الجزء 169 من واش طيبتي اليوم - الصفحة 9

حياة نور الدين · 2016-09-18, 12:58

تفضلوا فطوري البنات
شربة وسلطة

جازيا ام البنات · 2016-09-18, 13:08

جبتلكم فطوري بطاطا بالبيشاميل وسلطة وفواكه بلاماننسى بواقي البكبوكة

جازيا ام البنات · 2016-09-18, 13:11

حياة بصحتك الشريبة امممممممممممممم تشهي تفضلي العنب تع الدار(ذوقوني دار لوسي)

انا هي رزيقة · 2016-09-18, 13:34

السلام عليكم نهاركم زين و سعيد يا الزينات فتحت على فطور مولات الكوزينة ياي يسلمو جازيا الغراتان يبان امممم حقا شفت كوزينتك الشويبة تتهناي فيها يا رب و الله تشرح النفس للطبخ و اكيد الطياب فيها يجي بنين يقتل ..... خخخخخخ
نهارك سعيد حياة يا عيني على الشريبة الجميلة من ايديك الحلوين بصحتكم حبيبتي
و شفت بوري ام هدول الحلوة و هبورغر ام البنين و شخشوخة صفحة بيضاء اهلين حبيبتي اكيد الكوزينة تزهي ليضا باطايب الفحلات امثالك من بنات اجواد الجزائر الغالية
و نرحب بدخول ام الاء بحلوياتها الجميلة و الله تحفة ام لاء دون مجاملة ربي يحفظلك دوك اليدين و عيد ميلاد سعيد ليك و لالاء
ام جوجو الفحلة ربي يطمنك على صحتك كيما طمنتينا بدخولك لي نور الكوزينة حبيبتي
و شكون تاني و الله تلفولي الاسماء جريتو بالصفحات بزاف استناو تفكرت قصعة الطعام تع مريومة الزينة يايما على الفحلة البسكرية ماشاء الله و تبارك الرحمان و ربي يبعد عليك العين حنونتي و يرحم البطن لي جابتك دون مجاملة و الله تعجبيني موووت يا حبة سكر عندهم الحق لبنات يسموك كلغ عسل اذا حبو ....... خخخخخخ ربي يديم عليك الفرح و الستر حنونتي و يشفي جداتك و عمتك ان شاء الله
ايه خلاص تفكرت شفت ثاني تليتلي توبة الجميل و جرنانها الاجمل حشمتيني بكلامك يا مصيبة و صدقيني راكي فحلة و نص و 25 مراكيش برك فايقة بروحك ...... خخخخخ

اختي ام لجين هيثم لالا حنونة اللحم المكفت مشي مكونجلي هو تع الاضحية خليتو في الفريجيدار عادي حتى الجمعة به خدمتو و بقا طازة ماشاء الله عليه لاني عندي فريجيدار من النوع الجيد منخافش على الماكلة فيه الحمد لله
حقا لبنات كامل لي عجبوهم كواليسي نقولكم انتن الاروع و هذا قليل من الذي تعلمته من عندكم يا فحلاتي الجميلات

حياة نور الدين · 2016-09-18, 13:36

ام الاء اهلاااا اختي لك وحشة واش راكي واش راخ راجلك يا درا ريح من الحادث وربي يبارك على الخير اللي حطيتيه

اموالبنين بصحتكم اختي والفكرة هااايلة

ام هاجر اهلاا حنونة

مريومة هداك ماشي كعك تلمسان كعك عادي شوفي مع جازية

ام هدول بصحتكم لابيري اختي

روضة اسمحيلي مرحبتش بك واش راكي اختي

جازية فطورك يشهي ويعطيك الصحة على العنب وربي يخليكم البنات الي عجبهم فطوري

أ م ساجد وسيم · 2016-09-18, 13:41

سلام البنات يعطيكمالصحة
ام هدول لابيريتشهي واله الله على ضلوع هوك
صفحة بيضاء يعطك صحة على شخشوخة باينةكاو حتى داخو امممم
حيوتة بصحتك فطورك شاطرة وام الاء يعطيك صحة حلوياتك فووووور زاف ماشاء الله ام البنين البرغر خرجلك تحفةةةةةة وجازيا بصحتك الغراتان والعنب ماشاء الله كل حبة تبارك الله
هذا فطوري ماشطو

يارب لك الحمد على الرزق

انا هي رزيقة · 2016-09-18, 13:45

ام هاجر ام نور الهدي اختي روضة اهلين حبيباتي
اليوم جبتلكم نتيجة المرقاز لي حطيتولكم البارح تفضلي جازيا اليوم وش نحط كامل راهو في خاطرك

ام هدول · 2016-09-18, 13:55

اقتباس:

المشاركة الأصلية كتبت بواسطة انا هي رزيقة

ام هاجر ام نور الهدي اختي روضة اهلين حبيباتي
اليوم جبتلكم نتيجة المرقاز لي حطيتولكم البارح تفضلي جازيا اليوم وش نحط كامل راهو في خاطرك

رزيقة خرجلك المرقاز رووعة وزيد مع لابيري ..بصحتك

انا هي رزيقة · 2016-09-18, 13:47

اهلين ام ساجد وسيم بصحتكم اللوبيا حنونة مطرح ميسري يمري ايه حقا تفكرت لمحمر تع البارح شهيتينا حبيبتي

um alaa · 2016-09-18, 13:49

زقزوقة و حيوتة ترحب بيكم الجنة
زقزوقة كواليسك تحفة تسلم ايديك يا فحلة
حيوتة زوجي راهو مليح هاد الساعة مي نيفو مزالو مكسر و مدارش العملية
عسلاية الف مبروك حبيبتي و ربي يحفضلك انوس
جازية كوزينتك ماشاء الله تتهناي فيه ان شاء الله
حنان الجاج ادا راح ديرو جواز و لا طاجين عشر جاجات يكفو و الروز ماركة sup هايلة و الله اعلم زوج كيلو يكفو للسلطة

حياة نور الدين · 2016-09-18, 13:51

رزيقة اهلااا اختي يا الفحلة واش راكي ويا سلام على لابيري والمرقاز يعطيك الصحة حنونة ربي يحفظك

ام هدول · 2016-09-18, 13:53

ياسلالالالالالالالالالالالالالالام دخلو الحبايب لي كانو غابيين علنا ونورنا الكوزنية وزهواها ببالاطايب ....صفحة بيضاء بصحتك الشخشوخة وبصحتهم الاولاد...ام الاء...داك القاطو الزين يهبل ...ويشهي
جازية بصحتك لغراتن وماتبقي من العصبان والعنب يسخففف...حيوتة بصحتك الجاري دويدة ....يبان يشهي ...ام ساجد ...قللك طيابك رايع ...بصحتك ...ام البنيين .......بصحتهم وليداتك االبرقر....جا علكيف كل حبة قد ختها ....
مريومة لي واخدلك بالك ..هنيالو .......

kahina maam · 2016-09-18, 14:44

السلام عليكن , العدس الا حمرSVP comment cuisiner

omelbanin · 2016-09-18, 14:57

دخلت لقيت طبسي طعام واجد الله الله من يدين حبيبتي رزيقة، اوااااه نديه ونروح هههه، يسلمو زيكا.

omelbanin · 2016-09-18, 15:08

الله يبارك عليكم، رزيقة بصحتكم المرقاااز مع لابوري اممممم.
ام ساجد الخبز خرجلك روعةةةةةةة. تسلم الايادي.
ام هاجر لاموووونة، ابعثيلي مورصو يخ نسكن قريبة ليك. هههه بصحتكم.
توووووبة لي سوفلي وعليهم لكلااام.