موضوع مميز الجزء الـــ14 من واش طيبتي اليوم؟؟ - الصفحة 98

ladymillion · 2013-07-09, 12:38

فيوووووووزة أهلا وسهلا حبيبتي راني قتلك سقسي واش تحبي أنت او أي وحدة مكانش مشكل عزيزتي
حبيبتي ما فهمتش واش هي العقدة ؟؟؟؟

فايزة44 · 2013-07-09, 12:39

احنا في اليوم الاول نديروا شربة وطاجين الحلو ، وطبق رئيسي ممكن نديروا مثوم بالشامبينيو وسلطة وعصائر وفاكهة ، ربي يبلغنا رمضان انشاء الله

فايزة44 · 2013-07-09, 12:40

اقتباس:

المشاركة الأصلية كتبت بواسطة ladymillion

فيوووووووزة أهلا وسهلا حبيبتي راني قتلك سقسي واش تحبي أنت او أي وحدة مكانش مشكل عزيزتي
حبيبتي ما فهمتش واش هي العقدة ؟؟؟؟

شكرررا حبيبتي باختصار قولي الحشوتاع المحاجب بالتفصيييييييل ههههههه

ladymillion · 2013-07-09, 12:48

آآآآآآآآآآآآآآآآآآآآآآآآآآآآآ الحشو أنا حسبت كاش حاجة منعرفهاس ههههههههه

ديري (( 2 حبات بصل كبار ، حبة طماطم كبيرة ، حبة فلفل يكون حار ، 5 أو 6 فصوص ثوم يكونوا شوبي كبار ))
قطعي البصل قطع صغيييييرة بزاف أو ديريها في الروبو دشيها برك متكونش مرحية بزاف + الثوم
ديري شوي زيت في المقلاة قيس فنجان زيت تسخن وحطي البصل والثوم مرحيين كيما قتلك + قطعة صغيرة شحمة للبنة برك وخليهم على نار متوسطة

والطماطم أرحيها تاني مع الفلفل الحار
كي تبدا البصل تغلي شوي أضيفي التوابل (( ملح ، 2 م ص كسبر ، 2 م ص فلفل أسود )) وحركي مليح وزيدي الطماطموالفلفل مرحيين وحركي + م ك طماطم مصبرة + هريسة + م ص فلفل أحمر أي فلفل عكري وخليهم مدة 10د ومرة على مرة حركي

هاذي هي الحشوة فييييييييييوزة

فايزة44 · 2013-07-09, 12:52

شكرررررررا حبيبتي مور رمضان انشاء الله نجربهم اذا كنا من الحييييييييييييييين ، ربي يتقبل منا ومنكم

والعجينة تخلطي فرينة مع السميد ، او سميد وحده

kiya · 2013-07-09, 12:55

انا ادا كتب ربي نديرو شربة وبوراك وحابة ندير قراتان بطاطا مبروشة واللحم المفروم للاخت نينا فرات وسلايط ومشروبات وطاجين حلو وكسرة لا مطلوع

ladymillion · 2013-07-09, 12:59

اقتباس:

المشاركة الأصلية كتبت بواسطة فايزة44

شكرررررررا حبيبتي مور رمضان انشاء الله نجربهم اذا كنا من الحييييييييييييييين ، ربي يتقبل منا ومنكم

والعجينة تخلطي فرينة مع السميد ، او سميد وحده

العجينة ندير سميد وحدو كمية لي تحبي وملح حسب الحاجة بلي العجين مليح يكون مشبع ماء دخليه مليح في بعضاه وغطيه بكيس بلاستيكي وخليه ليلة كاملة وهاذيك الغدوة صباح أعجنيه مليييييييييييح و ديريه كويرات وزيدي خليه يرتاح لمدة 20د وابداي طيبي فيوووووووووزة
انشاء الله حبيبتي نكونو من الاحياء ونشوف كيفاش ديريها

إلهام07 · 2013-07-09, 13:09

اقتباس:

المشاركة الأصلية كتبت بواسطة HANANE 1028

يعطيك الصحة و ربي يكون في عونك اخت الهام انا اختي خدامة بصح تدي الكونجي * العطلة* في رمضان مدة شهر كامل واش رايك انت ديري هكدا احسن و لا لالا ؟

ربي يعيشك أختي ، رمضان هذا العام عندنا بزاف لخدمة متأخرة مايعطيونيش كونجي

شكرا للاهتمام

اقتباس:

المشاركة الأصلية كتبت بواسطة oum abderrahmene

أنا هذه السنة راني مع البيبي الله يعيني، عنده 3اشهر، ادعولي دعوة الغائب بالشفاء ان شاء الله فإنه دعاء مستجاب

ربي يشافيك ويعافيك ويشافي كل مرضى المسلمين يارب ببركة هذا الشهر الفضيل

اقتباس:

