موضوع مميز وصفات من حراير مطبخ وش طيبتي اليوم - الصفحة 94

أم ماجد · 2014-10-18, 09:06

العدس الاحمر بالطريقة التركية *هاذ الوصفة من قناة سميرة*

إضغط هنا لرؤية الصورة بحجمها الطبيعي.

نصف كاس عدس احمر مغسول +ربع كاس شاي فريك +نصف كاس شاي ارز+ حبة بصل متوسطة مقطعة +2 حبا جزر مبشور+ مكعب مرق دجاج+ 5 كاس ماء ونتركهم يطيبوا
الصوص/ 3مغارف زيت يسخن ثم نضيف +ملعقة فرينة ونقلي مليح حتى تصفار الفرينة
ننزع من النار ونضيف 2 ونص مغارف طماطم علب*مصيرة* ونحرك مليح +2 مغارف نعناع يابس+ فلفل اسودونخلط مليحثم نضيف +3الى 4 كاس ماء ساخنونخلط ونحط على النار ونخليها تغلي
نرحي العدس لي حضرناه ونضيفو لصوص هنا الكمية حسب واش تحبي العدس يكون
خفيف او سميك ونضيف الملح

أم ماجد · 2014-10-18, 09:39

تفضلي الامنيات

إضغط هنا لرؤية الصورة بحجمها الطبيعي.

اكستري الجيرانيوم
عبارة عن محلول مركز من نبتة الجيرانيوم
عندو ريحة تهبل
وهو معطر للغرس عموما
في الكيلو تحطي قطرتين يرجع طعم وريحة الغرس واااااااااااااو
يستعمل للمقروط والنقاش والمبرجة ولكل حاجة فيها غرس
يمد اغياغ gو
يخليك تاكلي وتقولي اممممممممم
ان شاء الله تلقايه لايدعيو عليا اولادك هههههههه

lyzzabel · 2014-10-18, 09:46

بينيي اقتصاااادي و يقطع عراااااام هههه لام محمد تاج

نحط في جفنة رطل فرينة ونعمل حفرة ونحط زوج مغارف كبار سكر ومغرف ونص تاع قهوة ملح وشوي فاني وبيضة مخبطة وثلاث مغارف كبار زيت ومغرف كبيرة خميرة الكسرة ونعجن بالماء مليح وراح تلصق في اليدين ولازم ماتجيش جارية تجي كيما عجينة البيتزا نخليها تتخمر ومبعد نحلوها ونطبعو دوائر ونزيد نخليهم يطلعو غير خمس دقايق ونبدا نقليهم في زيت سخون ونرمي الزيت على الحبات باش يتنفخو مليح ونمرمدهم في السكر الخشين ولا السكر قلاصي ولي حابة تحشيهم بالمعجون او شوكولاطة وبالصحة سهلة وسريعة وخفيفة وتقطع عررررررررررام واقتصادية جدا جدا

ام احمدي · 2014-10-18, 10:57

لحم روتي محمر في الكوكوط لام ابراهيم

تفضلي اختي هذه هي الوصفة
تديري طراف لحم يكونو من الفخد او الكتف يعني هبرة ماعليش فيهم العظم تغسليهم و تديري ثقوب بالموس و تدخلي سنة ثوم في كل ثقب
من جهة اخرى حطي الكوكوت تسخن مليح و ديري فيها كمية مليحة مرغرين تذوب و حطي اللحم نتاعط يتقلى على نار متوسطة و حركي ساعة على ساعة باه ما يتحرقش حتى ياخذ لون محمر و باهي هذاك الوقت تبلي بالملح و فلفل اسود و وريقات رند و مرقي بالماء ماتكثريش قيس ما يطيب اللحم اقفلي الكوكوط و خليه يطيب على نار هادية مدة ساعة او اكثر حسب اللحم نتاعك
من جهة اخرى تكوني نقيتي البطاطا من الافضل تكون هاذيك الصغيرة اذا ماعندكش عادي ديري الكبيرة و قطعيها خشينة و اقليها حتى تتحمر شوية
كي يطيب اللحم و تبقى فيه شوية لاصوص ارمي فيه هاذيك البطاطا الي قليتيها و خليها مدة ربع ساعة تتجمر شوية و تاخذ بنة لاصوص و اطفي
قدميه مع القارص و الف صحة و هناء

