وليت فحلة ...واي ...واي ...واي أم كوثر أرواحي تشوفي

[إلهام07]

البسملة1

أم كوثر بعد ما تغلبت على خوفي وعقدتي النفسية البارح درت الكوراج وقلت اليوم نجربها لا مفر منها ، كل مرة نجبد البيض من الثلاجة ونبقى نتردد ونخاف ماتصلحش ونولي ندير تارت ونقول المرة الجاية إن شاء الله بصح البارح قلت لازم نكسر الخوف درتها البارح على 23.00 نتاع الليل والكل راقد ورحت ليهم بالوحدة نوض فيهم ونوريلهم في الصحن قالولي هبلت خلاص .

شمرت على ذرعيا ودخلت للكوزينة وطبقت الوصفة وقلبي يدق ....يدق .....يدق وصوتك في وذني مالازمش طيب بزاف باش ماتتكسرش كي جي تروليها ... كثري الكريمة .....كثري الكاكاو ........
ونتفكر في توتة ونقول هي طبقتها كون ماتصلحليش رايحة تشمت فيا أبلا ظاظا خخخخخخ

هاهي شوفو راني وليت فحلة :

نسيت ماصورتهاش عريانة وهي أصلا تحشم خخخخخخخخخخخخخخخ
بصح الإثبات أنها ماتكسرتش شوفو :

حلو عينيكم مليح :

زيدو متعو عينيكم لاخاطر هذا الصحن لحبيبتي روزا ( أقسميه برك مع أختك ماتتهاوشوش ) هذا راهو هديتي على الكلام الجميل اللي قلتيه عليا يعني رشوة خخخخخخخخخخخخخ:

دارتلي 10 حبات لأن المول نتاعي شوية أطول من نتاع أم كوثر نتاعي راهو 33سم على 25سم هايلة اقتصادية جدا وبنينة مممممممممممم هذو الصحون جبتهم معايا للشلة تفضلو حبيباتي ماتحشموش الخير كثير :

هذي أختي قاتلي لازم تصوري معاهم الفراشات نتاعي لاخاطر رانا بدينا نطبقو في لي سارفيات نتاع العرس البارح :

وكملت الفحالة غسلت الماعن وخليت الكوزينة تبرق :

هههههههههه راني نصور ونعاود من الفرحة والله العظيم من الفرحة طار عليا النوم ماجانيش النعاس جيت نخدم اليوم الصباح عييت نحل عينيا بصح فرحااااانة
آسفة من فرحتي نسيت نحط الرابط هاهو :https://www.djelfa.info:8080/vb/showthread.php?t=1293932

الأخوات اللي طلبو مني طريقة طي المناديل بشكل فراشة راني حطيتهم موضوع وهذا الرابط :
https://www.djelfa.info/vb/showthread.php?t=1345812
ربي يخليك لينا أم كوثر
نحبك ................نحبك ....................نحبك
وأنتوما واش راكم تستناو مع أم كوثر مش حتقدر تغمض عينيك
يالله روحو جربوها