يوميات فتاة جزائرية متجدد

[جوهرة الغرب.]

عن قريب طولت اختي نينا هههههههههه
ماشاء الله عليك
شديتي الانتباه ديالنا
بالتوفيق لك

[نينا الجزائرية]

المشاركة الأصلية كتبت بواسطة قمر الزمان رؤية

يوميات جميلة

واصلي تألقك

أرق تحية

الله يسلمك اختي

[نينا الجزائرية]

المشاركة الأصلية كتبت بواسطة الجزائـ عشقي ــر

اختي نينا طولتي بزااااااااااااااااااااااااااااااااااااااف

معلش اختي اصبرو شوية كاتبة غايبة

[نينا الجزائرية]

المشاركة الأصلية كتبت بواسطة أسمهان ميمي

عن قريب طولت اختي نينا هههههههههه
ماشاء الله عليك
شديتي الانتباه ديالنا
بالتوفيق لك

اختي سمحولي كاتبة يوميات مشغولة

[[كبْرياء]]

السلام عليكم ورحمة الله وبركاته

إن شاء الله خير خيتو نينا

سلامـــــــ ي

..

[نينا الجزائرية]

خير ان شاء الله ايمان

[نينا الجزائرية]

السلام عليكم اللبنات خاطش صبرتو بزااف
راني جبتلكم مفاجئة
حلقتين جداد
طايبين من الفرنو خرجو ضوكة



تفضلوووووووو

[جوهرة الغرب.]

وينهم؟؟؟؟؟؟؟؟؟؟؟؟؟؟؟؟؟ يالعزيزة

[نينا الجزائرية]

السلام عليكم

بعد العرس والزهو رجعت للقراية والتعب وكان قريب les Examens des TP وانا أكثر حاجة كرهتها في الجامعة هي الإمتحانات كنت دايما نقول واش هي الفايدة من هذو الإمتحانات لوكان جاو يقيمونا برك من الحضور ولي يحضر دايما الدروس هو لي يطلع وخلاص


غدوة رح نفوت أول إمتحان راجعت مليح كامل المعلومات لي مدتهملنا ال prof في ال TP و من بعد قعدت نحوس على الطابلية تاعي خاطر لازم نلبسها في المخبر باش ندي العلامة الكاملة بصح مالقيتهاش ونعست قلت حتى للصباح ونزيد نحوس عليها قبل مانخرج وغير نضت الصباح بديت نحوس عليها وكي خفت يروح عليا الحال قلت نسقسي ماما بالاك تكون عارفة وين راهي وكان الأمر كذلك قالتلي على بلاصة غير رحت ليها لقيتها وبلا مانشوف درتها في ساكي ورحت للجامعة وبدينا ندخلو بالواحد للإمتحان وأنا لأول مرة ماكنتش كااااامل خايفة خاطر كنت مراجعة وحافظة مليح وكي جاء دوري دخلت وجبت الطابلية من ساكي باش نلبسها بصح تفاجئت كي لقيت بلي لي جبتها في ساكي ماكانتش طابلية كان rda أبيض ومطبق بدا وجهي يحمار ويصفار وقلت أكيد ضروك تحاوزني الشيخة وتقلي راكي تتمسخري بيا وغير شافتني الشيخة في هذيك الحالة سقساتني واش كاين وانا مالقيت حتى مهرب قلت نقلها الصح وندي الزيرو بكل شرف وإحترام خاطر بعد هذي المفاجأة والصدمة لي صراتلي نسيت كاااااامل الحفظة بصح كي شافت هذاك الإيزار ماقدرتش تشد روحها من الضحك وقالتلي يسمى جبتي ملابس الإحرام موقفها هذا ريحني وخلاني فوت الإمتحان وحتى هي ماصعبتش عليا وعطاتلي سؤال ساهل وقالتلي عندي بزاف ماضحكتش هاكة من قلبي وطبعا أنا لي خرجت مستفيدة من الحادثة خاطر ديت نقطة مليحة في الإمتحان

أما باقي إمتحانات الفصل الأول فاتت كي العادة كل النقاط لا تبشر بالخير وفي الفصل الثاني الأساتذة دراو إضراب وماحبوش يديرولنا الإمتحانات حتى يلبولهم مطالبهم أنا شخصيا كنت فرحانة وقلت في كل الحالات ماكنتش رح نطلع للسنة الثالثة يعني نعاود مع كاااااامل الطلبة أحسن من اني نعاود وحدي وفوتنا الصيف كامل واحنا كل مرة نروحو باش نفوتو الامتحان نلقاوهم مزالو إضراب وهاكة حفظت كل المواد عن ظهر قلب خاطر كان عندي الوقت الكافي باش نراجع ونفهم مليح
وفي بداية السنة الجامعية قرروا باش يوقفو الإضراب ودرنا الإمتحانات والحمد لله قدرت نجيب العام ونطلع للسنة الثالثة جامعي

وصلى اللهم وسلم على سيدنا محمد

[نينا الجزائرية]

