الجزء 73lن واش طيبتي اليوم كوزينة النجاحات

[دائمة الحمد]

اهلا وسهلا ناهدوران سامحيني عزيزتي راني قالقة شوي على اسينات وعلى الريزيلتا تاع ولدي مانيش نراجع مليح وماتزيديش تقولي قلقتيني رانا اخوات لا شابلير انا نخدمها في الدار بالخبز شوفي هذاك زيديلو لافاني وخليه لخبز تونس او البسبوسة وحمصي شوي خبز ماتخليشو يحمار ياسر وخليه للحم المرحي
انا نسخن الفور مليح ونطفي ونحط فيه الخبز ومن بعد نرحيه

[مرام 1987]

أسعد الله مساءكن
كاش أخبار على نتائج b.e.m ولا ما زال
ربي ينجحهم كامل يا رب
واش هو عشاكم اليوم راه عشاء ليلة الشك
اللهم بلغنا رمضان وبارك لنا فيه

[chez biba]

سلاااااااااام ام أنس ب ب ، ناهد دوران، ماري، دائمة الحمد ربي يسلك اسينات على خيرو يعطيها وقفة ساهلة في هاذ لعواشير يارب

[دائمة الحمد]

ربي يخليك بيبا وربي يفرحنا جميعا

[ladymillion]

شكراااااااااااا حبيباتي لي عجبتكم البربوشة والقاطو الله يسلمكم ،انا نحيت السخفة ونموت عليها راح نتوحشها هههه

ام ماجد مزال مابان عليها حتى خبر مالا كيما قالت ام ياسو ماتكون غير راهي في البرازيل

ماري ماعندي حتى فكرة على نتائج bem ((؟؟؟))
دائمة الحمد بصحتك لي كوكوط وطيبي فيهم بالصحة والعافية

[عازفة الناي]

السلام عليكم حبيباتي
جبتلكم الكواليس تاع العرضة ههههههههههههههههه
ماتضحكوش عليا ان شاء الله تعجبكم
هذا لحم الشربة

وهذا الحم تبلتوا ونديرو روطي

وهذي التتبيلة

وهنا الحم بعدما تبلته

[مرام 1987]

كاش أخبار على رؤية الهلال في دول الخليج ولا ما زالو

[مرام 1987]

وااااااو عازفة الناي طلياي علينا بخيرك الله يبارك ويزيد
زيدي زيدي حطي تعرفينا مكراشات وما نشبعوش هههههه

[دائمة الحمد]

تعيشي ليدي
ام ساجد حتى نحنا تاع الخميرة نحيوها من المطلوعة نديرها تجي ابن بالصح تاع الفرينة تجي اخف
المهم نفس الطريقة تقريبا
عازفة الناي هلت البشاير كملي رانا نستنو كيفاش نضحكو عليك يا الفحلة

[R I A D]

السلام عليكم
مساااءكم سعيد بنااات

دائمة الحمد و عازفة النااي يعطيكم الصحة ~~و الله يبارك عليكم

كل الي حطو طيابهم يعطيكم الصحة ~~اسفة شفت غير هذه الصفحة

ليزا العزيزة ربي يشفي حبوبي منصف
كيما قالت لك لينا ما كاش كيما ماء البحر ,,,انا ولدي كي طهرناه كان زمان صيف ...ديناه للبحر "بالقندورة "
و الله غير ارتاح ليه ليه....ربي يشفيه امين يا رب

لينا الحمد لله كي رجعتي بخير و على خير و الحمد لله كي نجحت عمليتك ,,,عييت نبعث لك رسالة هذاك الوقت ما حبش ملفك يتحل لي...
المهم رجعتي بخير و القاطو هااايل ,,,كالعادة

ام عبودة الله يسلمك على المعلومة ,,,و رمضان مبارك و كريم عليك و علينا و على الامة الاسلامية كلها

ام اناس كيف حالك ؟؟ وواش قالت لك الطبيبة على الايكو ؟؟ نتمنى كلش يكون طبيعي و بخير

سلااااامي للكل كل وحدة باسمها و رمضانكم كريم


اللهمّ صلّ و سلّم على سيّدنا محمد

[ladymillion]

عازفة الناي كواليش مشوقة وباللححححححححححححححم ههههههههه الله يعاونك ويعطيك الصحة في انتضار النتيجة والحطة مع الاخير

دائمة الحمد بصحتك واش طيبتي

[Oum Aness Bba]

أخواتي اليوم موعد عملية بنت اليسون ما تنساوهاش بالدعاء خاصة في هذه الساعات المستجابة الدعاء

[ام ساجد]

عازفة الناي يعطيك الصحة في انتظار باقي الصور

بصحتك دائمة الحمد واش جطتي الاول فريكاسيو لالا

[ladymillion]

ام انس bba الله يفكرك في الشهادة انا نسيت خلاص
يارب يكون معاها ويقويها ويشافي بنتها بإذن الله تعالى وترتاح وتفرح بيها ياربي
اللهم يا رحمن يارحيم اشفي كل مريض وعافي كل مريض من كل مرض وخفف عن كل موجوع وارزقهم صحة الابدان يارب العالييييييييييييييين

[ام عبودة]

السلام عليكم
مبروك عليكم الشهر
يوم الاحد في اغلب الدول العربية
يا رب اشفي مرضانا
وابنة اليسون