للراسبين ادخلو pllllllllz

[nono92]

السلام عليكم
مبروك للفايزين...وربي يكون مع الراسبين كيما حالتي
اولا انا كنت منهارة كليا صار لي انهيار عصبي وتمنيت الموت لو تاتي اليا لن اتحمل ان التقي باصدقا ئي فايتين للجامعة وانا فايتة للثانوية لمادا ..كي اعيد السنة واتحصل على البكالوريا في 2011انشاء الله
اتعرفون لولا عائلتي التي كانت معي لحضة بلحضة لاصرت الان في القبر الحمد الله ماصراش هكاك ...وقد خرجوني من الدار كي ابدل جو وعندما فتنا في طريق جامعة صرت ابكي في سيارة واصرخ بكثرة وصرا معايا بزاف حوايج لامادا لعدم تحصلي على البكالوريا ...ولاكن استعدت الامل 1 % لحد الان ومع الوقت والدعاء لله ان استعيد الامل 100% كي اشق الطريق مرة ثانية وادرس بجد ولن اعيد كرة هدا العام ..فهدا العام صار معايا بزاف حوايج وانا السبب فيهم والنسبة الكبيرة هي انا السبب تهونت في دراستي ولم احسب حسباتي ....المهم اخواني الراسبين يجب ان نقلبل بواقعنا نحن الراسبين ويجب ان تخرجو من تلك الازمة وتسترجعو الثقة بانفسكم لا قول لكم لا تبكو ..فانا لا استطيع لاني كلما جائتني دموع سادرفها كي لا امرض ولاكن استحلفكم بالله سبحانه وتعالى ان لا تبكو امام عائلتكم انهم يتعدبون الا تدرون هدا ....بكالوريا فيها قضاء وقدر كاين لي قرا ومجابش كاين
لي مقراوش وجابوه كاين لي مقراش وبطبيعة الحال ميجيبوش ..كاين زهر في لي قرا بعض الدروس وهما لي طاحو في الامتحان.............المهم لي فات مات ويليق تقبلو الواقع وتبداو تفكرو من دورك في bac 2011ويجب ان ترسخو هده الفكرة في ادهانكم ان عليا ان اتحصل على شهادة البكالوريا 2011وكل راسب عليه ان يكتبها في ورقة ويلسقها في جدار غرفته ويرسخها في مخه ارجوكم افعلوها فانا قمت بها وان نبدا في جدول زمني ونقسم وقتنا ونتوفق في bac2011بادن المو لى عز وجل...
اقول لكم عن نفسي مادا سافعل ..
-الان لا ستطيع ان ابدا ..في اواخر جويلية ساطلع على كتبي العام الماضي وساوجد كل الفروض والاختبارات والبكالوريات السابقة واضعها في جهة .وكل الخرائط والمسطلحات والشخصيات... الى غير دالك
وفي بداية شهر اوت ومع دخول شهر البركة والخير شهر رمضان سانطلق في مشواري الدراسي وسابدا من نقطة الصفر وكل يوم سادرس 4 الى 5 سعات وكل يوم بجدول زمني يساعدني
يارب وافقنا يارب كن معنا يارب اعطي لنا قوة والعزيمة كي ننجح
اخواني واخواتي اود ان افتح مسنجر واود ان تضيفوني اليكم ولا اعرف كيف اكتبه هنا قالو ممنوع ولا اعرف كيف اراسله الى كل راسب مثلي فارجو من يهمه ماكتب في هده الصفة ان يراسلا لي برسالة ويكتب لي MSN OU SKYP او التواصل في المنتدى بالرسالة
كيفما تحبون ...........................شكرا لمن طالع على موضوعي انا ا حس الان ببعض الراحة شكرا لكم اطرككم في رعاية الله وحفضه وسنتحصل على البكالوريا 2011 فلا تنسون دالك ارجووووووكم
اختكم في الله
سلام

[nono92]

éh hakak yli9 nkonoo khti aba3tili skyp ta3ak wala msn haba nahki haba nfarar likayan fi 9albi haba nahdar m3a lirahom fihalti
aya

[شعيب الفرجيوي]

ماتقلقش روحك كي الجامعة كي الليسي

[بن حفاف علي]