المشاركة الأصلية كتبت بواسطة ladymillion

آآآآآآآآآآآآآآآآآآآآآآآآآآآآآ الحشو أنا حسبت كاش حاجة منعرفهاس ههههههههه
ديري (( 2 حبات بصل كبار ، حبة طماطم كبيرة ، حبة فلفل يكون حار ، 5 أو 6 فصوص ثوم يكونوا شوبي كبار ))
قطعي البصل قطع صغيييييرة بزاف أو ديريها في الروبو دشيها برك متكونش مرحية بزاف + الثوم
ديري شوي زيت في المقلاة قيس فنجان زيت تسخن وحطي البصل والثوم مرحيين كيما قتلك + قطعة صغيرة شحمة للبنة برك وخليهم على نار متوسطة

والطماطم أرحيها تاني مع الفلفل الحار
كي تبدا البصل تغلي شوي أضيفي التوابل (( ملح ، 2 م ص كسبر ، 2 م ص فلفل أسود )) وحركي مليح وزيدي الطماطموالفلفل مرحيين وحركي + م ك طماطم مصبرة + هريسة + م ص فلفل أحمر أي فلفل عكري وخليهم مدة 10د ومرة على مرة حركي

هاذي هي الحشوة فييييييييييوزة

ليدي حنا نرابيو فيها جزر نحطوه يتقلى مع ابصل يعطيها بنة وحلاوة خفيفة يجي يهببل

ام لقمان02 · 2013-07-09, 13:11

رانا قاع متفاهمين علي اليومالاول من الشهر الكريم حريرة مرمز مطلوع الكوشة طاجين الحلو سلايط مشروبات فواكه للسهرة قلب اللوز وفلان

فريال88 · 2013-07-09, 13:13

اقتباس:

المشاركة الأصلية كتبت بواسطة ladymillion

العجينة ندير سميد وحدو كمية لي تحبي وملح حسب الحاجة بلي العجين مليح يكون مشبع ماء دخليه مليح في بعضاه وغطيه بكيس بلاستيكي وخليه ليلة كاملة وهاذيك الغدوة صباح أعجنيه مليييييييييييح و ديريه كويرات وزيدي خليه يرتاح لمدة 20د وابداي طيبي فيوووووووووزة
انشاء الله حبيبتي نكونو من الاحياء ونشوف كيفاش ديريها

حبيبتي شكررررررررررررررررررررررررررررررررا الله يرضى عليك ويعطيك ما تتمناي

souma.f · 2013-07-09, 13:15

الله يبارك ladymillion محاجب تاع الحراير و الله يسخفو
أنا ان شاء الله غدوة نطيب للفطور شربة فريك و بوراك بجبن شاف ذوق ثوم و أعشاب و سلاطة مشوية و سلاطة أوردافر و كفتة و طاجين حلو بشفاح الصفراء و كسرة خميرة و عصير المشماش صنع منزلي و في السهرة راح ندير قلب اللوز تاع الحبيبة أم رامي و معاه فلون و تاي
اللهم بلغنا رمضان في صحة و عافية
بالنسبة لبرنامج العبادة راني قررت ندوزن البرمة تاعي في الصباح و نتفرغ لصلاة النوافل و مع كل صلاة نقرأ ما تيسر من القرآن و بعد العشاء ندير التراويح باه نضرب عصفورين بحجر
يعني عندي 02 مصاحف واحد نديروا للتراويح و نبدأ من صورة الفاتحة و نكمل طول شهر رمضان و المصحف الثاني نقرأ منو في النهار و في الليل و نبدأ من سورة الناس هكذا باه نختم أكثر من ختمتين بحول الله
ربي يقدرنا على العبادة و الصيام و القيام ان شاء الله

فايزة44 · 2013-07-09, 13:16

اقتباس:

المشاركة الأصلية كتبت بواسطة ladymillion

العجينة ندير سميد وحدو كمية لي تحبي وملح حسب الحاجة بلي العجين مليح يكون مشبع ماء دخليه مليح في بعضاه وغطيه بكيس بلاستيكي وخليه ليلة كاملة وهاذيك الغدوة صباح أعجنيه مليييييييييييح و ديريه كويرات وزيدي خليه يرتاح لمدة 20د وابداي طيبي فيوووووووووزة
انشاء الله حبيبتي نكونو من الاحياء ونشوف كيفاش ديريها

كرررا حبيبتي على الرد جوزيت الجنة وربي يحفضك ، تعبتك اسفة

ladymillion · 2013-07-09, 13:16

الهام صح تجي بنينة بالجزر نحب نديرو بصح خويا ميشتيهش هههههه
فريال بوركتي حبيبتي رمضان كريييييييييييم

فايزة44 · 2013-07-09, 13:19

اعطوني طريقة الكبدة المشرملة ، ليدي حبيبتي اوالهام اوالاخوات ربي يحفضكم

ladymillion · 2013-07-09, 13:20

فيووووووزة ياشعنونة متعبتينيش حنونة
سومة رمضاااااااااان كريم عليك وعلى جميع الحباب لي هنا أنا نقرا القرآن صباح انشاء الله حتى أنا نوجد البرمة صباح ولعشية غير نشعل النار ونبدا التحضير والطياب نطيب كميات قليلة الحمد لله ربي يعين كل عبد في رمضان وتصوموا كااااااامل بالصحة والهناء