دمرني مرتين

[مشكلتي]

السلام عليكم

اولا انا فتاة 22 سنة خدامة جميلة جدا مثقفة و من عائلة جد طيبة اتخطبت في عمر 19 لواحد عمرو36 و درنا العقد الشرعي انا كنت نحبو نموت عليه و هو تاني كان يقول نحبك كنا في قمة السعادة مع بعض لكن قبل العرس صرا بيناتنا مشكل تافه هو كبر المشكل و خلاني و طلقني
والله هاديك الفترة ربي يعلم كيماه فوتتها قريب هبلت كي نتفكر هادوك ليامات تقول ماهوش هوا ولا انسان اااااخر وحش
المهم كنت في حالة نفسية سيئة و في فترة اقل من 5 اشهر تقدمولي بزاااف خطاب و قبلت بواحد باه ننسى راجلي الاول هدا خطيبي الثاني تتمناه اي مرا في الدنيا ولد ناس و متربي و رزين بزاااف لكن جامي حسيت بلي حبيتو
بعد الخطبة الثانية رجع عيطلي راجلي الاول و الصح كااان متاثر بزاااف راح يهبل كي سمع بللي تخطبت قالي بللي راه ندم و بلي دارولو سحر و بللي يحبني و يموت كون نبعد عليه
علابالي غالطة لكن بقيت على اتصال بيه و علاقتنا رجعت اقوى من قبل و تفاهمنا نرجعو لبعضانا بعد ما نسالو مفتي ادا كان حلال ولا لا
المهم سال المفتي و بقينا نستنو في الفتوى و هو كان يقللي غير نكونو صافيين قدام ربي ندير المستحييل على جالك
و في هادي الفترة خطيبي تبدلت عليه وليت منحملش حتى نسمع صوتو رغم انو مليح معايا
و اخير قاللنا المفتي تقدري تحبسي و ترجعي لزوجك انا قريب مت من الفرحة اما زوجي الاول حسيتو متاثرش قالي حتى كي تحبسي معاه نبقى 8 اشهر باه نجي نحكي معا باباك قالي باه ميقولوش انا اللي فزدت عليك انا تشووووووووكيت؟؟؟؟ و مبعد غضبت ووليت نبكي قالي اصبري عليا ايامات لاني مريض شويا نخمم مليح و نقلك

و دركا رانا في اسبوع مجبدش الحكاية خلاص رغم انو لاباس بيه حتى انو رايح فواياج لاسبانيا هاد ليامات
قبيل قاعدين نحكو و جبدتلو الحكاية و تنارفيت قتلو ساعات نحسك تلعب بيا و يجي في بالي نخليك و متزيدش تسمع صوتي جاوبني قالي كيما تحبي ديري لي يريحك ؟

راني نكتب و نبكي هادا اللي صبرت عليه 3 سنين و دمرت حياتي مرتين على جالو قبلت مايديرليش عرس و لا يجيبلي شرط لانو معندوش ------رغم انو يخدم دكتور في الجامعة-----
قبلت نسكن مع دارهم ووقفت في وجه والديا على جالو قبلت نحبس خدمتي على جالو و نروح معاه لاخر الدنيا علابالي درك شوي و يزيد يعيط لكن غاضتني منو الكلمة بزاااف و غاضتني واش راه يدير فيا

اسمحولي على الاطالة لكن ربي يعلم قلبي معمر و ملقيتش حتى لمن نحكي انصحوني

[صرخة ألم]

مريض نفسيا و اذا كملتي هكذا راح تخسري اكثر فيقي لعمرك و خمي على روحك و طيشي عليك الهم هذا ... هذا حتى اذا خطبك ارحمي روحك و ما تقبليش بيه .... ربي ينور طريقك باه تبعدي عليه انتي ماشي هو لي شوف و شوف

[blanche rose]

ياسلام
هل تثقين في شخص كهذا؟؟
رماك قبل أيام من العرس ولم يستفق إلا بعدما جاءك عريس؟؟
والامام قال حلال!!
هذا الشخص ظهر ليفسد حياتك..
وهو عجوز مقارنة بسنك..

