دورة فراشات تزهو بالألوان بيوتهن قمة في النظافة و التنظيم و التدبير و الاتقان

[om ahmed]

حبيبتي اميرة 19ما هو ملح الحليب

[amira19]

مساء الورود على حبيبتي حبيبه

الله يبارك ان شاء الله في اجرك كل ما تقومين به لفائده الاخوات

انا للاسف لا استطيع متابعتكن لاني ما عنديش الانترنت في الدار لكني استفيد منكن كثيرا مادامني في دارنا

احابه تعطيلنا نصائح لمعامله الزوج خاصه اننا في وقت صعيب بزززاف و الفتن شايعه و الله المستعان

انا في بيتي فراشه نشيطه جدا لكني احس احيانا اني استغل من طرف زوجي لانو ولا مره خرجني حوس بيا يا لوكان نصف ساعه مع العلم كل مره يقولي غدوه و من بعد خلاص
عندو السياره و عندو كل الامكانيات. لكنو جامي تفكرني بخرجه و مع دار العايله لاباس خاصه بعد موت مولودي الحبيب امو بكات بززاف و حسيتها مكويه كيفي و حسيت بالامومه وش معناها يكون عندك ولد خلق في كرشك وليت حتى انا نعذرها في بعض التصرفات مثل الغيره و نقول راهي ام و ما ادراك ما الام
انا اشريت حوايج بزاف بعد نفاسي ك نيولوك و شعري راهو مصبوغ جديد على الفكره الموضه هدا الموسم اللون الموحد ميش لي ماش و استعمل ملح الحليب و للترطيب لوسيون جونسون للاطفال

[رقية محمد]

حبيبة قلبي فراشتي النجيبة رقية
سيكون الوضع على احسن ما يرام باذن الواحد الاحد
لا تقلقي
التغيير سيكون خطوة خطوة
و لن تشعري به حتى تجدي نفسك قد حققتي مبتغاك و اهدافك
باذن الله

هاهي حبيبتي جداول الروتينات
املئيها بروتينك اليومي
و ضفي لها تطبيقاتنا اليومية كل حسب توقيته المناسب لك حبيبتي



و اذا كان عندك اي استفسار لا تترددي ابدا
نحن في خدمتك حبيبتي



الف شكر اختي حبيبةعلى الرد وجزاك الله خير الجزاء

[om ahmed]

صباح الورد و الفراشات النشيطة مختلفة الالوان ، كيف حالكم حبيباتي ، اشكر كل من رد علي و خاصة شي بيبة و فراشتنا حبيبة الملكة ، بالنسبة لفرحة العمر ، أقول لك عزيزتي انني مررت بظروف تشبه ما كتبتيه و لكن ربي عندو الشي لكثير و رحيم بالعباد و خاصة إذا صبروا ، اصبري حبيبتي و عيشي حياتك بدون نكد و سوف تتغير الضروف من الحسن إلى الاحسن و الاهم في الحقيقة ليست المادة لهذا تهناي مع زوجك وديريه في عينيك و ما تبينيلوش تعاستك و ان شاء الله سوف تتحسن الاحوال ، و الله اقول هذا عن تجربة .بالنسبة لفراشتنا ماريا ملاك شوقتيني و لكن لم استطع رؤية مطبخك سوف احاول مجددا

[فرحة العمر]

