[ حكايتي مع الزمان... ] أسمحولي حاب نفرغ قلبي

[حضنية28]

احييك اخي على الشجاعة والصبر
وانت عملة نادرة في هذا الوقت نظرا لما واجهته من مصاعب
وتذكر ان هذه ما هي الا ابتلاءات وستفرج ان شاء الله
فصبرك هودليل على انفراج الازمة التي تعاني منها

وانت تعرف الدنيا ما هي الا امتحان وابتلاء

احسنت اخي وبارك الله فيك
وشافى الله الوالدة الكريمة
وأسأل الله ان يرزقك الزوجة الصالحة تعينك في دينك ودنياك

[mouadezzine]

المشاركة الأصلية كتبت بواسطة أمة الله 12

ربي يجازيك كل خير على صبرك في محنتك و وقفتك مع والدتك
ننصحك دير تكوين تقني سامي في الاعلام الالي، مطلوب في كل بلاصة و فرص العمل موجودة

ربي معاك

السلام عليكم ورحمة الله وبركاته
مانكذبش عليك ختي أني قاعد نفكر ندير تقني في الإعلام الآلي
أو ندير تكوين في كاش مهنة
المهم لازمني تكوين مادامني مالقيتش مهنة على قد الحال.
بارك الله فيك على نصايحك الغالية
ربي يسترها معاك ويعطيك ويرضّيك.
..........
الله يفارقنا بلا ذنوب

[mouadezzine]

المشاركة الأصلية كتبت بواسطة chandgoura

الحمد لله لشفاء والدتك

ويارب يتمم لها الشفاء حتى تغدو كفراشة تحلق في بيتها صانعة لك الفرحة والبهجة والسعادة

فقط ملاحظة صغنونة اخي

دام ابنة خالك ساعدت امك وتعرف بظروفك الم تفكر بان تطلب يدها؟

ويارب تلقى خدمة مع بداية العام الجديد

عشت مع حكايتك كلمة كلمة وسعدت بمتابعتك

مزيدا من الاخبار السارة نسمعها عنك

ربي يفارقنا بلبا ذنوب

السلام عليكم
الحمد لله أنها في طريق الشفاء نشالله
وهذا هو الشي اللي يهمني بالدرجة الأولى
بالنسبة لبنت خالي مازالها صغيرة في عمرها حوالي 14-15 سنة
وزيد مادامني بلا خدمة مانقدرش نطلبها من باباها.
نشالله ندير كاش تكوين ونسعى باش نلقى خدمة شريفة
هذاك النهار نقدر نفكر في اني نتزوج
اما الآن هذا باب راني قافلو إلى أجل غير مسمى.
شكرا على دعاءك للوالدة وعلى تشجيعك
وعلى كلامك المليح وعلى كامل نصايحك الغالية ختي لغالية.
.........
الله يفارقنا بلا ذنوب

[mouadezzine]

المشاركة الأصلية كتبت بواسطة مـلكـة آلآحـسـآسـ

إن الأصل في هذه الحياة المتاعب والضنى ، والسرور فيها أمر طارئ ، والفرح فيها شئ نادر
ولولا أن الدنيا دار ابتلاء ، لم تكن فيها الأمراض والأكدار ، ولم يضق العيش فيها على الأنبياء والأخيار ، فآدم يعاني المحن إلى أن خرج من الدنيا ، ونوح كذبه قومه واستهزؤوا به ، ويعقوب بكى حتى ذهب بصره ، وموسى يقاسي ظلم فرعون ويلقى من قومه المحن ، وعيسى ابن مريم عاش معدماً فقيراً ، ومحمد عليه الصلاة والسلام يُصابر الفقر ، وقتل عمه حمزة ونفور قومه منه .. وغير هؤلاء من الأنبياء
ولو خُلقت الدنيا للذة ، لم يكن للمؤمن حظ منها . وقال النبي صلى الله عليه وسلم : ( الدنيا سجن المؤمن ، وجنة الكافر ) وفي الدنيا سُجِن الصالحون ، وابتلي العلماء العاملون ، ونُغِّص على كبار الأولياء ، وكدرت مشارب الصادقين..!؟
أسأل الله العضيم أن يفرج همك و يرزقك عملا شريفا ويذهب عنك الهم
وفقك الله

