وصفات ام محمد تاج - الصفحة 2 - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات

قسم الطبخ و المأكولات لتبادل الخبرات في مجال الطبخ والأطباق المتنوعة الجزائرية و العربية ...


في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

وصفات ام محمد تاج

إضافة رد
 
أدوات الموضوع انواع عرض الموضوع
قديم 2014-04-20, 13:40   رقم المشاركة : 16
معلومات العضو
أم محمد تاج
عضو ماسي
 
الصورة الرمزية أم محمد تاج
 

 

 
الأوسمة
فعالية المطابخ المركز الثالث 
إحصائية العضو










افتراضي

واااااو والله احلى مفاجأة الله يعطيك الصحة والله لبنات في الكوزينة كل يوم يقولولي لمي وصفاتك باش يسهل علينا تصفحها وعيييت وقلت قبل رمضان نوجدهم بصح راكي كفيتي ووفيتي الله يعطيك الصحة ويسهلك كل امووورك يارب ويسخرك كل عزيز وغالي يارب







 

رد مع اقتباس
مساحة إعلانية

قديم 2014-04-20, 18:41   رقم المشاركة : 17
معلومات العضو
لميس اميرة
عضو مميّز
 
الصورة الرمزية لميس اميرة
 

 

 
إحصائية العضو










افتراضي

دوبارة ام محمد تاج




فيوزة حنونتي الوصفة مزيج من مخماخاتي ومزيج من وصفة ام كوثر ومكيج من وصفة الحبيبة ام اياد الغالية وخرجتلي دوبارة والله زوجي ماصدقش بلي خدمتها حسبها مشرية راهي طبق الاصل
شوفي حبيبتي ديري الحمص تاعك فيةالكوكوط وملحيه وغطيه بالماء ومغرف زيت باش مايفورش واغلقي عليه يطيب
من جهة قطعي بصلة كبيرة ولا زوج صغار ورابي زوج طماطمات وثلاث سنينات ثووم كبااار ربيهم وحطيهم بجيهة واذا ماعندكش الاولاد الصغار قطعي فيها فلفل حار راهي بنتها في الفلفل الحار وزيدي قطعي القارص مكعبات وجديه ونجيو للدرسة في الميكسور حطي بصلة صغيرة ومغرف زيت الزيتون ومغرف زيت عادي وطماطمة ومغرف كبيرة طماطم الكونسارف ومغرف صغيرة هريسة وخبطيهم وحطيهم بجيهة
كي يطيب الحمص تاعك نحي منو مقدار نص كاس بالمرقة تاعو وارحيه ورديه في الكوكوط مع الحمص لي طاب ولوحي خليط البصلة المقطعة والطماطم وذوقي الملح وزيدي زوج مغارف تاع الدرسة ومكعبات القارص ونص مغرف كبيرة كمووووون وخليها مثلا ربع ساعة قبلةالتقديم وديري الخطوة الاخيرة لي قتلك عليها وكي تقدميه حطي الحمص في الصحن وغرقيه بزيت الزيتوون ممممم نموت عليها ومغرف كبيرة درسة في النص واذا تحبوو الدبشه والمعدنووس ديري شوي انا تاوعي مايحبوهمش وااااااااااخ وخلالالاص احلى دوبارة لاحلة فيووووووووز







رد مع اقتباس
قديم 2014-04-20, 18:57   رقم المشاركة : 18
معلومات العضو
لميس اميرة
عضو مميّز
 
الصورة الرمزية لميس اميرة
 

 

 
إحصائية العضو










افتراضي

للغالية ام محمد تاج :

لحلوة الصامصة:بالطابع

"عرايش مثلثة بالطابع "