حسيبة2010 · 2014-10-18, 11:29

المشاركة الأصلية كتبت بواسطة oum ibrahim
تفضلي اختي هذه هي الوصفة
تديري طراف لحم يكونو من الفخد او الكتف يعني هبرة ماعليش فيهم العظم تغسليهم و تديري ثقوب بالموس و تدخلي سنة ثوم في كل ثقب
من جهة اخرى حطي الكوكوت تسخن مليح و ديري فيها كمية مليحة مرغرين تذوب و حطي اللحم نتاعط يتقلى على نار متوسطة و حركي ساعة على ساعة باه ما يتحرقش حتى ياخذ لون محمر و باهي هذاك الوقت تبلي بالملح و فلفل اسود و وريقات رند و مرقي بالماء ماتكثريش قيس ما يطيب اللحم اقفلي الكوكوط و خليه يطيب على نار هادية مدة ساعة او اكثر حسب اللحم نتاعك
من جهة اخرى تكوني نقيتي البطاطا من الافضل تكون هاذيك الصغيرة اذا ماعندكش عادي ديري الكبيرة و قطعيها خشينة و اقليها حتى تتحمر شوية
كي يطيب اللحم و تبقى فيه شوية لاصوص ارمي فيه هاذيك البطاطا الي قليتيها و خليها مدة ربع ساعة تتجمر شوية و تاخذ بنة لاصوص و اطفي
قدميه مع القارص و الف صحة و هناء

أم ماجد · 2014-10-18, 13:07

وصفة ليكراب نتاع زمان بالبيض لطلبت الوصفة ام تاجو

حوالي رطل فرينة في 1لتر ماء وقرصة ملح خلطيهم بالباتور ولا ميكسور ولا برا لعندكم المهم الخليط نتاع ليكراب تعرفيه ادا ثقال زديه الماء ولا خفيف زيديه الفرينة + 3 حبات بيض ديري في مقلاة التيفال قطرة زيت وديريه يسخن وهزي ملعقة الحط من الخليط وصبي وكي تجي تلقبي ليكراب ديري شوية زيت راه يطيب بالخف كي يطيب دردري السكر ولا معجون فراز امممممممممممم او الشيكولا اولادي يحبو غير بالسكر

إضغط هنا لرؤية الصورة بحجمها الطبيعي.

الوصفة لاختنا ادرارية

lyzzabel · 2014-10-18, 13:12

لي كراب بالبيض تاع زمان لادرارية

حوالي رطل فرينة في 1لتر ماء وقرصة ملح خلطيهم بالباتور ولا ميكسور ولا برا لعندكم المهم الخليط نتاع ليكراب تعرفيه ادا ثقال زديه الماء ولا خفيف زيديه الفرينة + 3 حبات بيض ديري في مقلاة التيفال قطرة زيت وديريه يسخن وهزي ملعقة الحط من الخليط وصبي وكي تجي تلقبي ليكراب ديري شوية زيت راه يطيب بالخف كي يطيب دردري السكر ولا معجون فراز امممممممممممم او الشيكولا اولادي يحبو غير بالسكر

أم ماجد · 2014-10-18, 13:19

ياعمري ام مصعب والله اسمحيلي يالحبيبة

طريقة بوزلووووف
في كوكوطة حطي طراف الراس تاعك وملحيهم مليح مليح انا درت ثلاث طراف درتلهم زوج مغارف صغار ملح ومغرف صغيرة فلفل اسود وثلاث مغارف راس الحانوت وزوج ورقات رند وغطيت الطراف بالماء وحطيتو يطيب يعني غلقت الكوكوط وطاب مليح حتان ذاب
من جهة وجدي الدرسة تاعك في الميكسور حطي ست سنات ثوم ومغرف صغيرة هريسة ومغرف صغيرة طماطم الباط وحبة طماطم ومغرف صغيرة فلفل اسود وعصرة قارص وارحيهم وحطيهم في مقلة مع الراس كي يكون طاب قصيه طراف صغار قلي كاش مليح مليح كي يتشرب الدرسة نحيه وزينيه بالباطاطا طيبتها في مرقة الراس ورديتها في المقلة لي طيبت فيها الراس مع الدرسة
وشهية طيبة حبيبتي والله كون جيتي قدامي نبعثلك مرة ومرتين وثلاث

