الجزء 74 من واش طيبتي اليوم ؟ ديرو الصف وادخلو مرحبا بيكم - الصفحة 97

awladi · 2014-05-20, 14:21

ليزابل صحة فطورك
حنان اممممممممممممممممممممم الاكلير راهم اشهو بصحتك
سيدرا ارشيفك رائع
ام سهام اعلاش راكي خلف الكواليس توحشناك وتوحشنى اطباقك الراقية

fatiha hana · 2014-05-20, 14:24

سلام يا الحراير بما انو الهلم راهي هنا راني سالتك في قسم العصاءر روحي شوفي موضوعي

ام ساجد · 2014-05-20, 14:29

السلام عليكم وصح غداكم وبصحتكم واش طيبتوااااااااااااااا

غدانا اليوم اكيد بطاطا سوتي تاع اللهلوبة يعطيك الصحة جات بنينة وتقرمش

وخبز فيسال وشربة لسان العصفور والحمد لله

نروح نراجع شوي ونشوف اخر الاخبار

حقا ساندي 28 عسلامتك واش راكي بالعزيزة واشهم الاولاد الطبوز على

قول الهام

بشرى2008 · 2014-05-20, 14:31

أم ساجد كلش يشهي أممممممممممم

بشرى2008 · 2014-05-20, 14:38

اقتباس:

المشاركة الأصلية كتبت بواسطة soha1987

شهيتوني ممممممممممم
حنان لي زيكلار خرجلوك تحفة اعطيني طريقتك انا جامي خرجولي ملاح
الهامو لاه ماردتيش عليا بعتلك ميساج
اليوم راني مغششة راح نرد فيكم الغش ههههههههههههههههههههههههههر حقة معلومة انا كي نتغشش نضرب بدماغ هههههههههه

لا لا علاش الزعاف روحي لقسم الدردشة نتاع الهام راكي تعرفي كلش عليا
الهام انا دارلي 32 حبة هادا مكان أأأأأأأأأأأأأأأأأأأأأأأأأأأأاواه وين راه الخطأ
أم ايناس ايه جاي طري بنين منقدرش نشكرو كيما قاطو sarra queen

ام ساجد · 2014-05-20, 14:43

ام ياسو نعم مالفة نعمل الشخشوخة اشرحيلي الطريقة تاع محجوبة البرنوس

ام اناس بصحتك المسيو والبطاطا ولمستك وحدها دايما 4444444444

بشرى تبعدي في العين هذاك القفازة والقاطوات الكل وتقولي ما احلى التفنيين

حنان بصحتك لزكلير جاوك حطة

عطر مرحبا بيك وربي ينجحها بنتك اكيد راي سانكيام

دائمة الحمد ربي يعينك وبالتوفيق لتلاميذك

soha1987 · 2014-05-20, 14:44

حقة لبنات بابا جبلنا مايس وحبيت نخدمها كيما لي تتباع شكو نتعرف تقولي
الهام لا تعرفي قوليلي قبل ماتروحي

sara queen · 2014-05-20, 15:02

اقتباس:

المشاركة الأصلية كتبت بواسطة lyzzabel

يا سلااااام على اطباقكم حبيباتي كلها تشهي بصحتكم

ساااارة ممممممم انا تاني بغيت نغنيلك بصح ما نعرفش واش يقولو ،،،، سارة يا سارة طيابك عجبني يا سارة ،، قوليلي وين كنتي مخبية يا سارة ،، قاع هاذ الفن و الإبداع يا سارة،، مزية بينتي حنة يديك يا سارة،، و العقوبا لنهار نشوف الحنة في يديك ،، و يا سعده و هناه يا سارة لي يديك ،،
ههههههههه لا ما عجباتكش أغنيتي نالفلك وحدخرا بصح راهي خرجت وحدها و يديا كتبوها بلا ما نخمم :d:d

سبحان الله و الحمد لله و لا اله الا الله و الله اكبر و لا حول و لا قوة الا بالله

هههههههههه ربي يفرحك حبيبتي ليزا والله غير حشمتييييينييي

عجبتني عجبتني و راني نلحن فيها

شكون كيفي تالفتلي غنية من عند الغالية ليزابال ، ربي يحفظك ، وين نبان انا قدام ابداعاتكم

