دورة خطواتي الواثقة لأصبح ربّة بيت متألّقة

[omelbanin]

السلام عليكم، ام محمد ضحكتيني، تاخدي رايي اخدمي شغلك بكري، وكي تشوفي دنيتك نقية، ترتاحي (راكي جربتي ديجا البارح. ماشاءالله عليك). بعد الظهر ديري قيلولة صغيرة.
الانسان مليح كي يحافظ على الساعة البيولوجية، الطبيعية.
النوم تاع الليل عندو فائدة، والنوم الي في النهار من غير القيلولة، اتزيدلك غير الخمول.
موفقيييين ان شاءالله

[omelbanin]

اسيل نسيت ما قلتلكش، البارح عاندتك خدمت شغلي تقريبا كامل في الليل، اليوم عندي نغسل الماعن تاع القهوة، وغسلتهم الحمد لله، وولادي يقراو حتى للعشرة وربع راني قاعدة معاهم يراجعو...... كلش راهو نقي:d

[ام شمسو محمد]

المشاركة الأصلية كتبت بواسطة Oum Mohamed123

السلام عليكم ورحمة الله وبركاته.اللهم مااصبح بي من نعمة او باحد من خلقك فمنك وحدك لاشريك لك فلك الحمد ولك الشكر.صباحكم سعيد كل خيرات ومسرات.بعد ما خرجوا الشباب قصدي الاب وابنه رجعت للسرير انا وبنتي راهي مبكرة ليوم.قريت الاذكار وقلت نطل عالفراشات واش صبحوا.بحال مكان حتى نشاط حتى بديت ننعس تعرفوا الرقاد نتاع الصبحة هذي عندي خير من ليل كامل .ازربوا طلوا ولا نرقد.ذرك تقولوا ديما بغات اللي يحمسها هههههه.الصباح برك حتى العاشرة وتتنحى عليا النعسة.وينك خوخة وام البنين وماريا راني بالسيف نشفى عالاسامي

صباح الخير حنونة،شوفي هو كاين اشكالية ف la connexion وهذا يفسر قلة المشاركات و عندك الحق محاكاة النشيطات ترجعك نشيطة بالصح حنا اجتماعنا هنا هو لتشكيل عقلية و اسلوب حياة اكثر منو لمجرد تنظيف المنزل وكي تفشل وحدة (و كامل نفشلو) توقف بخوتاتها يعني حتى حنا محتاجين دعمك
و قضية رقاد الصباح بالتحديد نعتبرها انا شخصيا مشكل و لو انها ظاهرة اجتماعية عند ربات البيوت الشابات و لكنها لا تاتي بخير .....كاينة ازمة وقت اصلا.....
و هذي الفئة اللي راكي تشوفي فيها هوما the survival من عشرات المشاركات اللي انسحبوا كل حسب ظرفه .....و هوما متمسكين بحلم الحصول على اسلوب تفكير يوصلهم لحياة تناسب هممهم و طموحاتهم
و اكيد غاليتي ام محمد ما لقاوش الراحة في الركون للملذات اللي تطلبها نفوسهم و ابسطها فراش دافي و رقدة هنية
نوضي تخدمي و را كي تحت المراقبة ...هههههه

[om wassim]

صباح النور عليكم فراشات فرحت كي لقيت دورة جديدة نتمنى تقبلوني معاكم

[Oum Mohamed123]

اهلا برندا واسيل

[mariamalak]

صباح الخير فراشاتي الحلوين صباح النشاط و الحب و الاخوة
الله يبارك راكم ناشطين و كل وحدة فيكم مثال لربة البيت المتالقة
روحي شوفي مع روحك فالمراية و اهدري معاها
شوفي الانسانة اللي قدامك واش تحتاج دريهولها و قوليلها الاولوية ليك انتي و انتي تستاهلي نقدملك احسن ما عندي و بوسيها
و قبل ما ننطلقو لعمل اخر نحب كل وحدة فيكم تتهلا في روحها مشي الدار تشعل و شعرك طالع فالسما
نوضي ديريلو ماسك و اغسليه و سشوريه
احبكم في الله

[~اسيل ريحانتي~]

المشاركة الأصلية كتبت بواسطة omelbanin

اسيل نسيت ما قلتلكش، البارح عاندتك خدمت شغلي تقريبا كامل في الليل، اليوم عندي نغسل الماعن تاع القهوة، وغسلتهم الحمد لله، وولادي يقراو حتى للعشرة وربع راني قاعدة معاهم يراجعو...... كلش راهو نقي:d

يعطيك الصحة ام البنين نستعرف بيك
شفتي النتيجة لي تتحصلي عليها الصباح كلش في مكانو الارض مسيقا تلمع الاواني مغسولين الحوض يلمع وريحة النقا تفحفح
انا خطرات ماندير والو صباح من غير القهوة واعداد الغذاء يبقالي الكثير من الوقت للاهتمام بنفسي

ايا شكون تعاندنا ودير كيفنا ههههه راح تفرحو بالنتيجة الصباح.

[Oum Mohamed123]

شكرا اخواتي

[omelbanin]

ام محمد، هاذوك لي بوطات لي راكي تهدري عليهم شايفتهم، كي كنت نقرا كانو les femmes de ménage مساكن يلبسوهم. والله غير ملاح.
انا درت لفطور فوق النار يطيب، درت لووووبيا، هاذا واش يليق مع البرد،
قولولي شعلتو les chauffages دياولكم ،حنا شعلناه الصباح بردنا

[حياتي كلها امل]

نضت خملت الغرفة والصالون وغسلت الاواني سيقت المطبخ ثم عملت تقشير للوجه مع ماسك وعملت دوش ورطبت جسمي بزيت جونسون
ام محمد عودي نفسك تنوضى بكري توالفي مع النوم بكري والبركة كلها في البكرة ربي يوفقك

[~اسيل ريحانتي~]

ام البنين انا هدا وين شعلته ههههه جاني البرد لبست ليكات غليظة وولادي لي يقراو لبارح لبسو المعاطف

[~اسيل ريحانتي~]

يا ام هاجر ها قوليلنا واش من ماسك عملتي بلاك نعاندوك ههههه

[mariamalak]

احنا رانا قريب شهر شاعلينو و الجليد مع الصباح و البررررد نوصل بناتي و نجي جامدة
في هذيك البلاكار تاع الدخلة دايما يترونلي بليمونتو و ليفاست و لي بوني اليوم طليت عليه لازم. نعاود نخملو
اسيل و ام البنين الخدمة تاع الليل هايلة تصبح الدنيا نقية تصبحي مريحة بصح انا مع الوقت اثرت على علاقتي بزوجي نلها بالشغل جتى نصيبها 11 12 نصيبو في 7 نومة هههه وليت نعشيهم بكري و ندي لبنات لبلايسهم و نقي الكوزينة الجري الجري ههه

[خوخة02]

سلاااااااااااااااام كيف احوال فراشاتي
انا اليوم مانضتش بكري الجانب الديني عذر شرعي
الجمالي 6 من 10
اليومي راني معاه

[خوخة02]

انا شعلت الشوفاج البارح راه البرد تاع الصح
لي عودة وليدي راه يبكي