الجزء 67 من واش طيبتي اليوم مرحبا - الصفحة 90

nihale89 · 2014-04-10, 08:20

Sabah alnoor habibati

lyzzabel · 2014-04-10, 08:21

تفضلو باش تشربو القهوة مممممم بريوش خفييييييفة و بنيييينة ممممم تهبل تهبل على قول وحدة حبيبتي هههه

بريق الامل& · 2014-04-10, 08:25

سعداء جدا بانظمامكن لباقة واش طيبتي اليوم

اقتباس:

المشاركة الأصلية كتبت بواسطة rosaa blanche

اختي رياحين هذا وين راجعت لقيتك طلبت الديول تاع ام كوثر نقولك روحي للyoutube تلقايهم

شكرا و بارك الله فيك

اقتباس:

المشاركة الأصلية كتبت بواسطة سلمى نوال

السلام عليكم
في اول مشاركة لي معكن اخواتي تحمست و غادرت الفراش و قررت ان اقتل شبح اسمو "واش نطيب اليوم؟"

كالعادة معاناة يومية لارضاء كل الاطرف
المهم احتسب الاجر عند الله و ابدا في رخسيس سخون للحليب ثم ان شاء الله روز بالمرقاز
لا تنسين اذكار الصباح

بصحتكم شكرا على التذكير

اقتباس:

المشاركة الأصلية كتبت بواسطة anais lily

صباح الخير صباح النشاط أول مشاركة لي
يعطيكم الصحة كامل أنا من المتتبعات وجربت بزاف وصفات وكلها ناجحة الحمد لله غدايا لوبيا حمراء و خبز أم أماني

أم لقمان من فضلك وصفة تارت روس

شكرا لننبعك و بصحتكم بانتظار ام مر وان تجاوبك نظن مش ام لقمان

بريق الامل& · 2014-04-10, 08:26

يعطيك الصحة باين يهبل يهبل

اقتباس:

المشاركة الأصلية كتبت بواسطة lyzzabel

تفضلو باش تشربو القهوة مممممم بريوش خفييييييفة و بنيييينة ممممم تهبل تهبل على قول وحدة حبيبتي هههه

أم محمد تاج · 2014-04-10, 08:26

احلى صباح ياغاليات يابطبوطاااااات
غدايا مازلت نمخمخ

x ام رحاب x · 2014-04-10, 08:27

ام رياض حبيبتي خليك فيهم هدا ما يليق لهم ادلو يتفشو علينا هههههه شريرة نخلع
انا فطوري جلبانة بالجاج والسلاطة وهدا وين راحت بنتي ادات الحلوة والقهوة درتلها المعمول وحلوة الطبقات راني صورتهم كي نلها اندخلهم

x ام رحاب x · 2014-04-10, 08:29

بريق حبيبتي هدا وين شفت الشكر ديالك والله غير لينا الشرف ندخلو في كوزينتك ونروحو وين تروحي تلقاينا انشاء الله ربي يرزقك من بابو الواسع يارب

x ام رحاب x · 2014-04-10, 08:31

صباجك اسعد حبيبتي ام محمد تاج واش راكي
ليلو وين راكي مابنتيش راني تقلقت صح هاد المرة طلي غير خبرينا راكي بخير وروحي حبيبتي

الأمنيات · 2014-04-10, 08:55

السلام عليكم واسعد الله يومكم بكل خير
غدايا مازال ما فكرت فيه راني صايمة
تحياتي للجميييييييييييييع

الأمنيات · 2014-04-10, 08:56

ام اناس راها غايبة ما بانتش هي ام ساجد

2014-04-10, 09:06

السلام عليكم اسعد الله صباحكن يا غاليات
الامنيات حبيبتي تقبل الله للاسف اليوم منيش صايمة لا تحرمينا من دعواتك
ليزابيل البريوش يشهيييييييييييييييييييييييييييي ومع الشوكو والحلقوم والله راني نتخيل فيه اممممممم
اليوم معولة على قراتان لبطاطا والدجاج تاع ليزابيل

