فن الكروشي بــأنامل حرائر الجزائــر {{ ورشة المفرش }}

[كرااميلا85]

المشاركة الأصلية كتبت بواسطة ليلى الجزائرية1

صباحك فل وياسمين اْختي كاراميلا ،،يصبحك بالسعد والربح كيما تقول جدتي

استاذتي شوفي تطبيقي وقوليلي تقييمك من البارح وانا نستنى
على بالي راكي مشغوولة ربي يعاونك

[ليلى الجزائرية1]

المشاركة الأصلية كتبت بواسطة "راجية الجنة"

ايا مليح يا ليلى الحمد اله كما رجعتي والله وربي شاهد معولة عليك انت تعلميني المفارش بش متجنيش مكمشة يا بنتي تعبت منهم

نتظرك هذا المساء بحول الله

دعواتكم

بإذن الله حنونة رايحة كل ما نخدم مفرش نصورلكم المراحل ونشرحلكم على قد ما نقدر هكاا باه نخدم انا وانتم ثاني تستفادو من بعدي
وزيدي ما تخافيش أول ما تكملي المفرش اغسليه وحدديه رايح يطرح وحده،،وحاولي قد ما تقدري تخلي الخيط مرتتاح وما تجبديهش يااسر كي تكوني تخدمي

[ليلى الجزائرية1]

المشاركة الأصلية كتبت بواسطة -رودينا-

صباح الخير عليكم

فرحت بززاف كي شفت ورشة جديدة و قريت كامل الصفحات
اولا نشكر الاخت العزيزة ليلى على الدرس الجميل
تانيا انا لما شفت تطبيق البنات حكمتنى الخلعة قلت كملتو وانا اليوم باش شفت الدرس
ثالتا حبيبتي اميرة 19 كلنا نعرف انك محترفة الله يبارك ويسلم يدك بصح من فضلك انت واي وحدة محترفة تحاول تمشي مع البرنامج لاخطرش هادي دورة للمبتدئات كيما بحالي باش نتعلمو والتقييم راح يكون لينا احنا لاخطرش هنا لي رانا نتعلمو اما انتم لي تعرفو ماتحتاجوش تقييم

المرة الجاية نتقيدو باالخطوات والمراحل مام اذا كملتو تطيقكم ماتعرضوهش
وووووواكيد رانا كامل خيات وكل وحدة تعاون بشئ لي تعرفو
استاذتي ليلي اذا زعفتي من وحدة وعلاش تحرمي الجميع من علمك ومنفعتك حاسبي اي وحدة على افعالها بدون حرمان البقية
واميرة كي حطت تطبيق من فرحتها وهيا عملت نفس الشئ في الدورة لي سبقت ومازعفناش منها لانو غرضنا باش نتعالمو
وكلنا نعرف انو اميرة 19 واميرة79 محترفات كروشي ومانقارنوش روحنا بيهم لاخطرش هاربين علينا بصح كي نتعلم مليح نوريلهم هههههههههههههههه وامبعد نافسهم ياوووووووووووولكم منى يا اميرات المنتدي ههههههههه

ونتمنى من كن ماتزعفوش عليا لانو حقيقة لازم نرضاو بيها فانا لست مع الاستادة المحترمة ليلي ولا مع اميرتنا الحلوي

ان شاء الله دايما مع الحق

ماعليش حنونة ما تخلعيش رووحك الخدمة راها ساهلة مااهلة ركزي برك مع الحساب بااه ما تغلطيش
وراني نستنى في تطبيقك

[ليلى الجزائرية1]

المشاركة الأصلية كتبت بواسطة oum rahma

السلام عليكم وصباحكن جميل كله خير وأمل وتفاؤل بإذن الله

الحمد لله رجعت الامور كما كانت

الحمد لله،، رب يدومها

[ليلى الجزائرية1]

المشاركة الأصلية كتبت بواسطة المسلمة21

صباح الخيييييييييييييييييييييير يا وجوووووووووووووووووووه الخيييييييييييييييييييييييييييير

صبااح السعد والربح

[ليلى الجزائرية1]

المشاركة الأصلية كتبت بواسطة soha1987

سلام يالبنات ان شاء الله تكونو لباس والزعاف يكون راح هههههههههههههههه
انا شريت لحوايج راني نستنى فالدرس ترجعو لاستاذة ليلي باش نبدا انا مانعرفش نقرا الباترون والله كي نشوفو نخلع ههههههههههههههههههه
ايا تهلاو في روحكم

ما تتخلعي ما والو حنونة بالشوي بالشوي تولي تموتي على الباترونات كيما راه صاريلي أنا

[ليلى الجزائرية1]

المشاركة الأصلية كتبت بواسطة كرااميلا85

اهلا كامل البنات
كلنا في انتظار الدرس بشوق ولهفة
يعطيكم الصحة كامل

رب يحفظك ويسترك ويعطيك ما تتمناي حنونة

[ليلى الجزائرية1]

المشاركة الأصلية كتبت بواسطة جومانة فلة

قرات كل الردود وحبيت اشكر اختي ليلى اولا على اعادة وضع الموضوع واشكر كل وحدة تساهم في انجاح هذه الورشة واشكر ايضا اميرة وكل الاستاذات اللي يساعدو في المبتدئات مثلي
ومهما حدث احنا هنا اخوات وما يربطنا الا الخير ببعضنا وان حدث سوء تفاهم بيننا فلا نتسرع ولا نتصرف اثناء الغضب لان اغلب التصرفات التي تكون في لحظة غضب نندم عليها فيما بعد
المهم اشكر ليلى على الدرس وعلى تفانيها في تعليمنا وان شاء الله هذه المرة اوفق لانني في الورشة الاولى كنت غائبة وما قدرت ابدا معكن واركز في الدرس