وصفة العسولة ام تاجو على لسانها الحلو هههههههههههههه

ام سراج وملاك · 2014-10-18, 14:27

مبسس ام سهام02

ام تاجو وام وسيم عويناتكم شابين الله يخليكم ولا يحرمني من ردودكن الطيبة

والمبسس الطاجين ندير عيني هي ميزاني : سميد متوسط + مرغرين طرية + زيت + رشة ملح . ندخل مليح المرغرين و الزيت في السميد و نبدا نبلل بالماء و نلم العجين غير بالاصابع و من بعد ندير خبزة و نقطعها على شكل معينات و نديرها اطيب على الطاجين في جميع النواحي . و مبسس العسل نعتمد على وصفة اخرى هاهو الرابط
https://www.djelfa.info/vb/showthread.php?t=1595668

*عاشقة الجنة* · 2014-10-18, 17:35

أم محمد تاج

بوزلووووف

في كوكوطة حطي طراف الراس تاعك وملحيهم مليح مليح انا درت ثلاث طراف درتلهم زوج مغارف صغار ملح ومغرف صغيرة فلفل اسود وثلاث مغارف راس الحانوت وزوج ورقات رند وغطيت الطراف بالماء وحطيتو يطيب يعني غلقت الكوكوط وطاب مليح حتان ذاب

بوزلوووووف المرحلة الاولى طاب يذوب روووووووعة ضرك نستناه يبرد ونردو في الدرسة يامييييييييييي

من جهة وجدي الدرسة تاعك في الميكسور حطي ست سنات ثوم ومغرف صغيرة هريسة ومغرف صغيرة طماطم الباط وحبة طماطم ومغرف صغيرة فلفل اسود وعصرة قارص وارحيهم وحطيهم في مقلة مع الراس كي يكون طاب قصيه طراف صغار قلي كلش مليح مليح كي يتشرب الدرسة نحيه وزينيه بالباطاطا طيبتها في مرقة الراس ورديتها في المقلة لي طيبت فيها الراس مع الدرسة
وشهية طيبة

*عاشقة الجنة* · 2014-10-18, 17:41

أم محمد تاج

ليزافار والمخ مشرملين ( شفتو ندلل فيهم خخخخخخخخخخخ)

نقي المخ مليح وليزافار قشريهم وقصيهم رونديلات والمخ قصيه طراف وحطيهم في مقلة فيها شوي زبدة وشوي زيت وملحي وشوي فلفل اسود وثوم اربع سنات حطيهم على النار كي يبدا يغلي نقصي وساعة ساعة قلبي ضرك يطلقو الماء تاعهم وخليهم يطيبو في غرضهم حتان يخثارو نحيهم واعصري عليهم عصرة قارص وزيني بالدبشة ولا المعدنوووس وشهية طيبة

ام ندى 87 · 2014-10-19, 12:07

اختي مقروط مقلي عمرك لا تديري سميد خشين
ديري ديما 02كيلات متوسط وكيلة رقيق يجي حاكم روحو (يعني 03كيلات) ومايتفتتش فالطياب

انا خدمتو جاني يذوب فالفم

المهم خذي سميد تاعك غربليه ورقيق الي يهبط خذي كمية من الي درتيه قبل وزيديلو رقيق الي هبط من الغربال وشوفي نتيجة

idron0 · 2014-10-20, 07:18

مسكوتة الياوورت الهام 07

العبار بعلبة الياوورت
3 بيضات
1 علبة ياوورت
2 علب سكر
3 فرينة
1 خميرة
1 زيت
فاني
العلبة نتاع الياوورت العادي الطويلة هذيك 4
الطريقة راهي واضحة جي خففيفة وبنينة مع ريحة الياوورت

idron0 · 2014-10-20, 20:38

وجبات للرضع الصغار biba04

وجبة1
2م ك ارز+تفاحة مقطعة قطع صغيرة +نصف كاس ماء طيبي الكل على نار وغطيهم باه يحافظو على القيمة الغدائية
بعد مايطيبو خليهم يبردو ورحيهم مع نصف موزة وشوية حليب
وجبة 2
قطعة صدر دجاج مقطعة صغيرة +نصف بطاطا مقطعة صغيرة+جزر طيبي الكل في كاس ماء وغطيه بعد مايطيو ارحيه مليح وزيديلو شوية حليب اطفال
وجبة3
خوخ مرحي مع علبة بتيسويس

ام فيفي · 2014-10-21, 12:50

شكراااااااااااااا عزيزتي على الوصفات افدتيي كثيراااااااااااااا بارك الله فيك