوتي
انا مثلك تماما كنت من بين الأوائل في البكالوريا عامي الأول متحصلتش على معدل الطب الثاني حرة تعبت وملحقتش للاسف خيبة أمل للمرة الثانية مفرحتش بالباك تاعي مفرحتش بالمعدل لي مرحش يوصلني وين حابة الله غالب تعبت وعييت وحمدت ربي وزادت قصتك شجعتني وحفزتتي
الحمد لله ان شاء ربي يعوضني ويفرحني الخيرة فيما اختاره الله
فرحتلك بزاف حتي تستاهلي تعبتي ونلتي ربي يوفقك في مسيرتك الجامعية

[اللهم ارزقني عفةمريم]

مبرررررووووووووك عللللليك من قلبي والله فرحتلك بززززاف اختي صح نتي تعبتي ونلتي تستاهلي

[bis kou]

المشاركة الأصلية كتبت بواسطة وسام سومة

اختي خديجة بصحتك بصحتك بصحتك والله تستاهلي كل خير
فرحتلك من قلبي سيرتو كي قريت قصتك لي تنطابق عليا تماما والله حالتك كيما حالتي
شكراااا باسكو رديتي فيا روح العزيمة والإصرار والتحدي باش نوصل وين راني باغيا مالقري كاين ناس بزاف نتاقدوني و هدرولي هدرة تقسم القلب مي معليش الخيرة فيما اختاره الله
نتمنى برك تحطيلنا كيفاش كنتي تقري واش اعتامدتي. ...
شكرا اختي خديجة مرة أخرى وفقك الله â‌¤

الله يسلمك اختي
نصيحة من عندي اذا تحوسي تتجنبي الانتقادات والكلام السلبي لا داعي لاخبار الجميع بانك ستعيدين اجتياز البكالوريا موش اي واحد يبتسم في وجهك يتمنالك الخير ومن المفروض انت تدرين هذا

ايه طبعا برك البارح كنت عيانة من السفر علابيها مطولتش بسك عييت هههه دوك نقولكم

المشاركة الأصلية كتبت بواسطة عاشقة الكواكب

ولله يا اختي خديجة صدمت عمري
سبور 1 نلعب فيه وانا ميتة بالتعب و محتارمة استاذ مع لبلقي ميلغبوش ويسبوه وكامل يمدنا 1 في سبور علاه ذا ظلم
زيد شريعة غلطت فث شيىءواحد حسب تصحيهم ندي 19 نلقاها 15 علاه
عربية وما ادراك فهمت شعر هضم وجاوبت غلطت في سؤالين فقط
نلقى كارثة لا علاقة كيفاه ذا


ومنحكيش
علاه ولله حسيت بظلم حافظين من كراس واحد اجابة وحدها اهرى يمدولها ونا لا

مشكل خط مشكل منهجييييية

مفهمتش
ولي غاضتني واحد في حجرة وراقيه نصهم بيوضا يخبش دا اكثر


علاه ذا
غاضتني لي كانوا يلعبوا ودايرين ويل نجحوا بفوق

وانا عام كامل تعب وقراية عدت كزومبي وضغط ولبكى وتخمام شعري شاب


في اخير هك ولله حنهبل
رجاءا ختي معاودة حرة خالعتني بزاااف وكيما قولتي ظلم احرار وزيد مفهمتش مشكل ممدوليش اسموا خط منهجية ف جميع مواد