بخصوص خطيبك الحالي
كيف تقبلين بشخص لم تتحرك مشاعرك اتجاهه؟؟
بهذه الطريقة ستظلمين نفسك وتظلمينه..
والنتيجة ها أنت تخونينه..حرام عليك
تقربي لله عز وجل..حتى يعطيك الحكمة وينير بصيرتك..

ربي يفتح عينيك ويهديك

[ام رضوان]

السلام عليكم
اختي عاودي حسابك مليح.
اولا هذا السيد راهو يلعب بيك
وانت راكي تبعي في ذيب وراح يجي نهار اللي يغدرك فيه وعيشي تسمعي
وزيد هذا المفتي اللي فتالك راهو كفء ولا يتمسخر
ونقولك اختي ربي عوضك بشخص مسقم وانت رجعتي للي لدغك
ربي يهديك
طلقك لمشكل تافه ورايحة ترجعي ليه
والله ودومي هكذا غير تقعدي عانس طول عمرك
اسمحيلي اختي

[samy algerien]

بكل بساطة اراد ان يجرب ان يرجعك لكي يتأكد انه هو الذي تركك ليس انت لانه مغرور فقط . لكن لا أعتقد انه سيتزوجك هذا كبير وجايح. الي يغيظ هذا الي جاك من الباب وانت راكي تلعبي بيه لكن الطيبون للطيبات والخبيثون للخبيثات.

[sarl02]

صاحا والمخلوق الثاني الي جاء خطبك ماكيش اتخمي فيه نهائيا وكانه غير موجود نهائيا في الحلقة هذه؟؟راكي حايرة غير مع عمرك كيفاش ترجعي لحبك السابق ..الانانية لهاته الدرجة؟؟كيفاش ابغيتي ربي يرضى عليك وانت تتلاعبين بمشاعر رجل تتمناه ربما الف وحدة اخرى افضل منك؟؟...انت لا تستحقين فقط التدمير لمرتين كما جاء في عنوان موضوعك بل تستحقين دمار شامل ....لهذا السبب راني حالف ما نتزوجش بوحدة ما نعرفهاش مسبقا وانقلبها يمينا وشمالا على يدي ....لا حول ولا قوة الا بالله.

[زنوبيا86]

الحكاية واضحة وضوح الشمس

[fella111]

هو لم يدمرك و لا شيئ انت من دمر نفسك بنفسك المشكل ما تتعلموش من اخطاء الاخريات هو شخص سيئ لا ادري كيف احببته ربما اصبت بالعمى حينها او كنت مخذرة اتساءل كيف هو دكتور في الجامعة اصلا المهم انه اراد ان يثبت لك انه هو من تركك و لست انت و المفتي هذا على اي اساس فتالك الفتوة ربما كون جات كاينة عدة نقولك اكيد بروتوه او مصدر الفتوة اللي بلغك كاذب انا نطلبلك الهداية عزائي لخطيبك برك اللهم اجره في مصيبته و ابدله خيرا منها اكيد ربي يحبو.

[djamellinfo]

في الاخير هو تلاعب بيك
و انتي تلاعبتي بخطيبك ثاني
الله يصلح أحوال

[zalamite]

الطمع يفسد الطبع يغيض غير وليد الفاميلية لى ما راعيتي لا احساسه و لا نفسيته المهم ربي شاف فيها خير لى نجاه منك .روح اتزوج انت درك و انوي الخير معاهم

[غربة أهل السنّة]

