الجزء 87 من واش طيبتي في داري الجديدة الله يوسعها علينا الكل تفضلو - الصفحة 97

أم ياسين الزهراء · 2014-09-07, 07:45

صباح الانوار

دخول مدرسي موفق ليهم ولينا ههههههههههههههههه

اليوم وليدي ياسين دخل يقرى ربي يفرحني بيه راح ندير حاجة طالعة بالخميرة باش يطلع ويطلع يارب الامهات اللي ولادهم دخلو يقرى سنة اولى اتهلاو ديرو حاجة نحب هدو العوايد

عقروبة راكي مقلة الحالة الله يبارك

كوكا وام رحاب صباح الانوار

x ام رحاب x · 2014-09-07, 07:49

صباحك سعيد ام ياسين وبصحتو ربي ينجحهولك وتشوفيه في اعلى المراتب انا بنتي تدخل التحضيري هاد العام

أم ياسين الزهراء · 2014-09-07, 07:51

اللهم امين اختي ام رحاب وربي يفرحك ببنت مليح التحضيري نفع وليدي العام اللي فات

ام ماجد حفيظ يدخل التحضيري وان شاء الله نسا البيبرو هههههههههههههههههه

الأمنيات · 2014-09-07, 07:53

السلام عليكم وربي ينجح كل ولادنا
دخول مدرسي موفق واعان الله كل المعلمين

ام احمد وصال · 2014-09-07, 08:01

صباح الخير على الجميع

دخول مدرسي موفق للجميع ان شاء الله

انا بنتي زعمة تحضيري بصح مسكينة مكانش البلاصة هي زايدة في اخر العام بصح سجلناها في الاصلاح و الارشاد مازال ميدخلوش ضرك

kaouka · 2014-09-07, 08:06

ام ياسين بصاحتو وليدك ربي يوفقو وتشوفيه في اعﻻ المرتب أماني السلام اﻻمنيات صباحكن سعيد وبتوفيق ﻻولدكم

أم ياسين الزهراء · 2014-09-07, 08:09

غدايا لوبيا البيضاء بلحم العجل بطلب من جراد افريقيا هههههههههههههههههههه والحمد لله

رياحين الجزائر · 2014-09-07, 08:09

صباحكم فل وياسمين
دخول مدرسي موفق للجميع
انا ندى ثان ماسجلتهاش للتحضيري راح انسجلها في المسجد مازال ما يبداوش
صبحت تبكي حتتى اديتها لللجامع ماللقينا حتى واححدد بباه سكتت
ربي اوفق الجميع

nihale89 · 2014-09-07, 08:12

صبااااااااااااااااااااااح النوووووووور
دخوووووووووووول اجتماعي موفق

R I A D · 2014-09-07, 08:12

صباح الخير على الجميع
و دخول مدرسي موفق لاولادنا كلهم
و بصحتهم البان كيك و لي كريب و كل شيء
ام ياسو مبروك دخول ياسين للمدرسة و ربي يجعله دائما من المتفوقين يا رب

اصبحنا و اصبح الملك لله رب العالمين

دائمة الحمد · 2014-09-07, 08:28

صباح الخير عليكم ونهاركم مبروك
عودة ميمونة لجميع المعلمين والاساتذة والتلاميذ
ربي يعاونكم ويوفق كل التلاميذ ويسرليهم العلم ويفتح ابواب النجاح في وجوههم
اول مرة نبقى وحدي في الدار احساس غريب الدار راهي ساكتة ربي يعيني والفت باولادي داخلين وخارجين معايا
غدايا بحول الله ماقرونة او سباقيتي كون يوكلوهم كل يوم ما يملوهمش

nihale89 · 2014-09-07, 08:30

غدايا بربوووووووووشة ممممممممم

عطرالذهب · 2014-09-07, 08:31

صباح لخير ودخول مدرسي موفق للجميع وان شاء الله بنوتاتي يبقو متفوقات ويرفعولي راسي كيما عودوني كل عام
كنت ناوية نخدملهم حاجة حلوة بالصح ماقدرتش بقيت فابل من لا قغيب
وحابةنديرلهم غدا تحفون دبرو عليا

عطرالذهب · 2014-09-07, 08:33

داءمة الحمد ونهال وام رياض صباحوووووو

oum anas 69 · 2014-09-07, 08:36

السلام عليكم ورحمة الله وبركاته
صباح الخير على حبيبات قلبي إن شاء الله تكونو أصبحتو بخير
دخول موفق لكل حبايبنا الصغار و إن شاء الله مزيد من النجاحات في الدراسة
كما أهنئ حبيباتي المعلمات و الأستاذات أم ماجد أم هضاب أدرارية أم إسلام و آية لهنة موكا بشرى وأم ريمة وووووووووو
دائمة الحمد ألف ألف أكف مبروك التقاعد فرحتلك تهنيييييييييييتي من الجري هكذا تتفرغي للكوزينة أكثر

o حبيباتي حبيت نعلمكم بأنني غدا بحول ندخل للمستشفى لمدة 15 يوم لمراقبة حملي ثم يعملولي عملية قيصرية و طبعا بعد العملية لازم نقعد أسبوع يعني ككل ممكن 3 أسابيع حسب حالتي و حالة إبنتي
إن شاء الله رايحة نحاول نتبعكم من الهاتف هههههه متبعتكم متبعتكم ههههههه لأنو كاين الويفي مجانا في المستشفى إن شاء الله برك نحكم شمبرة قريبة للريزو مليح
رايحة نطلب منكم طلب أرجوكن خياتي أدعولي ربي يسرلي أمري و ولادتي و يحفظلي أولادي رايحة نخليهم مع والدهم .. و الله راني حايرة عليهم ماوالفوش يقعدو بلا بيا
نبقيكم على خير خياتي و أتهلاو في رواحكم و أزواجكم و ذرياتكم و إن كنت من الأحياء نلتقي بعد شهر بإذن المولى