موضوع مميز وصفات من حراير مطبخ وش طيبتي اليوم - الصفحة 92

idron0 · 2014-10-11, 16:23

قاتو الطبقات بالنواة كوكو lyzzabel

كاين مرحلتين
مقادير الطبقة الاولى : 4 حبات بيض كبار ،، 200 غ سكر عادي او ما يعادل كاس تاع ماء ،، فانيلا ،، 250 غ مارغرين ذايبة و باردة ،، كيس خميرة الحلويات و فرينة مغربلة حسب الحاجة ،، علبة معجون المشمش تاع 500 غ
نخلط المقادير بالترتيب و نضيف الفرينة غير بالشوية حتى نتحصل على قوام كيما تاع الموسكوتشو او البيسكوي يعني تكون العجينة جارية شوية ،، نفرغها في صينية مدهونة و مرشوشة بالفرينة قطرها 40 سم و نسويها بالملعقة و ندخلها للفرن على درجة 170 و نطيبها نص طياب يعني لازم تبقى بيضا
في هداك الوقت نحضر الطبقة الثانية لي فيها : 4 حبات بيض ،، 200 غ سكر ،، فانيلا ،، 250 غ مارغرين ذايبة و باردة ،، كيس خميرة الحلويات و 250 غ نواة كوكو
نحضر الخليط بنفس طريقة الطبقة الاولى فقط نعوض الفرينة بالنواة كوكو و نخلط جيدا
لما نخرج الصينية مالفرن نفرغ المعجون تاع المشمش على الطبقة الاولى و نغطيها كامل ،، راح نستعمل تقريبا العلبة كاملة و نزيد نفرغ على المعجون خليط الطبق الثانية و نغطي كامل الوجه و نرجعها للفرن على نفس درجة الحرارة و نخليها تطيب حتى نشوفها حمارت من فوق نعرفها بلي طابت ،، نخرجها و نخليها تبرد شوية و نرشها بطبقة سخية من السكر الرطب و نخلي القاتو يبرد ملييييح و نقطعه مقروظات صغار شوية او مربعات ،، هاد القاتو لذييييييذ و خفييييف و يقطع بزاف ،، و لي تبغي تدير في صينية صغيرة تدير نصف المقادير و شهية طيبة مممممممم

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

lyzzabel · 2014-10-11, 16:29

بارك الله فيك حبيبتي ايدرونو على تعبك و جعله الله في ميزان حسناتك

ام سهام 02 · 2014-10-11, 16:51

عزيزتي ايدرونو ربي يجازيك كل خير على المجهود المبذول وراني عيدت عليك في الكوزينة في الصفحات الاولى ما علباليش اذا شفتيه

سلالالامي الحار اليك

awam · 2014-10-11, 22:51

اقتباس:

المشاركة الأصلية كتبت بواسطة sara tounsi

ياااااا اختي ما بانليواااالو انا غير العناويييييين والرابط ماكانش كينيكليكي ما يجيني والووووووو ......عاودهملي من فضلك