lyzzabel · 2014-04-10, 09:10

حبيبتي الامنيات إليك طريقتي فالبريوش لي درتها البارح
في وعاء درت حبة بيض ، تقريبا نص كأس سكر ،4 م ك حليب غبرة ، فاني ، قرصة ملح ،و تقريبا كأس و نص ماء دافئ مخلط مع ماء الزهر و نخلط مليح بالفوي و من بعد نضيف 2 م ك خميرة الخبز و نخلط و نزيد كأس و نص فرينة و نزيد نخلط مليييييييح وحد العشر دقائق
نغطي الخليط و نخليه يرتاح شوية تقريبا عشر دقائق الى ربع ساعة و نكون وجدت زاست حبة برتقال مممممم نديره و نبدأ نضيف الفرينة مع باكي خميرة الحلويات طبعا مغربلين حتى نتحصل على عجينة طرية و تلصق فاليد
إذا كنتي رايحة تعجنيها فالبيتران ما تنشفيهاش بزاف تكون مطلوقة شوية و إذا تعجنيها باليد كيما انا استعملت طريقة الكيس المبلل ما تطلقيهاش بزاف خاطرش الماء لي فالكيس غادي يزيد يطلقها
حطيها فالكيس المبلل المرة الاولى كيما معروف و خليها تخمر مليح عاودي اجبديها و عجينها شوية باش يدخل فيها هذاك الماء و عاودي رديها فالكيس المرة الثانية و خليها تخمر مين يتضاعف حجمها اجبديها و ضيفيلها وحد 60 70 غ تاع مارغرين طرية و عجينها حتى تدخل فيها المارغرين مليييييح و خليها ترتاح شوية غادي بلخف تطلع هههه
و طريقة التشكيل كانت من بنات أفكاري و خرجلي الشكل الجميييييل كيما شفتيه هههه
شكلت كويرات قد حبة مندرين صغيييرة و حليتها بيدي و حطيت في وسطها حلقوم كنت قصيتها بالطول و روليت عليها العجينة و غلقتها من جهة الفتحة باش ما يخرجش الحشو فالطياب و حطيتهم ساير داير في مول السيليكون ثم شكلت كويرات أصغر من الاولى يعني قد حبة الجوز و حشيتهم بالنتيلا و غلقتهم على شكل كرات صغيرة و ستفتهم تاني ساير داير بصح من جهة الوسط تاع المول و خليت البريوش تخمر ملييييح و شعلت الفرن يسخن على أقصى درجة باش يسخن بلخف خاطرش البريوش راح تطلع تاني بلخف
و مين طلعت مليييح طلبتها بالبانسو ببيضة مخلطة مع شوية قهوة و باكي sucre vanille و نقصت الفرن على 200 درجة و دخلتها تطيب و مين تحمرت من فوق خرجتها و دهنتها بالسيرو تاع الخوخ و رجعتها للفرن و حد الخمس دقائق أو عشرة على حساب ما تزيد تتحمر شوية و خلاااااص
و النتيجة بريوووووش رووووعة فالبنة و الخفة و الهشاشة ممممممم هههههه

nihale89 · 2014-04-10, 09:13

صبااااح الانواار
ام يسرا البارح طلبتي مني وصفة السوفلي كتبتلك رد ماحبش يفوت تفضلي حنونة
كاس حليب دافيء ملعقةكبيرة زبدة ملعقة كبيرة خميرة ملعقة صغيرة سكر واخرى ملح
نخدمهم بيدي مليييح حتان تذوب الزبدة وبعدها نضيف الفرينة بالشوي حتان نتحصل على عجينة
متحانسة ماهي تتلاصق ماهي يااابسة
نغطيها ونخليها تخمر
نحلها ونطب دوائر نحشي وصوص طوماط مداوية ملييييح ولحم مرحي طايب ومداوي وفورماج وزيتون
ولا طونة ادهنيهم بالصفار والقهوة هو الي يعطيهم لون شباب وذري الجلجلانية والى الفرن
صدقيني روعة الي يضوقو يهبل عليه

عطرالذهب · 2014-04-10, 09:17

صباح الخير حبيباتي
اليوم رايحة لدار بابا حبيت نصبح عليكم ونشكر بروقة على الكرم وحسن الاستقبال
راني رايحة سلامي للجميع وموااااااح كبيرة لكل وحدة فيكم

*جوهرة الجنة* · 2014-04-10, 09:23

اسعدة الله صبحكن حبيباتي الفحلات يعطيكم الصحة علي الاطباق الشهية ورائعة