نشكر كل وحدة ردت على موضوعي
أنا بإذن الله بديت نتأقلم مع الوضع بصح مشكل الماء والحمام هو اللي مقلقني يارب يفرج عليا وعلى كامل المهمومين
بالنسبة لروتيني في العناية بكامل جسمي هو:
الشعر
بالنسبة لشعري نستعمل منتجات فتيكا للشعر الجاف والمتقصف ونمشطو مرتين في النهار ونغسلو مرتين في الأسبوع لأنو جاف
الخلطات منديرلوش من غير زيت الزيتون نديروكحمام للشعر قبل غسله بأربع ساعات ونديرلو السيروم بعد المملس
الوجه
بشرتي مختلطة نستعمل ماسكين ماسك النشاء والياغورت وماسك الحليب والخميرة وللشعرنقصد شعر الوجه غبرة برطانيا غسول كلين أند كلير وBB كريم من غارنييه
للشفاه فازلين ماركة سنوناس الأسنان نستعمل سانسوداين
لليدين
كريم سنوناس قبل التنظيف إذا كنت رايحة نستعمل الجافيل وبعد التنظيف في غسيل اللمواعن والوضوء
ونستعمل واقي الشمس فيش كي نعود رايحة نخرج للشمس
الجسم
الخلطة الصابونية بأربع ساعات قبل الحمام وبعد الحمام ندير كريم بيبي جونسن بزبدة الشيا وحاليا راني متبعة برنامج للخطوط البيضاء وكلف الحمل والكرش إذا شفت نتائج مليحة رايحة نحطو للشعريعني شعر الجسم نستعمل جوتابل جيليت وجال دوش نيفيا باه متتحسسش بشرتي
للركب فازلين وكركم وللارجل فازلين نديرها ونلبس صاشي وجوارب ونخليها ساعتين طبعا بعد الأعمال المنزلية لأني نسيق بزاف نموت على الماء كي الضفدع
للمنطقة الحساسة برنامج خاص إذا حابين تعرفوه نحطو بصح من بعد لأني رايحة للتكوين المهني نجيب الديبلوم
اللي عجبها برنامجي واستفادت منو يا ريت تدعيلي ربي ينولني اللي في بالي وآي سؤال راني هنا

[أم ريتاج زهرة]

السلام عليكم يا الفراشات ربي يخليكم دايما ملمومين يا ربي أنا عندي مدة قريب أسبوع ما فتحتش النت كانت عندنا جنازة عم زوجي ربي يرحمو و راكم عارفين كا تكون في البيت لأنو عم زوجي يسكن في الطابق لي تحتي المهم ربي يرحمو و يرحم جميع موتى المسلمين رني تقرى جديدكم بشوية و نظامي اللي كنت ماشية بيه فسد راني نعاود من الجديد و ربي يقدرنا جميع توحشتكم كامل و لي عودة راني نرجع كل حاجة مكانها سلام

[mariamalak]

اني جيت
السلام عليكم كل واحدة باسمها توحشتكم واش راكم
انا اليوم رحت قضيت لانو انا لي ادة الميزانية راجلي يخرج من 6 حتى 5 باش يدخل مدقدق مسكين ان شاء الله ربي يعينو و يحفظو
المهم شريت ادوات التنظيف و بليون تاع تسيااااق على خاطر كان عندى واحد اسود كرهتو .قلت نخلية نسيق بيه فالحوش و هدا شباب نخليه فالدوش نخليكم مع الصور






و هدو باش نحافظ على يديا

و هدى شمعة معطرة


و هده باش نحك[
url=https://upimage.us][/url]


و هده باش نخمل فيها الماكياج

و هدو 2 سلات باش نخمل فيهم المنظفات

[حبيييبة]

مَع نهاية شهر، وبداية شهر جَديد،
اللهم اسعد كل احبتي ومن له مكانة بقلبي
حتى تبلغ سعادتهم الاخره،
اللھم اجعل قلوبهم أنقى
و ارواحهم بذكرك ابقى
احبكم فراشاتي

[rossa20]

baraka laho fik

[أم فاطيمة]

السلام عليكن فراشات جميلات نشيطات ربي يوفقكم لما يحب و برضى
حبيبة شكرا على الكلام المعسول لبنات راهم فرحو كي قلتلهم طاطا حبيبة راهي مسلم عليمكم حتى هما راهم يسلم عليك
الاخت عذاب العمر لماذا هذا التشاءم لازم تكوني قوية حتى واحد ما لقاها كيما يحب خاصة في البداية
لانك راح تكتشفي العجب و من بعد راح تتاقلمي مع الوضع و تحاولي تغييري ما يجب تغييره لكن في حدود المعقول
و بالرزانة باش ما تخسري حتى واحد و لازم تغيري اسمك باش تحسي بالامل كل ما تقريه م على حساب العناية بالنفس ما شاء الله عليك
ماراكيش مفرطة في روحك خاصك غير شوية نشاط مع الاستغفار و قراءة القران و دورة الفراشات و تروحلك
كل هم وغم باذن الله
شي بيبا و جيادا شكرا على المساعدة فيما يخص خزانات الباستيك راهم عندي بصح ما يكفوش لان الالعاب فيها
الصغيرة و المتوسطة و الكبيرة و العملاقة هههههه
كل اخت في الدورة بصحتك النيولوك الجديد
التطبيقات راني ماشية معاها خطوة خطوة و الحمد لله راني فرزت القش و نحيت لمنحتاجوش نمدو للجمعية
و راني راجع مع بنتي الفرنسية