خاصة انوا قلت نخير تخصص بيولوجي وهو شارج
ونعاود اومام تو


حيكفيني وقت لانوا مش حنبلوكي عام ف جامعة


ولله تخلى عني جميع وانا اصلا وحدي توسويس خوف تردد

شوفي نصيحة العمر جامي تقولي خدمت على كذا وديت كذا وذلك لاهم حاجة هو ان لازم توجدي روحك لكل الاحتمالات وتتفادي هاذ الصدمة النفسية
عن نفسي شفت شريعة برك وحبيتش نشوف باقي المواد بسك كنت دايرة في بالي قادرة نوصل قادرة لالا ولهذا من الافضل اني نحافظ على صحتي من ان اظل نهلك في روحي هكا
وايضا لربما الشيء لي خلا الكثير ميتحصلش على معدل مليح عن رأيي الشخصي تبانلي المنهجية في كل المواد لانو الفايدة موش تجاوبي وتيري برك بسك لورقة كي تنظميها ثاني عندها دور في النتيجة
اما اذا حسيتي صح صح روحك تظلمتي فوضي امرك لله ياك ربي حرم الظلم على نفسو وحرم انك تظلمي انسان كافر ياك ؟؟ فكيف بأنت التي تقولين لا اله الا الله محمدا رسول الله وتعرضتي للظلم ؟؟
وتاكدي بلاك ربي شافلك فيها خير اكيد مراحش تستوعبي هاذ الهدرة الآن بسك هاذ الحالة النفسية جزت عليها العام ليفات
اما عن رأيي منقدرش نقولك اذا تقدري تتحكمي فيهم لزوج ولالا لاني تخليت عن الجامعة
لكن اهم حاجة كي تترشحي اوصيك ونعاود ونعاود ..... كوني على اطلاع بالتغييرات ومنهجية الاجابة وتنظيم الورقة في كل مادة ....بسك باش تعاودي ليبر لازمك تضاعفي مجهوداتك اضعاف النظامية وطبعا لا تنسي طلب التوفيق من الله عز وجل وتذكري كلشي مكتوب والارزاق بيد الله سبحانه
وفقك الله اختي

المشاركة الأصلية كتبت بواسطة اخلاق راقية

الله يبارك ربي جازاك على تعبك وعلى وش فوتي
انا مثلك تماما كنت من بين الأوائل في البكالوريا عامي الأول متحصلتش على معدل الطب الثاني حرة تعبت وملحقتش للاسف خيبة أمل للمرة الثانية مفرحتش بالباك تاعي مفرحتش بالمعدل لي مرحش يوصلني وين حابة الله غالب تعبت وعييت وحمدت ربي وزادت قصتك شجعتني وحفزتتي
الحمد لله ان شاء ربي يعوضني ويفرحني الخيرة فيما اختاره الله
فرحتلك بزاف حتي تستاهلي تعبتي ونلتي ربي يوفقك في مسيرتك الجامعية

ان شاء الله من يدري لعله خير اختي
وكوني ذات ارادة حديدية واري العالم مت تكونين
شكرا لكم انتم مذلك كي كنتو توقفو معايا وتساندوني اعضاء المنتدى الرائع

المشاركة الأصلية كتبت بواسطة اللهم ارزقني عفةمريم

مبرررررووووووووك عللللليك من قلبي والله فرحتلك بززززاف اختي صح نتي تعبتي ونلتي تستاهلي

شكرا لك عزيزتي :d:d
انت ايضا الف مبروك لك ووفقكم الله جميعا في حياتكم

[bis kou]

بالنسبة للمراجع

مادة العلوم الطبيعية

اهم حاجة كونو على اطلاع بما يحدث فيها من تغييرات بسك كل عام يعدلو فيها
ثاني حاجة المنهجية المنهجية ثم المنهيجة
قناة الاستاذ شاوش + قناة science bac
سلاسل الاستاذ بوالريش 2018 +2019 لكن ما حليتهمش كامل كيما راهم بسك كاين لي صح صح صعاب ممتاز وميقدرش يحلو

اوصيكم ايضا بالتدرب على الحل المواضيع المرفقة بالتصحيح النموذجي باش تتعودو على الحل وتهزو المنهجية وطريقة تنظيم الورقة

الفيزياء

اوصيكم ثم اعيد واكرر اياكم اياكم واياكم تضيعو الاستاذ احمد ترير
صدقوني مادة الفيزياء كنت نكرها لوحد الدرجة غي سكتو حتى اني حرت كيفاش جبت فيها 8.5 في باكي لول
اكتبو معاه كل الدروس وفهموهم ملييييييييييييح وخاااااااااصة الملاحظات الي يقدمهم بخصوص فهم الدرس وتنظيم الاجابة صدقوني والله نفعني ربي يجازيه ان شاء الله
حلو ايضا سلاسل لي يحلهم في اليوتيوب وles tests تاع كل اسبوع باش تهزو يدكم وتتهيئوا لجو الامتحان وايضا دون نسيان افكارهم الرائعة

