سؤال بخصوص مشكلة في جهاز الكمبيوتر

[كواسر 09]

السلام عليكم و رحمة الله تعالى و بركاته

عندي جهاز كمبيوتر مكتبي و أصبح فيه مشكلة

المشكلة هي : أنه أصبح يصدر صوت من الوحدة قبل أيام + بالإضافة الى أنه اليوم بدأ ينطفأ ثم يعيد الاشتعال لوحده . يتروديمارا وحدو وحدو
.

خاوتي ماهو السبب

و هل إذا بقيت نعمل بيه هكا راح يزيد يتضرر أكثر و يزيد مشكلة أخرى ؟؟؟

شكراااااااا

[مراد سابقا]

البروسيسور يسخن

متزديش تخدم بيه ليتفسدلك الميكرو نهائيا

لازم تديه عند اختصاصي يبدلك الرياشة

الرياشة انتاعك فسدت

[mhd]

أعتقد أنها مشكلة مروحة
الرواسب على المروحة تؤدي تدريجيا إلى تعطيلها
حيث تتباطأ وتتوقف وعند نباطؤها أو توقفها البروسيسور يتوقف فينطفء الجهاز

فقط عملية الإصلاح بسيطة جدا وغير مكلفة

[Prince Haythem]

حلو و شعلو و تفقد الرياشة ( المروحة) لي تبرد البروسيسر لداخل تمشي ولا لا عادة هذا هو المشكل لي يخليه يتفا

[seifellah]

كيما قالولك الاخوة المشكلة انتاعك سهلة

حل الوحدة انتاعك و قم بفتح المروحة (الفونتيلاتور)

ونحي الرواسب والوسخ اللي فيها

وركب كلش وشعل الميكرو انتاعك

ان شاء الله يولي جديد

بالتوفيق

[sar3ofe]

الفونتيلاتور هي المشكل

[kaza100]

هذا البروسيسور يسخن نح اللينيتي من التريسيتي
وافتحها تلقى رياشة ثم تلقاها موسخة حاشاك نقيها زين ونحها وروح للي يبيعو صوالح لانفورماتيك وقلو نحوس على لابات نتاع البروسيسور اششريها ب5 الاف نورمالمون
وديرها بين الرياشة ا(الفونتيلاتور) والبروسيسور ورد الرياشة هذيك وما تنساش الخيط نتاعها اللي يلصق فاللوحة الام باش تمشي الرياشة
وشعلو وبالصحة والعافية
كي تشعلها ما تسكرش لينيتي شوف الرياشة راها تدور ولا لا لا كي تلقاها تدور ايا سايي سكرها وما تنساش هذي تديرها طول من شهرين ولا 3 شهر نقي الرياشة
سلام
اذا افدتك ادعيلي

[GSA89]

على حسب خبرتي ان الصوت ناتج عن تجمع الغبار مما يعطل عمل البروسيسور
ما ما يخص يطفي ويشتغل فهو بحاجة للفورمات