موفقة بإذن المولى أختي راجية الجنة

[ليلى الجزائرية1]

المشاركة الأصلية كتبت بواسطة staifia

ايا الحمد لله اسيدي كي فرات ,,,, كنت نقرا و نخمم في المشكل تاع البارح هههههههههههههه
قلت كيفاش رايح نكملو انا درك ههههههههههههههههه
ربي يدوم المحبة بيناتنا ,,,,,

رب يدوم المحبة اختي سطايفية،،ورب يوفقك في حياتك

[ليلى الجزائرية1]

الدور الثامن:
نرتفع ب 03 ماي سيري بمثابة أول عمود ثم نعمل على كل عمود بالاْسفل غرزة عمود،، بعدها 03 ماي سيري ثم نعمل عمود فوق الثلاثة اْعمدة ذات الرأس الواحد ثم 03 ماي سيري ثم نكرر إلى اْن ننهي الدور ونغلق كالعادة بمنزلقة



الدور التاسع:
نرتفع ب 03 ماي سيري بمثابة أول عمود ثم نعمل على كل عمود بالاْسفل عمود إلى غاية العمودين الاْخيرين نجمعهم برأس واحد ،،ثم 03 ماي سيري ثم نعمل عمود على الماي سري رقم 02 بالسلسلة اللي بالأسفل ثم 04 ماي سيري ثم عمود بنفس المكان اللي عملنا به العمود السابق ثم نعمل 03 ماي سيري ثم نكرر ما فعلناه لكن هذه المرة نجمع العمودين الاولين برأس واحد وكذا العمودين الاْخيرين
نكرر ونغلق بمنزلقة




الدور العاشر:
نرتفع ب 03 ماي سيري بمثابة أول عمود ثم نعمل على كل عمود بالاْسفل عمود ونجمع العمودين الاخيرين برأس واحد مثل الدور السابق العمودين الاولين مجموعين برأس واحد وكذا العمودين الاْخيرين بعدها نقوم بملء السلسلة ذات 04 ماي سيري ب 09 اعمدة ثم 03 ماي سيري ثم نكرر إلى اْن ننهي الدور بغرزة منزلقة





الدورالحادي عشر: نرتفع ب03 ماي سيري ثم عمود نجمعهم مع بعض ثم عمود ثم عمودين برأس واحد
ثم 03 ماي سيري ثم نعمل عمود على كل عمود بالاسفل ونفصل بين كل عمود وعمود ب 01 ماي سيري ،، ثم نعمل 03 ماي سيري ثم نكرر وننهي الدور بمنزلقة



الدور الثاني عشر والأخير:

نرتفع ب 03 ماي سري ثم نعمل عمودين برأس واحد،ثم 03 ماي سيري
ثم عمود على العمود الي بالاْسفل ثم سلسلة من 03 ماي سيري نغلقهم في رأس العمود نكرر حتى ننهي الدور بغرزة منزلقة




في النهاية نقوم بغسل المفرش بصابون الطرف ونحددوه بالمكواة بااه يطرح مليح واللي تحب النابرون نتاعها يجي وااقف ديرله المايزينة والماء وتطرحه وتخليه ينشف

وفي الاخير شوفو المفرش نتاعي بعد ما خدمت له التوأم نتاع،،،ههه




إلى هنا الدرس نتاعي كمل ،،وراني نستنى في ردودكم وفي تطبيقاتكم ومستعدة نجابوكم على وااش نقدر من الاستفسارات اللي تطرحوها

نتلاقو في ورشة أخرى ومع مفرش آخر
لكن المرة الجاية وجدو رواحكم راني رايحة ندير مفارش أصعب شوي من هذا بااه تتعلمو

[ليلى الجزائرية1]

المشاركة الأصلية كتبت بواسطة amira79

الحمد لله كي عادت الامور الى طبيعتها ..................بالتوفيق للجميع

الحمد لله
ميرسي حنونة على المرور نتاعك

[ليلى الجزائرية1]

المشاركة الأصلية كتبت بواسطة didahe

ماشاء الله لا قوة إلا بالله
الله يبارك في خدمتك اختي ،،يعطيك الصحة
علامة كاااملة

[ليلى الجزائرية1]

المشاركة الأصلية كتبت بواسطة المسلمة21

جاتني مكمشة في الخامس و السادس ما عرفتش

المشاركة الأصلية كتبت بواسطة didahe

متزيريش الخيط انا الحمد لله مع اميرة79 فى الصدر اتعلمت بزاف احوايج

أختي المسلمة كيما قاتلك didahe ما تزيريش الخيط بااه ما تجيك الخدمة مكمشة

[didahe]

winrahi la suite

[ليلى الجزائرية1]

المشاركة الأصلية كتبت بواسطة المسلمة21

انا الصدر او اي حاجة واحدة اخرى نخدمها عادي غير النابرون اللي يجيني مكمش ما فهمتش

المشاركة الأصلية كتبت بواسطة amira79

اختي المشاغبة هناك امر من 2 ..............الكروشي اصغر من الخيط اكيد تجي مزيرة و ما يدورش المفرش .............او راكي تزيري الخدمة اطلقي يدك شوية و خلي الخيط مرتاح

أنا ثاني رايي من راي أميرة الامورة