الجزء 83 من واش طيبتي اليوم شاركوني أجواء العيد/ فرحتي بنجاح بنتي / رجوع أختي

[chez biba]

صح غداكم لبنات
سعيدة حبيت نسقسي مي ما تضحكوش عليا..... دايما تقولو الحكومة بصح ما فهمتش واش تقصدو؟؟؟؟
بصحتك الجلبانة انتي والأولاد

[hasna19]

المشاركة الأصلية كتبت بواسطة fatalim

عندي عجينة مورقة حبيت ندير بيها مورقات مالحة ممكن وصفات ناجحة وكيفاش ندير باش ماتبقاش معجنة

شوفي هنا تلقاي كل الاسرار الاخت الهام كفت ووفت ربي يبارك فيها اتبعي كل النصائح تخرجلك تحفففة والله

https://www.djelfa.info/vb/showthread.php?t=1449926

[سعيدة8888]

المشاركة الأصلية كتبت بواسطة chez biba

صح غداكم لبنات
سعيدة حبيت نسقسي مي ما تضحكوش عليا..... دايما تقولو الحكومة بصح ما فهمتش واش تقصدو؟؟؟؟
بصحتك الجلبانة انتي والأولاد

هههههههههههههههههه
سؤال في محلو
بالنسبة ليبا انا الحكومة هي ( عجوزتي)

[سعيدة8888]

المشاركة الأصلية كتبت بواسطة hasna19

يالطيف الطف ربي يعافينا مما ابتلى به هذه المخلوقة ربي يعوضك كل خير على قد ماصبرتي تنالي اختك

عندي مدة نقرا في تعليقاتك ونتعجب من عقلية الحكومة ياخي قلبها ضيق وتاكل بعينيها الناس تطيب كل الخيرات وتصدق وتخرج وهي قامحة نفسها تعرفي هذا يسموه ابتلاء من عند ربي كي يعطي النعمة لعبد وهو يحرم نفسه منه


سامحيني اختي مش من حقي نتكلم بصح طرطقتلي قلبي

ياحوجي كيما يقولو ناس وهران
ماشفتي والو وانا ماشفت والو على خاطر لي شافوها سلفاتي اكثر من لي شفتها انا
ونزيدك حاجة عجوزتي عجوزتها حية بكري كانت تحكم وكي كبرت راحلها الحكم بصح المسكينة مرات ماتلقاش باش تشري الدواء كي تجي لعندنا وتطلب باش تشري بصح بطريقة غير مباشرة ( تشرشيلها برك ) عجوزتيتضرب النح كانها ماهي فاهمة والو
والمشكل الاكبر لو يغلط والحد يخلصها غالية ماتراطيهاش حتى لو عجوزتها
و الله لونحكيلك حكاية وحدة مخك يحبس كامل

[سعيدة8888]

ربي يشفي جميع مرضى المسلمين

[أم ملك]

حسنا الله يشافيه والدك و يلبسه ثوب العافية و جميع مرضى المسلمين
شكرا أم ياسين إن شاء الله نجربها الله يعاونك
اللهم صل و سلم وزد و بارك على حبيبنا و قرة أعيننا مجمد عليه أفضل صلاة و أزكى تسليم
فداك أبي و أمي و روحي يا رسول الله صلى الله عليه و سلم

[Simassim]

الله يشافي الولد وجميع مرضى المسلمين
باينة مازلتو تفطرو أنا اليوم ماقدرتش نطييب مزية كان باقي من البارح فرغت الفريجيدار
سعيدة اختي ربي يكون معاك ويهدي عجوزك ويدوم هناك مع زوجك يارب

[أم ياسين الزهراء]

لبنات صح عندكم مشاكل والله يفرجها اولا عيب تهدرو هكى ولو عندكم الحق وثانيا راهم نبهونا الخروج على الموضوع يقفلوه امانة رانا الكل عانينا بالمشاكل بصح حطينا ربي في قلوبنا وعمرنا لاهدرنا خير ولاشر وجعتولي قلبي

ابقاو في الطبخ وفي النصايح برك

[ام عبودة]

صح فطووووركم

[lyzzabel]

سلااااام على الغالياااات و صح فطوركم

هذا البركوكس لي درته اليوم بالتعمير تاع الكفتة ممممممممم و الحمد لله على نعمه حمدا كثيرا طيبا مباركا فيه




بصحتكم كامل واش طيبتو ما راجعتش و بالاك راني خارجة اتهلاو في رواحكم ،، الى الملتقى بإذن الرحمن ،،،،، سلاااااام

اللهم انك عفو تحب العفو فأعف عنا ،، و صل اللهم و سلم على نبينا محمد

[ام عبودة]

ام ياااسو تمنيت لو كانت الحكومة هنا هههههه
شوفو على ذاك المورق الله الله نلعب بيه هههههه
الشخشوخة تاع البساكرة مش تاعنا وكانت الحكومة هي اللي طيبها برك هههه واليوم درت فيها راااي
الحق راني الدار كاملة دايرة فيها رايييييي ههههه نهار السبت نردكم الخبر ههههه
فطوري لليوم







الله يفرج كرب كل واحد
والصبر لكل مغبون

[lyzzabel]

المشاركة الأصلية كتبت بواسطة r i a d

ليزا العزيزة الله يسلمك حبيبة قلبي رانا نحمد الله و نشكروووه
و انتم حبيبتي كيفكم ؟؟؟

ايييه اليوم فاطرين ...
و انت بصحتك واش رايحة تطيبي و لا كان طيبتي الكسرة ابعثي لميمتك شوية
راني سخفت على المطلووووع و عجزت نديرو

يا عمرييييييي يا الحبيبة الغاااااالية الكسرة ملي راح رمضان راحت معاااااه واااااااع والله عيني دمعت نطيب لميمتي و نبعث لها لي يبغي خاطرها ،، موااااح مواااااااح مواااااااااااااح اسمحيلي ميييييمتيييييييي

[ام عبودة]

شكارة تاع 25 k
سميد حاشة النعمة ما يصلح لووواااالو ما عرفنا ما نديرو بيه لقيتو الحل السمانة هذه دزوها غير مسمن هههههه ومحاجب

[Simassim]

اممم ليزا هاداك الطبسي الاول راه ليا هههه
بصحتكم الطبسي الزاوج
تعرفو متمنية كاش نهار نذوق الشخشوخة ههه
حنا نديرو الرقاق بالعسل برك مع القهوة ويوجدوه للنافسة
عمتي تخدمه بصح يدهنوا بالشحم بعععع بصح كانت تخدمه جارتنا امممممم هايل

[Simassim]

المشاركة الأصلية كتبت بواسطة ام عبودة

شكارة تاع 25 k
سميد حاشة النعمة ما يصلح لووواااالو ما عرفنا ما نديرو بيه لقيتو الحل السمانة هذه دزوها غير مسمن هههههه ومحاجب

هههه لآلا يااختي فاتك القطار حمى المحاجب فاتت ورانا ندورا في الكفتاجي
السميد اذا كان متوسط ديري في خير وحمرهولي نديره طمينة