الجزء 78 من واش طيبتي اليوم سموا بسم الله - الصفحة 9

kiya · 2014-06-12, 12:43

غدانا حمص وسلاطة وخبز وديسار دلاع
والحمد لله

دائمة الحمد · 2014-06-12, 12:47

لبنات صحة غداكم
الحزينة بجدارة وشاوية حرة وماري ربي يشفيهكم عزيزاتي اكثرن من الصدقة والدعاء
ليزابيل الف الف مبروك الطهارة لعقوبة لعرسو وتفرحي بيه كاش ما سحقيتي حاجة نعاونك نجيك من اقصى الشرق للغرب ماشي خسارة
ام يس ساعدي روحك الشطيح ياسر يضرك
انا عندي مدة ملي اعتزلت الساحة الفنية نزغرت برك هههههههههههه
عطورة حلوياتك طولو عند الحفافة يزيهم برك
كل الي نورواالصفحة اليوم نقول ليهم نهاركم زين يا الزينات

ساندي 28 · 2014-06-12, 12:51

مساؤووووووووو عسولات هدا باروكي لختى ميتا نحب نبارك بالحلو يا حلوتى ههههههه
بسم الله ماشاء الله تبارك الرحمان

sakura be · 2014-06-12, 12:56

ماشاء الله ساندي سبونج بوب خرج هااايل

دائمة الحمد · 2014-06-12, 13:00

ماشاءالله ساندي لي تارت يهبلو تسلم الايادي

دائمة الحمد · 2014-06-12, 13:03

هذا بعض اطباقي لي فاتولي من فايس اسينات

كسكسي عملتو الاحد لي فات مع فلفل مرقد

سلاطة وطجين جبن

ملتوخة اكلة تقليدية عندنا

تحلية هزيتها من المنتدى وعملت فيها بعض التحريفات

kiya · 2014-06-12, 13:06

هذا باروكي لبنات

titina · 2014-06-12, 13:08

السلام عليكم ورحمة الله وبركاته

اقتباس:

المشاركة الأصلية كتبت بواسطة سعيدة8888

اولا مبروك الكوزينة الجديدة ربي يجعلها ديما عامرة بالخير
حنونة في الكوزينة لي فاتت قتلك على طريقة المقارون و القغاتا
صح صيام كل الصايمين وانا وحدة منهم
ليزا حنونتي نقلك واش فطرت ولا مكلاه ؟؟؟؟؟؟؟؟؟؟؟
لالة مسعودة دارتلنا بطاطا مقلية وحدها

قالها ابنها المدام راها صايمة ولات هاك

والمسكين ولا

ربي يهدي عباده المؤمنين

مساء الخير اختي سعيدة
اسفة على التأخير
البارح كي رجعت لقيت الكوزينة تغلقت
حطيت رد في هذي الكوزينة وما طولتشوغلقت الميكرو
فآسفة مرة أخرى

بالنسبة للمقارونة طيبتها
وبعدها درت في مقلاة كبيرة ( شاف ) زيت وشوية مرغرين خليتهم حتى ذاب المرغرين
ثم هرست بالمهراس ( نحب نستعملو

) سنات ثوم مع الملح و فلفل أحمر حار مجفف وحطيتهم يتقلاو شوية وزدتلهم لفاح ( راس الحانوت ) بعدها ضفت كمية تاع المعدنوس ذبلته شوية وزدت له مقدار كاس ونص تاع شاي ماء وخليته يعلى النار وكي نشف شوية الماء حطيت المقارونة وخلطتها فيه وفي الأخير زدتلها شوية زيت زيتون برك

اما على البطاطا قلت لكم انه بقاتلي بطاطا من قبل
قطعتها مكعبات صغار وضربت حبات بيض ونكهتها بشوية بهارات وضفتلها شوية معدنوس فرغتها فيالبطاطا وخلطتها مليح معاها بعدها حطيتها في بلاطو تاع الفور وزينتها بشرائح طماطم

titina · 2014-06-12, 13:10

اقتباس:

