جزء ****138***من واش طيبتي اليوم ---عيد سعيد وكل عام وانتم بخير ----

[وردة الشمس]

مساء الخير واش راكم فالسخانة
غدانا لوبيا وبدنجال مقلي بالطماطم ومقدرناش ناكلوهم مع السخانة

[طير الرحمة]

ﺃﺣﻠﻰ ﺩﻋﺎﺀ ، إبدأ به يومك . ﺍﻟﻠﻬﻢ ﺃﻟﻬﻤﻨﻲ ﻓﻲ ﺃﻣﺮﻱ ﺍﻟﺼﻮﺍﺏ
ﻭﻳﺴﺮ ﻟﻲ ﻓﻲ ﻛﻞ ﻣﺴﺄﻟﺔ ﺟﻮﺍﺏ
ﻭﻧﺠﻨﻲ ﻣﻦ ﻛﻞ ﺃﻟﻮﺍﻥ ﺍﻟﻌﺬﺍﺏ
ﻭﺑﻴﺾ ﻭﺟﻬﻲ ﻳﻮﻡ ﻳﺸﺘﺪ ﺍﻟﺤﺴﺎﺏ
ﻭﺯﻳﻦ ﻣﺠﻠﺴﻲ ﺑﺨﻴﺮ ﺍﻷﺻﺤﺎﺏ
ﻭﺍﺟﻌﻞ ﺩﻋﺎﺋﻲ ﺩﻋﺎﺀ ﻣﺴﺘﺠﺎﺏ صباح الخير لخير الأحباب آجّـعٌلَوٌآ لَلَفُـرحً شُـکْرآ وٌلَلَحًزٍنِ صّـبًرآ ، وٌآحًمًّدٍوٌآ آلَلَہ عٌلَى کْلَ حًآلَ ..

[سوسو المغتربة]

نهار سعيد لكل الأخوات اختي الريفية فرحت بزاف بسلامك وربي يسترك ساعدتني وبينتي الصورة لي حطيتها راني مازلت جديدة و اختي أم إسلام شكرا على الترحيب راكم نتوا تنورو الكوزينة وأختي أم رحاب حلويات كم رووووووووووعة ما شاء الله عليكم وسلام لكل الأخوات وأن شاء الله تدخل روضة وتطمننا على ابنها واناراني خارجة مع زوجي وابنائي ربي يخليهم لي و يخليلكم ابناؤكم

[ام مؤمن]

سلام لبنات واش احوالكم

كنت رحت نجيب حلواتي نتاع العيد نحطهم تبحرت ههههه

النت ضعيفة غير الانشغالات و المرض و الظروف هذا وين كتب ربي نحطهم في الكوزينة

اتفضلوا قولوا بسم الله ماشاء الله







معجون المكسرات



البقلاوة





المقروط







قراوش باركات





مقروط النقاش بتزيين مقروط السنيوة



ورود الشكولاطة المحشية







التشاراك المسكر



الغريبية المورقة





كعيكعات بالطلية






مقرود النقاش ماحطيتوش



كروكي ماحطيتوش للعيد




هذه سينية العيد تاعي







لبنات امانة تدخلوا لقسم المسابقات رانا محتاجين دعمكم

https://www.djelfa.info/vb/showthread.php?t=1842418

[*سماح 94*]

االسلام عليكم حبيباتي ان شاء الله راكم كااامل بخير
مورالي راه يتكركككككككككككككككر ههههه بروقرااام الصيف تحول تحول جذري هههه و الاسوء انو امي ناضت لقات يدها منفوووخة و هي تعبانة بزااااف الطبيبة قاتلها راكي تعبانة بزااف و شكتلها في ارني عطاتها دير IRM باه تتاكد ادعيولها ربي يشفيها و يعافيها و الله اسوء شعور انو الواحد امو تمرض مع ذلك الحمد لله على كل حال
بحرت اليومين لي فاتو لكن البحر كانةهاااايج و الجو مسحب ههههههههه بصح مليحة الواحد يبدل جو شوي الحمد لله
جبتلكم صور قاطو تاع حفلة نجاح شوفو وش مليح و متقون
للعلميات لي يحبو يقرعجو القاطو مخدوم عند مادام بساس






و هاذي التارت الطبقات اللذييييييذة

[قمر 77]