[فرحة العمر]

المشاركة الأصلية كتبت بواسطة أم فاطيمة

السلام عليكن فراشات جميلات نشيطات ربي يوفقكم لما يحب و برضى
حبيبة شكرا على الكلام المعسول لبنات راهم فرحو كي قلتلهم طاطا حبيبة راهي مسلم عليمكم حتى هما راهم يسلم عليك
الاخت عذاب العمر لماذا هذا التشاءم لازم تكوني قوية حتى واحد ما لقاها كيما يحب خاصة في البداية
لانك راح تكتشفي العجب و من بعد راح تتاقلمي مع الوضع و تحاولي تغييري ما يجب تغييره لكن في حدود المعقول
و بالرزانة باش ما تخسري حتى واحد و لازم تغيري اسمك باش تحسي بالامل كل ما تقريه م على حساب العناية بالنفس ما شاء الله عليك
ماراكيش مفرطة في روحك خاصك غير شوية نشاط مع الاستغفار و قراءة القران و دورة الفراشات و تروحلك
كل هم وغم باذن الله
شي بيبا و جيادا شكرا على المساعدة فيما يخص خزانات الباستيك راهم عندي بصح ما يكفوش لان الالعاب فيها
الصغيرة و المتوسطة و الكبيرة و العملاقة هههههه
كل اخت في الدورة بصحتك النيولوك الجديد
التطبيقات راني ماشية معاها خطوة خطوة و الحمد لله راني فرزت القش و نحيت لمنحتاجوش نمدو للجمعية
و راني راجع مع بنتي الفرنسية

شكرا لك أنا بعكس إسمي تماما كنت قبل الزواج مع إني عانيت بزاف بصح ولا مرة ضعفت بصح بعد الزواج الشهرالأولى تحملت قد ما نقدرمع إني كنت حامل بصح صدقيني تعبت كي كنا ننفضو كانت تقول لنساء ولادها متنفضوش معاها لا تجهضو بصح أنا ماعليش نجهض والله كي نتفكر نبكي وتغيضني روحي وصلت لدرجة إني كي ولدت رحت أنا لعندها ودورت راسها عليا وبقيت نهدر معاها ونديرلها الحوايج بصح هي محبتنيش وكي قسموني حرموني حتى من المرحاض والله راني نكتب ونبكي على هذي ضعفت وهملت روحي وداري بصح الحمد لله ربي هداني ونورلي طريقي وراني نحاول نصلح ونغير حياتي أما عن الإستغفار والقران راني نستغفر طول الوقت و نقرا القران كون ماشي القران كون هبلت
شكرا على النصائح وربي يوفقكم كامل

[oum sabrin]

مساء الخير حبيباتي الفراشات
اتمنى تكونو بخير
واش نقولكم لبنات راني دايرة حالة بنيو لوك ههه درت كوب كاري بلونجو و دربت فيها اونسوبلميني شباب راجلي ولا يديرلي بس بس مادموزال حبيت نهدر معاك ههههههههه و الله غير عندك الحق يا جيادا تسريحة الشعر تلعب دور كبيييييييييييير
اختي ام رتاج عظم الله اجركم و رحم فقيدكم و اسكنه فسيح جنانه امين يا رب
اختي شي بيبا و ام وسيم مبروك ما زاد عندكم يترباو بالصحة و الهناء رانا نستناو في الطمينة
شكرا لك شي بيبا على المعلومات االمفيدة لخاصة بالطفل
يا حبيبتي حبيبة شحنتيلي واحد الطاقة الموجبة حبيت نخرجلك كامل معجم كلماتك الرائعة ههههههههه
اليوم نضت على 5/30 غسلت و غيرت ملابسي و صليت الفجر راجعت شويا> قران لي راني نحفظ فيهم باش نثبتو
ثم حضرت قهيوة و في نفس الوقت دوزنت االغذاء درت جواز شوفلور نوضت بنتي و حضرتها للذهاب للروضة ثم رفدت كامل لي تابي تاع الكولوار و الصالون مسحت الغبار و نظفت الارائك نفضت الشورا خرجت المخايد للشمس او بديت غرفة نومي و غرفة ابنائي و غرفة عجوزتي سيقتهم لبارح عميقا يعني ليوم جوزت عليهم خفيف فقط ثم بديت تسياق عميق للصالون و الكولوار مع غسل باب الصالون الزجاجي و باب المدخل و كملت سيقت كامل الدرج و الباب الخارجي ايضا غسلتو
ثم رديت كل حاجة لمكانها فطرنا انا و ابني و دوشت و رطبت يديا و رجليا و غيرت ملابسي ريحت شويا و دوك راني معاكم
في المساء راني مبرمجة 15د لواحدة من خزانات المطبخ نبردها
هذا هو تقريري لنهار اليوم
راني نستنا في برنامج التنظيفات العميقة باش نبدا معاكم محابيتش نديرو وحدي
بالتوفيق للجميع نروح نجيب صبرين من الروضة

