موضوع مميز الجزء الـــ14 من واش طيبتي اليوم؟؟ - الصفحة 85

ام عبودة · 2013-07-08, 15:36

السلام السلام يا حبيبات قلبي كل وحدة باسمها
نغيب شوي نصيب مجلد ما عرفت من وين نبدا
المهم راكم لاباس وراكم مع التوجاد
وصح فطوركم جميعا وادامها الله نعمة
حنا اليوم نسموه نهار الgرش ندير الطعام احمر والى تحب تروح دارهم وكاين اللى يذبح خروف وينويه صدقة
مي في دار شيخ لالا. لازم ندير المعروف هنا صباح موالفين شيخي يذبح مي ماراهش هنا تولى راجلي وشرا الخروف وذبحولو الجزار وخيتكم العشية دير بيه الكسكس
والله يجعل معروف مقبول ويا رب نصيمو رمضان بالصحة والهناء

*أم كوثر* · 2013-07-08, 15:37

اقتباس:

المشاركة الأصلية كتبت بواسطة nour inasse

خرجلك هايل الهام الله يبارك بصحتكم
أنا الوصفة اللي نحوس عليها نتاع لفلان بالكراميل اللي نطيبو في الكوشة في بان ماري تعيشو اللي عندها وصفة تعطيهالي بليييييييييييييييييييييز

عرفت الوصفة لي راكي تحوسي عليها
مجربتها اكتر من مرة وتجي تهبللللل

تفضلي

https://www.djelfa.info/vb/showthread.php?t=735010

أم ريمة* · 2013-07-08, 15:41

امنيات الحمد لله سوال عيك بوركتى اخية

ام كوثر الاطباق فى منتهى الروعة الله يبارك

ladymillion · 2013-07-08, 15:42

أم كوثر أطباق هايلة صراحة وراكي شهيتيني الله يبارك عليك

سامو حنان · 2013-07-08, 15:42

ام كوثر ماشاء الله عليك تحفة ،، الله يبارك فيك أعطيني طريقتك في الطاجين الحلو راهو يبان يشهي ،، الله يسترك

*أم كوثر* · 2013-07-08, 15:51

الله يسلمكم اخواتي
طريقتي في الطاجين الحلو مختلفة تماما والصراحة دقتها مرة في عرس وعجبتني بزاف وسقسيت وتحريت وجبت قرارها هههههههه
ماتستغربوش كي نقلكم بلابصل نعم بلابصل
جيبي طراف لحم
في طنجرة ديري مغرف كبيرة زبدة لما تدوب اضيفي قطع اللحم واقليهم مليح من بعد ملحيهم وديري شوية قرفة وامرقيهم غير شوية بالماء
لما تغلي ويقرب اللحم يطيب ضيفي فنجال صغير سكر وخلي يغلي
من قبل تكوني ناقعة العوينة والمشماش والزبيب في ماء زهر حتى ينتفخو
انقعيهم قبل ماتبداي طياب
نضيف العوينة ونخليها تطيب تماما حتى تطرى وتخرج هداك اللون الزين اللي الكل يعتقد انو كرامال السكر
اخيرا نضيف المشماش ونخلو الكل يغلي لما يطرى المشماش ويعقد المرق نضيف الزبيب ويغلي مرة زوج ونطفي لانو ادا بالغنا في طياب الزبيب يخرج المرق حامض
ادا عندك اضاافات متل الشباح ضيفيها في الاخير وديري قطرات ماء زهر وطفي
وعند التقديم زينب بانصاف اناناس او لوز ايفيلي اوكما تحبي
انا هنا قلت فنجال صغير سكر لاني نطيب كمية صغيرة انتم حطو السكر وذوقوا والمرق في الاخير لازم يكون عاقد شوية
والصحة والراحة

ladymillion · 2013-07-08, 15:54

نعم ام كوثر يجي هايل بلا بصل انا ندير فيه لكن من بعد نحيها منرحيهاش يعني للبنة برك ندير طرف صغير

ه سلاف · 2013-07-08, 15:54

واش رايكم تشاركونا هذا الموضوع
https://www.djelfa.info/vb/showthread.php?t=1354491

nour inasse · 2013-07-08, 15:55

اقتباس:

المشاركة الأصلية كتبت بواسطة إلهام07

حبيباتي نحبكم وحدة بوحدة مواح مواح مواح

اليوم المورال راهو طااااااااااااالع هههههههههههههه

ياسو سخفتيني أعرضيني راني نجي نتغدى أكيد مانقولي لالا ههههههههههههه

درة بيتي رمضانك كريم حبيبتي

حقة البارح جربت كرام ديسار نتاع الأخت sarsoura
روعة كأنها الفلان كاراميل اللي نشريوه في العلب

