موضوع مميز وصفات من حراير مطبخ وش طيبتي اليوم - الصفحة 93

KAMISIS · 2014-10-14, 16:57

مشكوووووووووووووورة على هاد الوصفات

oum amira1 · 2014-10-14, 22:23

mercyyyyyyyyyyyyyyyyyy boucou boucou

2011selma · 2014-10-15, 20:58

اقتباس:

المشاركة الأصلية كتبت بواسطة ام يسرا

تآآرت الشوكولآوالبندق للمتالقة اليسون

//

إضغط هنا لرؤية الصورة بحجمها الطبيعي.

//

المقادير:

باط قاطو بيمو +100غ بندق محمص ومرحي + 2م ك كاكاو +3م ك سكر رطب +زبدة ذايبة لمو بيها الخليط حتى نتحصلو على خليط يتلم فاليد

نعملوه في قالب التارت وندخلوه للفرن مدة 10د فقط على نار هادئة .

//

إضغط هنا لرؤية الصورة بحجمها الطبيعي.

//

إضغط هنا لرؤية الصورة بحجمها الطبيعي.

//

الحشو:

2طابلات شوكولا +2بيض +قرصة ملح +ملعقة كبيرة فاني سائلة +كاس حليب.

نسخن الحليب جيدا ونفرغو فوق الشوكولا ونخلط حتى تذوب نضيفولها البيض ونخلطو ونزيدو الملح ولافاني .

//

إضغط هنا لرؤية الصورة بحجمها الطبيعي.

//
نفرغو الخليط فوق التارت بعد مانخرجوها من الفرن ونرجعوه للفرن يكون مشغل غير من فوق ..ونعسوها حتى نشوفو الخليط نشف..

كي نخرجوها من الفرن نخلوها تبرد مليح ونضيفو فوقها غاناش الشوكولا...

وندخلوها للثلاجة تبرد مليح وبعدها تقدم فالسهرة ....هههـ

//

إضغط هنا لرؤية الصورة بحجمها الطبيعي.

//

مــــلآحظـــة: أنــآآآ هدي المقــآآدير عملتي 2قوالب وآآحد كبير ولآخر صغير...

وشهية طيبة للجميع..

waw ya3tik saha

ام سراج وملاك · 2014-10-15, 22:28

البركوكس ام سهام 02

قطع لحم + حبة بصل كبيرة مرابية . ديريها تتقلا ثم ضفي الملح و الفلفل الاسود و فلفل عكري و قرفة و ديريهم يتقلاو + حوالي 5 حبات طماطم مرابية + 2 مك طماطم مصبرة + 3 حبات جزر+ 1 لفت + 1 كورجات + كمشة حمص + كمشة جلبانة + ربطة قصبر (الدبشة) و مرقي بالماء حتى تتغطى كامل الخضر و غلقي عليها و خليها تطيب كتشوفي اللحم تاعك طاب انزعي الكورجات و اللفت و الجزر و اطحنيهم و رجعيهم للمرقة و انزعي الربطة القصبر و قطع اللحم و غرفية مرقة و زيدي للكوكوت الماء و الملح (حسب الذوق) و راس الحانوت و كيتشوفي المرقة تغلي ضفي البركوكس ليكون مشلل و مدهون بالزيت و خليه يطيب و مرة على مرة خلطي حتى تشوفيه طاب . رجعي اللحم و المرقة

ام سراج وملاك · 2014-10-15, 22:40

سموثي الموز والعسل واللوز لـ حيهتى كلها امل

تاخدى اما البنان يكون باااااااااااارد تقريب جامد ولا الحليب يكون باااااااارد تقريب جامد مع شوية لوز و3 ملاعق عسل وتميكسي كلش حتى تتجانس مليح
يجى روووووووعة ومرات نزيدلو نوتيلا للولاد يموتو عليه

lyzzabel · 2014-10-16, 14:13

الكروكي بالكاوكاو للحلوة ام محمد تاج

ممكن تعتامدو اي وصفة كروكي خاصة بيكم وهاي وصفتي البسيطة

5 بيضات كاس ونص سكر مغرف صغيرة فاني ورشة ملح خبطو مليح حتان يثقال الخليط وزيدو كاس زيت وصبوه كالخيط واستمرو بالخفق باش مايهبطش ويجي خفيف ومبعد باكي خميرة ولمي بالفرينة لازم تجي العجينة حاكمة روحها باش تسهل التشكيل
اقسمي العجينة على اثنين وحدة زيدولها الكاكاو
وبواسطة النيلو تاع السني حلي شوي من العجينة البيضاء وزيدو حلو شوي من العجينة السوداء وهزيها بالخف بواسطة النيلو راه يساعد وحطيها على البيضاء ورولي ثلاث دورات وحبسي واعدليها مليح وحطيها في بلاطو طيب بلا ماتدهني الوجه حمريه من فوق وكي تخرجيه وهو سخون ادهنية بمعجون المشماش سخون ادهني مليح مليح وذرذري الكاوكاو مرحي ومن الاحسن مرحي ومقلي بالقشووور مدلو بنة رهيبة

lyzzabel · 2014-10-16, 17:40

ايدرونو الحبيبة ماراكيش تباني ان شاء المانع خير و تكوني في احسن الأحوال غاليتي

أم ياسين الزهراء · 2014-10-16, 19:29

ادرينو طلي علينا ان شاء الله المانع خير موالفة انت اللي ترفدي الوصفات

ام سراج وملاك · 2014-10-16, 22:41

شخشوخة ام رزايم طير الرحمة

هده الوصفة شفتها فى الفيس فى صفحة منتدى الجلفة جربت هده العشية كمية صغيرة نشوفها كيفاه تجي