السلام عليكم ورحمة الله تعالى وبركاته
ارجو من الله ان تجدك رسالتي هذه في احسن احوالك علبالك اخت كلامك حلو بالبزااف حبيت نعرف نقاط ضعفك من خلال كلماتك كلما نلقى جملة جميلة نفوت نلقى إسرار اجمل علبالك انت حنينة بزاااف اما بالنسبة للموت فهذاك بيد ربي . ربي سبحان مدلك قلب حنين ونية صادقة وجسد على واش الانسان يفكر بهاد الطريقة علبالك الانسان هدا كل شي يحبو يتوقع فقدانه لماذا ؟؟ والانسان وما يقدرش يحس بالشيئ غير كي يفقدو لماذا؟؟ اي انسان مثلك ومثلي يصرالو صوالح كيما هادو بصح محال يصرح بيهم لغيرو.واش نقلك كيما يقولو ناس بكري انساي الهم ينساك وسامحيني على تطفلي بالنسبة للجدول الزمني لازم تكون غير شوي عزيمة واسرار هدا كل شيئ ماشي 5 ساعات في النهار بزاااف عليك ههههه المهم العام لجاي بربي انشاء الله رانا في جلسة كيما هادي ومبرووووك مسبقا

[big-troublemaker]

انا جبتو وماني رايحة ندير بيه والو راهم طلعونا المعدلات ومانقدروش نديرو واش حبينا يعني رانا كيفنا كيفكم وكامل نعاودوه العام الجاي

[LINA ADALOU3A]

انا تاني ماديتش الباك واش نقلكم جبت يومين وانا نبكي لا ماكلا لا رقاد و الحمد لله كاين والديا وخاوتي الي وقفوا معايا
معايا المهم العزيمة والارادة وبالاك حبنا ربي هكا فيها خير المهم العام الجاي انشاء الله.

[east]

اخواني ... لا تقنطوا من رحمتي الله ... كيما كتب ربي لينا نجيبوه السنة ... ربي نتوما تان يكتبلكم نشاله تجيبوه العام الجاي المهم عدم اليأس و المثابرة .. و أنا أدعوا لكم الله أن يوفقكم ... تأثرت كثيرا بعباراتك أختي رغم أني تحصلت على الشهادة و الحمد لله لكن سأبقى أدعمكم انشاء الله

[mohamedkrga]

االسلام عليكم .
ما عليهش نصبرو للعام الجاي إن شاء الله أنا من نهار الإثنين لليوم باه خرجت كنت قاعد في الدار مشوكي لاني كنت داير في بالي جايبو لكن للأسف . عسى أن تكرهو شيئ وهو خير لكم. المهم ما نعاودش غلطات هذا العام وأكبرها التأجيل ...........
لي فوت على الموضوع يدعيلنا ربي نجيبوه إن شاء الله

[zakshippudan]

اخوتي هذا قضاء وقدر قدر الله وماشاء فعل
قالكم اخي الجامعة ماكان ماكان حطو حالكم في اصحاب الجامعة دخلها وهو الان يتعذب ظن انه انتهى لكن لم ينتهي شيء بالنسبة له شباب عوضوا العام ومن شتم فيكم ادخلو تخصص احسن منه وشكرا

[star27]

انا تاني ماجبتوش بصح راني نادم وغادي نخلف الثار ونشاء الله باكالوريا 2011

[bfatima]

سلام عليكم انا تاني خسرت الباك نتاعي هادي المرة 2 ماديري ولو في بالك كل شيئ بمكتوب ربي انا تاني مرضت بصح مكانش حاجة خير من الصحة بيها تقدري ديري واش تحبي merciiiiiiiiiiiiiiiiiiiiiiii
مبروك لي ربحووووووووووووووووه

[جزائري وأفتخر]

إن شاء الله موفقين في بكالوريا 2011

[KHAWLA STAR]

سلام اختي
الله غالب المكتوب حتا انا ما جبتش الباك هاد العام اول مرة نرسب ...كنت متوقعة راح ندييييه بصح ما كتبتش ...كي خرجت الريسلتا وعرفت بلي ماديتش ..حكمني الشوك 3 ايام وانا نبكي ...بصح الحمد لله على كل شي ...يعني بكل صراحة هاد العام استهزيت شوية بقرايتي ما اعطيتلهاش حقها وندمت ..بصح لازم ما نفقدوش الامل ماشي نهاية الدنيا ننساو قاع اللي فات ...وبربي انشا الله نجيبوه عام 2011 ...
وانا راح نرتاح درك psqما نقدرش نبدا نقرا نفسيتي ماهيش مليحة وبادن الله راح نبدا في اوت في شهر البركة رمضان وربي يوفقنا العام الجاي ونجيبو بادن الله bac2011
والسلام عليكم

[Mestafa_Aloui]

ربي ينجحكم و يكون معاكم

[guelmia]

ان شاء الله العام الجاي تجيبوه انا جبتو بصح بمعدل 10 اصلا ما كنتش معولة عليه انا مات بابا قبل ما نعقب البام بأيام قليلة و كنت في حالة واحد ما كان مداير في بالو لي نجيبو صدقوني و كأني ما ديتوش كي ما لقيتش بابا يفرح معايا ما حسيتوش باك و زيد 10 ما عندها ما تديرلي. ان شاء الله العام الجاي يا رب