لا للتبذير و مرحا للاطباق اللذيذة - الصفحة 6

ام طيري الجنة · 2013-07-23, 22:05

اليوم بقاتلي مرقة نتاع حمص مع البصل من البارح صفيتها ورحيت البصل و الحمص وزدتلهم المعدنوس و بيضة و تبلتهم شوي و درت بيهم خبيزات في البيض ثم في لا شابلور ثم قليتهم و جاو هايلين

عطوفة · 2013-07-25, 12:47

السلام عليكم ..
اين انت يا ام طيري الجنة ؟؟
والفت طلاتك .فلا تحرمينا منها
اتمنى لك كل الخير ..

samasem 2 · 2013-07-25, 22:29

يعطيكم الصحة كامل أفكار رائعة أنا والله مالفة لحاجة ألي تفضلي نطيشها

ام طيري الجنة · 2013-07-27, 16:32

اقتباس:

المشاركة الأصلية كتبت بواسطة samasem 2

يعطيكم الصحة كامل أفكار رائعة أنا والله مالفة لحاجة ألي تفضلي نطيشها

الحمد لله ان موضوعنا هذا و مشاركة الاخوات الفاضلات افادك وهكذا يصبح شعارك انت ايضا ((حتى حاجة ما تترمى ))

hayette82 · 2015-04-15, 20:01

حتى انا نعمل هكا مع القهوة

ام طيري الجنة · 2015-04-15, 20:20

اقتباس:

المشاركة الأصلية كتبت بواسطة hayette82

حتى انا نعمل هكا مع القهوة

يعطيك الصحة رجعت الموضوع للحياة خاصة مع اقتراب شهر رمضان

mojab · 2015-04-15, 22:17

البسملة1

نا مرة في رمضان درت شطيطحة دجاج قعد انصف طنيجرة قطعت البطاطا وقليتها وجمرتها اللله اللله صدقونى واحد مفاق

ام يوسف 2737 · 2015-04-15, 22:53

نهار الجمعة ندير طعام بالمرقة و الرايب
عائلتي يحبو الرايب فتبقالي المرقة نهار السبت نعطرها و نرحيها و نرجعها حريرة

رندة نهاد · 2015-04-16, 05:56

اقتباس:

المشاركة الأصلية كتبت بواسطة ام طيري الجنة

اتمني حبيباتي من خلال هذا الركن ان تفيدنا كل واحدة منكن بتجاربها في اصلاح الاطباق التي لم تقبل عليها العائلة في الافطار ففكرت ودبرت واخترعت منها طبقا جديدا لذيذا وهكذا نحارب التبذير ونستفيد من افكار بعضنا البعض وبالتالي نتقاسم الحسنات ان شاء الله

سأبدأ أنا
في رمضان الماضي احضر زوجي سمكا من النوع المقطع على شكل دوائر و قمت بتتبيله كالعادة و قليته وهو بنين الا اننا لم نتناول منه الا القليل على غير العادة على جال السخانة و شهيتنا تنقص في رمضان
في اليوم الموالي حرت واش ندير بيه ما نقدرش نعاود نحطه و ما نقدرش نرميه حرام بقيت نفكر حتي خطرت لي فكرة طولت عليكم اسفة

اخذت الجزر حبة والجريوات حبة والبصل وبشرتهم يشكل طولي وقليتهم مليح مع شوي زيت وتوابل ثم فتت الحوت و اضفت له الخضار ممكن ختى اضافة البطاطا ميشورة ومقلية ثم كمية من الجبن وشكلت بالخليط اصابع مررتها في البيض ثم لا شابلور وقليتهم صدقوني ( كما تقول حورية المطبخ) كان الذوق رائع ومازال ديك البنة في فمي

هذه تجربتي مع بقايا الطعام وما اكثرها في رمضان

سمحولي على الاطالة

اتمني ان تفيدونا بتجاربكم يا مدبرات ويا الفحلات
صح فطوركم

ام طيري الجنة · 2019-05-03, 23:43

اقتباس:

المشاركة الأصلية كتبت بواسطة رندة نهاد

و سلمت ايدكن ورمضانكن كريم