السلام اختي راهي ديرة فهرس فقط يعني تشوفي عنوان الوصفة و تروحي للصفحة المطلوبة

بشرى2008 · 2014-10-12, 08:59

ربي يجازيك idrono على التعبوالمجهود الراااااااااااااااااااااائع

lyzzabel · 2014-10-12, 11:29

المغموم للسيدة كرمين

اللحم المغموم اكلة تقليدية وتقدم في الأعراس كطبق رئيسي ثاني

وتاخذي قطع مليحة عادة تكون من الفخذ و الكتف

تحمريهم فيكوكوط مع شوي زيت ثم تظيفيلهم كمية ملييييييييحة ثوم و ملح وفلفل اسود

وتظيفي كأس تع ماء او حسب اللحم مرات يكون الكبش كبيريطلب ماء أكثر

وتغلقي عليه الكوكوط *تغميه * هههههههههه

لما ينضج تنقصي من لاصوص لأنك رح تسقي بيها اللحم و البطاطا

وهو يبقى وحدو في الكوكوط يتجمر حتى يصبح احمر لامع

يقدم مع طرونشات القارص و البطاطا

وتصلح هذي الفكرة حتى مع الدجاج يجي بنين روووووووووووعه

ولييحبو اللحم المدخن الوقت لي هو يتجمر فيه يضيفوا جمرة وسط الكوكوط في الالمنيوم

يخرج ذوقو روعة و لايعلى عليه

lyzzabel · 2014-10-12, 11:39

اللحم محمر lyzzabel

ندير فالكوكوطة زيت و مارغرين نزود شوية و حبة بصل مقطعة شراءح و طراف تاع اللحم طبعا و نضيف الملح و الفلفل اسود و عود كبير قرفة و بسسسسس ،، نقلي شوية و نمرق بماء بارد ما نكثرش ،، قيس ما يكون الما و اللحم في نفس المستوى و نقفل الكوكوطة و نخليه يطيب على نار متوسطة و مين تعقد الصلصة ننحي منها شوية و نخلي اللحم يتحمر في ليدام لي طاب فيه على نار قلييييلة و نقلبه على الجهتين و مالازمش يلصق باش يحافظ على شكله ،، البنة رووووعة و راه ما يحتاجش توابل بزاف و قدمي معاه الصلصة لي نحيتيها

أم إناس · 2014-10-12, 13:25

بارك الله فيكم على الوصفات
اختي أندرو جزاك الله خيرا

حياتي نبع امل · 2014-10-12, 13:48

ديري 2كيسان ماء +6م ك حليب بودر+4م ك نشاء +نص كاس سكر +فاني كثري وديريه فالاخير حطي كلشي على نار حتى تخثر وديرية فالاكواب ثم الثلاجة كي يبرد حطي عليه الرمان

sara lora · 2014-10-12, 15:14

اقتباس:

المشاركة الأصلية كتبت بواسطة بصيرة2

حلوة الطبقات لام رحاب

ام يسرى هاكي وصفة حلوة الطبقات
ديري طبسي كبير فوق حاجة فيها الماء يعني حمام مريم واحطي فيه 4مغارف كبار زبدة واتزيدي 6مغارف عسل وكاس تاع قهوة وحليب سكر وكاس حليب سائل واتخلطيهم مليح حتان يدوب السكر امبعد نحيهم من النار واديري 2 حبات بيض ومغرفة صغيرة معمرة خمارة تاع الحلوة وديري 500غ تاع فرينة وتلميهم واتقسمي الحلوة على 4 قطع متساوين
امبعد تحكمي بالوحدة وتفتحيها مليح وديريها اطيب واتكملي كامل هادوك الربعة ومالزمش تكثريلهم الطياب باش مايجوش يابسين
كي تكملي انروحو للكريمة
ناخد اكثر شوية من نص ليترا حليب وانحطلها بارد في بارد 4مغارف كبار مايزينة و5مغارف سكر و2 حبات قارص مسكرفجين ومعصورين وصفار حبة بيض ولفاني و2 مغارف كاكاو وانحطهم يطيبو فوق النار كي يعقدو شوية نحيها واحطيلها مغرفة صغيرة زبدة باه ماديرلكش الطبقة من الفوق واغطيها شوية امبعد احكمي الطبقة الاولى ديريلها الكريمة والثانية والثالثة فقط والرابعة ديري باطة تاع شيكولا واديري فيها باطة بتيس ويس صغيرة واخلطيهم ايلا شفتيهم عاقدة زيديلها شوية حليب ماتكريش ومن الفوق ديريلها النواد كوكو وهاد الحلوة ما تقطعيهاش تمتم لازم اتبات باه تقدري اتقطعيها لالالالالالالالالالالالالالالالالالازم اتبات باه اتقطعيها راني نوصي فيك حبيبتي وشهية طيبة

الف شكر ليك حبيبة على الوصفة
بارك الله فيك

لاتبكي ياقدس جروحي · 2014-10-12, 19:28

اقتباس:

المشاركة الأصلية كتبت بواسطة lyzzabel

اللحم محمر lyzzabel

ندير فالكوكوطة زيت و مارغرين نزود شوية و حبة بصل مقطعة شراءح و طراف تاع اللحم طبعا و نضيف الملح و الفلفل اسود و عود كبير قرفة و بسسسسس ،، نقلي شوية و نمرق بماء بارد ما نكثرش ،، قيس ما يكون الما و اللحم في نفس المستوى و نقفل الكوكوطة و نخليه يطيب على نار متوسطة و مين تعقد الصلصة ننحي منها شوية و نخلي اللحم يتحمر في ليدام لي طاب فيه على نار قلييييلة و نقلبه على الجهتين و مالازمش يلصق باش يحافظ على شكله ،، البنة رووووعة و راه ما يحتاجش توابل بزاف و قدمي معاه الصلصة لي نحيتيها

