جزء 173 من واش طيبتي اليوم كوزينة احلى رفقة طيبة

[x ام رحاب x]

حياتي نبع امل الله الله عليك يالفحلة بنت فحلة والشاطرة راكي مرةونص و25 تسلم ايدك ماعرفتش على من انعلق اطباقك قمة في الجمال اتقول ماتمسوش كامل اتقول لوحة فنية ماشاء الله عليك تسلم ايدك كلش ايشهي من المالح للحلو راكي زهيتي الكوزينة حبيبتي شكرا وربي يفرحك بوليداتك واتشوفيهم في اعلى المراتب

[x ام رحاب x]

ام يوسف راكي اخت وعزيزة بلاك برك مافاقوش لبنات كل وحدة راهي لاتية بدارها ووليداتها بلاك مافاقوش برك
انا راني مولات الكوزينة لازم انفيق لكل للشيء ومرحبا بيك مرة اخرى وان شاء الله تقعدي معانا وماتزعفيش

[حياة نور الدين]

السلام عليكن

ام يوسف اهلااا بك وماعليش مزية عاودتي سجلتي بنفس الاسم ولوكان راسلتي الادارة
وحابة نقولك مالازمش تكون عندك حساسية شكون قالك كلمة حلوة ولا غيرها واكيد البنات اللي دخلوا بعد ردك ميعرفوكش كما اسيا وامال عندهم شحال مدخلوش حنونة متزعفيش وحتى ولو دخلت واحدة ومدكراتكش متلوميش رانا الله يبارك بزاااف
وربي يعطيك سويعة ساهلة مبنتناش بزاااف انا غير كما دخلت السادس ربي يسهلنا ان شاء الله

ام رحاب ربي يخليك حنونة والله عييت بصح نحتسبها اجر وخلاص وربي يرحم موتانا وراني البارح بلي كنت في الجنازة غير منتبهتيش

امال اهلاا توحشتك ودخلتي دخلة ثقيلة الله يبارك كلشي روووعة

اسيا اهلااا الزينة واش راكي والمسمن تاعك مشفتش اخوه ربي يبارك فيك وفي ماماتك حنونة

كوثر اهلاا اختي والبغربر يشهي حنونة

[حياة نور الدين]

انا عشايا عدس باللحم وبوراك بالبطاطا والفرماج وعجوزتي طيبتلهم المعقودة
مازال ما صورت سي سيد مازال ما جا نتعشاو

[x ام رحاب x]

حيوتي الله ايكون في عونك ان شاء الله البارح مادخلتش لعشية جاوني الضياف علابيها مافقتلكش ان شاء الله كل حاجة راكي تخدمي فيها اتكون معروف عليك وان شاء الله ربي يسلكك على خير كي الشعرة من العجين وربييفرحك رانا غير نستناو في البشارة والي ايجيبها ربي فيها خير ياربالسلاك هو الاهم
ام يوسف ربي يطلعك على خير كي اليوم حنونة

[x ام رحاب x]

اكلات من الارشيف دولمة سردين

اللوبيا بالخرشف

[x ام رحاب x]

امبعد انزيد انحطلكم اكلات من الارشيف

[fadila34]

حياة ربي يعينك ويقدرك وعظم الله اجركم وروحي غير بالقل برك الخدمة متخلاصش المهم الصحة ربي يجزيك خير ام الشربات اتفضلي الوصفة كنت كتبتها الصباح
اما الشاربات فيها لتر ونص ماء وعصير زوج حبات قارص ومغرفة ونص اسيد سيتريك مغرفة القهوة وزوج مفارف عطر الليميون السكر حسب الذوق نصف فنجال حليب ونصف فنجال ماء زهر وزدت قطرة ملون وقطعت حبة قارص وحطيتها معها

[um alaa]

مساء الانوار
راني عند عجوزتي ما حبيتش ندخل بيديا فارغين هدا عشانا شربة الشوفان سلطة و سلطة الارز

[um alaa]

و هادي تارت الليمون درتها مرت لوسي

[ام اسماعيل2009]

سلام عليكم يا الحرائر ربي يعطيكم الصحه على هذا المجهود تعيشي ام الاء تقدري تمديلي وصفة شربة الشوفان

[x ام رحاب x]

صحة عشاكم بصحتكم
فشيلة بصحتك العشا حنونة
ام الاء بصحتك حبيبتيامممممممممممممممممم ايشهي عشاكم والبيض انموت عليه مغلي وبصحتكم تارت الليمون هايلة

[فردوس الرحمان]

ام رحاب من قلبي يعطيك الصحة احلى كوزينة تبعتها جات هائلة كي مولاتها ،تبعتها ومقدرتش ندخل pcq معرفتش نحط الصور ، اهوى الطبخ حتى النخاع ، وعندي بزاف حوايج حابة تشوفوهم مي الله غالب، دك نتعلم ، ونحل كوزينة انا تاني هههه، يخي جيو لعندي، اسمحيلي دخلت بيديا فارغين ميش بخل ، لكن راني جديدة انشا، الله نتعلم نحط الصور، قبلاتي الحارة لكل وحدة دخلت هاد الكوزينة كل واحدة باسمها ركم top

[x ام رحاب x]

المشاركة الأصلية كتبت بواسطة فردوس الرحمان

ام رحاب من قلبي يعطيك الصحة احلى كوزينة تبعتها جات هائلة كي مولاتها ،تبعتها ومقدرتش ندخل pcq معرفتش نحط الصور ، اهوى الطبخ حتى النخاع ، وعندي بزاف حوايج حابة تشوفوهم مي الله غالب، دك نتعلم ، ونحل كوزينة انا تاني هههه، يخي جيو لعندي، اسمحيلي دخلت بيديا فارغين ميش بخل ، لكن راني جديدة انشا، الله نتعلم نحط الصور، قبلاتي الحارة لكل وحدة دخلت هاد الكوزينة كل واحدة باسمها ركم top

اهلا وسهلا اختي ربي يخليك على كلامك وشكرا لمرورك ويوم تفتحي الكوزينة نوعدك اني انزهيلك الكوزينة ايلا كنا حيين

[حياة نور الدين]

تفضلوا عشايا