المعقوووووووووووووووووووووودة

[fatimazahra09]

لسلام عليكم اخواتي :

وتبعا لتعليقي على الاخت لي حابة وصفة المعقودة نتاع شلف .... نقوللها و نقوللكم انا ماشي من مدينة شلف لكن عندي https://www.djelfa.info/vb/showthread.php?t=1099499
هادي وصفة المعقودة معتمدتها في سنوات و الفضل يعود للسيدة القديرة رزقي مختارية .....الله يحفظها ويطول في عمرها .....
ولي ما زلنا نفرحو كي نشوفو طلاتها على الشاشة .....الحمد لله انا واحدة من الناس تعلمت عليها وعبر الشاشة طبعا بزاف صوالح .........الله ياتيها الصحة ان شاءالله
المهم هادي المقادير وطريقة التحضير ان شاء الله :
حطيت البطاطة تغلي بالقشور مع شوية نتاع الملح .... قشرتها و مرستها .... وحطيت 2 م ك بصل مبشور + 1 م ص ثوم + 1 بيضة كاملة + صفار 1 فقط + الملح لاكان خاص+ قرصة فلفل اسود + قرصة فلفل احمر + 4 فرماج و لا ما كانش ديري 2 م ك جبن مبشور او حتى 3 مربعات كيري او نصف قطعة من الفرماج شاف ......ما تكتريش فوق الحق لانو رايح بوريه البطاطة تجرى و تتلصق و ما تصلحلكس .....
المهم قطعت شوية معدنوس وعاودت مرست كلشي .........
شكلت كويرات و رمدتهم في الفرينة مباشرة .... وخليتهم دايما على هاد الشكل
و حطيت صحن فيه البيض مخفوق و صحن فيه الشابلور ..... و درت الزيت تسخن على نار متوسطة فقط و بديت نحط في البيض و نحط في الشابلور اخر حاجة ... رمدت كمية معتبرة ( حق المقلة ) و خاصة كي تكوني وحدك اعتامدي هاد الطريقة ... باش ما دخليش يدك بارتو و تفسدلك المكونات لي راكي ترمدي فيها
المهم في هاد المرحلة وقبل ما تحطيهم يتقلاو ....ابلاتي الحبة وحاولي دايما تحافظي على الشكل الدائري نتاعها..... و عاودي فوتي الحاوشي في الشابلور باش تضمني الحبة في القليان ..... المهم نصيحة فقط تتقلى على نار متوسطة لانها ادا قليتيها على نار قليلة رايحا تشرب كامل الزيت و تثقال و ماجيكش مليحة
وادا تقلات على نار قوية رايحا تتحرق او تحمار بزاف .......على داك لا شفتي الزيت سخنت بزاف في القليان نقصيلها شوية قد ما تبرد وعاودي زيديلها ......و نصيحة اقلي ب 2 م ك ماشي بلابانس وماشي بالشوكة باش تبقى تايما لاكوش نتاع الفرينة محافظة عليها في القليان
المهم حضرت هادي المعقودة بصوص بيضاء بالدجاج و الحمص كي العادة ......
والشاطرة تحسب الحبات ......هههههههههههههههه
ما ظاعت حتى حبة
وحتى الزيت لي قليت فيه صورتولكم comme preuve





















والحمد لله ..... و الشكر لله
ان شاء الله تعجبكم وتجربوها في الشهر الفضيل
سلامي ليكم حبيباتي
و ماتنساونيش في دعوة نتاع خير ......من القلـــــــــــــــــــــب

[لينة المتفائلة]

اممممممم تشهييي يعطيك الصحة

[fatimazahra09]

المشاركة الأصلية كتبت بواسطة لينة المتفائلة

اممممممم تشهييي يعطيك الصحة

شكرا لينة حبيبتي
الله يخليك

[crono]

يعطيك الصحة
للسيدة القديرة رزقي fakartini fiha....الله يحفظها ويطول في عمرها .....
انا واحدة من الناس تعلمت ....عليها..الله ياتيها الصحة ان شاءالله

[مرام 1987]

ربي يبارك فيك نفس طريقة أختي لهذا نقولك راهي تشهيييييييييي
يعطيك ألف عافية

[fatimazahra09]

المشاركة الأصلية كتبت بواسطة crono

يعطيك الصحة
للسيدة القديرة رزقي fakartini fiha....الله يحفظها ويطول في عمرها .....
انا واحدة من الناس تعلمت ....عليها..الله ياتيها الصحة ان شاءالله

الله يسلمك
و يسلم غاليتنا رزقي
الله يطول في عمرها
سلام

[fatimazahra09]

المشاركة الأصلية كتبت بواسطة mary1987

ربي يبارك فيك نفس طريقة أختي لهذا نقولك راهي تشهيييييييييي
يعطيك ألف عافية

الحمد لله لي عندي شاهد عيان و لا واش نقولو
ماري ......ههههههههههههههههههه

[حبي لأمي]

شكرا لك حنا ثان نطيبوها بنفس الطريقة بصح شهيتيني

[خديجة التقية]

هايلة يعطيك الصحة

[ضفاف الإبداع]

سلمت الايادي اختي

[fatimazahra09]

المشاركة الأصلية كتبت بواسطة حبي لأمي

شكرا لك حنا ثان نطيبوها بنفس الطريقة بصح شهيتيني

بصحتكم
سلامي ليك حبيبتي

[marwa255]

ya3tiiik el sahaaaaaaaaaaaaaaaaaa

[fati13]

هاايلة نموت على المعقودة يعطيك الصحة ختي

[fatimazahra09]

المشاركة الأصلية كتبت بواسطة خديجة التقية

هايلة يعطيك الصحة

الله يسلمك حبيبتي

[fatimazahra09]

المشاركة الأصلية كتبت بواسطة ضفاف الإبداع

سلمت الايادي اختي

الله يسلمك ويخليك يا رب