أم خالد هاي ليك الوصفة: 300 غ مارغارين أنا نستعمل صول وزوج مغارف سكر قلاصي ورشة ملح وزوج بايط ياؤورت تاع الصومام ذوق فاني خبطيهم مليح بالباتور ومبعد ضيفي الفرينة حتان تتلم
حبيبتي كي تخدمي بيها خشني العجينة تاعك تجي روعة وتجي الحبة منفخة هذي الأولى والثانية لحواشي في دقيقة يرتاحولك أحسن من تاع أم أماني واعرين باه يرتاحو ويتعبو في الخدمة وزيد عجينتي تتغلق كي تخدمي الحبة بصح تاع أم أماني نصهم تفتحلي وتورطت ياي والثالثة أثقبي الحبة تاعك بالكوردون زوج ثقبات باش لهوا يخرج والرابعة ماتجريش الحشو تاعك وأنا استعملت حشو الحبيبة كاكي رووووووووعة يذوب في الفم وهو أربع كيلات لوز مرحي رقيق بكيلة سكر عادي وأربع مغارف زبدة طرية وزاست القارص واكستري اللوز المر ولميها بالبيض وعندك تجريها لوحي البيض بالشوي حتان تتلم وتجي ساهلة للتشكيل على خاطر راح تشكليها مثلثات أوكي يالحبيبة وكاشمة خصك راني هنا عمبالي طولت بالهدرة خخخخخخخ







رد مع اقتباس
قديم 2014-04-20, 18:59   رقم المشاركة : 19
معلومات العضو
لميس اميرة
عضو مميّز
 
الصورة الرمزية لميس اميرة
 

 

 
إحصائية العضو










افتراضي

أم محمد تاج


وصفة قاطو النوقة هاي ليكم حبيباتي:
700 غ كاوكاو بالقشور محمص ومرحي كيما تاع البقلاوة+ 300 غ سكر قلاصي ولافني والبيض وحدة بوحدة حتان يتلم فقط ماتجريهش راح يفسد ومن جهة أخرى أرحي كاوكاو نيء خشين كعبري القاطو تاعك ولوحي الحبات في الكاوكاو لخشين لي مايش محمص وحطيهم في لي كيسات وأدهني من فوق ببياض البيض ولصقي حبة نوازات وحبة بيستاش وحبة نوادكاجو ولا لوز ولا ربع حبة جوز لكي الاختيار وطيبيه كي يطيب عسليه بعسل سخون وحدو يعني مايش مخلط معاه ماء الزهر في ليكيسات بالمغرف حتان يتشرب العسل تاعو مليح وكي يشرب يعني لازم يومين باه يتشرب مليح بدليلو لي كيسات وعاودي أدهنيه فقط من فوق بعسل بارد وخاثر باه يبقى يبرق ورشي عليه بريو دوغي







رد مع اقتباس
قديم 2014-04-20, 19:00   رقم المشاركة : 20
معلومات العضو
لميس اميرة
عضو مميّز
 
الصورة الرمزية لميس اميرة
 

 

 
إحصائية العضو










افتراضي

للغالية ام محمد تاج

لي روس على طريقة أم محمد تاج لعيووون نهال الحبوبة
العجينة: 100 غ زبدة وثلاث ملاعق أكل عسل وبيضة وكاس سكر ناعم و زوج مغارف صغار بيكاربونات وأربيع مغارف كبار معجون مشماش ومغرف صغيرة فاني
الكريمة: كأس ماء وكاس سكر قلاصي و12 مغرف حليب غبرة و 100 غ زبدة طرية
تحضير العجينة: ذوبي الزبدة والعسل والمعجون على نار هادئة وغليها ثم خليها تبرد كي تبرد ضيفيلها البيضة والسكر والبيكاربونات والفاني والفرينة بالتدريج حتى تتحصلي على عجينة طرية وخفيفة
أقسميها ال أربع أقسام وأبداي حلي كل قسم وأثقبيه بالفرشيطة وطيبيه كي يحمار نحيه وأطلي كل طبقة بالكريمة التالية: خلطي الماء والحليب الغبرة والسكر والفاني وحطيهم على النار حتى يخثار الخليط ويثقال مليح خليها تبرد تماما وحطيها في الثلاجة تكمل تبرد مليح
ومن جهة أخرى خبطي ال100 غ زبدة مع مغرف سكر قلاصي حتان يبياض الخليط نحي الخليط من الثلاجة وبواسطة الباتور خلطي معاه الزبدة وضرك تتحصلي على كريمة ناعمة وتهبل أدهني بين الطبقات وزينيه من الفوق بالشيكولا وفتات الحواشي مرحي وفي الأخير رشة سكر قلاصي بالصفاية







