الجزء 183 من واش طيبتي اليوم كوزينة القلب الصافي و الذراع الوافي

[البدرية]

اختي امنية بارك الله فيك على استضافتك لينا وعلى طياباتك وعلى الوصفات المصورة

حفظك الله ورحم الله اختك وجعلها من اهل الجنة اللهم آمين

اهدي لكم هدا الطبسي لكل اخواتي هنا

[Fifilondon]

صباح الخير عليكم نهال ام يوسف ام اسلام طالبة تاريخ سعيدة ولش راكم

[أم رقية نسرين]

تعيشي ام يوسف ختي سمعت عليها بزااااف مدابيا نذوقها عندك قوليلي يخي تخدموها بالحمص محمص حنا نقولولو لبلابي و نخلطوه مع بسيسة النافس

[Fifilondon]

البدربة صباح الخير يعطيك الصحة المقروط تحفة الله يبارك
مريومة طالبة تاريخ كيكة الفنجان روعة يارين تقوليلي الوصفة وشكرا مسبقا
ام يوسف يا حبوبة والله كلامك روعة بكاني
امتية يالحنونة يا الطيبة ربي يرحم اختك ويسكنها فسيح جناتو يا رب ويصبر اهلاها
نيهال راني فرحانة كي رايحة تفتحي كوزينة جديدة رغم ني ماحبيتش كوزينة امنية تخلاص لكن انتي قدها ومتاكدة انك رح تكوني في المستوى
توبة يا اسومة يعطيك ابصحة على كلامك وعلى اطايبك
ام فاطمة دايما متالقة كي العادة ما شاء الله
سحابة قاطو الرشراش خرج تحفة من يديك
ام هدول بصحتك كل الاطايب لي حطيتيها
حياة يا حيوتة حتى انتي ماعندي مانقول في اطايبك وكلامك الزين ربي يحفظك
سعيدة الزينة اىخبز روعة سلمت يداك يا شاطرة
وردة الرمال اسمحيلي اختي دايما ننساك ربي يخليك ويعطيك ابصحة على ملامك واطباقك روعة
ام جوجو يالحبيبة الغالية هديكواللوبيا ما شاء الله بصحتكم
ريمة اهلا وسهلا اختى وكل شيء حطتيه الله يبارك ربي يخفظ هدوك اليدين

[أم رقية نسرين]

يسقسي عليك الخير فيفي ختي راني لاباس الحمد لله
انا اللوبيا تاعي راإي طابت امممم نكمل باقي الأشغال لي متخلصش

[Fifilondon]

ان شاء الله مانكون نسيت حتى وحدة
ملاك ملاكي رزيقة وبيان وزخرفة طلو علينا قبل ماتخلاص الكوزينة
حبيت نقولكم خياتي والله نحبكم في الله ونشكر امنية لي فتحت هاد الكوزينة لي تلمينا فيها باطباقنا وضحكنا فيها واستمتعنا بيها واستفدنا مت بعضنا البعض
نشكرك امنية على مجهودك ووقتك لي مديتيهولنا وربي يعطيك ماتتمناي
لنات نتلقاو عند نيهال في كوزينتها ىي رح تكون امتداد وتواصل واستمرار لواش عشناه في كوزينة امنية
الى الللقاء اخواتي

[أم رقية نسرين]

فيفي كيكة الفنجان راهي وصفة ام فاطمة يعطيها الصحة وهاو رابط الموضوع راهي ساهلة في التحضير و متديش وقت و هايلة
https://www.djelfa.info/vb/showthread.php?t=2100280

[أم يوسف2]

فيفي وشراكي طالبة ونهولة هاديك فرينة الحمص متعودة نديرها فدارنا خاوتي يحبوها بالهريسة
زوجة خالي وهرانية قالتلي ديريلها شوية خبز وبيتيها امبعد زيديلها باقي المكونات كي تطيب تجي كي تاع برا امممم ومؤخرا اكتشفت قناة واقيلا اسمها فاطمة للطبخ الجزائري والعالمي تديرها تقريبا بنفس المكونات

[أم رقية نسرين]

لوبيا تاعي قبل ماتخلص الكوزينة خخخخخ

[nihal159]

مريومة بصحتكم اللوبيا تبان تشهي الله الله.
فيفي واش راكي ؟ يعطيك الصحة على الثقة أختي بارك الله فيك

[أمنية غفران]

صباح الخيرات أموناتي و في كوزينة نهال رايح تولو نهولاتي إحم إحم
.................................................. .................

أصعب لحظة هي لحظة الوداع في هاد الكوزينة بصح الحمد لله يتلاشى هدا الإحساس لأنه راهو كاين إستمرارية للكوزينة بفضل الفحلات ربي يحفظهم و يهنيهم

شكرا شكرا لكن جميعا حبيباتي و كذلك شكرا للكواليسات إن شاء الله يكونو إستفادو معانا

....................................

إمالا حبيباتي جبت ليكم تجربتي لترقيد الفلفل الحار بطريقة ساهلة و تجي بنينة بزاف نحتاجوه في هاد أيامات البرد جربوه و رأيكم نلقاه في كوزينة نهولة إن شاء الله
ممكن كاين أخوات يعرفوها تفضلو الوصفة في صورة آحم آحم




فطورنا سكسو في الخدمة راكم تعرفو اليوم الأربعاء


في أمان الله

[oum islem]

مريومة تفاهمنا على اللوبيا نهارها اليوم وكوني متهنية أصلا جاية للعرس بلا عرضة راني خالة العريس والعروس
أم يوسف نغدي وليداتي ونرجع نراجع ونقولك على الثوم المجفف

نهال فيفي مريومة أختي البدرية مريومة أم يوسف تفضلو اللوبيا


نلتقي بعد ساعات قلائل هههه

[nihal159]

أمينة يعطيك الصحة على وصفة الفلفل؛ كنتي متألقة و نشيطة و حرة لحراير ما شاء الله؛ إستمتعنا في كوزينتك.
أم إسلام بصحتك اللوبيا، الله يبارك رايحة تنطق من البنة.
البدرية يعطيك الصحة؛المقروط من أروع ما يكون

[طيور الجنان]

مريومة و ام اسلام تفاهمتو اليوم على اللوبيا و درتوها بالالوان ههههه بصحتكم نهارها البردددددظدد.
امنية يعطيك الصحة حبيبة على الوصفة دمتي متألقة .
ام يوسف بصحتكم القرنطيطة انا مانحبهاش قليييييل واين ناكلها بصح انا بودرة الحمص نشريها واجدة نديرها لراجلي يحبها.
فيفي شكرا حبيبة ربي يخليك.
البدرية المقروط هايل شهيتيني فيه عندي بزاف مادرتوش .

[أم يوسف2]

ام اسلام نحن فالانتظار
طيور حبيبتي بودرة الحمص نشريها وندير بيها القرنطيطة