[font="comic sans سلامو حبيباتي
دخلت على خيرات سماح الله ايبارك قاطوات هايلين خدمة نظيفة و متقونة و التارت ما خلاتش فيا و ربي يشفي الميمة شفاء عاجلا و يطمنكم عليها و يريح بالك
ام مومن الله ايبارك سينيتك تهبل و قاطواتك ما شاء الله و الموضوع نتاع المسابقة عييت نشارك تحاوزني النت عياتني
دايمة الشكر يعطيك الصحة الريفية ربي يتقبل صيامك و قاطوات سلفتك ما شاء الله ربي يدوم المحبة يالغالية ام اسلام الرفيس نفس طريقتي زمان كنا نديروه بلا عسل ييبس خصوصا فالجو الجاف و درك رجعنا نديرو العسل يبقى دايما هشوش
روضة ربي يشفي وائل عسيه و اديه للطبيب راكي سنة اولى تربية تجي شوية صعيبة و الطياب ديريلو بوماد ديرمو كويفغ رائعة لكلش انا حتى تديرها كي نتحرق فالكوزينة او اوكسيبلاستين لكن الاولى احسن و لادياري نصف ساشي سمينتا ثلاث مرات فاليوم حتى يعود مليح و كيما قالولك ماء الجزر و الارز و ربي يشافي طمنينا
فضيلة شفت الجفنة البارح تمنيت نذوقها مما نعرفهاش ربي يتقبل و يشفش وليد خوك امين يا رب العالمين
زهرة الربيع يا احلى زهرة الحمد لله على سلامة الوالدين و ربي يتقبل و قاطواتكم روووووووووووعة الله ايبارك
سوسو يعطيك الصحة و في انتظار الموضوع و بصحتك الخرجة

ام و ابنة يعطيك الصحة و شكرا على المساعدات
سيما ربي يحفظلك الشيف يوسف اصبري عليه حبيبتي و خوفيه ما يمسش الغاز راه خطير كثير ما شي لعبة راكي عارفة ربي يحفظهملك و يعينك
ام ياسو ربي معاك
ام تاجو ربي يقدرك و درتي صح المحكوك راني ناوياتو مبصح كي يبرد الحال درك سخانة الله يستر بصحتكم الغالية
ام رحاب ما خرجلي والو شفت غير العليقات يعطيك الصحة
طير الرحمة الغالية مطلوووووووع الله ايبارك ربي معاك و الكوكاو المعالج شفت طريقة ام اسلام و اية تبان مليحة و شكروها البنات مبصح انا ما جربتهاش عندي الكولون ما نقدرش للكوكاو مع اني نحبه
شكمس بصحتكم المقالي و ربي يعينم و يعينا
ليزاتي بصحتك التحواسة ربي يباركلم في كل شيئ
نزيد نراجع حبيباتي ms"][/font]

[زهرة الريف*]

مساء الأنوار اختي أم مؤمن واش راكي ربي يجيب الخير إن شاءالله
لي قاطو يهبلو شكلا وأكيد ذوقا يعطيك الصحة حقيقة مش مجاملة فعلا روعة بارك الله فيك
سماح متخلعيش أختي مايكون غير الخير وربي يشفي الوالدة ويعطيها العمر الطويل والصحة طمنينا عليها
وبصحتك التبحيرة إن شاءالله ترجعي وتلقاي البحر مليح ومن فضلك وصفة تارت الطبقات إن أمكن
روضة مدخلتيش اليوم طمنينا على وائل

[malek firdaouss]

السلام وعليكم

بنوتات هاني جيت من العطلة تاعي لي فاتت تقول نهار والحمدلله

ربي يباركلكم فرزقكم

جيت للبلاد وحدة معرضتني

اسمحولي نروح نتكى على قول ام تاج ربي يذكرها على خير

ملاقات الخير ان شاء اللّٰه

[ام و ابنة]

السلام عليكن جميعا

غاليتي الريفية للاسف ما تلاقيناش بصح نبعثلك سلام كبيييير و حاااار و يسقسي عليك الخير الحمد لله و السؤال عليك

ام اسلام راني شريت الغرس و غدوة باذن الله نعمل الرفيس بطريقتك رغم اني نموت على طريقتي و لكن نحب التجديد و المغامرة خخخخ بصح لو سمحت قولي لي وش نوع الزبدة اللي تستعمليها و شحال بالتقريب كمية العسل مقارنة بالزبدة لاني ما نحبش الحاجة حلوة بزاف بزاف

سماح ما يكون غير الخير عالوالدة ربي يشفيها

زهرة الحمد لله على رجوع الوالدين بالسلامة من العمرة و ربي يتقبل منهم والعاقبة لينا

ام مؤمن ماشاء الله تبارك الله

سوسو بصحتك الخرجة ماتقوليش راكي جديدة والله والفناك بسرعة

طير الرحمة اهلًا اختي اشتقنا لمشاركاتك الجميلة اسمحيلي انا الكاوكاو نستعملو عادي ما نداويهش خخخخخ