رد مع اقتباس
قديم 2014-04-20, 19:02   رقم المشاركة : 21
معلومات العضو
لميس اميرة
عضو مميّز
 
الصورة الرمزية لميس اميرة
 

 

 
إحصائية العضو










افتراضي

ام محمد تاج


قلي مرقة بيضا بطرف جاج من الأحسن صدر ولا كويس على خاطر مبعد تفتتيه وقلي مليح ومرقي شوي برك ولوحي الجلبانة تاعك طيب كي طيب وتاخثار لوحيها في بلا تاع الفور هي بالمرقة الخاثرة تاعها وفتتي الجاج تاعك وحطيه على الوجه وفقسي فوقهم البيض بالحبة يعني كاملين حسب أفراد العائلة ورديها للفور يطيبو البيضات وفقط وكي طيب أعصري عليها القارص والمعدنوس وشهية طيبة حنونة







رد مع اقتباس
قديم 2014-04-20, 19:03   رقم المشاركة : 22
معلومات العضو
لميس اميرة
عضو مميّز
 
الصورة الرمزية لميس اميرة
 

 

 
إحصائية العضو










افتراضي

ام محمد تاج

لا تورت



العجينة: 400غ فرينة وأربع مغارف زيت ومغرف كبيرة حليب غبرة وزوج مغارف خميرة الكسرة ومغرف صغير سكر ومغرف صغيرة ملح وأعجنيها بالماء الدافىء خليها ترتاح وتطلع كي تطلع اقسمي العجينة على قسمين واحد أكبرمن واحد بقليل على خاطر لكبير راح تحليه ويطلع على الحواشي
أحشيه بالحشو التالي وزيدي ابسطي الجزىء الثاني بالفرينة كذلك وحطيه على الحشو أغلقي مليح وادهني الوجه بصفار البيض والجلجلانية وأعملي ثقبة في الوسط بواسطة الكوردون وحطيها تحمار
الحشوة: ذبلي نصف حبة بصل وأقلي ثلاث طماطمات متوسطين مليح حتان يتبخر الماء تاعها بالكامل باه ماتجيكش العجينة معجنة وتجيك تقرمش وزيدي اقلي زوج حبات بطاطا وزيتون أخضر بلا علف وفرماج الذايب وروج وشوي كرام فراش وشوي طون تاع الزيت ولا طماطم اختياري خلطيهم بلطف وحطيهم كحشوة للاتوغت وإذا حابة أي حشو من عندك فاختياري ومن ابداعك مثلا لي حابة صدر تاع الجاج تقليه وتفتتو ولا لحم مرحي لكن الاختيار







رد مع اقتباس
قديم 2014-04-20, 19:05   رقم المشاركة : 23
معلومات العضو
لميس اميرة
عضو مميّز
 
الصورة الرمزية لميس اميرة
 

 

 
إحصائية العضو










افتراضي

ام محمد تاج
نحي اللاقشرة لخشينة تاع ليزافار تاع لخروف ونحي العروق تاع الدم وقصيهم دي روندال ومن جهة أقلي البطاطا دوائر وفرشيها في مول وحطي ليزافار تاعك في مقلة ونقصيلها خلالالالالاص وملحيهم وزيديلهم فلفل أسود وثوووم كثري ومعدنوس وخليهم كي يطلقووو الماء تاعهم سيحيه على البطاطا وأعدلي لي زافار تاعك فوق البطاطا والى الفرن حتان يحمار شوي من فوق وكي يحمارو أعصري عليهم قارص







رد مع اقتباس
قديم 2014-04-20, 22:42   رقم المشاركة : 24
معلومات العضو
لميس اميرة
عضو مميّز
 
الصورة الرمزية لميس اميرة
 

 

 
إحصائية العضو










افتراضي

الكباب أم محمد تاج
قصي اللحم تاعك مربعات متوسطين وقليهم في بصلة والثوم كثري الثوم والرند وفلفلأحمر حار حوالي نص مغرف كبيرة وفلفل أسود ودواوات وكثري الكسبر وطماط لباط مغرف معبية و زوج طماطمات مرابيين وزيت زوج مغراف وقلي مليح ومبعد مرقي غير شوي برك وأقفلي الكوكوط يطيبو حتان يطيب اللحم وخثري المرقة تاعك مليح وقدميها مع الدبشة والمعدنوس يجي هايل لكباب راكي بالاك كليتيه عند الطبابخة راه يجي لحم بقري وحدو في مرقة حمرة