وايضا بعد الانتهاء من كل وحد حلو ليباك تاع جميع الشعب

ايضا هناك موقع استفدت منه كثيرا للمواضيع اسمو موقع المنجد للعلوم الفيزيائية رغم الافكار المريخية ويهبلوكم هاذ السوجيات لكنهم هايلين

الرياضيات

اعتمدت على الدروس الخصوصية لكن يوجد استاذ في اليوتيوب كنت نحل تمارينو ونفهم من عندو اسمو داوود السكي هايل هايل هايل وانتم محظوظين بسك هاذ العام راه بدالكم الدروس من لول
الدوال قريتها من عند استاذ ترير وخاصة ملاحظاتو نفعوني بزااااااااااااف
اما عن التمارين اؤكد لكم على البكالوريات السابقة للشعب العلمية ومن 2008 الى 2020 اظنها جد كافية لكل محور
اضافة الى طريقة كان يديرهالنا استاذ ليكور هو انه كل اسبوع يمدلنا موضوع تاع فرض ولا اختبار نحلوه وفي نهاية الاسبوع نمدوهله واذا محليتهش متديش الموضوع القادم
هاذ الطريقة جد مفيدة للتعود على حل المواضيع

هذا فيما يخص المواد الأساسية
في المرة القادمة ساتكلم عن المواد الادبية

في امان الله

[~عيون القلب~]

السلام عليكم
ما شاء الله تبارك الله اختي خديجة مبارك عليك المعدل و تحقيق حلمك ثابرتي و نلتي و الحمد لله احمديه على هذه النعمة في كل لحظة فأنت محظوظة لكونك لم تظلمي كباقي الطلبة الاحرار (العام الماضي كنت هنا وانت كذلك حسبتك اخذتي14 لا؟؟)
و انا اقرأ قصتك رأيتها تشبه قصتي و ما مررت به كثيرا جدا خاصة و انت في الثانوية عندما كنت مجتهدة لكن عام الباكالوريا كان اختلاف في مشوارك و دخولك تخصص ليس من ميولك و تخليك عن الجامعة مثلي و عدم اخبار احد انك لم تجتازي الباكالوريا و الكثير من الأجزاء كانت تجمعنا و نتشابه سبحان الله لكن الفرق الوحيد انك ما شاء الله وصلت و لله الحمد والمنة لم يظلموكي لكني عكسك توقعت ان يكون معدلي جيد كمعدلك تقريبا لكني أفاجأ ب 13.87 كيما العام الماضي زدت في الفاصلة فقط لكني متأكدة جدا انني ظلمت فمراجعتي كانت جيدة جدا و اجاباتي كانت مثل التصحيحات النموذجية حقا لكن لم ينصفوني و اخذو حقي بالباطل حسبي الله ونعم الوكيل
و الحمد لله على كل حال الله اراد لفرحتي ان تتأجل
مبارك عليك مرة اخرى غاليتي

[ابو حفص فاتح]

من المحنة تخرج المنحة


عنوان جيد لحكايتك
كل التوفيق مستقبلا

[bis kou]

السلام عليكم

والآن مع المواد الأدبية

الأدب العربي تابعت الاستاذ حيقون في اليوتيوب وحضرت له دورة عبر تطبيق زوم ......... صراحة استاذ في القمة وكان له الفضل بعد الله سبحانه في تذليل الصعوبات التي كنت اعاني منها في هذه المادة التي كنت لا افقه فيها شيئا
واظن ان هذا العام اصدر كتابا للتطبيقات اشتروه من اجل التعود على حل المواضيع وضبط المنهجية الصحيحة

الفرنسية اعتمدت على ملخص الاستاذ ناصر منصوري ملخص جد جد رائع غير ان هناك بعض القواعد الناقصة اضفتها من قناة la tube اضافة لحل البكالوريات والمقترحات

