الجزئ 86 من واش طيبتي اليوم بسم الله تفظلو - الصفحة 9

R I A D · 2014-08-23, 18:27

حبيبتي و غاليتي ليزا ربي يحفظك من كل سوء و يسلم فمك الي ينقط عسل يا عسل انت

naouel2013 اهلا و سهلا بك بين اخواتك الدار دارك ...نتمنى يطيب لك المقام

شاوية اهلا حبيبتي و صحة قهوتكم و بصحتكم واش رايحين تطيبوا للعشاء

ام ياسو بصحتك اللقهوة و الزيراوي ..الف هنا على قلبك
قوليلي سمعت مرة واحدة هنا قالت بلي حليب الغبرة مشي مليح و من بعد شفتك انت شحال من مرة تقولي ما نشريش حليب الغبرة ... كاشما عندك معلومات عليه ؟؟خاطر انا نشريه بزاااف

اللهم انت ربي لا اله الاّ انت
خلقتني و انا عبدك
و انا على عهدك و وعدك ما استطعت
اعوذ بك من شرّ ما صنعت
ابوء لك بنعمتك عليّ
و ابوء بذنبي فاغفر لي
فانّه لا يغفر الذنوب الاّ انت

lyzzabel · 2014-08-23, 18:36

ميمتي الحنينة ربي يخليك ليا و ما يحرمنيش منك

نوال مرحبا بيك معانا حبيبة نتمنالك أوقات طيبة و بنينة ههههه

اسماء التشاراك درته بالعجينة السحرية روووووعة
عبر مارغرين ذائبة و باردة
عبر زيت
عبر حليب
م ص فاني
فرينة باش نلم العجينة
حضريها و خليها ترتاح فالثلاجة و من بعد ديري كويرات و حليهم بيدك و اخدمي التشاراك
و الحشو درت كاوكاو محمص و مرحي رقيق و كمية من حلوة الترك و شويييية سكر و لميت بالمعجون ديري غير بالشوية ما يحتاجش بزاف المعجون
و مين طاب درت الشوكولا نواغ و شوكولا بيضا و زينت بالخطوط كيما شفتي فالصورة
نتمنى نكون فهمتك حبيبة

lyzzabel · 2014-08-23, 18:37

عشانا اسكالوب تاع الداند مشوي ولا مقلي مازال ما قررتش و لي فريت و سلاطة و الحمد لله على نعمه

قدوس سبوح رب الملاءكة و الروح

malek nour hane · 2014-08-23, 18:44

اهلين بالغوالي....كلشي يشهييييي الله يبارك
ليزا بارك الله فيكل و ربي يفرحك بوليداتك إن شاء الله
رياض بصحتك الزيراوي امممم نفنى عليه
لهونة قاطوات هايلين ماشاء الله... في انتظار قاطوات عطورتي
صح عشاكم... انا نركب من على السابعة و نص جوايه العشرة ونص إن شاء الله نوصلو واااع وش نكره لفواياج و ندوخ بزاااااف..

إلهام07 · 2014-08-23, 18:51

مبروك الكوزينة الجديدة أم تاج يعطيك الصحة كي لميتينا

الصور نتاوعك ماحبوش يخرجو ماعليش مزية اللي شفت منهم وحابة نكمل نشوف الباقيين

رايحة نحاول من بعد حابة نشوف واش بقى من الصور

بنات راني ماراجعتش دروسي باش نتفاهمو ماشفتش طيابكم

اسماء..... ليزابال واقيلا ماكانش بصح راهي قالت تشاراك بالعجينة السحرية ياخي تعرفيها نتاع ام أماني راهي مشهورة ومن فوق قلاصاج باينة

ملوكة البرياني خرج يهبل واكثر شخص عجبو هو ماما ماتت عليه من يوم درتو اللي يعيطلها في التيليفون تقولو دارتلي إلهام البرياني ( وتبدى تشرح البرياني هو الروز نتاع الهنودة ) جا يهبلبببببببببببل وتلض على حرف الباء ههههههههههه وتقوللهم من بعد عيطولها تعطيكم لا غوسات ديروه راهو مليح يهبببببببببببببل لالا واش نقولك حتى أنا كثرت شوية الروز درت عشاء وغداء ثلاثة ايام وهي تسخن وتاكل بالروز والجاج
واللله كنت حاطة يدي على قلبي منو خاصة من الياوورت الطبيعي الحموضة جات خفييييييفة بزاف ماتبانش خلاص غير أنا فقت بيها لاخاطر على بالي واش فيه وحتى التوابل هذوك الخلايطة مابانتش لاخاطر مانحبش الزنجبيل بصح مابان والو لا قرفة لا قرنفل لا هيل لا زنجبيل لا نعناع لا حتى حاجة كلاوه عادي وهوما مايحبوش التوابل مافاقوش

والله هايل وراني خبيتو في الكلاسور نتالعي اللي فيه الوصفات المفضلة مشكورة حبيبتي خرج رائع ويحمر الوجه

اسماء47 · 2014-08-23, 19:03

اقتباس:

