الجزء 151 من مطبخ واش طيبتي اليوم اتفضلووو عنديي مرحباا

[ارزاق]

صباح الخير استاذتنا دائمة الحمد . ام جوجو . ام اسلام . فوفول. ام ياسين . الرجاء
ام اسلام المقيرط روووعة يعطيك الصحة

[omjoujou]

صباح النور ام ياسين وفوفول فضيلة ارزاق لبيزا لعزيزا
ام اماني وعبدو عيد ميلاد سعيد ربي يكبرك في طاعتو وان شاء الله تتحققلك كل امانيك
لبنات لي سقسيتو على ختي ودعيتولها بالشفاء نقولكم امييييييييييييين وربي يخليكم ليا حقا مدرولهاش كورتاج عطاتها طبيبة دواء
يعطيكم الصحة على الاطايب والشهيوات لي حطيتهم كالعادة فن ومزهيين الكوزينة منذكرش الاسامي باه ماننسى حتى وحدة
زهرة الريف ربي يرحم موتاكم ويلهمكم الصبر والسلوان
اريج 78 رجعتي مرحبا بيك وين كنتي مخبية ياك الخير ؟؟؟؟
ام سارة مرحبا بيك نتي تاني وان شاء الله تكوني مليحة
سعيدة مبانوليش اطباقك عاودي حمليهم وجربي المخزن
ام وابنة ملي حطيتي العشا لخفيف تاعك مظهرتيش هههه

[ام سراج وملاك]

صبح الخير لكل المتواجدات
ام اسلام المقيروط خرجلك هايل هبلتينا مع الصباح نتي وام وسيم ثاني يعطيها الصحة

[om kamilia]

السلام عليكم ورحمة الله وبركاته



صباح الخير يا احلى شلة

[ادرة مكنونة]

صباح الخير عليكم وصحة قهيوتكم

[ارزاق]

درتهم البارح للعشا مع حساء البصل تاع الهام يعطيها الصحة


وهذي بيتزا

وهذو لي بينيي تاع ام فراس رووووعة باتم معنا الكلمة كنت حطيتهم من قبل لكن معلقتش عليهم فارغين من الداخل نشكر ام سراج لي ولهتنا للوصفة والشكر طبعا لام فراس




وهذا طاجين الزيتون وصفة الغالية اسمهان مع اني منحبش الزيتون لكن هذا عجبني بزاف جربوه

وظك نروح نخمم علي الغدا والشك الكبير ندير قرانططا

[ام سراج وملاك]

المشاركة الأصلية كتبت بواسطة ارزاق

درتهم البارح للعشا مع حساء البصل تاع الهام يعطيها الصحة


وهذي بيتزا

وهذو لي بينيي تاع ام فراس رووووعة باتم معنا الكلمة كنت حطيتهم من قبل لكن معلقتش عليهم فارغين من الداخل نشكر ام سراج لي ولهتنا للوصفة والشكر طبعا لام فراس




وهذا طاجين الزيتون وصفة الغالية اسمهان مع اني منحبش الزيتون لكن هذا عجبني بزاف جربوه

وظك نروح نخمم علي الغدا والشك الكبير ندير قرانططا

ارزاق يعطيك الصحة روووووعة واش حطيتي ربي يبارك شاطرة ليبيني ضك نضيفهم للموضوع التطبيقات مع لبنات هوما ونتاع دائمة الحمد كنت شفتهم من قبل يعطيكم الصحة

[x ام رحاب x]

السلام عليكم ورحمة الله وبركاته
كي صبحتو حبيباتي فطوري اليوم لاسوب والسلاطة راهو عندنا البرد

[ام و ابنة]

صباح الخير جميعا
ام جوجو الحمد لله اختك ما دارتش الكيرتاج و المفروض اصلا ما تديروش لانها في البداية خلاص و الله خفت يتمسخرو بيها في العيادة الخاصة بش تحط الدراهم برك
البارح صح حطيت لكم عشايا و راجعت طحت كاو رقدت و في الليل طار عليا الرقاد خخخ

