راني محتاجتكم

[مشكلتي]

السلام عليكم كيراكم مهم ديروني اختكم وجاوبنيكالرجال والنساء مهم
انا نبغي شخص وهو كذلك يحبني انا دائما نشوف فيه وهو يشوف فيا ويضحك ويمشي موراي ويقعد غير يضحك معايا لكن معجزة انو مجاش يتكلم معايا ابدا اظن انه خائف ان اخبر ابي او اخوواتي عليه ولهذا لم يتقرب لي لكنني احبه بكثرة وفوق مايلزم وحتى هو انا نظرات معه غريبة حتى صديقاتي قالولولي ماذا افعل عاونوني قلت انا اتكلم معه ونسقسيه مارايكم احتاج رايكم من فضلكم وفي اقرب وقت ومع اني صليت ودعيت واذاا كان شر يبعدو عليا حتى سبتو في كل منامات سبتو راهو يزيد يقرب ليا مع اني دعيت بزاف ودرت الاستخارة الخ لكن الاحظ انه مزال يقترب مع اني سقسيت عليه مليح بزاف وعاقل وثقيل بانلي مليح ولا اعرف مع قالولي ماشي شباب قلت معليش عقل هو كلشي عندي من فضلكم حطو موضوعي والله احتاج لارائكم

[زبدة ذايبة]

راكي غير تتخايلي

هذا وهم

أو أن هذا الشاب مريض

وإذا كان صحيح ولاباس عليه

ماتكونيش أكثر جرأة منه

هو ماقدرش يهدر معاك

أنت رايحة تقدري

ريحي روحك

شرفك بالدنيا وما فيها

كل هذا الذي تمرين به مجرد فراغ عاطفي

أشغلي نفسك فيما ينفع

[ع.عيسى]

مجرد وهم ....مرحلة المراهقة صعبة .اجغلي نفسك بالطاعة ..

[ing.Youcef]

يا لطيف

الله يهديك

[سَامِيَة]

يقول رسول الله صلى الله عليه وسلم :
" إِنَّ الْحَلَالَ بَيِّنٌ، وَإِنَّ الْحَرَامَ بَيِّنٌ، وَبَيْنَهُمَا مُشْتَبِهَاتٌ، لَا يَعْلَمُهُنَّ كَثِيرٌ مِنَ النَّاسِ، فَمَنِ اتَّقَى الشُّبُهَاتِ، فَقَدِ اسْتَبْرَأَ لِدِينِهِ وَعِرْضِهِ، وَمَنْ وَقَعَ فِي الشُّبُهَاتِ وَقَعَ فِي الْحَرَامِ، كَالرَّاعِي يَرْعَى حَوْلَ الْحِمَى، يُوشِكُ أَنْ يَقَعَ فِيهِ، أَلَا وَإِنَّ لِكُلِّ مَلِكٍ حِمًى، أَلَا وَإِنَّ حِمَى اللَّهِ مَحَارِمُهُ، أَلَا وَإِنَّ فِي الْجَسَدِ مُضْغَةً، إِذَا صَلَحَتْ، صَلَحَ الْجَسَدُ كُلُّهُ، وَإِذَا فَسَدَتْ فَسَدَ الْجَسَدُ كُلُّهُ، أَلَا وَهِيَ الْقَلْبُ. متَّفَقٌ عَلَيْهِ.

انتبهي لنفسك وانصتي لصوت ضميرك الحي الخائف من السقوط وقفي لجانبه

[ابو سليمان10]

النساء عادة ما تعطي تفسيرات لاشياء غير ذات معنى نفعلها نحن الشباب...حصل معي نفس الشىء و مع صديق ايضا..

[نجاة^^]

شوفي ننصحك نصيحة ومتندميش اذا طبقتيها بربي ان شاء الله ،هو بغاك ؟ خلاص كاين حاجة وحدة استعرفي بيها وهي يتقدملك ديراكت للبيت اذا رضاو والديك مبروك مرضاوش كل واحد يروح في حالو ،،،قال ابتسامة قال يا بنتي غير حبسي هذا الفيلم عليك و تعلقك بيه لانو اذا غاب ولا تبدل عليك مراح ة تلومي غير روحك ،،،واشغلي روحك باه تنساي الأمر .
انصحك ايضا بكثرة الصلاة والسلام على رسول الله*
مفتاح للهموم ،،

[اكرام براءة]

السلام عليكم و رحمة الله

أكثري من الذكر و الاستغفار
تجاهلي هذه الأمور أختي
و لا تشغلي بالك بها
انظري إلى ما ينفعك و دعك من تفاهات الأشياء و صغائرها

ربي معاك

[* قمر*]