رد مع اقتباس
قديم 2014-04-20, 22:44   رقم المشاركة : 25
معلومات العضو
لميس اميرة
عضو مميّز
 
الصورة الرمزية لميس اميرة
 

 

 
إحصائية العضو










افتراضي

السكالوب محشي هاو ليكم:

جيبي صدر دجاجة كامل وبواسطة الموس حاد شرحيهم بلا ماتقصي يعني أعملي كل جهة كالورقة وزيدي الجهة الاخرى تاع الصدر حطيهم لاصقين في بعضاهم فوق الألومينيوم لازم باه يساعدك في طي السكالوب ثم أبداي داوي السكالوب تاعك ذرذري عليه الملح وفلفل أسود ومبعد طبقة موطارد وطبقة مايوناز وشومبينيو مقطعين وشوي زيتون أخضر مقطع وكمية فرماج تغطي كل المقادير ثم من الفوق رشة زنجبيل ورشة فلفل أحمر حار وفي الأخير حطي باقات صغار تاع المعدنوس بلا ماتقطعيه وبالحيلة أبداي رولي السكالوب تاعك ماتخافيش إذا خرجلك شوي وجيبي خيط خشين وأبداي أربطي السكالوب مليح ولوحيه في كيس الشواء أحسن من الألومينيوم لأنو كيس الشواء راح يخرجلك العصارة مبعد تحلي فيها لاكرام فراش
حطي السكالوب ساعة يطيب مالازمش ينشف خليه يبرد ونحي العصارة ديريها في مقلة وديري عليها فنجال كرام فراش مع شوي ملح وفلفل اسود وشوي فرماج شيدار وتهز غلية فقط وتكون عندك صوص هايلة
من جهة أخرى ردي الصدر تاعك في الفور يحمار شوي برك ونحيه وخليه يبرد وقصيه وزينيه بلاكرام فراش تقدري تقدميها مع روز بالزعفران ولا بطاطا بوري ولا بطاطا مقلية ولا الشكل لي قدمتو









رد مع اقتباس
قديم 2014-04-20, 22:45   رقم المشاركة : 26
معلومات العضو
لميس اميرة
عضو مميّز
 
الصورة الرمزية لميس اميرة
 

 

 
إحصائية العضو










افتراضي

ام محمد تاج
البريك
نغلي البطاطا مقطعة وكي طيب نحيها ونصفيها مليح ونضيفلها ملح وفلفل أسود ومعدنوس وشوي فرماج
نحط ورقة الديول على صحن شوي غامق ونحط شوي من حشوة البطاطا يعني مقدار مغرف كبيرة ونسقمها بيدي مليح ونعمل مثل السور ساير داير ونخليه فارغ في الوسط وعلى الجوانب نحط الطون والفرماج وبسرعة نكسر بيضة في الفراغ لي في الوسط ونملح بسرعة ونغلق لبريكة ونحطها طيب على نار متوسطة ونقلب حتان تتنفخ يعني طابت البيضة وكاين لي يحب البيض نص طياب هذا حشو البطاطا ونديرو بحشو اللحم مرحي عادي وساعات نديرو بحشوة البطاطا مخلطة مع اللحم والله يالحبيبة من الموجود







رد مع اقتباس
قديم 2014-04-20, 22:46   رقم المشاركة : 27
معلومات العضو
لميس اميرة
عضو مميّز
 
الصورة الرمزية لميس اميرة
 

 

 
إحصائية العضو










افتراضي

السفيرية

مرقي مرقة بيضاء عادي بالجاج وغلي الزيتون من جيهة
وغلي بطاطا كي تغلي قشريها وهرسيها بالفرشيطة وضيفيلها البيض بالشوي ماتجيش جارية وماتجيش يابسة المهم تقدري تكوريها وزيديلها معدنوس مقطع وملح وفلفل أسود ومبعد شكلي صبيعات وأحشي في وسطهم الفرماج من الأحسن فوندو وشكليهم صبيعات ورديهم في الفرينة ثم البيض ثم لاشابلوغ وأقليهم في زيت حامية وقلبيهم بالخف باه ما يتحلوش
كي تخثار المرقة تاعك ويغلي زيتونك حطي السفيرية في طبق التقديم ولوحي فوقها المرق وزيني باه تحبي بالبيض مغلي والقارص والمعدنوس







