جزء 173 من واش طيبتي اليوم كوزينة احلى رفقة طيبة

[نوال عيسى]

المشاركة الأصلية كتبت بواسطة fadila34

يعطيك الصحة وشكرا شكرا على الوصفة فى ميزان حسنات ياخه ماطولاتي ما والو منيش غاصبة واسمحلي انتي وصح غداك

الله يسلمك والعفو نحن في الخدمة وان شاء الله تجربيها وتعجبك

[انا هي رزيقة]

المشاركة الأصلية كتبت بواسطة نوال عيسى

الله يسلمك يا غالية من الجلفة .. رحت جاوبتك لهيك هههههه
وبالنسبة لزيكا راهي غاطسة بين الاطباق التقليدية ياك تعرفوها تعشق التقليدي ههههههه
اما حياة وام هدول فماهومش باينين

خخخخخ يعطيك الربح اختي نوال ضحكيتي كي قلتي غاطسة و الله صح كنت غاطسة تع الصح و نتخيل في روحي ندوق من كل هذوك الاطباق الزينة و الشهية و الصحية يا مامي ..... خخخخخ

[x ام رحاب x]

نوال عيسى اهلا وسهلا بيك حبيبتي رانا في بلاد وحدة تلفتيهالي نحسبك من العاصمة خيار الناس بنت بلادي
رزيقة اهلا وسهلا حبيبتي واش راكي توحشناك وماعليش راكي معذورةمع الخدمة ماتلهايش ربي يعينك حنونة

[x ام رحاب x]

انخليكم حبيباتي انريح شوية بعد العصر اليلا حب ربي

[البحر الصافي]

السلام عليكم وصح غداكم
جبتلكم الحسوة والبرغر للاولاد طيبتو للعشاء امس وبقالي الخبز
زدت وجدتلهم وحدات اليوم لانهم مياكلوش الحسوة
تفضلو بسم الله



والحمد لله والشكر لله

[انا هي رزيقة]

اختي ام رحاب يا طيبة تفضلي عشانا البارح تطبيقي لخبز الشاورما تع ابلة ام وليد ربي يحفظها و الله فرحت يا بنات جاني كيما تمنيت ... يعطيك الصحة ابلة ام وليد .. انا ضاعفت مقادير تم ام وليد و جاتني كمية لا باس بها كلينا شوية و كونجليت الكمية المتبقية .... راكي تسمعي اختي ارزاق ..... خخخخ و حد مقال لحد ..سلامي الحار ليك اختي ... شوفو مااحلاها كي حطيتها تطيب مشاء الله و تبارك الرحمان هذه الكمية المتحصل عليها من 500 غ فرينة و هنا عند التحضير و هنا بعد التحضير و الحمد لله حمدا كثيرا طيبا مباركا فيه هذ المحروقة هي عمدا و ليس سهوا بطلب من مول الشي ..... خخخخخ

[البحر الصافي]

فضيلة يعطيك الصحة على هذاك الكسكس يشهي مممم
نوال بصحتك فطيرة البطاطا
سندوسة يعطيك الصحة على حلوة السكرفاج جاتك هايلة
رزيقة مساء الانوار وشراكي راكي مع تقليد بلادنا حتى انا كل يوم نطل ونشوف واش حطو لحراير سبحان الله بلادنا مليانة مؤكولات لذيذة وجديدة مزلنا نتعلمو
موستا ان شاء الله تجربي لغراتا ويعجبك
هذا متفكرت سامحوني اخواتي

[انا هي رزيقة]

نهارك سعيد اختي بحورة انا خليلي شوية من الحسوة تبان اممم مع البرد و بصحتهم الاولاد البرغر مطرح ميسري يمري

[البحر الصافي]

مممم رزيقة جاك يهبل وراكي فحلة خممتي في التخبية عندك حق خدامة والنهار عاد قصير خلاص بصحتكم

[ام سارة18]

امم دخلت على طعام فضيلة يسخف بالخرشف عندي قرن ماشريتش الخرشف يعطيك الصحة
نوال خبزة البطاطا روعة اكيد نجربها نحب الوصفات الخفيفة
سندوسة حلوة السكرفاج روعة حبيت نجربها وخافت مانعرفش وكيفاه الذوق نتاعها
زقزوقة معليش ماتراجعيش المهم طلي ساعة على ساعة علابالنا مشغولة مع الخدمة والنهار قصير

[البحر الصافي]

الله يسلمك رزيقة من عيوني نخليلك الحسوة ونزيدك البرقر تستاهلي كل خير يعجبني تقديمك للاطباق فنانة ىبي يبارك
اهلااااا بام سارة وشراكي تفضلي خيري واش يعجبك من كوزينة اختنا الغالية

