~~واش طيبتي اليوم؟! الجزء 91 اهلًا اهلًا بالعيد~~ - الصفحة 90

x ام رحاب x · 2014-10-04, 11:03

عيدكم مبارك سعيد وكل العام وانتم بالف خير
ام رياض وكوكا وجيادا ونور هان وام يسرى وملك فردوس وكل المغتربات قلوبنا كامل معاكم انا راني في بلادي بصح وحدي في الدار زوجي خدام وانا مع لبنات وحدي ماشي كامل باين عندنا العيد

lehna · 2014-10-04, 12:04

صح عيدكم وكل عام وانتم بالف خير

kaouka · 2014-10-04, 12:20

اقتباس:

المشاركة الأصلية كتبت بواسطة lehna

صح عيدكم وكل عام وانتم بالف خير

صح عيدك كل عام واني بخير اني ولعيﻻ تاعك

kaouka · 2014-10-04, 12:19

ام رحاب عيد مبارك سعيد كل عام وانتم بألف خير انتي وبناتك معليش الموهيم صحة ولهنا برك تشوفي بابا هدرت معاه ناض يبكي مخلنيش حت هدرت معاه بابا حنين بزاف

kaouka · 2014-10-04, 12:23

ام رياض صح عيدك تعيدي وتزيدي شكراً على رسالة ربي يخليك على دوعاء برك الله فيك ربي يخليك حبيبتي

ادرارية · 2014-10-04, 13:08

الله يكون ليكم عوين ويصبرك في الغربة اميييييين يارب العالمين والله حاسة بيكم خاطرش اختي مسكينة لتم والكبش وراجلها يجي حتان 2.00 ويكون مدبوح مسكيمة تتصل وتهني كل الاهل ومزال يبقالها الوقت

**وحدها غريبة ** · 2014-10-04, 13:11

صح عيدكم وكل عام وانت بخير أخواتي
تحية خاصة لكل المغتربات شفتو والله مايبان لا عيد لا والو
تقول يوم عادي جدا واعععع حابة ابكي

بشرى2008 · 2014-10-04, 13:36

دبحنا 3 كباش أنا وأختى شوطنا الزلالف واختى الصغيرة وبنت خالتي غسلو الدوارة وخويا وراجل بنت خالتي دبحوهم وسلخوهم وبابا وراجل خالتي وخالتي وماما وجدو المقلى والسلاطة ودارو ليفريت وفطرنا فى رحبة ورتحنا شوية وشربنا الشاي وجينا لدارنا كنت حابة ترقد شوية عييت قالولي ماشي مليح ترقدي نهار العيد واااااااااااااااع

**وحدها غريبة ** · 2014-10-04, 13:41

صح عيدك بشرى ويعطيكم الصحة وربي يدومها لمة وفرحة وزهوة يا رب
اعلاه مجبتليش شوي كبدة ههههه
شكون قالك مش مليح روحي ديري قيلولة حتي نص ساعة واش هذ الخرافات هههههه

أم ياسين الزهراء · 2014-10-04, 13:45

صحى عيدكم وكل عام وانتم بالف خير

دبح زوجي مع ولادي والحمد لله صح الخروف صغير بصح الحمد لله طبقنا السنة وربي يتقبل منا غسلت الدوارة وشوطت الزليف وحطيتو يطيب ودرتلهم الفريت والمقالي كبدة والقلب والسلاطة والحمد لله

بشرى ارقدي برك اللي عندي الكل رقدو غير انا راح ندير العصبان عجزت نتكى

أم ماجد · 2014-10-04, 14:07

الحمد لله تمينا خدمتنا روزا قلات للغدا الكبدة والقلب والطحال وانا خبزت الكسرة وشوطت الراس والكرعين وخبيت الشحمة والرئة ووجدت حوايج العصبانة
الجماعة راهي راقدة الان ننتظر الشيخ ينوض باه نقسموا الجزرة والحمد لله
اصحاب الغربة انتظروني نونسكم ببعض الصور وماتنساونيش بالدعاء
بشرى غير ارقدي هههههههههه

kaouka · 2014-10-04, 14:19

اقتباس:

المشاركة الأصلية كتبت بواسطة أم ماجد

الحمد لله تمينا خدمتنا روزا قلات للغدا الكبدة والقلب والطحال وانا خبزت الكسرة وشوطت الراس والكرعين وخبيت الشحمة والرئة ووجدت حوايج العصبانة

الجماعة راهي راقدة الان ننتظر الشيخ ينوض باه نقسموا الجزرة والحمد لله
اصحاب الغربة انتظروني نونسكم ببعض الصور وماتنساونيش بالدعاء
بشرى غير ارقدي هههههههههه

عيدكم مبارك سعيد وكل عام وانتم بالف خير اني والعائلة الكريمة يعطيك الصحة يلفحلة حطي صور رنا قعدين غير نشوفو ملقينا وش نديرو ركم مزهين الحﻻ الله يبارك

قولي روزا يعطيك الصحة

chez biba · 2014-10-04, 14:11

اقتباس:

المشاركة الأصلية كتبت بواسطة Oum yousra

صباح الخير و صح عيدكم للمرة الثانية اتفضلو عندي.

.

يعطيك الصحة ام يسرا قاطواتك كامل

ما شاء الله ، البقلاوة جات هايلة عجبتني واش من وصفة درتي

تعيدو بالصحة ولهنا ان شاء الله

اقتباس:

المشاركة الأصلية كتبت بواسطة أم ياسين الزهراء

صحى عيدكم وكل عام وانتم بالف خير
دبح زوجي مع ولادي والحمد لله صح الخروف صغير بصح الحمد لله طبقنا السنة وربي يتقبل منا غسلت الدوارة وشوطت الزليف وحطيتو يطيب ودرتلهم الفريت والمقالي كبدة والقلب والسلاطة والحمد لله

بشرى ارقدي برك اللي عندي الكل رقدو غير انا راح ندير العصبان عجزت نتكى

بصحتكم ام ياسو، ان شاء الله تعيدو وتزيدو وربي يخليك لاولادك يارب ، الحمد لله

عيد مبارك خاص للي في الغربة ربي يكون معاكم ان شاء الله والحمد لله على كل حال المهم الصحة ولهنا
كوكا حبيبتي ان شاء الله ربي يسهلك وتروحي بخير لدارك ويفرج عليك ، ما كان لاه تزيدو على رواحكم ادخلو برك للمنتدى فيه كل خير ، ربي يدومها
ام ثازيري ما بانتش اليوم، صح عيدك مولات الكوزينة وبوسيلي الحبوبة تاعك وما كان لاه تنعتيلنا الحنة كيفاه خرجت ما شاء الله عليها، غير بقي الستر ربي يحفظها من كل شر يارب

أم ماجد · 2014-10-04, 14:20

اصحاب الغربة خصيصا جبتلكم صور بلاك تخفف عليكم وتشاركونا اجواء العيد

kaouka · 2014-10-04, 14:08

ام ياسين بشرئ ابتسام صح عيدكم كل عام وانتم بالف خير يعطيكم الصحة ركم ناشطين مشاء الله وعله معطيتوناش شوي كبدا