انا اتناقش معها عادي جدا اختي هي فقط لم يعجبها كلامي لدا تجدينها تهاجمني كل مرة لاني اقول الحقيقة والحقيقة تالم للاسف بعض النساء لانهم يعرفون اشد المعرفة مايفعلون وبعدها لما تتكلم الحق يهاجموك انا لاانصح اي واحدة كلهن بالغات فوق 18 سنة وماهيش اختي او زوجتي باش ننصحها يديرو واش يحبو والله ماعلابالي بحتي وحدة كل وحدة عندها والديها وعائلتها مسؤولين عنها الله يسهل مانيش انا قلتلهم بسيف ماتهدروش او ماتخالطوش او تحوسو علي الحب قبل زواج هداك مشكلتهم انا نعطي عقليتي ولي ماعجبهاش الحال مشكلتها مش مشكلتي انا ثابت في رايي وماندورش
شكرا أخي ,, لقد وصلنا رأيك ,,, لكن لا داعي لان تدخل في صراعات جانبية يكفي ان توضح رأيك ,, واظنه قد وصل
بارك الله فيك
ماعليش خليهاتتهمنا بالفاشلين نحن والحمد لله لسنا بفاشلين رانا لاباس بينا لي تقول فاشلين انا راني بعملي مستقر من 5 سنوات في منصب محترم جدا في شركة خاصة بنا كاني نعمل عند روحي وزد عندي سيارة وعندي حتي شقة خاصة بي وواسعة مطلة علي البحر ومكان لي نسكن فيه حمد لله هادئ وفيه الا ناس مثقفين و قاريين من اطباء محاميين الخ ... المهم عندي كل شيء زوجة ماشاء الله قريب نجيبها لداري والحمد لله راض عنها وهي نعمة الزوجة لحد الان مانا نتكلمو ماوالو في فترة خطوبتنا صدقوني بالله الا للحاجة الضرورية نكلم امها او اخوها ويجوزوهالي ماكان ني كلام في الليل ني السهرة ني كلام خارج علاقة كلام تغزل ووو اصلا مرات قليلة تتصل بي لما تريد فعل شيء تستفسرمني هل افعل كدا وكدا وطبعا انا اعطيها الاوك وتحترمني جدا ربي يكثر امثالهم والله كاينين بنات هاك واحد برك مايفقدش امل واش نقولك هدا تسميه فشل تسما لي مايحبش قبل زواج الحمد لله رانا نحس داخلي متفاهمين وهي قبلت بيا لانها تعرف خصالي واخلاقي وانا ايضا نعرف اخلاقها وخصالها
ولي قالت كاين لي يحب مراة او هي تحب راجل من قلب من اول نضرة انا عمري ماشفت هادي نضرية ماتدخليش في راسي ابدا نشوف وحدة نحبها كي شغل تقولو هادوك لي يتكلمو في النت ويدردشو مع اجانب واجنبيات هم قاعدين عام يتمسخرو وفي الاخير تقولو نحبك i love u اصلا هي ماشافتو في الواقع ماوالو ماعاشراتو تقولو نحبك راسك يحبس صراحة من وقت لي رانا فيه
الله يباركلك اخي في حياتك ويتمم أمورك بخير وعلى خير ,,لكن تحدث اخي ان يرى شخص متخلق فتاة في الشارع ويعجب بها ,,,ثم يسأل عنها ويتقدم ,لاهلها ,, وليس بالضرورة كل من أعجب بفتاة عندو علاقة معها ,,,,,, ووالله هذه حدثت لي شخصيا ,, أشخاص تقدمو للوالد ,,, وطرقوا الابواب ولم اعرفهم ولم ارهم ..ولم يحاولوا اصلا اعتراض طريقي خارج البيت بل من دون أن اشعر بهم تقدموا ,,,, يعني الافراد مختلفون وكل واحد كيف يرى ألامور
مشكور اخي على مشاركتك معنا
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
( تقرير عن مشاركة سيئة )، و الموجودة أسفل كل مشاركة .
2016-08-13, 17:43
العرض المتطور
