الجزء61 من واش طيبتي اليوم مرحبا بيكم - الصفحة 94

دائمة الحمد · 2014-03-02, 22:19

الكوزينة الجديدة واقيلا تكون غدوة باذن الله

Om moussaab · 2014-03-02, 22:20

فريال مرحبا بيك معانا

faryal zahira · 2014-03-02, 22:23

اقتباس:

المشاركة الأصلية كتبت بواسطة om moussaab

فريال مرحبا بيك معانا

مشكوووووووووووورة يااختي ربي يحفظلك هذاك الزينون

دائمة الحمد · 2014-03-02, 22:21

نهال المنتدى راهو كان مقفول اذا وين حل

دائمة الحمد · 2014-03-02, 22:22

اليوم حتى ايقونات الشكر ماكانش

دائمة الحمد · 2014-03-02, 22:23

ام الهضاب واشي هي الوصفة لي اعتمدتيها في الهمبرغر

nihale89 · 2014-03-02, 22:24

الي الي نشاااط باه نحل الكوزينة

دائمة الحمد · 2014-03-02, 22:32

ام الهضاب وين رحتي ليزابيل وام ايناس كيف كيف شلة الخفافيش
ام نورالدين ربي يجيبلك الشفاحنونة

Om moussaab · 2014-03-02, 22:32

ايه قولينا على الوصفة تاع الهمبرغر باين هايل

إلهام07 · 2014-03-02, 22:36

مساء الخير عليكم
جيت نحط طيابي لقيت الكوزينة خلاصت
المهم، نحط ولا نخلي

nihale89 · 2014-03-02, 22:38

اقتباس:

المشاركة الأصلية كتبت بواسطة إلهام07

مساء الخير عليكم
جيت نحط طيابي لقيت الكوزينة خلاصت

المهم، نحط ولا نخلي

لهومتي خليهم حطيهم في الكوزينة نتاعي

شوي هاك نفتحها

إلهام07 · 2014-03-02, 23:03

بسم الله

هذي زعمة على العين ههههههههههههههه خبزة نتاع سلق كانو ياكلو ونعيط مرة وحدة ماما مسكينة جمد الدم في عروقها قلتلهم حبسو رحت نجري جبت الصوارة وصورتها

دجاج في الفرن مع بطاطا دارتها أختي للعشاء

عيش حار بالقديد مممممممممممممممم يم نموت عليه

وهذا

وهذا

واااااااااااااااااااااي درت الرولي نتاع مقدسية كنت نخاف من الرولي وحاسباتو واعر خلاص عقدة الرولي راحت
انا مانحبوش يجيني شايح بصح المهم درتو طبعا هو يجي مع الصوص ماشي وحدو
النصائح ّ: في رايي لو كان ترحيو الجاج خير

بيسكوي ام أماني يهبل يهبل كامل عجبهم ألف شكر ام إيناس انت اللي هبلتيني بيه حتان جربتو

شكشوكة ام غبراهيم نتاع الباذنجان

المعقودة نتاع فايزة ربح بصح راهي تشرب الزيت فوق الحق بصح الحق بنينة ومقرمشة

وزدت عاودت دولمة كرمب نتاع أم رحاب كي عجبهم ماما زادت شراتلي كرمبة كبرت الكريات باش نخلص بسرعة

عصير أم رامي نتاع الجزر والبرتقال ، درتو وخبيتو في الثلاجة وكي جيت نصور لقيتهم سرقولي منو

قراتان الجلبانة نتاع نهال يهبل بصح وااااااااااااااحسرتاه وحد الجلبانة حاشى النعمة ماتليقش ماحبتش الطيب وماشي بنينة خلاص ويابسة بصح الصوص والطبق بنين
وعععععععع بقيت غير نتحسر على الكرام فراش والاجبان

هذا صابلي نتاع الزيت نتاع وحد الاخت حطاتو في قسم الحلويات قالت فيه خمسة خميرة مزية جربت بيضة وحدة شوفو هو صح هشوش بزاف بزاف من الخميرة بصح لذعة الخمية والمرارة نتاعها في اللسان وتبقى تحرق في الفم ماعجبنيش خلاص خلاص
وكي طاب طلع تقولو دونات

مزية الواحد عندو في الخزانة محل لوازم حلويات مستحيل نلصق زوج حبات مع بعض وليت درتو في المعجون ثم في النواد كوكو

العجيب في الامر كلاوه

هذا مرهم للرجلين شفت ام محمد تاج قالت مليح شريتو لماما

شريت التشوينة ورقدتها في الماء يوم

ودرتها معجون خرج تحححححححححححححححححفة بالنسبة ليا احسن معجون

وأخيييييييييييييرا شريت شكارة سميد قالي مول الحانوت على ضمانتي ولقيتو مليح باركولي
درت بيه مطلوع كنت نتحلف الحمد لله جا هشوش يهبل

هاهي شكارة السميد

ودرت معاها خبزة نتاع سلق جات بنينة

بربوشة مممممممممممممممم دارتها ماما جات بنينة تهبل مع الفلفل المرقد

كل مانشريو الجاج نطيب بيه ويبقاولي الجنحين نخبيهم في المجمد لميتهم كامل ودرتهم في الفرن مع بطاطا بخلطة العسل والبرتقال ممممممممممممممممممممممم ودرت كسرة رخسيس عاونتني اختي المتزوجة

عن قرب باش تسخفو لانو بنينة وحنا نموتو على الجنحين مممممممممممم

هذا شريت الفرماس والطماطم المجففة يم يم يم ودرتو بالقطع معظمين نتاع جاج والقديد مممممممم جا يهبل

عصير ام رامي زدت عاودتو للمرة الثالثة وهذي المرة دارلي ستة لتر ونص لانو الموصايب يحبوه خاثر
كل مانديو توجعني يدي عيطت لبابا واختي قلتلهم اللي يشرب يعاون هههههههههههه أنا نتفرج وهوما واحد يرحي وواحد يصفي خخخخخخخخخخخخ

نختموها بحاجة حلوة
هنا نزين في تارت بالشكلاطة والبرالين درتها في عيد ميلاد اختي

هنا كملت

جا راجا اختي واختي توالنا وتقهوينا بيها ودات منها اختي للخدمة كامل عجبتهم وطلبو الوصفة قلتلها والله غير خلطت كلش من راسي وبميز عيني برك حتى الكيك ماصدقوش حسبوني بخلتهم

تصبحو على خير حبيباتي نروح نرقد والقطة راهي جلب فوق راسي