الأخت yarasmin. 26 ترد على تساؤلاتكم هنا - الصفحة 90

مملكة لينة · 2012-11-19, 13:57

سلام عليكم
اختي ياراسمين حابة نسالك على الورق الي يدروه باش ايدروا اشكال مختلفة بالشكولاطة Papier Rhodoide
اذا متوفر عندنا في المحلات وتانيك واش ايسموه هنايا عندنا اذا عندوا اسم تاني ياريت تقوليلي وتانيك في رايك
اذا هاد الورق غير متوفر عندنا بواش نقدروا نعوضه يعني كاش عفسة ديروها تعوض هاد الورق

yarasmin26 · 2012-11-20, 12:00

اقتباس:

المشاركة الأصلية كتبت بواسطة lofi

السلام عليك
نقدر نعجن عجينة العرايش بالحليب
أو أضبف عبرة حليب ونعجن بماء الزهر

وكيفاش نحل باتداموند ماعرفتش دايما تجيني قاسحه

المقروض دايم يجيني معجن واش السبة
شكرا

وصفة العرايش لايستعمل فيها لا حليب سائل ولا غبرة
اليكي مقادير العجينة "3 كيلات فرينة بوزن 300 غ+1 كيلة سمن ذائب وبارد بوزن200 غ +1 م ك لفاني + 1 كيلة ماء +ماء الزهر لتروان اما عجينة اللوز اخدميها بيدك شوية ومن الاحسن تكون جديدة لانه القديمة هي الي جي يابسة اما المقروط راكي ادكيه بيدك وكذالك اذا كان مقلي مكيش اطيبيه على نار هادية لانه الزيت هو الي حمرو من بر ومعجن من الداخل
بصحتك مسبقا

الامل نور · 2012-11-19, 14:30

بركت اختي الغالية على كل ما تفعلينه من اجلنا
ربي يجعلهلك في ميزان حسنتك
اذا سمحتي رني حب لكان تعطيني الوصفة تع الفلو الي يتباع في محل الحلويات
وشكرا مسبقا

yarasmin26 · 2012-11-20, 12:05

اقتباس:

المشاركة الأصلية كتبت بواسطة الامل نور

بركت اختي الغالية على كل ما تفعلينه من اجلنا
ربي يجعلهلك في ميزان حسنتك
اذا سمحتي رني حب لكان تعطيني الوصفة تع الفلو الي يتباع في محل الحلويات
وشكرا مسبقا

وصفة الفلو فهي متوفرة في وصفاتي وكاين حتى بالصورة فهم متفرقتين في الوصفة يعنى الوصفة بجهة والصور في وصفة اخرى ابحثى عنها

أم هنيدة · 2012-11-22, 11:12

اقتباس:

المشاركة الأصلية كتبت بواسطة الامل نور

بركت اختي الغالية على كل ما تفعلينه من اجلنا
ربي يجعلهلك في ميزان حسنتك
اذا سمحتي رني حب لكان تعطيني الوصفة تع الفلو الي يتباع في محل الحلويات
وشكرا مسبقا

تفضلي رابط الفلون للاخت يراسمين

https://www.djelfa.info/vb/showthread.php?t=917109

vivaess1 · 2012-11-20, 09:40

صباح النور اختي شكراااا على المعلومات القيمة
عندي سؤال موضوع الجينواز من محل الحلويات ممكن تعطيني حجم الصينية الطول والعرض او قطر نتاعهااااا تعيشي جاوبيني
وان امكن مقادير الغريبية.
شكرااااااا.
انا اشارك بعضوية اخي

vivaess1 · 2012-11-20, 10:08

راني حوست على وصفة الغريبية في الصفحات الاخيرة والله مالقيتها تعيشي حنونة معليش نتعبك و اكتبيهالي مرة اخرى

أم هنيدة · 2012-11-22, 11:18

اقتباس:

المشاركة الأصلية كتبت بواسطة vivaess1

راني حوست على وصفة الغريبية في الصفحات الاخيرة والله مالقيتها تعيشي حنونة معليش نتعبك و اكتبيهالي مرة اخرى

تفضلي وصفة الغريبية للاخت يراسمين

اقتباس:

