ذكرنا باغنية من ايام الطفولة

[amel510]

ششية مهرية قوط حليب بالنية غمضوا عينيكم ربي يعميكم
تفكرتوها كنا نلعبوها في الحضانة

[_اميرة الصمت_]

تحت البيدون جلبانة و رطل زيتون
كي جا بابا جابلنا باطة حنة فصلتنا ومعطيناش لجارتنا
هههههههههههههههههههههه يمات الطفولة

[~~يسرى~~]

كنا نهار ما نقراوش العشية نقولو

بطاطا و زرزدية ما نقراوش العشية خخخخ ،، عيشنا صحح

[حفيدة شهيد]

صحا طوركم

شكراااا للجميع

[أسطورة الخريف]

فـي جعبتِي الكثيرُ من الأغاني البريئـة ^_^

أتذكّر منها جيّدا :

جنو جنا لاكانانانانا لاpـيpـا لاpـوش تخوا إيكاتوش ،، إبم ^_^ هاذي كي نعودو نقزوا فوق الحبيلة السطاج نمبر وان هههه ( أكيد بالصوت تجي احسن من الكتابة لانو الأغلبية ميعرفوش اللحن )

وكاين السطاج نامبر تو نغنو
سامية اللمية شعرها مخبل زنها يهبل دوبي ستوب ( نقزوها برجل وحدة برك )
والسطاج نمبر ثري هو
عمتي جرانة تمشي ورانا ف الخزانة طرق طرق وياربي ويجيب الحق نمشوها مايلين رواحنا ( منحنيين )
ومن بعد ياسر ياااسر نسيتهممْ

وكاينة وحدة تاع حبيلة ثاني

نادية تصلي نادية تصوم تحمد ربي كل يوم تهز الرجلة تحط الرجلة تهز الحجرة تحط الحجرة ( كل كلمة نديرولها الحركة تاعها بجسمنا ) نسيت تكملة الأغنية

وكاينة ثاني
سبت ، لحد ، لثنين ، ثلاثاء ، لربعاء ، الخميس ( نحاول نضرب اليد لي محطوطة فوق يدي ) ، الجمعة

وكاين
شمس قمر نجوم ليل صباح الخير كواكبنا كواكبنا ،، نسيت التكملة تاعها
وكاينة وحدا حوتا حوتا ، حوتا السانجي ، ايسي علي مدام اخرجي



وكاين كما نقراوش نقولو

غدوة منقراوش شرالي بابا زاوش حطيتو فالبتية [ ،،،، كلمة مش مليحة ] على وذنيا

حطيتو ف الكانون خرجولي سبع جنون

حطيتو ف السطح خرجتلي عزوج تششطح ،، راها طويلة نوعا ما
وكانت الطفلة لي تخرج الأغنية هي لولا يعني هي لي تجيبها من منطقة أخرى ولا حاجة ، نولو نعبدوها عبادة هههههههههههههه البرااءة البرااءة


ياااو نسيتهممْ كي نتفكر نرجع هههه

[الحالمة بالغد]

ماما زمنها قية ...........قية بعد شوية..............شوية حملا معاهاشنطة......................فيها. وزة وبطة بتعمل وغ وغ وغ

[حفيدة شهيد]

بارك الله فيكم جميعا

وعيد سعيد وكل عام وأنتم بألف خيرا

[sara nissa]

هههههههههههههههه مازلت حافظتها الى يومنا هذا ااااااااه ايام زمان

[~ قدس ~]

المشاركة الأصلية كتبت بواسطة أناييس الربيع

أتذكر أغنية كنا نغنيها في الصغر

ولازالت الى اليوم يعيدها أطفالنا

أتذكر فقط المطلع وهو:

دقو على أبوابنا فلسطين بلادنا واسرائيل كلابنا


شكرا لك ع الموضوع

حجا بطاطا حجا هي وستعمرنا فلسطين فلسطين بلادنا واليهود كلابنا عاشت عاشت فلسطين ماتت ماتت اسرائل

[♥ بسمة ♥]

عندي سبع رياضات رياضات اولها لمس الارض ثانيها رفع الراس ثالثها دوري دورة
رابعها صفقي صفقة خمسها ارقصي رقصة سادسها شبكو الايدي سابعها اخرجي برة
كنا نغنوها كي نلعبواا الحبيلة
ههههههههههههههههههههههه

[basma malak]

حميمة لميمة وين كنت البارح كنت في جنان الصالح واش كليت البارح
كليت التفاح والنفاح شربت الماء من اللقداح بوسي يدك وخبيها

[~ قدس ~]

بسم الله نبدا

را را را رايت فتاة عربيتا تا في جنوب اوروبا وسط العرب رب فقلت في نفسي هل تعلمون فقالوا جميعا لا نعلمون صفا بنتي جو صفا بنتي جو روحي روحي يا نعيمة حلي باب العسكري عسكري بو شاشية طلق مرته باهية باهية مسكينة راحت للكوزينة هزت كعبة شينة قسمتها بالنص على 12.30 والكلب يعس ........

سبت لحد مري مري لثنين ثلاث بتيسريي إذا كنت جوعنين تاعلوا الى بيتنا وآكلوا ب تي سر يي
غدوة ما نقروشي شيرالي بابا كوشي حطيته فوق لباطة جتني .... حطيته فوق الكوشة جاتني مرا بكوشة حطيته فوق الخزانة جاتني مرا ...
ماما بابا تكسي تعيط تيييييت
بف بف بف عندي عكبة قارس تحسبلي لمارس جانفي فيفري مارس
شمس قمر نجوم الليل زقزقات العصافير الو باي باي
الى اين ذاهبون يا عمار يا عمار ذاهبون لأشتري التفاح التفاح لمن انت ذاهبن يا عمار عمار ذاهبون لصديقتي العزيزة العزيزة من هي صديقتي العزيزة العزيزة وتشير للطفل بالطبع نكونوا دايرين دائرة ومنبعد تقلب هي وطفلة اخرى
جاري يا جاري هي دخلت البستان هي قطفة الرمان هي منا الريح الريح منا الريح النوارة
يا دودة وخيتي عنواش تعيطي عن ماما وبابا راحو لفرانسا .......



مزال عندي برك تعبت

[~ قدس ~]

جميلة يا جميلة جميلة فوق الكرسي شادة شعرها و تبكي مابكي يا جميلة ضربتني ماما اين هي امك هاهيا ونتلمدوا عن ام جميلة

عندي تكسي مرشديس تحسبلي حتى ل 11 1 2 3 4 5 6 7 8 9 10 11

عندي حوتة تحت الماء تحسبلي حتى ل 100 10 20 30 40 50 60 70 80 90 100

[vivyane]

اطيارة ناعلبوك جيبيلي بابا من المروك

[aihaibara]

لقيت بزاف مبدلين و واحدوخرين عمري لا سمعتهم
إليكم مني
واحد زوج زبيدة ثلاثة ربعة ربيعة خمسة ستة ستوتة سبعة ثمنية يمينة حداش طناش ماكياج يما راحت للحراش ما ولاتش حتى لطناش ضربها بابا بلكرافاش



يا ربي داويني راني في حالة زوج بنات هبلوني في هذا رمضان شعرها لمكريبي سروالها طويل عينيها لبراقة في نص ليل