المشاركة الأصلية كتبت بواسطة oum anas 69

السلام عليكم ورحمة الله وبركاته
مبروك أم ميتا الكوزينة بالصحة و الهنا عليك و علينا
يعطيك الصحة على الأطباق و الحلويات ممممم
ليزا مبروك ختانة منصف حبيبي لعقوبة لزواجو و ذريتو يارب
لهنة لعروسة الزينة تاعنا كنتي نعم الأخت ربي يهنيك مع زوجك و يرزقك الذرية الصالحة و دائما رايحة تبقاي في قلوبنا حتى ترجعيلنا و تعودي حايرة كيفنا واش طيبي كل يوم ههههههه
لبنات الكل راني شفت كلش يعطيكم الصحة دون ذكر الأسماء
أم ميتا هاهو باروكي خصيصا لكوزينتك خدمتو اليوم ههههه بصح راهي خدمة القلقة
بسكوي رولي بالشانتيي و الكرز أزربو هزو وحدة وحدة قبل ماتهجم أم تاجو و تلحسلكم الكريمة أكل و تبقاو هكذاك ههههههههههههههه نعرفها

أم ياسو بصحتك العرس و تسكني بالصحة و الهناء و الله تهنيتي من الضيق و ربي يعاونك حنونة
أم ماجد وييييييينك
لالا إلهام ويييييييينك

ماشاء الله تبارك الله أم أنس فنانة يا أختي
يليق يحطوك في قناة سميرة :19

charolize · 2014-06-12, 13:11

الله يبارك عليك دائمة الحمد طبقت شحال من وصفة و بصراحة فييييلم راني ندعيلك و لاسينات وقفة ساهلة ان شاء الله

أم محمد تاج · 2014-06-12, 13:13

يامامييييي على طبخ الحبيبة دائمة الحمد وياخي تعرفو عقليتي نموووت على التقليدي فلو سمحتي حطيلي وصفة الملتوووخة بايتة تهبل تاع تغماس ولسيح الصوابع ههههههه
ساندي رووووعة لي تارت تبارك الله وتاع سبونج بوووب فن فن راني هزيت الافكار من عندك لعيد ميلاد حبوبي محمد في اوووووت
كيا مواحتيييييييين كي تغيبو تغيبو مع بعض وكي ترجعو ترجعو مع بعض هههههههههههه

دائمة الحمد · 2014-06-12, 13:17

شكرا عزيزتي شاروليز تعيشي حنونة
كيا لا تارت هايلة تسلم الايادي

غدايا بعدما كان دويدة مفورة تبدل الموني قالولي الدنيا سخونة اعملي حاجة خفيفة
عملت كسرة رخساس وسلاطة تاع بصل يموت عليها سي السيد وشكشوكة وسلاطة بطاطا ودلالالالالالالالالالالالالالالالالالالالالالالالا لالالاع وعصير والف حمد لله

دائمة الحمد · 2014-06-12, 13:20

ام محمد ضحكتيني راني لي نشوفو يلحس نتفكرك راني عاملتها موضوع عندي مدة
اسينات ماخلتنيش نفوت المراحل للفايسبوك تاعها قاتلي يشبعوني تعليقات كي نخدم مكان تنزيل الصور في المكرو بحول الله ننزلها موضوع راهي الصور واجدة

عطرالذهب · 2014-06-12, 13:29

صح غداكم حبيباتي ويعطيكم الصحة ساندي ودائمة الحمد وكيا واللي ماسميتهاش تسمحلي
غدايا لوبيا خضرا ياللحم وسلاطة وعصير والحمد لله حمدا كثيرا
نحمل الصور ونرجع
دائمة الحمد اشنوا هاذي الملتوخة حتى سقسيت عليها ماما وماعرفتهاش

أم محمد تاج · 2014-06-12, 13:31

نشالله حنونتي دائمة الحمد في انتظار الوصفة حطيلي رابط التحلية والتحريف