غير جربوه هذا هو الرابط :
https://www.djelfa.info/vb/showthread.php?t=1326514
أهم حاجة أعجب أسرتي والله مايعجبهم العجب راني حايرة

اقتباس:

المشاركة الأصلية كتبت بواسطة الأمنيات

نور ايناس الفلون تاع الكوشه دايرته ام اماني روحي لصفحتها
ام نجم مصحتك العرضه
ام ريمة واش راكي

راني شفت نتاع أم أماني بالنستلي وأنا حابة عادي

*أم كوثر* · 2013-07-08, 15:58

اقتباس:

المشاركة الأصلية كتبت بواسطة ه سلاف

واش رايكم تشاركونا هذا الموضوع
https://www.djelfa.info/vb/showthread.php?t=1354491

اعتدر اختي سلاف الفكرة مكررة
وورح يبقى موضوعنا وملتقانا مع موائدنا الرمضانية المنوعة هنا في هدا الركن

nour inasse · 2013-07-08, 16:09

اقتباس:

المشاركة الأصلية كتبت بواسطة *أم كوثر*

عرفت الوصفة لي راكي تحوسي عليها
مجربتها اكتر من مرة وتجي تهبللللل

تفضلي

https://www.djelfa.info/vb/showthread.php?t=735010

هذي هية مرسييييييييييييييييييييييييي تعيشي والله عندي مدة وأنا نحوس عليها اليوم انشاء الله نجربها
وعلى فكرة مائدة نتاعك تشهي ام كوثر كلشي بالطبع
تسلمي يالغالية

zahra30 · 2013-07-08, 16:16

اقتباس:

المشاركة الأصلية كتبت بواسطة إلهام07

أنا جربت ميني كيك نتاع دادو في مول السليكون وطارو نورمال من المول وجاو ملاح أما المدة راهو مايطولش بزاف حوالي 20د او أقل
لازم تعسيه مليح راهو ثم ثم يطيب بصح ماجربتش المول الكبير ماعنديش

quote=dadou mascarienne;1053463194]ههههههههههههه صباح الفل واش انا من داك الجيل ههههههههههههههه
راني مبكرة ههههه

يعطييك الصحة دادو بكري الخدمة انتاع انتاع الصباح تطلع ليها ليها ومباركة .... راني عممت باش ما يغيضكمش الحال هههههههه

اقتباس:

المشاركة الأصلية كتبت بواسطة أم ياسين الزهراء

صباح الانوار

زهرة راح نصورها حنونة في خاطرك

ربي يخليك ام ياسين راني نستنى لاخاطر بغيت نروح فيها ان شاء الله .....

اقتباس:

المشاركة الأصلية كتبت بواسطة درة بيتي

صباح النووووور عليكم كامل وعلى الناشطين خاصة إلهام أم ماجد وأم ريمة وزهرة رمضان على الأبواب بالاك غدوا صحا رمضانكم وكل عام وانتم بخييييير كنت اأتية مع الميناج والشراوات تع لمواعن اليوم الحمد لله كملت والغدا عندي فب الفريجيدار نطيب لعشا ناوية نقرش بحاجة مليحة بثح ماعرفتش وش هي دبرو عليا

صح رمضانك درة وربي يقبل منا ومنكم صالح الاعمال يارب ....

اقتباس:

المشاركة الأصلية كتبت بواسطة إلهام07

راني نخمم بالاك الويم لعشية نخبز شوية مطلوع ونحطو في الكونجيلاتور حنا بابا في رمضان لازم يحضر المطلوع 30 يوم كون تهبط السماء على الأرض
وثاني بالاك ندير شوية ديول خلاصولي نوجد لرمضان باش الأيام الأولى مانتعبش

خليك من الماكلة المكونجلية الهااام اتوكلي على ربي وكل نهار وبراكتو ...... صح رمضانكم

oum ibrahim · 2013-07-08, 16:17

مساء الانوار عليكم كاااامل بصحتكم الغدا ماشاء الله اطباقكم تشهي الله يبارك
هاذي بعض طياباتي الايام الي فاتو و ان كانت كلها مخبوزات هههههه حاجة خفيفة مع السخانة
مطلوع في الكوشة خفيف ريشة امممممم

همبرغر حشيتو حاجة خفيفة

كوكا بالعجينة المورقة محشية دجاج و بصل و جبن

اللهم ادمها نعمة و احفظها من الزوال
ام نجم بصحتك الشخشوخة حنا تاني نديروها كما اليوم

nour inasse · 2013-07-08, 16:23

أنا اليوم درت بوراك وسوب وستيك والحمد لله

وكيكة الداانيت لام أماني يعطيها الصحة

zahra30 · 2013-07-08, 16:28

ما شاء الله ام ابراهيم يشهيو ..... صح رمضانكم