[ام سارة18]

جبت غدايا كروكاث بطاطا مع صلصة جبن نتاع حياة وفلفل مشوي مع بواقي

[انا هي رزيقة]

و هذا عشانا نهار لخميس سوب خضار خفيفة مع سلاطة فلفل و طوماطيش و كفتة مشوية و اصابع بطاطا في الفرن و الحمد لله اللهما لك الحمد حتى ترضى و لك الحمد ان رضيت و لك الحمد بعد الرضا

[انا هي رزيقة]

ااممممم ام سارة يعطيك الصحة على هذ لي كروكات و الشكر موصول طبعا لحيوتة لي مابانتش اليوم عسى المانع خير ان شاء الله بصحتكم حنونة

[حياة نور الدين]

السلام عليكن
اسمحيلي ام رحاب راني مقصرة هدوا اليومين في الكوزينة والله راني مشغوووولة قلتلكم انه مرت سلفي خوها مات مالا راه في دارهم ربي يرحمه
واختكم راه الشغل في دارها ولعجوزتي والله عييت وهي محبتش تفهم روحها حتى الطياب انا نطيب لوكان نقصت عليا غير الطياب وزيد اولادها يتشرطوا يعني نطيب زوج طيابات لها ولشيخي ولاولادها وحدهم المهم خرجت على الموضوع برك حبيت نشاركم اشغالي

ناونوا شفتك دخلتي اهلاا وسهلااا

النرجوسة بصحتكةالصيام والفطور وعيد ميلاد سعيد لوليدك حبيبتي التارت هااايلة يا رب تشوفيه في اعلى المراتب

توبة حبيبتي اطباقك روووعة وزرت موضوعك هااايل حنونة ومزية عمي الحاج عجباتوا تحلية الرمان وراه يطالب بها ربي يحفظه ويقدرك انت حنونة على القراية والكوزينة

ام ياسين ربي يقدرك على الصيام وضحكتةعلى التشاراك خخخخخ اللي تقعدي غير تهدري عليه

ام الاء خبزك يشهي وعشاك اكثر وعجبتني فكرة القلب هههه وخسارة صور السهرة مخرجوليش بصح على بالي تحفففة ربي يخليك

سوسو البسبوسة هااايلة وخاصة من يديك تسلمي

نوال حبيبتي ربي يعلي شانك ومقامك كما عليتي شاني ويفرحك ويرزقك وليد الحلال الي يهنيك وموضوعك هاايل
ويسقسي عليك الخير راني كتبتلكم عدري الفوق وخبزة البطاطا هاايلة شكراا على الوصفة

سماسم يعطيك الصحة اطباقك رووووعة وخاصة التحلية وربي يعاونك
وبصحتك الدجاج والبطاطا

اميرة بصحتك معجون السفرجل

ام ررحاب بصحتهم ضيبافك القاطو والدولمة رووووعة يعطيك الصحة انت وبنتك وشكراا على قهوة الصباح

بحورة بصحتكم المقرون يشهي
والكيكة تحففففة واش درتيلها من فوق

ام هدول يعطيك الصحة الغراتان كما يحب الخاطر بصحتهم

كوكا اهلااا اختي توحشتك وبصحتتك الكسكس
وبالشفا على وليدك وبصحتهم اللي تزوجوا ربي يهنيهم

ام ابراهيم يعطيك الصحة على المقروط متحوووف ويحمر الوجه واكيد هشوش وروووووعة
ويا ماما على هداك السردين رووووعة والله بدون مجاملة وربي يحفظك ويعطيك سويعة ساااهلة

فضيلة اهلااا حقا خرجولي صور التارت وتمنيت ندوق منهم الديكور هااايل وباينين بناااان يعطيك الصحة والشارباتهاايلة قولينا الطريقة والكسكس يشهي بصحتكم

ام اكرام اطباقك رووووعة حبيبتي يعلي شانك ان شاء الله حبيبتي اللي درتي خاطرنا

ام رحاب حبيبتي شكراا على الوصفة تع الصوص والكرانطيطا وراني كتبتلك عدري على الصباح مدخلتش

سندوسة يعطيك الصحة على القاطو جا حميمر كما يحب الخاطر

رزيقة اهلاا حبيبتي وربي يقدرك على الخدمة والشوارما ما خلات فيا والو راني شحال حابة نديرها ومول الشيء كل يوم ينسى اللحم والله حتى قالي راسي اخرجي اشري وحدك ههههه والله تحخفففة حنونة بصحتكم وعشاك تع الخميس كيف كيف روووعة حنونة بصحتكم

ام سارة نموت عليكم كي تعتمدوا اطباقي هههههه بصحتكم الكروكات خرجولك هايلين