اجابات قريتها كانوا و لا واحد حط روحوا في بلاصة هاذي المخلوقة جواب و كانه تباهي و لا مكاش احساس خاصة الفتيات ربي يهدينا و الله عيب نشوفوا واحد حاير ونزيدوا عليه ماشي وقت حق اذا منا نحوسوا على الحق مانيش نقول اكذبوا عليها ولا اخدعوها لا ابدا جاوبوها و راعوا لمشاعرها
لو جيت في بلاصتك نشوف مع كاش صحبة قريبة و لا هي تقول لخوها و لا كاش قريب ليك خوك تسقسيه اذا كان ناوي الحلال مرحبا بيه و اذا راه يتمسخر يروح يشوف بلاصة خداخرة للتمسخير لربما هذا العبد من انواع الرجال اللي ميحبوش يترفضوا
اما انك يا ختي نتي تروحي تهدري معاه لا انصحك اابدا اولا الغاشي تشوف و الكرامة ديالك تنقص هذا مشفناش انو الدين و الشريعة و حكمها انه لا يجوز ابدا تتكلمي مع الرجال و لا الخلوة معهم و ربي يفرج عليك

[زبدة ذايبة]

*قمر*

رأيك فيه الدفع بها إلى الفضائح.

يمشي موراها يفصل بينه وبينها بضعة أمتار.

ولا حتى محاولة من طرفه.

على واش كتبت يبتسم فقط.

ممكن يستخدم سماعات ويسمع لأشياء تجعله يبتسم.

جينا نحلو مشكلة الطفلة

لقينا عندك مشكلة.

لا لفضح نفسها أمام الآخرين.

تروح تقول لصاحبتها

وصاحبتها تقول لخوها

وخوها يقول لصاحبو

وصاحبو يقول لصاحبو
وصاحبو لصاحبو
و...................

فضائح وهتك للأستار

وقذف للاعراض

على جال وهم ماعندو حتى معنى.

صاحبة المشكلة:

ردي بالك تصدقي الدعوات التي تطلب منك ديري شهود على نفسك وأنك مخلوعة وماصدقتي (شاف فيك واحد)

كلها أيام او أشهر يبان صدقه من خداعه.

أصبري فقط.

ماكاش وش يجري موراك

عندك الوقت.

لا داعي للفضائح والتشهير بنفسك قدام اللي يسوى واللي مايسواش.

[toulay]

وعليكم السلام ورحمة الله وبركاته
Bon يحبك وتحبوا صحا ومبعد واش كاين واش المطلوب هل دار حاجة تاكدلك بلي صح ناويك هل راح لداركم بصفة رسمية ياك لا راكم داخلينها غير ضحك وابتسامات هل ياترى هذا هو الحب الحقيقي في نظرك
يا اختي الحب مواقف وافعال و jamais شفت في حياتي انسان يكون ناوي الحلال ويخاف يدير خطوة بركاك ماتهف في روحك ومتخليش العاطفة تغلبك
كونك منطقية
يحبك يجي يتقدملك نقطة انتهى لا اكثر ولا اقل
واش تسقسيه الله يعيشك عمبالك مسلسل تركي تروح عندو وتقول هل نعجبك هيا نتزوجوا
فيق مع روحك ومتكونش ضعيفة ورد بالك تروح ليه وتحكي معاه وتبهدل بروحك صدقني يا الاخت اذا عينوا فيك اي حاجة ماتوقف في طريقوا انت اصبر وخلاص وتاني اشغل روحك بحاجات اخرى عندها اهمية
ومتزيدش تشوف فيه هبط راسك وامشي
ربي ينوب عليك ان شاء الله
بالتوفيق

[بـــيِسَة]

سلام

اختي بلاك هو راهو حشمان برك
انقلك خليك من التفكير بيه
و خليها على ربي
مثلا قولي في بالك بلي
انزيدله شهر الا مجاش يتقدم ليا راني ننساه ديري وعد اروحك
بهذه الطريقة
ومتحكيش معاه الجراة للرجال اولا
و ربي معاناااااااااااااااا

تحياتي

[noursm]

صار هو ما جاتوش الجرأة باش يهدر معاك
و انتي زعما فحلة عليه
عندك تروحي تهدري معاه
اولا سما رايحة طيحي بقدرك و كرامتك
و ثانيا رايحة تسقطي في نظره
لكان يحبك صح ، يجي النهار و يصارحك
انتي المهم ثقلي روحك و تجاهليه و تمديلوش قيمة
ربي يسهلك اختي و يجمعك به اذا كان فيه الخير

[soft5sat]

بارك اللة فيك اخى.

[محمد جديدي التبسي]

يا بنتي اذا ضحكلك في وجهك مش معناها ناوي لحلال
واذا رجعتيلو الضحكة طفرت فيك يعرفك مش تاع زواج ويبدا يلعب بيك
ننصحك فك عليك هذا سوق فارغ مادير والو في بالك وما تزيدش تخزر فيه
غضي بصرك عن الرجال واستني لي يدخل من الباب مش يوزع في الابتسامات فالشارع.