جاتني تهبل
الشكر الموصول لصاحبة الوصفة اا درتها حارة شوي ههههههههههه هده ص

ليوم درت طبق تقليدي من باتنه نسموه ب ام الرزايم عباره عن مرقه حمراء بدون لحم تحضريها بطريقه عاديه كيما راه موضح في الصور وتحظري معاها كسره رخساس معجونه غير بالماء وشويه ملح انا درت شوي زيت وشوي خميره باه تجيني طريه وماتغلبنيش كي نفتتها نخليكم مع طريقة التحضير
نرحيو حبه بصل مع حبه طماطم و2 سنات ثوم مع شوي ما في الروبو حتى يترحاو مليح نحطهم في القدره تاعي ونزيد عليهم 2 مغارف كبار طماطم مصبره وملح وفلفل اكحل وراس لحانوت التوابل يعني وشوي زبت ونخلوها حتى تتقلى مليح منبعد نزيدو راس فلفل حار وحبهلابطاطا مقطعه مكعبات كبار ونمرق بالما ونغلق عليها حتى تطيب البطاطا منبعد نزيدو الكابويا او اليقطين مقطع مكعبات ونلوحوها ونخلوها تزبد تطيب راهيرمتديش الوقت بزاف على هاديك نخلوها الالخره باه تبقى حاكمه روحها وممكن في الاخير نزيدو اللمسه الاهيره وهيا تصيفي طرل صغير من الشحم باه يطلق البنه تاع الاكله التقليديه وممكن تستغناي عليها ولكن هيا في الاصل يكون فيها وبعد ماتطيب الكابويا تطفيرعليها والكسره نحصروها عادي ونعجنوها مليح ونقرصوها ونطيبوها ونفتتوها اما بيدينا او نقطعوها مورصوات صغار ونحطوها في الروبو ونرخيوها شوي ماشي بزاف وهيالانورمالمون نهرسوها بالمهراس ومنبعد نحطو الكسره المفتته في طبق التقديم ونسقوها بالمرق لي حضرناه ونزينو بالخضر تاعها ونحطو من فوقها شوي زبده حره او دهان حر وبصحتكم

ن شاءرالله تكون واضحه الطريقه وعجبتكم
ور الوصفة لصاحبتها منقوووولة

ام سراج وملاك · 2014-10-16, 22:43

نصائح لعمل باستا المطاعم طير الرحمة

نصائح لعمل باستا المطااااااااعم
نتشرت أطباق الباستا في العالم العربي منذ زمن بعيد. فالكل يحب المذاق المميّز للمطبخ الإيطالي الشهي ولكننا اكتسبنا معتقدات خاطئة في تحضير الأطباق. إليك في ما يلي 6 معتقدات خاظئة لسلق الباستا، تفقّديها!

1- إضافة الزيت إلى ماء السلق:

لا تضيفي الزيت إلى ماء السلق! فهذه الخطوة ستتسبّب بإنزلاق الصلصة عن الباستا عند التقديم.

2- تصفية المعكرونة كياً:

يفضّل عدم وضع المعكرونة في المصفاة لتحافظ على بعض ماء السلق. فإن الحفاظ على بعض ماء السلق في المعكرونة يضيف على طبقك نكهة مميزة، كما أن بعض الوصفات تتطلّب إضافة كوب من ماء السلق إلى الصلصة.

3- غسل المعكرونة:

لا يحبّذ إستخدام هذه التقنية إلا في حال تحضير سلطة الباستا؛ فهذه الأخيرة تتطلّب أن تكون كل المكوّنات باردة. لتحضير طبق مميّز خاص بمتتبّعي حمية غذائية، جرّبي من موقعنا وصفة سلطة الباستا بالسلمون المدخّن.

4- غليان الماء أثناء السلق:

إن غليان الماء عند السلق ليس ضرورياً! فقد أثبتت أحدث تقنيات سلق الباستا بأن إضافة المعكرونة على الماء المغلي وإطفاء النار عند الغليان ثمّ تغطية القدر سيساعدك على الحصول على النتيجة المرجوّة. تأكّدي أن هذه التقنية لن تتطلّب وقتاً إضافياً لتحضير طبقك!

5- إلتصاق المعكرونة بالحائط علامةً للنضج:

لا ترمي المعكرونة على حائط المطبخ لننأكّدي من نضجها؛ فهذه التقنية غير دقيقة وستزيد من مهماتك المنزلية فقط!