وعليكم السّلام ورحمة الله وبركاته
أنتِ بتصرّفكِ هذا أصبحتِ خائنة للأسف، كيف تكلمين خطيبك السّابق وأنتِ مخطوبة للثّاني؟؟
وزيد شكون الإمام هذا لي أفتى لكِ بأمر كهذا؟؟ ولا مجرّد كلمة إمام تخليك تتبعي وش يقول؟؟ حسبنا الله ونعم الوكيل في أئمة الضلال ..
أين إنسانيتك؟؟ أين عقلك؟؟ للأسف زوجك الأول يتلاعب بكِ وحب يفسخلك خطوبتك فقط لكي لا تتزوجي بالثّاني وتضيع عليك الفرص!!!
صدّقيني في حكايتك لم أر أثرا لمشاعر المودة بقدر ما رأيتك قصّتك مغلفة بغلاف الخيانة
لماذا تجرّين معك الخاطب الثّاني؟؟ كي تعذّبي النّاس؟؟
صدّقيني سيأتي يوم تندمين فيه على فعلتكِ لذلك توبي إلى الله وأتركي علاقتك مع هذا الشّخص لأنه لن يخطبك
وإذا حصل وخطبك وتزوجتِ به فستندمين على كلّ لحظة تنظرين إلى وجهه
لأنّك لم تتنازلي فقط عن الشّرط وعن عملك وعن سكنكِ المنفرد، بل تنازلتِ عن إنسانيتك بظلم الشّخص الثاني
واسمحي لي أن أخبرك أنّك تنازلتِ عن كرامتِكِ أيضا لأن الخاطب الأول سيراك ملهوفة تركضين وراءه وتقبلين بكل إهانة منه
والمرأة يا أختي تكون عزيزة مش بإشارة من واحد تروح تجري
عودي إلى رشدكِ فالظلم ظلمات يوم القيامة وطهّري نفسك من الأنانية
هل تظنين أنّ ما تفعلينة بسبب الحبّ؟؟؟
الحب يا أختي أسمى ممّا فعلتِ ،، الحب يكون بعد الزواج وهو مواقف مش حكايات في التيليفون وخلاص
ليس ترك المرأة لخطيبها لكي تذهب مع شخص لا مبادىء له
ألا تعلمين أنّ القلوب بيد الله يقلبها كيف شاء،، هذا الشخص لي ضحتي على جالو وخنتِ خطيبك من أجله
قادر في ثانية يتبدل عليك كليا !!! والدّليل أنه طلقك بسبب مشكل تافه كما وصفتِ،،، ثم لماذا ثمانية أشهر بالتحديد؟
ما تفكّرتيش الألم لي سببهولك، وكيفاه وفقك ربي باه تنساي الألم وعوضك بخاطب آخر؟؟
لكن أنتِ ما عجباتكش نعمة ربّي و رحتِ رجعتِ للذل بقدمك
************
نصيحتي لكِ: راجعي نفسك فأنتِ مخطئة وظالمة و الدّنيا دوارة ... لكان حابة تعيشي بضمير مرتاح
صفي حساباتك مع النّاس واتّقي الظلم، فإنّ الظلم ظلمات يوم القيامة..
هذه نصيحتي لكِ، إن أصبت فمن الله وإن أخطأت فمن نفسي ومن الشّيطان
وصلّى الله على سيّدنا محمّد وعلى آله وصحبه أجمعين
والحمد لله ربّ العالمين

[نور لاتراه]

السلام عليكم
المؤمن لايلدغ من جحر واحد مرتين
أين مبادئك؟

[ام رضوان]