[Simassim]

السلام عليكم ورحمة الله ان شاء الله تكون بخير

اليوم تكاسلت شوي فالتطبيق تاع الصباح كنت تعبانة رقدت بعد الفجر شوي ان شاء الله تعوضوا فالليل قبل مانرقد نخمل كوزينة مرة واحدة ونقرأ الورد اليومي

جمعت الأوراق الإدارية تاع الشهر مخيلتهم اول يوم فالشهر نجمعهم باش مايتراكموش.

مرة شفت احت تسقسي على ترتيب خزانة الأولاد
ادا عندك التسع فالخزاني ديري كل حاجة وحدها وملابس الخروج عقلي كل لبسة وحدها
انا نطوي ملابس الداخلية تاع ولدي. عندو عامين برك. بودي مع بعضهم دائرتهم فالطرف لأنو كل يوم يلبس واحد والداخل حاطة البيجامات. كل تريكو نحط وسطو سروال تاعو. والتقاشر والبونيات حاطتها فعلبة تاع الاحذية
بالنسبة للملابس الخروج. كل يوم لبسة. ادا عندك بلاصة تعلق فيها كل سانتر نحط فيها السروال القميص والتريكو او الجيلي لي يتناسب معاه هكذا مانقعد نخمم واش من تريكو نلبس مع سروال ادا ماعندكش الوسع اطويهم مع بعض أطوي السروال قبل ونحطو وسط التريكو ونطوي. هكذا يجبد لبسة
نفس الطريقة معتامدتها مع قشي وقش راجلي والحمد لله مانخملش الخزانة بالشهرين


اختي ام فاطمة الألعاب اشري لوحة وتقبي فالحيط وحطها. فوقها الألعاب الكبار
والصغار جمعهم في العلب وخزانات تاع بلاستيك
وادا كنتي تحبي الشغال اليدوية تقدري تخيطي اكياس كبيرة تجمع فيها الألعاب ويعلقوها فالباب تاع الغرفة
الألعاب القديمة تقدري تحوليها لأغراض ديكور. مرة شفت فالنت صور ليها متلا يكون عندك كادر في صورة. وعلى أجناب تاع الكادر تلصق السيارات الصغار
تقدر تخدم بوغت مونتو تاني

https://kommentkonfait.wordpress.com...ets-recuperes/

[نور اليقين 66]

مساء الخير

استفدت كثيرا من الموضوع ومازلت بصدد مراجعة الصفحات الكثيرة في محتوياتها

فشكرا لكن جميعا وجزاكن الله كل خير
وساتحدث فيما بعد عن تجربتي معكن

احببت ان اتدخل هنا لاجل المشاركة فرحة العمر ( عذاب العمر ) لتغيير اسمك اكتبي في هذا الموضوع وسيردون عليك سريعا ان شا الله
https://www.djelfa.info/vb/showthread...post3992682537
شكرا حبيبة انرت حياتنا وباذن الله ستنار حياتك قريبا باجمل الافراح واروعها يا رب

[فرحة العمر]

المشاركة الأصلية كتبت بواسطة نور اليقين 66

مساء الخير

استفدت كثيرا من الموضوع ومازلت بصدد مراجعة الصفحات الكثيرة في محتوياتها

فشكرا لكن جميعا وجزاكن الله كل خير
وساتحدث فيما بعد عن تجربتي معكن

احببت ان اتدخل هنا لاجل المشاركة فرحة العمر ( عذاب العمر ) لتغيير اسمك اكتبي في هذا الموضوع وسيردون عليك سريعا ان شا الله
https://www.djelfa.info/vb/showthread...post3992682537
شكرا حبيبة انرت حياتنا وباذن الله ستنار حياتك قريبا باجمل الافراح واروعها يا رب