الجزء 87 من واش طيبتي في داري الجديدة الله يوسعها علينا الكل تفضلو - الصفحة 9

Simassim · 2014-08-30, 09:13

صباح الخير ونهاركم مبروك الحال راه سخون اليوم عاد لحقنا الصيف هههه

lyzzabel · 2014-08-30, 09:13

صبااااح الانوااااار و البركااااات على القلوب الطيبة و نهاركم أطيب
حبيبتي ام ياسو الف مبرووووك افتتاح الكوزينة و الفيييين مبروووووك عليكم الدار مرة اخرى ،، ربي يجعلها عتبة خير و أفراح و صحة و سلامة،، ماشاء الله كوزينتك كبيرة روعة و الثانية كنت شفتها نهار لي حطيتي لي فوتو هههههه ،، كلشي عجبني الله يبارك و يزيد
صدقة مقبولة يا الغالية ،، و هذيك السنيوة تقول ما نوضش من قدامها هذاك ما نبغي لاتاي مع قعدة لحباب ربي يجمعنا فالخير

تفضلي باروكي يا الحبيبة

و هاذو لعيونك الحلوييييين نعرف العقلية ههههه

حقا راني شفت البسبوسة مين حطيتيهالي فالكوزينة لي فاتت مممممممممممم ربي يخليك و يحلي أيامك موااااااااح كبيرة ليك

حبيباتي كنت نراج في كوزينة سكرتي الحلوة و شفت قاع طياباتكم الله يبارك كلشي يشهي من يديكم ،، يعطيكم الصحة كل وحدة باسمها
نهال شفت الميني بيتزا تاعك روووووعة بصحتكم حبيبتي ،، شفتي اليوم كي مانسيتكش ههههههه

نروح نراجع كوزينة الغالية ام ياسو و نرجع بإذن الله

اللهم ما اصبح بي من نعمة او بأحد من خلقك فمنك وحدك لا شريك لك فلك الحمد و لك الشكر

ام فيفي · 2014-08-30, 09:27

عزيزتي ام ياسو مبروك عليك الكوزينة الجديدة تخدمي فيها بالصحة و الهنا يا رب و هذا الباروك نتاعي

أم ياسين الزهراء · 2014-08-30, 09:31

صباح الانوار على احلى شافات

غدايا شربة ومطلوع وحميص والحمد لله

نراجع ومنبعد نولي شوي مزروبة هدي حالة اللي ماتنوضش بكري يييييييييييييييييييي

إلهام07 · 2014-08-30, 09:31

صباح الخير حبيباتي مانيش نراجع اسمحولي

هذا وين انتبهت باللي رانا في كوزينة جديدة نحسب فيها مازالت وزينة ام محمد تاج وأنتوما تباركو لياسو مافهمتش

ياسو مبروك الكوزينة لجديدة عليك إن شاء الله كوزينة الربح راني ربحت على كوزينتك وصلحتلي الغريبية
بإذن الله ماعادتش خلاص من اليوم تفسدلي بفضل الله ثم فضلكن حبيباتي مشكورات بزاف ديما توقفو معايا كي نحتاجكم وتعلمت منكم بزاف وعمركم لا بخلتوني ألف شكر

أم ياسين الزهراء · 2014-08-30, 09:33

لبنات راح نخليلكم سوال وكيتنوضو على 11 جاوبوني
واش نعوض كريم السائلة اللي نديرها مع الشيكولا في الكلاصاج

دائمة الحمد · 2014-08-30, 09:37

ام يس احلى صباح اذاكان قصدك على الكريمة السائلة عاوضيهابوحدة دانيت شوكولا او كاراميل ثاني تجي بنينة وراني نايضة قبلك ههههههه

إلهام07 · 2014-08-30, 09:38

نصائح الغريبية اللي طلبتيها :

