ملوي او مدلوك دارته ماما الله يخليها ويحججها ربي

[hanane220]

احنا نقولوله ملوي و كاين لي قوله مدلوك المهم هذا دارته ماما ربي يخليها ليا و ان شاء الله يقدرني باش نحججها امييين

يعطيك صحة ماما نموت عليك جاه شباب بزاف

بزاف طلبوني على الوصفة

ههههه قالتلكم ماما تبعوني

خدي غرفتين من سميد رقيق رطب و زيديله غرفية فرينة مغربلة مع قليل من خمارة بصح ما تكتروش و قليل من ملح و عجنيها جيدا حتى عجين يبدى يطرطق قالتلكم سر في دليك ايا شاطرات عجنو ههههههه ثم خليها شوية ترتاح ثم قطعيها كريات مثل مسمن و ثاني خليها ترتاح ثم خدي زبدة ما دوبيهاش لكن تكون طرية و ثم خدي كرية كل ما تحليها ديري شوية زبدة و شكليها كما نشكلو مسمن و ما دا بيكم كثرو شوية زبدة و مين تكملو شكل حبة تكون حليتيها اي تشكلك كي حبة مسمن لكن طيبيها في طاجين و حتى طاجين يكون فيه شوية زبدة اي اطلي الطاجين بالمناسبة ماما مغربية قالتلكم احنا في مغرب نديروله هاكذ و مسلم عليكم داب بزاف هههههه

بصحة و العافية