السلام عليكم
كلامك كامل على العين والراس
وين رانا حنا من العذاب اللي لحق الأنبياء والصالحين.
ولكن اللي يدو في الما ماشي كي اللي يدو في النار.
الله غالب
الواحد كي يكون حاصل في همو ومشاكلو
ماتجيش في بالو كامل أنو كاين ناس اخرين أكبر منو هم ومشاكل.
تبانلو أنو وحدو في الدنيا هاذي اللي راه مضرور ومغبون.
ربي يصبّرنا ويعيننا على طاعتو وعلى هم الزمان.
بارك الله فيك على التذكرة ختي لفاضلة.
...........
الله يفارقنا بلا ذنوب

[mouadezzine]

المشاركة الأصلية كتبت بواسطة اسيل منة الله

..ا.ن شاء الله تقرا ردي يا ااخي هاذي شجاعة كبيرة ونتا ونعم رجل يعني رجولة تع صح وهاذوا المشاكل لازم يكون في الحياة لان حنا راه ربي يختبر فينا وتغركش المظاهر بلي ناس لي كامل لبسين مليح ويكلوا وعلى عام يضحكوا وعلى عام يحوسوا ودراهم يلعبوا بيهم لعيب ذوك هما ناس سعداء لا يا خويا مظاهر خداعة وحنا نشوفوا للعاقبة ومتدري ربي يفتحللك ابواب من يحث لاتدري تفائل ولازم تحارب وتكون قدها البطالة مش نهاية العالم ............ عادي جداااااااا
مهم يكون ايمانك بالله قوي ودنيا كامل معمرا مشاكل ......... وكان ننوا نحكيوا ....... خلينا


تفائل برك وراك من ورا هاذوا المشاكل تزيد تقوا ومكاش ولا حاجة تضعفك

ربي يشفيلك الوالدة وربي يشتفي والدي لان يعاني من شلل نصفي منذ عام ونصف .......ادعولوا ....... سلام

السلام عليكم
كلامك ريحني بزاف ختي لكريمة
فعلا عندك حق المظاهر خداعة
نشالله يبرا باباك وترجعلو صحتو ويقدر يعاود حياتو من جديد.
شكرا على المرور.
.........
الله يفارقنا بلا ذنوب

[mouadezzine]

المشاركة الأصلية كتبت بواسطة حضنية28

احييك اخي على الشجاعة والصبر
وانت عملة نادرة في هذا الوقت نظرا لما واجهته من مصاعب
وتذكر ان هذه ما هي الا ابتلاءات وستفرج ان شاء الله
فصبرك هودليل على انفراج الازمة التي تعاني منها

وانت تعرف الدنيا ما هي الا امتحان وابتلاء

احسنت اخي وبارك الله فيك
وشافى الله الوالدة الكريمة
وأسأل الله ان يرزقك الزوجة الصالحة تعينك في دينك ودنياك

السلام عليكم
نعم ختي كلامك صحيح
الابتلاءات دارهالنا ربي باش يقيس بيها إيماننا وصبرنا
والحمد لله أنني قدرت نصبر لحد اليوم ومافرّطتش في يمّا ولو نهار.
شكرا على الدعاء لي وللوالدة ختي كريمة
..........
ربي يفارقنا بلا ذنوب

[حمودية]

اسعى للخذمة اخي راني نشوف بلي مبدلتش الجهد الكافي

[mouadezzine]

المشاركة الأصلية كتبت بواسطة حمودية

اسعى للخذمة اخي راني نشوف بلي مبدلتش الجهد الكافي

السلام عليكم
شكرا على النصيحة ختي حمودية
ممكن عندك حق
بالاك مابذلتش الجهد الكافي، ولكن ظروفي في السابق كانت قاسية بزاف
الآن الحمد لله تحسنت أكثر، ونشالله نولّي نشوف للمستقبل بعين راضية وبقلب مستبشر
وأول خطوة هي نباشر في التسجيلات باش ندير تكوين مهني
بارك الله الله فيك.
..........
الله يفارقنا بلا ذنوب

[شاملة لينة]

الله تعالى قادر على تغيير حالك إلى الأفضل ولن يعجزه هدا....فقط استعن بالله وتوكل عليه....
ربي يقدملك الي فيه الخير...
لا تفرط في مفتاح جنتك مهما كانت الظروف...