1- الفرينة لازم تكون من النوع الجيد انا درت la belle
2- غربلي الفرينة
3- السكر الناعم لازم نوع مليح وإلا تشققلك ولا تهبطلك ولا جيك شوية يابسة ( استعملت المرجان )
4- السكر الناعم لازم تغربليه
5- لازم السمن كي تذوبيها تخليها تبرد وتخبيها في الثلاجة ولازم تبرد لعدة ساعات انا خليتها 7 ساعات راهو سر مهم جدا
6- لازم كي تضربي السمن مع السكر الناعم بالباتور لازم تضربيه بزاف بزاف بزاف حتى يوجعك ذراعك والله بصح ماشي نضحك قد ماتضربيه مليح قد ماتصلحلك الغريبية أم محمد تاج قالت تضربها بالبيتران 45د ( هذي كي تكون كمية مليحة )
7- كيلة الفرينة ديري كيلة سمن مع 3 كيلات فرينة طيحلك قدقد لايابسة لا طرية
8- طبيبيها في الرف العلوي والفرن ماتسخنيهش بزاف ودرجة الحرارة 125° لا أكثر وماتخليهاش طول بزاف
9- باش يجيك لون باهي ديري ملون أبيض نتاع الميزان انا شريت المستورد غالي بصح هايل
10- كي طيب خليها تبرد في راحتها خلااااااااص باش تنحيها من البلاطو راهي مبسسة
11- كثري شوية الفاني باش تقتل ريحة السمن انا نستعمل المستوردة غالية بصح مليحة
12- كي تشكلي هذا المودال ديري في حسابك باللي كيما تدخل للفرن تخرج راهي ماتنتفخش تبقى على حالها يعني ماتصغريش في الحبة وتقولي ضرك تزيد
آخر حاجة جربت حمصت الفرينة كيما ام محمد صح تحكم روحها كي تبرد وكي تاكليها طرية بصح ماعجبنيش الطعم مانزيدش نحمصها

دائمة الحمد · 2014-08-30, 09:42

هايلة الهام ويعطيك الف صحة جت روعة
اعزيزتي ليزا صباحك زين وين وصلتي مع التحوال

دائمة الحمد · 2014-08-30, 09:44

غدايا مقلي وكسرة رخساس ولبن راه حل عندنا واحد يبيع اللبن تاع الشكوة العربي ولالنا ادمان
نروح نطيب الكسرة على لبرود قبل ماتشعل الدنيا
احلى صباح للي مازالو راقدين بروفيتو مادام ولادكم فاكونس وربي يعاونكم في اشغالكم

أم ياسين الزهراء · 2014-08-30, 09:48

صباح النور دائمة شكرا على الرد

الهام بالعكس كاين وصفة تاع الغريبية محمصة واللبلابي تجي هايلة يمكن حمصتيها بزاف عليها تبدلك الطعم

وحبيت نزيد ملاحضة وعن تجربة بعد ما توجدي العجينة تاع الغربية الافضل حطيها في فريجيدار على الاقل 7 سوايع راح تعطيك الطوع وتتشكلك بسهولة

أم ياسين الزهراء · 2014-08-30, 09:50

لبنات يوم موفق الاشغال الشاقة تنادي ربي يعينا

اتهلاو في الكوزينا مانضلش نسيق ونخمل كل وحدة دير حاجة تردها للبلاصتها ههههههههههههههههههههه

lyzzabel · 2014-08-30, 10:00

هذا وين كملت المراجعة ،، الله يعطيكم الف صحة و عافية حبيباتي كلشي رووووووعة بمعنى الكلمة ،، ربي يدوم عليكم الصحة و النعم

حبيبتي ام ياسو غير دروك كنت نقرا فالافتتاحية تاع كوزينتك ،، ربي يسهل عليكم و تقضو الدين و يفرج على كل المسلمين و العقوبا لنهار تديري العرضة تاع نجاح بنتك فالباكالوريا يااااااارب النجاح ليها ولروزا و لبنت ميمتي ام رحاب و لرياض ولد ميمتي الغالية و للجميع امييييييين

اقتباس:

المشاركة الأصلية كتبت بواسطة أم ياسين الزهراء

هدي الدخلى تاع الفوق لبنات مازال مادرناش الرخام للدرج ربي يرزق كلش بالعقل

غرفة البنات وراني مازال ماشورتش لغرف يعني كلش قديم معليش المهم الدار والباقي ساهل

وهدي تاع ياسين كنت نخمل فيها بنتي صورتها بلا مطرح ههههههههههههه قالتلو نحطها في النت يضحكو عليك ماعندكش فلراش هههههههههههه

وهدا الدوش اللي فوق تفضلو الماء سخون كالحمام هههههههههههه

وبعد الشبعة اكرمكم الله اهنا الراحة هههههههههههههههههههه

والجاكوزي عن قرب

بسم الله ماشاء الله و راني شفت الفلوس فالقفص يطل علينا مسكين هههههه بصح لي قتلتني بالضحك تاع الراحة هههههههه حتى خفت عجوزتي تسمعني نضحك تقول الشيرا هبلت ههههههههه الله يحفظك يا طيبة تستاهلي كل خير

