الفوج الثالث......الفوج المتالق

[ميمنة الجزائر]

يويويويويويويويو الف مبروك ام اثرى لعقوبة للجائزة الكبرى تستهلي كل خير يارب

[LAMIA TEFFAL]

يا جماعة معناه وحدة تخرج من المسابقة من النومني تلاتة
ياريت اخي عمري تقول كلشي ليوم باش نروح ترقد

[LAMIA TEFFAL]

مبروك للمتاهلات في المهمة التانية
وحظ موفق للبقية

[ghagha]

مبروك للفائزات وربى معاكم

[ام إثري]

الف مبروك للمتاهلات وحظ موفق> للنوميني شدو الهمة لبنات
ممتعة المسابقة
بارك الله فيكم

[OM AYA]

لامية فاطمة سكرة (نسميك هك خير) ربي معاكم والله انا شغالي كامل خليتهم وانا نستنى حتى نفسيتي تعبت لاني نمرض كي نلقا روحي قاعدة بلا شغل يادرا نتوما يعني كاااااااامل حسيتكم تعبتوا و زيد شكركم الا انا عطاني احساس بلي ما درتش حاجة كبيرة زعزلي الثقة شوية بصح كانت عندي ثقة في الدونتال و جات في الصواب وزيد بيعلي بلي نقطة ضعفو خلات عليه ضرك منا و رايح الدونتال ندير بيه حاااالة

[OM AYA]

بيبا لحبيبة راني فهمت راح نحطك بين عينيا المنافسة رقم 1 راحت عليك رانا نخمو كيف كيف

انا ما تعبتش في التخمام غير تم الاعلان عن المهمة جات التصويرة بصح الخامات كان عندي دونتيل بصح البياض هارب و ما يتماشاش مع لقمايج لي عندي صافي خرجت نشري قمجة و نزيد معاها وش يوالمها ياك دار فيا الحال وليت شريت دونتال تاع 58 الف ربع ميترة دارت خير و بركة وبقالي منو و زدت قفالي رغم اني كنت حابتهم بشكل اللؤلؤ الابيض بصح تعرفي حالنا ما نلقاوش وش نحبو

وفي التنفيذ كنت معولة ندير الدونتال في الظهر كيما انتي برك انا نزيد نهبط فيه بصح في الاخير قررت نحافض على القطعة العليا للظهر و نغير الامام فقط رغم كنت قادرة ندير تفاصيل اخرين بصح خفت الوقت وانا عندي شغالات بزااااف ومسؤولياااات

[OM AYA]

نسيت نعبر على الفرحة تاعي (يو يووووووووييييي) و الله من حسرتي عالبنات يا ريت ياهلكم كااااااامل للمهمة التانية ومن بعد يبداو التصفيات لانو الهدف هو نتعلموا

عندي طلب قبل ما يتم اعلان النوميني والمفاجئة خص نص ليااا طبعاااا نتاع توب 1 وش رايك انا نقولك مفاجئة اللي تفرحني بزااااف ونزيد نفرح كي تلبيهالي



ياك من حقي ندلل ههه


المفاجئة انك تؤهل كامل البنات للمرحلة الثانية

وانا متاكدة بلي رايحين يفاجؤوووووك وممكن هذيك لي راح تقصى تكون التوب 1 المرحلة الجاية

[OM AYA]

وش قولك فكرة مليحة لالا

وما تقوليش راكي تدخلي فيما لا يعنيك سينو نزعف وما نزيدش نخدملك بالدونتال

[صاحب الامل]

المشاركة الأصلية كتبت بواسطة om aya

نسيت نعبر على الفرحة تاعي (يو يووووووووييييي) و الله من حسرتي عالبنات يا ريت ياهلكم كااااااامل للمهمة التانية ومن بعد يبداو التصفيات لانو الهدف هو نتعلموا

عندي طلب قبل ما يتم اعلان النوميني والمفاجئة خص نص ليااا طبعاااا نتاع توب 1 وش رايك انا نقولك مفاجئة اللي تفرحني بزااااف ونزيد نفرح كي تلبيهالي



ياك من حقي ندلل ههه


المفاجئة انك تؤهل كامل البنات للمرحلة الثانية

وانا متاكدة بلي رايحين يفاجؤوووووك وممكن هذيك لي راح تقصى تكون التوب 1 المرحلة الجاية

للاسف يا ام اية


قانون المسابقة يشترط خروج

واحدة من بين الثلاثة

وغدا سنتعرف على

الشخص اللي راح يغادرنا

[لميس حواء]

ألف مبروك ام آية عملك أكثر من رائع تستاهلي
حظ موفق للبقية
أخي عمر ما كنتش نتوقع نتأهل خلاص و ما كنتش حابة نبعث العمل نتاعي على اعتبار أنو مش في المستوى أبدا و من بعد قلت أنا شاركت برضاي و أنا أعرف قدراتي لذلك علي الالتزام و بعث ما جهزت و شعاري كان المهم نوفي بكلمتي بصح ذرك ما رانيششششششششششششششششششششششششششششششششش مصدقة يا ترى ما زلت احلم

[OM AYA]

واااااااع ربي معاكم نحبكم تبقاو معايا و حقة الف الف مبروووووك للمتاهلات تستاهلو

[OM AYA]

الله الله عليك يا خويا كون تقولنا ولا تمعنينا برك وش من قماش نوجدو زعما الجين باه نبات نحلم ونركب افكار

[fatma1977]

بصحتكم التأهل كامل ونتلاقاو فى منافسة أخرى وساعة خير بقاو على خير

[OM AYA]

واشبيك يا فاطمة قطعت الياس ضربة وحدة كملي وزيدي راني كتر منك حاصلة و مباصية بصح كوراااج برك