6- الباستا الطازجة مذاقها أفضل:

كلنا ندرك أن إستعمال المكوّنات الطازجة يساعد في الحصول على أشهى الوصفات. ولكن هذه النظرية لا تنطبق على الباستا إلا في حال تحضير اللازانيا أو الكانيلوني أو الرافيولي! فللباستا الطازجة مذاقاً مختلفاً إذ أنها أكثر طراوة وليونة ولا يحبّذ إستخدامها إلى جانب كل الصلصات. تفقّدي من موقعنا أشهى

idron0 · 2014-10-17, 10:15

الشاي lyzzabel
ندير الماء يغلي في طاجين كبير و نكون موجدة النعناع و لاتاي و غاسلتهم مليح و مقطرتهم ،، و غير يبدأ الما يغلي نرمي النعناع هو الاول و مين يبدأ يطلق فاللون تاعه نزيد عليه الشاي و نخلط بملعقة و نخليه يغلي غلية و نطفي ،، نخليه يطلق شوية و نصفيه و نعمر لي تاغمو الخاصين بالشاي يجي رووووووعة ،، و ما نبدلش هاد الطريقة لي تعلمتها على جدتي الله يرحمها.

idron0 · 2014-10-17, 10:22

الشاي zahra30
حكمي تغلي الماء الكمية اللي بغيتيها امبعد تنحي منو شوية شلي بيه قيس التاي اللي راح تديريه ( انا اندير كاسرونة انتاع ماء ونص كاس انتاع التاي )
وتحطي فيه التاي وترجعيه يغلي غلية وحدة وصفيه ورجعيه للكاسرونة اللي فيها الماء السخون ونقصي عليه وخليه يطيب في عقلو وفي البراد حطي شوية نعناع طازج ولا يابس بعد ما شليته ... وبعد ما يطيب التاي ديري السكر وابداي تخلطي فيه من البراد للكاس حتى يدير الرغوة وذوقي السكر.

idron0 · 2014-10-17, 11:23

الشاي حياتي كلها امل

شوفي ديري الما في كاسرول وخليه يغلي غير يغلي نقصي عليه وخليه وحد 10 الى 15 د
ف هاد الوقت شلي الشاي تاعك باما وديريه في صفاية وفرغي فوقو ماء ساااخن وحطيه في البريق تاع الشاي وزيدى اغسلي ربطة نعناع وحطيها تان في الابريق وفرغي فوقو هاداك الما المغلي
بعدها احكمى فنجال تاع لتاي وابقاي تلقمى فيه يعنى فرغى ف النجال وعاودى رجعيه للابريق كدا مرة وارفدى يدك كى تفرغى يعنى طلعى يدك وانت تفرغي
تحبي تحليه في الابريق تحبي تخليه هكداك ومن الاحسن تخليه هكداك والله يجى يهبل.

ام ماسين · 2014-10-17, 14:15

صابلي حلزوني lahna moka

صابلي حلزوني
250 غ مرغرين طرية- نصف كأس سكر ناعم- نصف كأس زيت- 2 بيض- 2 ملاعق كبيرة مايزينة- ملعقة ماء الزهر- ملعقة صغيرة خميرة الحلوى- فانيلا- فرينة حسب العجينة- ملعقة كاكاو
التحضير:
اضربي المرغرين مع السكر جيدا ثم زيدي الزيت و ماء الزهر و حكي و بعدها البيض و الفانيلا و اضربي جيدا ثم زيدي المايزينة و الخميرة و اجمعي الكل بالفرينة للحصول على عجينة طرية قسميها الى 2 و لوني جزء منها بالكاكاو
حللي العجينتين كل واحدة على حدى و ديري وحدة فوق الاخرى و لفيها كالحربوش ثم قطعيها شرائح ديريها في صينية و اخبزيها فالفرن
كي تطيب لصقي زوج بالمربى و زيني الحواشي بالكاوكاو

idron0 · 2014-10-18, 07:37

لي بيني ام محمد تاج

نحط في جفنة رطل فرينة ونعمل حفرة ونحط زوج مغارف كبار سكر ومغرف ونص تاع قهوة ملح وشوي فاني وبيضة مخبطة وثلاث مغارف كبار زيت ومغرف كبيرة خميرة الكسرةونعجن بالماء مليح وراح تلصق في اليدين ولازم ماتجيش جارية تجي كيما عجينة البيتزا نخليها تتخمر ومبعد نحلوها ونطبعو دوائر ونزيد نخليهم يطلعو غير خمس دقايق ونبدا نقليهم في زيت سخون ونرمي الزيت على الحبات باش يتنفخو مليح ونمرمدهم في السكر الخشين ولا السكر قلاصي ولي حابة تحشيهم بالمعجون او شوكولاطة وبالصحة سهلة وسريعة وخفيفة وتقطع عررررررررررام

إضغط هنا لرؤية الصورة بحجمها الطبيعي.

شوفو شحال طلعلي

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.