الغريبية
غرفية زبدة صول ذائبة +كاس زيت+غرفية ناقصة منها 2 اصابع سكر قلاصي+احبكيهم مليح 30 د حتى ترجع كريمة والسر اناعها في الحبيك ثم الفرينة حتى تنتلم العجينة
*واخدميها كيما المقروط يد اجيب العجينة ويد تيديها حتى تتداخل الزبدة في الفرينة *ومنبعد جربي حبة واحدة شكليهاوديري القرفة وطيبها *
**اذا صبتيها شادة روحها كملي كامل العجينة وبعدي بينتهم
**واذا شفتي هذيك الحبة هبطت زيدي اخدميها امليح حتى تتداخل فيما بعضها
**اما اذا صبتيها ناشفة العجينة زيدي شوية زيت غير شوية
في كوشة ساخنة من قبل وكي ديري السنوى زيدي نقصي النار
سؤال: اختي ياراسمين اريد ان اعرف كم محتوى الغرفية هل اقل ام اكثر من الكاس
الغرفية اكثرمن كاس وهي الصحن تاع الشوربة لشخص واحد

yarasmin26 · 2012-11-20, 10:10

وصفة لامونة راني حطتها عندها مدة بالشرح المفصل ابحثي عنها في وصفاتي تحت عنوان الى الاخت الي طلبت لامونة المحلات وصفات يراسمين26

فوزي77 · 2012-11-20, 11:51

أختي العزيزة للتذكير أريد وصفة الشامية المصنوعة بالسميد التي تباع في شهر رمضان والغريبية التي تباع في شهر رمضان تشهي كثير

yarasmin26 · 2012-11-20, 11:51

الاخت الي طلبت وصفة الشامية والغربية فهما في وصفاتي ابحثي عنهم

فوزي77 · 2012-11-20, 12:01

أختي العزيزة بحثت عن الكيفية في مواضيعك ولم تظهر لي إلا مشاركاتك الأخيرة فقط يا ريت تعطينا رقم الصفحة وكذلك مقادير الشاربات التي تسقى بها الشامية هي نفسها التي تسقى بها البسبوسة وشكرا على سعة صدرك أختي العزيزة

أم هنيدة · 2012-11-22, 11:30

اقتباس:

المشاركة الأصلية كتبت بواسطة فوزي77

أختي العزيزة بحثت عن الكيفية في مواضيعك ولم تظهر لي إلا مشاركاتك الأخيرة فقط يا ريت تعطينا رقم الصفحة وكذلك مقادير الشاربات التي تسقى بها الشامية هي نفسها التي تسقى بها البسبوسة وشكرا على سعة صدرك أختي العزيزة

تفضلي وصفة الاخت يراسمين

اقتباس:

قلب اللوز مضمون
هذه الوصفة ناجحة 100/100 وعلى ضمانتي كاع الي اعطيتهالهم نجحوفيها بتكليف بسيطة اما الحشو مش مهم في القلب اللوز كي تنجحي فيه نعطيك الحشوات انتاعو هذه الوصفة بدون حشو
1 كلغ سميد قلب اللوز+500 غ سكر+ فنجان تاع الشاي زيت+ ماء الزهر
الشاربات1 ل ماءوزيدي شوي+500 غ سكر +1 كاس ماء الزهر+لفاني حتى يبدايغلي احسبي 20 د وطفي اعليه وجدي الشاربات ليلة من قبل
السميدوالسكر والزيت خلطيهم مع بعض وخليهم ايباتو غدوة من ذاكافتليه بكأس ماء الزهر والسنيه ادهنيها بالزبدة وفرغي الخليط وستفيه بكراطة اوspatule بدون الضغط باليد على الخليط خذى الزبدة فوتي بالبانسو وديره ايطيب على نار عادية حتى يصبح ذهبي وخرجيه من الفرن وزيدي ادهنيه بالزبدة وعاودي دخليه للفرن 5 د ثم سقيه بالشاربات باردة
ويقعد 24 سا ومنبعد يؤكل
وللافادة اكثر ابحثي على وصفاتي الاولى في يراسمين 26 رقم 1تجدين وصفة قلب اللوز تاع المحلات باسراره وطريقته بالتفصيل الممل واتبعي الطيقة تنجحين

feuilleblanche17 · 2012-11-22, 13:13

شكراااااااااااااا على الاجابة
يعطيك الصحة انا السكر مكنتش نضيفوا

سوسو95 · 2012-11-20, 15:39

لسلام عليكم اختي او امي ان صح التعبير

انا فتاة ابلغ من العمر 17 السنة راني حابة نتعلم الحلويا

وجربت شحال من مرة الوصفات بصح دايما لحجينة تخرج ليا دسمة بزاف مع العلم باني اطبق المقادير بالضبط

وحتى اختي وشحال من وحدة نعرفها تخرج لها العجينة مدسمة بزاااااف يعني ممكن تعصري لحجينة تبقى تقطر زيت

ولقيت العامل المشترك الةحيد هو زبدة صول يعني ممكن تكون هي السببب واي نوع من الزبدة تنصحيني بيها