المشاركة الأصلية كتبت بواسطة lyzzabel

ميمتي الحنينة ربي يخليك ليا و ما يحرمنيش منك

نوال مرحبا بيك معانا حبيبة نتمنالك أوقات طيبة و بنينة ههههه

اسماء التشاراك درته بالعجينة السحرية روووووعة
عبر مارغرين ذائبة و باردة
عبر زيت
عبر حليب
م ص فاني
فرينة باش نلم العجينة
حضريها و خليها ترتاح فالثلاجة و من بعد ديري كويرات و حليهم بيدك و اخدمي التشاراك
و الحشو درت كاوكاو محمص و مرحي رقيق و كمية من حلوة الترك و شويييية سكر و لميت بالمعجون ديري غير بالشوية ما يحتاجش بزاف المعجون
و مين طاب درت الشوكولا نواغ و شوكولا بيضا و زينت بالخطوط كيما شفتي فالصورة
نتمنى نكون فهمتك حبيبة

شكرا ليك ايزابيل ربي ينورك و الشكر موصول لالهام

شاوية حرة 05 · 2014-08-23, 19:07

ملوكتي اضهر وبان عليك الامان راهي الهام جات وعجبها البرياني هههههههههههههههه ما تخافيش على عمرك ههههههههههههههههه

دائمة الحمد · 2014-08-23, 19:08

مساء الخيرات وبصحتكم واش حطيتو راكم فنانات
رحت طليت على عجوزتي من قبل رمضان وهي عند ولدها في تيبازة وحابة نروح نبات في دارنا مازال ماتفاهمتش مع سي السيد
سميحة طل القمر حنونة والحنيونات راهم يهبلو تقدري توضحيلي طريقة التزين راهم الله يبارك لوحة فنية

lyzzabel · 2014-08-23, 19:09

بلا جميل حبيبتي اسماء
الهام بصحتك البرياني ،، الحمد لله كي عجبكم يا سيدي ،، je connais une qui va être c o n t e n t e اييييه حقا بغيت نشكرك خاطرش نتيا لي نبهتيني على القلاساج تاع سكرتي ام محمد تاج والله روووووووووعة يهبل درت بيه تشاراك قلاسي في طهارة منصف غير قبل رمضان و تالمون عجبني عاودت درته فالعيد ،، مواااااح لهومتي ههه
نورهان من عيوني غاليتي و كيما قلتلك اي حاجة تحتاجيها ما نبخلش عليك بلي نعرفه ،، bon voyage

malek nour hane · 2014-08-23, 19:09

يعطيك الصحة لهومة والله فرحت كي عجبك و فرحت كثر كي عجب الأم ربي يطول في عمرها و يحفظها إن شاء الله... بارك الله فيك الهاموووو و ربي يفرحك عاجل غير اجل بزوج صالح يعرفلك قيمتك قولو آمين

lahna moka · 2014-08-23, 19:14

بيبا , شاوية حرّة , نورهان مرحبا حبيباتي موااااااااح
أم رياض غاليتي أرشيف يشرّف سلمت يداك
نوال مرحبا بك معنا حبيبتي نتمنى تنضمي لينا و تنورينا بأطباقك و وصفاتك
ليزابيل حلوتي العسلاية توحشششششششتك. راني غارقة مع الدروس و التحضير ععععع بصح رايحين نكملو نهار الأربعاء و تمّا نقعد مليح للتطبيقات
نهال حبيبتي سمحيلي على التأخير. الشكلاطا ذوبتها وحدها بدون اضافات و بالبانسو دهنت مولات السيليكون بطبقة شكلاطا و درتها تبرد جيدا فالثلاجة و بعدها درت عليها طبقة ثانية باش تجيني شوية خشينة و ما تتفتتش و كي جمدت تماما نحيتها بحذر من المول و درت فيها فواكه و الفوق كرام شانتيلي زدت فيها ديكوجال كراميل مممممممم ذوقو رهييييييب

lyzzabel · 2014-08-23, 19:15

اقتباس:

المشاركة الأصلية كتبت بواسطة دائمة الحمد

مساء الخيرات وبصحتكم واش حطيتو راكم فنانات
رحت طليت على عجوزتي من قبل رمضان وهي عند ولدها في تيبازة وحابة نروح نبات في دارنا مازال ماتفاهمتش مع سي السيد
سميحة طل القمر حنونة والحنيونات راهم يهبلو تقدري توضحيلي طريقة التزين راهم الله يبارك لوحة فنية

داءمة الحمد لاباس على عجوزتك انشالله خليتيها مليحة ،،،، ربي يفكرك بالشهادة ،، من قبيييييلا راني نقول نسيت نشكر سميحة على القاتو

رووووعة يا سموووحة يعطيك الصحة ،، وحد المرة عضوة معانا حطت الصورة تاعه كيما هاك من عمي قوقل و قاع قلنالها وااااو مي واااااااع يشد اليد بزاااااااااف ،، و انا نقولك tout simplement chapeau

lyzzabel · 2014-08-23, 19:21

ياااااااس لهوووونتي هههههه ،، شدي الهمة و ديري حالة هههههه

شاوية حرة 05 · 2014-08-23, 19:23

ليزا ما جوبتنيش على قاطو شفت لبنات داروه وقيلا تاع السميد صح ولا لا راني نخرط هههههههههه تعيشي ما يجيش معجن وزيدي اعطني الرابط

شاوية حرة 05 · 2014-08-23, 19:24

وانا فكرتني ليزااااااااااااااااااااا هههههههههههههههه سميحة القاطو هايل يعطيك الصحة