الانجليزية اعتمدت كذلك على ملخص الاستاذ ناصر منصوري وتابعت ايضا شرح الدروس على قناته وقناة كور ديزاد + البكالوريات
ولمن يعاني من نقص شديد في هذه المادة هناك ايضا الاستاذ ناصري ايضا رائع

بالنسبة للشريعة كنت نتبع الاستاذة بوسعادي في اليوتيوب وبعدما تحط الدرس ونفهمو + تسجيل الملاحظات نحفظ من ملخص الاستاذ جمال مرسلي ......صراحة ندمت نوعا ما في الاخير كونه جد مفصل حتى ان بعض الدروس حفظتها من ملخص الاستاذ شمس الدين حماش ..... ونوصيكم ونعاود كي تخرج الاستاذة بوسعادي كتابها الجديد هاذ العام تاع الاسئلة المقترحة غي اشروه بسك نفعني بزاااااف وبزاف اسئلة منهم جاو في الباك

الاجتماعيات كذلك كنت اتبع نفس الطريقة ......لما يحط الاستاذ بورنان فيديو على اليوتيوب نروح نحفظ هذاك الدرس واظن ان افضل ملخص هو ملخص الاستاذ بورنان بسك حفظت منو الجغرافيا والثورة والحرب الباردة من محمودي عادل الازرق لي خرج جديد .....المصطلحات حفظت من محمودي لكن اظن تاع بورنان افضل أما الشخصيات احفظو التعاريف المشتركة بين الشخصيات ستختصر لكم الكثير من الوقت والتواريخ ديرو طريقة تاع الحروف شفتها في قناة مروة طهراوي رائعة جدا لكن انا في البكالوريا اخترت الموضوع الي فيه الشخصيات

الفلسفة اعتمدت على الاستاذ خليل سعيداني وكاين تاني استاذ حمداش تاني يبان مليح وايضا قناة philo 2020 اين وجدت هذا الرابط

https://nouvelles2020lili.blogspot.com/

احفظو كل المنهجيات وخاصة بلاكو توقعو في نفس غلطتي وهي الاعتماد على المقترحات بسك ربما تحليل النص يجي غير مفهوم مالا سلكو رواحكم بالجدلية ولا الاستقصاء نصيحة لوجه الله وفي نفس الوقت متروحوش بدون تحليل نص

وهذا ما اعتمدت عليه
اذا كان عندكم اي استفسار او حاجة مفهمتوهاش تفضلو

[bis kou]

المشاركة الأصلية كتبت بواسطة ~عيون القلب~

السلام عليكم
ما شاء الله تبارك الله اختي خديجة مبارك عليك المعدل و تحقيق حلمك ثابرتي و نلتي و الحمد لله احمديه على هذه النعمة في كل لحظة فأنت محظوظة لكونك لم تظلمي كباقي الطلبة الاحرار (العام الماضي كنت هنا وانت كذلك حسبتك اخذتي14 لا؟؟)
و انا اقرأ قصتك رأيتها تشبه قصتي و ما مررت به كثيرا جدا خاصة و انت في الثانوية عندما كنت مجتهدة لكن عام الباكالوريا كان اختلاف في مشوارك و دخولك تخصص ليس من ميولك و تخليك عن الجامعة مثلي و عدم اخبار احد انك لم تجتازي الباكالوريا و الكثير من الأجزاء كانت تجمعنا و نتشابه سبحان الله لكن الفرق الوحيد انك ما شاء الله وصلت و لله الحمد والمنة لم يظلموكي لكني عكسك توقعت ان يكون معدلي جيد كمعدلك تقريبا لكني أفاجأ ب 13.87 كيما العام الماضي زدت في الفاصلة فقط لكني متأكدة جدا انني ظلمت فمراجعتي كانت جيدة جدا و اجاباتي كانت مثل التصحيحات النموذجية حقا لكن لم ينصفوني و اخذو حقي بالباطل حسبي الله ونعم الوكيل
و الحمد لله على كل حال الله اراد لفرحتي ان تتأجل
مبارك عليك مرة اخرى غاليتي