المشاركة الأصلية كتبت بواسطة أم جـهاد

وعليكم السّلام ورحمة الله وبركاته
أنتِ بتصرّفكِ هذا أصبحتِ خائنة للأسف، كيف تكلمين خطيبك السّابق وأنتِ مخطوبة للثّاني؟؟
وزيد شكون الإمام هذا لي أفتى لكِ بأمر كهذا؟؟ ولا مجرّد كلمة إمام تخليك تتبعي وش يقول؟؟ حسبنا الله ونعم الوكيل في أئمة الضلال ..
أين إنسانيتك؟؟ أين عقلك؟؟ للأسف زوجك الأول يتلاعب بكِ وحب يفسخلك خطوبتك فقط لكي لا تتزوجي بالثّاني وتضيع عليك الفرص!!!
صدّقيني في حكايتك لم أر أثرا لمشاعر المودة بقدر ما رأيتك قصّتك مغلفة بغلاف الخيانة
لماذا تجرّين معك الخاطب الثّاني؟؟ كي تعذّبي النّاس؟؟
صدّقيني سيأتي يوم تندمين فيه على فعلتكِ لذلك توبي إلى الله وأتركي علاقتك مع هذا الشّخص لأنه لن يخطبك
وإذا حصل وخطبك وتزوجتِ به فستندمين على كلّ لحظة تنظرين إلى وجهه
لأنّك لم تتنازلي فقط عن الشّرط وعن عملك وعن سكنكِ المنفرد، بل تنازلتِ عن إنسانيتك بظلم الشّخص الثاني
واسمحي لي أن أخبرك أنّك تنازلتِ عن كرامتِكِ أيضا لأن الخاطب الأول سيراك ملهوفة تركضين وراءه وتقبلين بكل إهانة منه
والمرأة يا أختي تكون عزيزة مش بإشارة من واحد تروح تجري
عودي إلى رشدكِ فالظلم ظلمات يوم القيامة وطهّري نفسك من الأنانية
هل تظنين أنّ ما تفعلينة بسبب الحبّ؟؟؟
الحب يا أختي أسمى ممّا فعلتِ ،، الحب يكون بعد الزواج وهو مواقف مش حكايات في التيليفون وخلاص
ليس ترك المرأة لخطيبها لكي تذهب مع شخص لا مبادىء له
ألا تعلمين أنّ القلوب بيد الله يقلبها كيف شاء،، هذا الشخص لي ضحتي على جالو وخنتِ خطيبك من أجله
قادر في ثانية يتبدل عليك كليا !!! والدّليل أنه طلقك بسبب مشكل تافه كما وصفتِ،،، ثم لماذا ثمانية أشهر بالتحديد؟
ما تفكّرتيش الألم لي سببهولك، وكيفاه وفقك ربي باه تنساي الألم وعوضك بخاطب آخر؟؟
لكن أنتِ ما عجباتكش نعمة ربّي و رحتِ رجعتِ للذل بقدمك
************
نصيحتي لكِ: راجعي نفسك فأنتِ مخطئة وظالمة و الدّنيا دوارة ... لكان حابة تعيشي بضمير مرتاح
صفي حساباتك مع النّاس واتّقي الظلم، فإنّ الظلم ظلمات يوم القيامة..
هذه نصيحتي لكِ، إن أصبت فمن الله وإن أخطأت فمن نفسي ومن الشّيطان
وصلّى الله على سيّدنا محمّد وعلى آله وصحبه أجمعين
والحمد لله ربّ العالمين

الله يحفظ هذاك الفم ويبارك في الوالدين اللي رباوك
بردتيلي قلبي
نصائح من ذهب
بارك الله فيك

[محمد جديدي التبسي]

كل مرة أتأكد أن الجميلات مغرورات الا ما رحم ربي
انت دمرت نفسك بقلة وعيك وغرورك ثم تقولين انك مثقفة؟
عن اي ثقافة تتحدثين؟ ثقافة التلاعب بالرجال؟
لابد ان تكفي عن هاته السذاجات واياك ان تتنازلي عن كرامتك وانت في بيت والدك وكما قالوا لك الحب بعد الزاوج ما قبله أوهام ثم ان الرجل يحب بعينيه قبل الزواج وبقلبه بعده.
لذلك اياك والرجوع لهذا الشخص واقطعي كل طرق الاتصال به غيري الهاتف واذا جاءك للعمل لا تقابليه ووصي أهلك يحموك منه ومن تلاعبه ..
ربي يصلح حالك

[نصيرة الإسلام]

لن أرد عليك إطلاقا ..لأنني سئمت من أناس من امثالك
:
أقول فقط من كلّ قلبي يا ربي إن كان خطيبك الثاني إإنسان ليس له سوابق و نيته صافية و ابن حلال ربي أن شاء الله يبينله الحق .و يعوضه بفتاة صالحة تحبه و تكون قرة عين له ..آمين
:
ربي يهدينا و يتبثنا يا رب