ya3tik saha khti rani taba9tO w jani hayal allah ybarak ykathar kayrak 3la l wasffa rabi yjazik w ya3tik matatmanay

lyzzabel · 2014-10-13, 14:15

فيلي الخروف في الفرن lyzzabel

الفيلي خليته كومبلي يعني ما فصلتش كل طرف على خوه ،، كيما فصله البوشي نقيته و نحيت له الشحم الزائد و تبلته بخليط متكون من مارغرين طرية و ملح و فلفل اسود و شوية كمون و شوية قرفة مطحونة و طليته كاااامل يعني ريكتو فارسو ههههه ،، و حضرت الحشو لي هو بصلة و فصوص ثوم مقطعين رقييييق و ملح و فلفل و كمون و معدنوس و خلطت مليح ،، حطيت الفيلي على جهة الجلد لي من برا و حطيت الحشو على كامل الوجه لي من فوق و روليته و زدت حطيت الحشو لي بقى من فوق و هاد الشي كامل في صينية الفرن لي يطيب فيها ،، تقدري تحكيمه بخيط انا ما حكمتهش ما توفرش عندي مي لازم تديريه و تضيفي عليه شوية ماء و غطيه بالالمنيوم و الى الفرن ،، درجة الحرارة تكون عالية بالأول و من بعد نقصيلهاعلى 200 درجة و خليه يطيب على مهل ،، لازم تحضريه بكري باش يأخذ وقته فالطياب ،، لاكان نشف الما قبل ما يطيب الفيلي زيديله شوية و حمريه بلا ما تيبسيه و ممممممم شهية طيبة

lyzzabel · 2014-10-13, 14:18

اقتباس:

المشاركة الأصلية كتبت بواسطة لاتبكي ياقدس جروحي

ya3tik saha khti rani taba9to w jani hayal allah ybarak ykathar kayrak 3la l wasffa rabi yjazik w ya3tik matatmanay

شكرا شكراااااا على الثقة ربي يخليك بصحتكم و راكي فرحتيني بزاف مين عجبكم ،، بارك الله فيك على الدعاء اللهم امين و لك بالمثل حبيبتي
بصح اسم العضوية تاعك يقطع القلب مشي يبكي ،، اللهم انصر الاسلام و المسلمين في كل مكان ،، امين

lyzzabel · 2014-10-13, 23:06

اسبادون مشوي lyzzabel

حطيت الترونشات تاع الاسبادون قدامي و درت على كل وحدة رشة فلفل اسود و ثوم مقطع رقيييييق و عصرة ليمون و زيت الزيتون و دعكتهم بيديا من الجهتين و من جهة اخرى حطيت الشواية على النار تسخن مليييييييح مليييييح و بديت نحط بالوحدة ،، مادرتش الملح فالأول خاطرش يطلقو الماء ،، امالا حتى نحطهم ينشوو ندير رشة صغيرة ملح من فوق ما نكثرش و نخليه يتحمر ،، من بعد نقلبه على الجهة الثانية برفق لازم الشواية تاعك ما تلصقش و نزيد رشة اخرى تاع ملح و نخليه يكمل الطياب حتى نشوف الما لي طلقه نشف و النار تكون متوسطة مشي قليلة باش ما يطيبش ناشف ،، يأخذ حوالي 8 دقائق الى 10 في كل جهة ،، و نقدمه مع رشة معدنوس مقطع رقيق و ترونش تاع ليمون يجي ممممممم ،، و بالتوفيق حبيبة

ام سراج وملاك · 2014-10-14, 15:08

فلان ماجيك biba04

فلان ماجيك من قنات سميرة
نحتاجو كرميل
فلان نحتاجو 2بيض+3م ك سكر 1كاس حليب بودر+1ونصف كاس ماء+1م ك خل تخلط كل المقادير مع بعض
ملاحظة الخل هو لي يساعد الفلان يجمد
البسكوي نحتاجو1بيض+2م ك سكر+ربع كاس فرينة+3م ك زيت+1م ك كاكاو +1م ص خميرة حلوة
تخلط جميع المقادير يكون مزيج ثقيل
اولا نحط طبقة كراميل ثم فلان مبعد نزيدو ملعقة كبيرة خليط البسكوي
ونحطوهم في حمام مائي درجة الفرن170