وفيك بارك الله اختي ......... الحمد لله على كل حال

وتفكري اختي كلشي بالمكتوب وحتى لو حسيتي روحك صح تظلمتي وكلي عليه ربي وخلاص لحد الآن هذه القضية مزالت مبهمة ربي يجيب الخير وصاي
ومن يدري لعله خير
وشكرا مرة اخرى ربي يسهلك ويوفقك في حياتك

المشاركة الأصلية كتبت بواسطة ابو حفص فاتح

من المحنة تخرج المنحة


عنوان جيد لحكايتك
كل التوفيق مستقبلا

شكرا لك استاذ لن انسى مساعداتكم لي وفضلكم الكبير بعد الله سبحانه والحمد لله لأن وفقني لهذا المعدل
جزاكم الله خيرا

[عاشقة الكواكب]

السلام عليكم خديجة كيف حالك ؟
قريت في حوارات متفوقين
انوا وحدة جابت كلشي في شريعة صحيح دات 18
والادب عربي غلطت ف سؤال عليه نقطة ونصف لقاتها متدهورة



اذن المنهجية هي مشكلتي حسب ما رايت ف كشف
وتصحيحهم

لذا حابة نعرف فخاخ في اسئلة و ومنهجية جميع مواد

لانوا لاحظت حتى وان كانت اجابتي صحيحة

المهم حابة نتعلم تفصييل ممل في منهحية

[cooc]

المشاركة الأصلية كتبت بواسطة عاشقة الكواكب

السلام عليكم خديجة كيف حالك ؟
قريت في حوارات متفوقين
انوا وحدة جابت كلشي في شريعة صحيح دات 18
والادب عربي غلطت ف سؤال عليه نقطة ونصف لقاتها متدهورة



اذن المنهجية هي مشكلتي حسب ما رايت ف كشف
وتصحيحهم

لذا حابة نعرف فخاخ في اسئلة و ومنهجية جميع مواد

لانوا لاحظت حتى وان كانت اجابتي صحيحة

المهم حابة نتعلم تفصييل ممل في منهحية

انا من قوة الخوف في تمرين الاحتمالات شرحت الحادثة باللغة العربية

[عاشقة الكواكب]

المشاركة الأصلية كتبت بواسطة cooc

انا من قوة الخوف في تمرين الاحتمالات شرحت الحادثة باللغة العربية

كيفاه منهجية لي درتيها في جميع مواد
احكيها كتجربتك

[bis kou]

المشاركة الأصلية كتبت بواسطة عاشقة الكواكب

السلام عليكم خديجة كيف حالك ؟
قريت في حوارات متفوقين
انوا وحدة جابت كلشي في شريعة صحيح دات 18
والادب عربي غلطت ف سؤال عليه نقطة ونصف لقاتها متدهورة



اذن المنهجية هي مشكلتي حسب ما رايت ف كشف
وتصحيحهم

لذا حابة نعرف فخاخ في اسئلة و ومنهجية جميع مواد

لانوا لاحظت حتى وان كانت اجابتي صحيحة

المهم حابة نتعلم تفصييل ممل في منهحية

وعليكم السلام ...... الحمد لله ماذا عنك ؟؟
شوفي قتلك ألف مرة جامي تقولي انو خدمت على 20 ولا اي نقطة بسك خطرات يمكن انك من غير ما تنتبهي تقدري تكوني نسيتي كاش اجابة ولا بلاك هي حسبت كتبت اجابة وفي الحقيقة كتبت اجابة اخرى
وكيما قلتي لربما المنهجية تاع الاجابة

نقولك سر التعامل مع لمنهجية هو حل المواضيع المرفقة بالحل النموذجي في كل المواد + البكالوريات السابقة +المواضيع المقترحة وحليهم كتابيا مووش بعينيك بش تتعودي على تنظيم الورقة
واكيد لازم تكوني على اطلاع مع كل التغييرات مثلا منهجية العلوم والاجتماعيات ...الخ