رد مع اقتباس
قديم 2014-04-20, 22:47   رقم المشاركة : 28
معلومات العضو
لميس اميرة
عضو مميّز
 
الصورة الرمزية لميس اميرة
 

 

 
إحصائية العضو










افتراضي

أم محمد تاج
تكرمي يا أم ابراهيم تعبك راحة
نغلي البطاطا مقطعة وكي طيب نحيها ونصفيها مليح ونضيفلها ملح وفلفل أسود ومعدنوس وشوي فرماج
نحط ورقة الديول على صحن شوي غامق ونحط شوي من حشوة البطاطا يعني مقدار مغرف كبيرة ونسقمها بيدي مليح ونعمل مثل السور ساير داير ونخليه فارغ في الوسط وعلى الجوانب نحط الطون والفرماج وبسرعة نكسر بيضة في الفراغ لي في الوسط ونملح بسرعة ونغلق لبريكة ونحطها طيب على نار متوسطة ونقلب حتان تتنفخ يعني طابت البيضة وكاين لي يحب البيض نص طياب هذا حشو البطاطا ونديرو بحشو اللحم مرحي عادي وساعات نديرو بحشوة البطاطا مخلطة مع اللحم والله يالحبيبة من الموجود







رد مع اقتباس
قديم 2014-04-20, 22:48   رقم المشاركة : 29
معلومات العضو
لميس اميرة
عضو مميّز
 
الصورة الرمزية لميس اميرة
 

 

 
إحصائية العضو










افتراضي

حبيبتي فيووووووووزة وصفة الروتي بالدجاج
أنا درت نصف دجاجة منقية مليييح ومشوطة فوق النار ومغسولة بالماء والخل مليييح
التتبيلة ((( 6 فصوص ثوم + ملح حسب الحاجة + م ص ونصف فلفل أسود + م ص موطارد يعديها ذوق هااااايل + م ص هريسة )) هاذو هرسيهم مع بعض ملييح
حطي شوي زبدة في القدر تذوب وحطي التتبيلة وزيدي الدجاج ومرقي بالماء ماشي بزاااف ماتخليهش يفوت المكونات وخليهم يطيبوا الدجاج ما يديش الوقت بزاف كي يطيب نحيه حمريه في الزيت
والبطاطا قشريها وقطعيها وطيبيها في صوص الروتي لي طاب فيها الدجاج وزيديلها غير شوي ماء كي طيب تاني حمريها في الزيت تجي مقرمشة وبنينة كي طيب في صوص لاروتي
وقدميهم محمرين كيما في الصورة لس شفتيها







رد مع اقتباس
قديم 2014-04-20, 22:50   رقم المشاركة : 30
معلومات العضو
لميس اميرة
عضو مميّز
 
الصورة الرمزية لميس اميرة
 

 

 
إحصائية العضو










افتراضي

ام محمد تاج
مقروض القارص
حبيبتي أم ياسووووو هاو لايك مقروض القارص على طريقتي:
رطل مارغارين صول + 400غ سكر قلاصي رطل زاست تاع القارص وأربع بيضات ولافاني تاع الميزان أحسن وزوج خميرة القاطووو ونص كاس كاوكاو مرحي مليح والفرينة تلمي بيها شكليه مقروضات وطيبيهم ومبعد لوحيهم في الشاربات التالية: عصير رطل قارص وكأس سكر عادي وكالس ونص ماء خلطي مليح حتان يذوب السكر ولوحي المقروضات تاعك في الشاربات وعاودي مرغيهم في السكر قلاصي على مرتين أو ثلاثة وبالصحة بصح هاذ الكمية تقطعلك تقريبا 200 حبة وهو القاطو الوحيد لي بقالي لحد الآن خخخخخخخخخخخخخخخخ







رد مع اقتباس
إضافة رد

الكلمات الدلالية (Tags)
أحمد, وصفات

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 17:23

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2019 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright © 2018 vBulletin Solutions, Inc