و حاجة اخرى ام انووووووووستي ممممممممممم و ممممممممممم و ممممممممممممممم علو هذاك الطعام هبلنيييييي و انا نموت على تاع غيري سيييييرتو راه يشهييييييي يعطيك الصحة يا العزيزة

داءمة الحمد البارح ماديتش معايا كلشي ،، ن ع قالي مين نكون وحدي نحول بالشوية و من بعد روحي ستفي ،، هاكا و مين نبقى نشوف تبانلي بلي مازال ما فرزت واااالووووو ربي يقدرني

فطوري مازال راني نستنى فيه يوجد وحده ههههههه ،، نروح كاشما ندبر راني ما لسبعة نايضة و ما درت والو

سبحان و الحمد لله و لا اله الا الله و الله اكبر و لا حول و لا قوة الا بالله

دائمة الحمد · 2014-08-30, 10:21

رابي يعاونك ليزا
كروكو خدمتو لبارح للي ينوضو على11يفطرو بيه

أم ضياء عبد الرحيم · 2014-08-30, 10:23

صباح الخيرات على احلى لمة

اقتباس:

المشاركة الأصلية كتبت بواسطة ام سهام 02

مساء الانوار هذا عشانا

[/CENTER][/SIZE]

عشاك خفيف وظريف ومشهي بصحتكم[/QUOTE]

اقتباس:

المشاركة الأصلية كتبت بواسطة دائمة الحمد

جيادا عشاك باين بنين تسلم الايادي

شكرا حبيباتي
الوصفات تاع البطاطا و الاجنحة الي بغات تجربهم
بوطايطوس في الفرن

كيلو بطاطا
ملح
زيت زيتون
ملعقة صغيرةثوم بودرة
ملعقة صغيرة فلفل احمر بابريكا
ملعقة صغيرة زنجبيل
ملعقة صغيرة اعشاب بروفانس
نصف ملعقة صغيرة راس حانوت
ملعقة كبيرة معدنوس انا درت المجفف
ملعقة كبيرة دقيق
ملح
نقطع البطاطس على اربعة او ثمانية حسب حجمها
نفور البطاطا لمدة سبع دقائق فقط ستطهى نصف استواء وتكمل الطهي في الفرن
نفرش الورق السولفبريزي في صينية الفرن
نخلط كل المكونات السابقة
نتبل البطاطا في الخليط
نضعها في صينية الفرن
ندخلها للفرن مسخن على 200° لمدة عشرين دقيقة
نخرجها من الفرن نرشها بقليل من زيت الزيتون و نرجعها للفرن لمدة عشر دقائق
انا البارح نسيت تبلتها قبل ما نفورها و جات هايلة

اجنحة الدجاج المشوية
المقادير
1 كلغ اجنحة دجاج مغسولة و منظفة
كوب صغير كاتشب
1 م ك موتارد *
1 م ك خل او ليمون
1م ك طماطم مصبرة
هريسة ادا تحبي الحار تجي بنينة بالهريسة
زنجبيل مطحون فلفل ابيض ثوم بودرة شوية ملح
فصين ثوم مهروس
نصف بصلة صغيرة مقطعة رقيق
نصف كوب ماء
نخلط كل المكونات في وعاء زجاجي و نغطيها و نتركها مدة ساعة على الاقل في الثلاجة
نسخن الفرن على درحة 200 نحط الاجنحة في صينية نضيفلها كوب صغير ماء و ندخلها اطيب و مرة على مرة ندهنها بالخليط الي بقى ثم نقلبها و نفس الشيء ندهنها
كي اطيب نشغل الفرن من الفوق و نحمرها
البارح مكانش عندي كاتشب ما درتش و فورت الاجنحة مع البطاطا و من بعد دخلتهم الفرن يتحمروا و مرة على مرة ندهنهم بالخليط الي بقالي تاع التتبيبلة و على حساب نوعية البطاطا قادر تتحمر قبل الاجنحة نحيها و كملي تحمير الاجنحة

هنا في الكسكاس حطيت الاجنحة و غطيتهم بالبطاطا

ان شاء الله تعجبكم و تجربوها

غدانا اليوم شكشوكة و لبن