زهرة الريف ربي يرحم موتاكم و يغفر لهم و يصبركم على فراقهم و كل الاخوات اللي ذكرو العزاز عليهم اللي فقدوهم نقوللهم ربي يجمعكم بيهم في جنات النعيم و يرحم كل موتى المسلمين

ام امينة انا شفتك نقصت شويا النشاط و القصرة قلت بالاك ماراهيش تراجع مليح و في الاخير طلعت مزاكرة كويس خخخخ

الله يبارك كامل و ش حطيتو الكل دون استثناء و ما نسمي حتى وحدة

ليزابيل راني ذقت من كلش قبل ما نرقد يرحم بوك قوليلي كيفاش و باش تصوري تصاورك روعة الى جانب طيابك الله يبارك

ام اسلام نورتينا و ما تزيديش تغيبي علينا

ام رنيم ربي معاك

الخدامات كيما الرجاء و دايمة الحمد ربي معاكم

الشاطرات اللي بداو اشغالهم الله يبارك ربي يعينكم انا مزلت مكسلة خخخ و الله جسمي مكسر ضرك ينوضو اولادي بش ننوض
اليوم ما نخرجوش
نديرلكم تطبيق مفاجأة اذا صلح تخلصوني بش نقوللكم السر خخخ

[x ام رحاب x]

ارزاق يعطيك الف صحة حبيبتي كلش فووووووووووووووووووووور
ام سيراح كي اصبحتي وليزا صباحو
ام اسلام بصحتك المقروط ايشهي
ام وسيم اهلا بيك واش راكي تسلم ايدك على الخيرات الي حطيتي فوووووووووور
اريج اهلا وسهلا

[ارزاق]

صبح الخير ام رحاب .ادرة مكنونة


شكرا ام سراج ويومك سعيد وحبيت نشكرك علي الوصفات لي راكي تنقلي فيها كاين وصفة في الفيس اكان تلقايها تاع الارز الاكسبريس شكروها البنات وملقيتهاش

[omhadil]

صباح النور على اغلى الاحباب كى صبحتو وبصحتكم قهوتكم

[ام و ابنة]

صباح النور ام رحاب لاحظتي كاين بنات ماشي موالفين يجيو يستقهواو معنا الصباح جاو اليوم ؟
ام سراج و ليزابيل و ارزاق و الدرة المكنونة و فضيلة صباح النور بصح اعترفو بالسر اللي جابكم مع الصباح خخخخخ

السلاااااااااااااااااااااااااام عليكم
اصبحنا واصبح الملك لله والحمد لله وحده لا شريك له واليه النشور
احلى صبااااااااااااااااااااااح للكل
دخلت مع مقيرط ام اسلام هاااااااااااااااااااااااااايل يسلمووو حبيبتي
شفت خيراتكم البارح ما شاء الله عليكم كلشي هااااااااااااااااااااااااايل من تحالي الفنانة ليزاااااااااااااااااااااااتي رووووعة يبردو القلب تاع الصح
لعشاء دائمة الحمد وكسرتها الي منين نشوفها امممممممممممممم
للعرضة تاع الغالية ام يسرى كلشي رووووووعة بصحتكم
بلا ما ننسى ام وابنة وعشاها الخفيف الهايل وبانتظار المفاجاة
لعشاء اريج طابلة تفتح النفس حنووونة امممممممممممممم
للمحاجب تاع الغالية ام ياسين وقاطو الطهارة والجاج المحمر امممممممممممممممممممممممم
لعشاء ام وسيم المشهيوتصويرها الراااائع
ارزاق روووووووووووووووعة واش حطيتي تبااااااااااااااااارك الله كلشي امممممممممممم سيرتو طاجين الزيتون يشهيييييي
احلى صباح للغاليات ام سراج وام جوجو وففل ورجاء المجد وام رحاب الحنونة وفضيلة والدرة المكنونة وام هدييييل


عندي الشوفلور يمكن نديرو ولا نبدل رايي لحد الان مقررتش

[omhadil]

صباح الخير اختى ام رحاب كيف الاحوال واش راكى ناوية تطيبى بلاك نعاد عليك رانى نخمم