[mouadezzine]

المشاركة الأصلية كتبت بواسطة شاملة لينة

الله تعالى قادر على تغيير حالك إلى الأفضل ولن يعجزه هدا....فقط استعن بالله وتوكل عليه....
ربي يقدملك الي فيه الخير...
لا تفرط في مفتاح جنتك مهما كانت الظروف...

السلام عليكم
أكيد ختي شاملة لينة
محال نقدر نفرّط في الوالدة ختي شاملة لينة
وكيف نفرّط فيها وهي نور عيني وسبب حياتي كامل.
d'ailleursم حال ربي يفرّجها عليّ إذا سمحت فيها.
نطلب ربي فقط أنها تكون راضية عليّ. هذا ما يهمني
ربي يععينك وتنالي ما تتمناي.
.............
الله يفارقنا بلا ذنوب

[لحن الحياة.]

كيف حالك يا معاد ....؟؟ ان شاء الله بخير ...............؟؟؟ وكيف هي الوالدة الكريمة؟؟؟

تبدو أفضل حالا مما كنت عليه سابقا

[ام نسمة]

مرحبا ...............حكايتك اثرت فيا بزاف والله مالقيت واشنقلك سو اني ندعيلك من قلبي ربي يفرج عليك وكون على ثقة مدام امك راضية عليك قاع ماتعمرش راسك اكيد ربي راح يعوضك تعبك عليها وحبك ليها خير كما عوضها هي حياتها اللي كرستها على جالك خير وخرجتلها وليد طايع وذرية صالحة ................ولد واحد صالح خير من 10 ...الله يفرج همك ويشفي ميمتك ويخليهالك يارب
علاش ماتحاولش تعمل دورة تكوينية في كاش مجال يعجبك ممكن يكون في المستقبل مهنتك الدائمة اللي تسترزق منها
ربي يوفقك خويا

[salima14]

الله يكون فالعون خلي ايمانك بربي قوي مش رح يخليك سبحانه
وحط في بالك انه حالك احسن من ناس بزااااااااااااااف
وربي يشفي الوالدة الكريمة ويطول في عمرها وتفرح بيك وتشوف
ولادك

[mouadezzine]

المشاركة الأصلية كتبت بواسطة jill

كيف حالك يا معاد ....؟؟ ان شاء الله بخير ...............؟؟؟ وكيف هي الوالدة الكريمة؟؟؟

تبدو أفضل حالا مما كنت عليه سابقا

السلام عليكم
هههه
وكيف مانكونش مليح والوالدة مزينتلي حياتي
خاصة أنها بدات شوية تسترجع عافيتها
الحمد لله
شكرا على السؤال ختي لعزيزة.
ربي يعطيك ما تتمنّاي
.............
الله يفارقنا بلا ذنوب

[mouadezzine]

المشاركة الأصلية كتبت بواسطة ام نسمة

مرحبا ...............حكايتك اثرت فيا بزاف والله مالقيت واشنقلك سو اني ندعيلك من قلبي ربي يفرج عليك وكون على ثقة مدام امك راضية عليك قاع ماتعمرش راسك اكيد ربي راح يعوضك تعبك عليها وحبك ليها خير كما عوضها هي حياتها اللي كرستها على جالك خير وخرجتلها وليد طايع وذرية صالحة ................ولد واحد صالح خير من 10 ...الله يفرج همك ويشفي ميمتك ويخليهالك يارب
علاش ماتحاولش تعمل دورة تكوينية في كاش مجال يعجبك ممكن يكون في المستقبل مهنتك الدائمة اللي تسترزق منها
ربي يوفقك خويا

السلام عليكم
سامحيني ختي إذا قاستك حكايتي.
مجرد دعاء منكم يكفيني.
بالنسبة لنصيحتك راني نخمم أني نسجل في التكوين المهني
وندير حرفة نبني بيها مستقبلي.
ربي يجازيك كل خير على كل كلمة وضعتيها في ردك هذا ختي أم نسمة .
.............
الله يفارقنا بلا ذنوب