السلام عليكم
للسنة الثالثة على التوالي مزال ماديتش عطلة صيفية وريحت فيها كيما كامل الناس دايما نفوت الصيف نجري مع الجامعة وهذا كامل و كي نقول كرهت الجامعة مانلقاش لي يقلي عندك الحق
السنة الثالثة جامعي كانت سنة التخصص يعني لازم نخيروا واش نبغو نقراو Comme spécialité وأنا بطبيعة الحال ماكان عندي حتى ميول أو إختيار كامل كانوا يبانولي صعاب قلت نروح نسقسي
Chef département يمكن نصيب عندو الحل وهو كلي فرح مسكين كي رحت ليه باش يعاوني وبدا يشرحلي في كل تخصص وبالتفصيل وبعد جلسة طويلة كان غير هو طبعا برك لي يحكي قالي في الأخير
وضروك واش خيرتي؟؟؟
انا بيناتنا مافهمت والو من كامل هذيك الهدرة لي قالها وجاوبتو جواب ماجاش كامل في راسو
قلتلو زعما ما تقدروش تعطولي دبلومي من ضروك وبلا ماندير حتى تخصص !!!!!!!
وبالطبع في هذيك اللحظة كان مستعد يضربني بأي حاجة تجي قدامو لوكان ما لعبتهاش نضحك وقلتلو راني برك نزعق أكيد رح نخمم مليح في هدرتك ونخير في غرضي
وخرجت نجري قبل ما يعرف بلي راني صح من قلبي كي قلتلو اعطيلي دبلومي من ضروك
ثاني يوم تلاقيت بفتيحة ولطيفة وفاطيمة مجمتعين ثلاثتهم مع بعض كان عندي بزاف ماشفتهمش كامل مع بعض قلت هذي فرصة نسقسيهم واش خيرو باش نعاندهم فاطيمة وفتيحة قالولي حابين بزااااف science alimentaire خاطر شعبة بزاااااااف مليحة وفيها الخدمة قلت واش عليه حتى انا نخيرها كامل لي يقراو في هذا التخصص يعجبوني يبانو sérieux أما لطيفة كي عادتها دايما تفضل الإنسحاب المبكر من كل
شي وقالك حابة تدير biochimie باش تقرا برك عامين وتخرج وتريح وانا لقيت بلي حتى هي عندها وجهة نظر وقلت ندير هذي هي اختياري الثاني والله حتى أنا نتمنى نكمل بلخف ونخرج
أما الإختيار الثالث فأنا لي إقترحتو طبعا باش مايقولوش ماعنديش في الراس وماقدرت نخير حتى شعبة قلتلهم نخيرو biotechnologie وبيناتنا انا ماخيرتهاش خاطر نبغيها ولا نعرفها بصح لقيتها تخصص جديد وأكيد رح يتهلاو فينا مادامنا رح نكونو أول promo نقراوها في جامعتنا
وباقي الإختيارات حطيناهم عشوائيا ودفعنا الأوراق وبعد أسبوع خرجت la liste
وأعطاولنا أنا وفاطيمة وفتيحة boitechnologie
أما لطيفة اعطاولها
Ecologie

وكلهم ما عدا انا قالو نديرو طعن وماحبوش
Les spécialité
لي مدوهملهم أما انا قلت كي عادتي في مثل هذي المواقف الخيرة فيما إختاره الله
وقعدت نقنع فيهم بلي كل واحد يدي واش كتبلو ربي لطيفة اقتنعت ورضات أما فتيحة وفاطيمة بقاو مصرين على ان ماكانش خير من
science alimentaire
وهذاك الوقت مانيش عارفة كيفاش تفكرت هدرت ال chef département وقلتلهم بلي:
La biotechnologie
رح يكون عندها مستقبل كبير في بلادنا ومناطق أخرى يمدوها غير للي جابو معدل عالي لأنها شعبة هايلة وفيها غير الجديد والحمد لله أقنعتهم بصح بيناتنا والله ماعرفت كيفاش أقنعتهم إذا كنت أنا شخصيا ما إقتنعتش بزاف بهذي الهدرة
وهكذا انقسمنا احنا الأربعة بقينا احنا الثلاثة مع بعض ولطيفة مسكينة وحدها
وصلى اللهم وسلم على سيدنا محمد

[نينا الجزائرية]

المشاركة الأصلية كتبت بواسطة أسمهان ميمي

وينهم؟؟؟؟؟؟؟؟؟؟؟؟؟؟؟؟؟ يالعزيزة

حطيتهم اختي انتي مشي صبارة
هههه

[نينا الجزائرية]

المشاركة الأصلية كتبت بواسطة الجزائـ عشقي ــر

كلنا في الانتظار عزيزتي

راني حطيتهم ختي ان شاء الله يكونو نالو اعجابك

[BAROUD]

ااااا و الله غير روعة ..

[ღ♥ღأهمـ واحدღ♥ღ]

والله فكرتيني يأيام الجامعة الله الله ..............وعلي حساب الشوفة نتا مدايرة biologie أخت agronomie لي دايرها أنا .........وتاع الصح votre choix sois disant la biotechnologie c'est le meilleur chez nous les agronomes ......vous avez bien choisis !!!l ما نخبيش عليك متت بالضحك علي حكاية الطابلية ....enfin دركا راني حي

[المبروك سعد إبراهيم]

السلام عليكم و رحمة الله و بركاته
بعد كل هذه الغيبة أمتعتنا أختي نينا الجزائرية بيومياتك و ما أعجبني في حلقة اليوم فكرة أعطوني الديبلوم ،طريقة طرحك الفكرة و كذلك تخيلك لردة فعل مدير الدراسات ؛ صديقيني أنها كانت في قمة الروعة



دمت لنا ؛ لكن أتسائل و ماذا بعد الجامعة ؟؟؟؟؟؟؟؟