ام طيري الجنة · 2014-05-20, 15:06

اقتباس:

المشاركة الأصلية كتبت بواسطة soha1987

حقة لبنات بابا جبلنا مايس وحبيت نخدمها كيما لي تتباع شكو نتعرف تقولي
الهام لا تعرفي قوليلي قبل ماتروحي

هاهو جواب الاخت الهام في نهاية الصفحة 105
https://www.djelfa.info/vb/showthread...ferrerid=50597

yasmalak · 2014-05-20, 15:10

مرسييي حبيبااتبي عينيكم الشبين
ام اناس و سهى هده الوصفة اللي معتمدتها يجو منفخيييين و خفاااف ريشة في كسرونة حطي 250 ملل ماء مغ 100 غ زبدة و رشة ملح و حطيهم على النار حتى تدووب الزيدة اومباعد زيدي عليهم 140 غ فرينة و خلطييها حتى تنشف العجينة مليييح باش تعرفي بلي نشفت راح تتشكل كرة يعني تتلم ملييح
نحيه من على النار و حطيها في بول وحدوخر و زيديلها 3 والا 4 بيضات انا تقريبا دايما تديلي 3 بيضات كبار مي زيدي بالحبة بيض و خلطييي حتى تتلم باش تعرفي
حطي العجينة في poche a douille و ديري خطوط ما يكونوش خشان بزاف و ماشي رقاق و طيبيهم في فور سخون 200 درجة لوحدة 25 والا نص ساااااااعة و كيما تعرفو ما لااااااااازمش تحلو باب الفووووور حتى يطيبو سينون راح يهبطووووووو كي تشوفوهم تحمرو من فوق يعني وجدو و كي تخرجوهم نحوهم من السنيوة السخونة تان باش ما يهبطووش
و الحشو كيما تحبووو كريم باتيسيير كريم موسلين والا كريمة الزبدة انا دايما ندير كريم وسليين او شوكولا تجي بنيييينة و خفييييفة

و هدا الشكل النهائي تاعهم

yasmalak · 2014-05-20, 15:12

و دوووووك يبدااا الجهاد في سبيل تنقية الكوزينة عندي طبيعة خاسرة كي نطيب نقلب الكوزينة سافلها على عاقبها ماما راح نهبلهاااا بهدا الطبييييعة هههه

إلهام07 · 2014-05-20, 15:25

حنان كامل نقلبو الكوزينة هههههههههههههههه
لي زيكلاغ خرجو يهبلو بصح باش دهنتيهم

ام ساجد قلتي كلش بصح ضربتي النح على الجاج هذاك اللي في الصحن باش مانقولوش نذوقو
بصحتكم كلش وشكرا على الثقة
حقة كيفاش جاك خبز الفيسال عجبك ؟ راني ندير في جمع آراء

بشرى يقطع أكثر من 100حبة ياخاه قدماه درتي الحبة ياخي درتي 4 بيضات

سهى ضرك نحطلك طريقة الفشار بالصور
أما الرسائل راهم قنطار أستناي دالتك ههههههههههههههه

سرور2 · 2014-05-20, 15:27

السلام عليكم انا اليوم درت بطاطة انتاع الهام وفلفل حار ودجاج على طريقتي وخبز من برى موالفة ندير المطلوع واليوم لهيت املا شريت الخبز من برا

اللهم ادمها نعمة
الهام جات تهبل بالنعناع والزوج عجباتو كلاه قبل لا يغسل يدو من كثر معجباتو نسى يغسلهم ههههههههه حتى فكرتو شكرا ليك مرة اخرى رايحة نعتمدها ان شاء الله

yasmalak · 2014-05-20, 15:43

اييييه ما احلى النظااافة ههه هدا وين بان وجه الكوزينة
مرسي الهااام و من فوق درت صوص توفي مي درتها خفييييفة و كلااااغ الكراميل خليتو صفففر

yasmalak · 2014-05-20, 15:45

حقا نسقسييك الهاام احتمال كبييير ندير البطاطا اللي حطيتلها للعشا مي قوليلي مغرف زيت و مغرف زبدة يكفوووووووووو ما تنحرقش ههه وادا درت البطاطا بالزيادة نزيد الزيت و الزبدة ياك