وردة عندك الحق السخانة نحوسو غير عالسقايط

ام محمد تاج ربي يعينك بصح تعيشي ما تنسايش تحطي طريقتك في الماييس مشوي راني نستنا فيها و لو ممكن اذا تعرفي انت او اي وحدة من البنات كيفاش يتغلى و المدة باش يجي طري

ام أفنان ارك الله فيك و جزاك الله خير على التذكير

ام رحاب ربي يعينك

راني رديت على كل اللي دخلو الصباح و سلامي للجميع دون استثناء

[زهرة الربيييع]

مساءكم فل يا الزينات
[QUOTE=x ام رحاب x;3994010911]

المشاركة الأصلية كتبت بواسطة زهرة الربيييع

مساء الخير حبيباتي واش احوالكم

مانيش ديما معاكم نطل عليكم مرة على مرة برك كي هلال رمضان هههههه

اليوم حبيت نشارككم فرحتي برجوع الوالدين من العمرة انشاء الله عمرة مقبولة و ذنب مغفور يا رب ( هذا اسبوع و المنتدى يرفض فيا قالي يا معانا ديما يا مكانش ههههه )

حبيت نوريلكم الحلويات لي شاركونا فيها بعض الاهل و الاقارب ربي يخليهم لينا انا عن نفسي درت البقلاوة و قاطو الاخت ام الاء الصغيرة جا روووووعة كلمة روعة قليلة فيه

كامل طلبو الوصفة اما الاطفال الصغيرة ما نحكيلكمش كامل فاقو ببنته و عادو يعيطو اعطينا القاطو الطويل ( تع السيقار ) هبلونا ربي يخليهم برك

مانطولش عليكم نخليكم مع الصور










اخيرا قدرت نحط الصور النت هبلتني
قولولي وش رايكم في الحلويات

[/QU
الحلويات كامل توب والحمد لله على رجوع الوالديك بالف صحة وعمرة مقبولة ان شاء الله وربي يبارك فيكم ويعينكم امين

شكرا على الاهتمام حبيبتي الغالية ام رحاب منورة بوجودك

المشاركة الأصلية كتبت بواسطة الريفية

أم رحاب منورة أختي كي راكي أنت
زهرة الربيع الحمدلله على رجوع الوالدين بخير وعمرة مقبولة بإذن الله تعالى
ويعطيكم الصحة كلش فووووووووووور

شكرا اختي الريفية ربي يخليك

المشاركة الأصلية كتبت بواسطة أم محمد تاج

صباحوووو حبيباتي الحلوااااات ونهاركم زين يارب
دخلت على روائع الغالية زهرة الربيع والله لي قاطو رووووووعة روووووعة وعلى سلامة الوالدين وعمرة مقبولة وذنب مغفووور ولعقوبة للحج يارب
ام اسلام كالعادة رووووووعة حنووو وونة الله يعطيك الصحة
الباقي حبيباتي احلى واغلى صباح
غدايا الظاهرة راح ندير محكووووك الغالية ام ياسين مممممم مدة وانا ساخفة عليه

ام محمد تاج كلامك عسل يا عسل و ربي يقدرك مع الحمل في السخانة هذه

ام و ابنة تحياتي و سلامي للجميع

[زهرة الريف*]

قمر والله كنت فالبال مبارك لخوك بالهنا والذرية الصالحة وبصحتك لاغوب صواري
وتفكرت ليزا أيضا والمازا ودائمة الحمد واسمهان وجميع لي راهم يحوسو نقلكم انساو كلش واستمتعوا
رايحة ندير تارت بارد بالفلان والماجور لأم أماني ربي يرزقها الخير لاصلحت نصورها ولامصلحتش ثاني نصورها
أم وابنة ليك وحشة والله غير نحبك في الله
زهرة الربيع وكل الأخوات صح قهوتكم نروح ندير التارت

[زهرة الريف*]

سلام كبير وخاص للأخوات طير الرحمة وIdrono ربي يبارك فيكم وجزاكم الله كل خير
لأن نشاطكم لوجه الله سبحانه وتعالى

[قمر 77]

البنات راني خليتلكم سؤال فالدردشة اللي تقدر تجاوبني ضرووووووووووووووووري https://www.djelfa.info/vb/showthread...post3994012897

[قمر 77]

ريفية يا غالية شكرا حبيبتي القلوب عند بعضاها راني بعثتلك رسالة من مدة و ما علاباليش و يلا لحقاتك و الف شكر ليك حبيبتي

[ام و ابنة]

الريفية سبحان الله والله نحب. اخواتي الكل هنا بصح انت و قمر عندكم مكانة خاصة في قلبي و ربي شاهد

قمر وشراكي