الجزئ 86 من واش طيبتي اليوم بسم الله تفظلو - الصفحة 83

أم إناس · 2014-08-28, 20:13

ادراري. الله يشافيك ووليدك وشراه
دائمة الحمد اممممممممواح النور نورك
أندرو اهلابيك
ام طيري الحنه حنونه انا ورأسك دري زوج زوج من كل نوع هكذا بها نخلي لاخواتي يذوقو امممممممممم كلش يشهي امممممممممممم

دائمة الحمد · 2014-08-28, 20:15

ام طيري الجنة راكي قلشتينا بالجناح الملكي والحلويات الفاخرة يكثرخيرك واقيلا نبقى ثم ما نرجعش

دائمة الحمد · 2014-08-28, 20:16

ادرارية ربي يجيب الشفاء عزيزتي اعملي ريجيم مرض الصيف واعر

ام طيري الجنة · 2014-08-28, 20:17

مساء الانوار ادرارية و بالشفا عليك حبيبة

نتابع مع بعض الحلويات الجافة و الشكولا

كي نعاود نراجع واش عندي في الكاميرا نزيد ننقللكم صور اخرى للأطباق ان شاء الله

malek nour hane · 2014-08-28, 20:19

يم يم يم لحقت على الحلويات التركية ماطارتليش بلاصة وين نقعد كااامل طبوزات خخخخ
أم اناس بصحتك الحمص هايل التيراميسو براحتك خلااااص حبوبة

دائمة الحمد · 2014-08-28, 20:19

ام طيري الجنة كلش 44444444444444 الله يهنيك حنونة لعقوبة كي تحطيلنا صور دارك ان شاء الله
عشانا مقرونة من الغدا وانا كسرة رخساس ولبن هذاك مانحب

دائمة الحمد · 2014-08-28, 20:21

ملك انا راني تكيت ثم للبرود وخليت بليصة لام يس لالا بلااااااااااااااصة لام يس تحب تتقلش فيالبرود

ام طيري الجنة · 2014-08-28, 20:22

دائمة الحمد تستاهلو التقلاش و على ذكر التقلاش لوكان غي تدخل ام رياض مسكينة و تجمّع في الجناح الملكي و نقلشها
ام اناس خدي كل ليك اديتي حتى قلبي و ما نعطيكش الحلويات يا حلوة

malek nour hane · 2014-08-28, 20:24

ادرارية ربي يشافيك يالعزيزة ليستوما واااعرة 5 سنين وانا نعاني بيها و الحمدلله ضرك بالأعشاب حتى داويتها
دائمة الحمد بصحتك الرخسيس ولبن نجي نعاونك ههه.... وأنا نقول شكون لي حكمت لبلاصة كااامل هههه

دائمة الحمد · 2014-08-28, 20:25

ام رياض ممكن راهي صايمة اليوم
ام الهضاب ثاني ما ظهرتش
وليزا غيبابك طال

malek nour hane · 2014-08-28, 20:25

وين تجي أم رياض مسكينة اني نقلك الطبوزات حكمو لبلاصة كااامل انا و راني واقفة نورمالمون تحطيلهم السلاطة و القارص الساع ههههه

أم ياسين الزهراء · 2014-08-28, 20:25

ام اناس على سلامتك سقسيت عليك قالولي لاباس الحمد لله وربي يسلكك على خير

ام طيري علاش تمرضي في حلمي بعد مكة الترك بصحتك التحويسة حطىىىىىىىىىىىىىىىىىىىىىىىىىىىىىىىىىىىىىىىىى

انا عندي العشاء هدا وين دخلت والحمد لله

لبنات ادا كتب ربي بعد الكوزينا هدي راح نفتح كوزينتي انتضروني

ام ماجد حقى كنت حطيت كوزينا الفوقانية وحقى شفنا ولاد بعضانا وانت غايبة ههههههههههههههههههههههه ياشماتة ابلى زازا فيك

بشرى حلمك كيما حلمي بادن الله نزيد نتعلم القواطو اكثر ونحل محل للحلويات ونسميه مجموعة واش طيبتي ترحب بيكم هههههههههههههههههههههه اشفاي عليها

ادرارية · 2014-08-28, 20:26

دائمة الحمد اللي مرضني البارح في الدار عمرناها كبدة ومشوي وامبعد كلينا تارت درنا حفلة وداع لاختي

ام طيري انا نروح ان شاء الله الى تركيا غير في جال حلوياتنها اممممممممممممممممممممممم

ام اناس والله رانا نحمدوه ونشكروه

ملك نورهان واش راكي

ليزا ياليزا وييييييييييييييييييييييييييييييين راكي رانا افتقدناك

دائمة الحمد · 2014-08-28, 20:26

نروح نصلي العشاء ونعشيهم ونجي
ملوكة احكميلي بلاصتي

أم ياسين الزهراء · 2014-08-28, 20:28

ادرارية بالشفاء عليك ليستوما تحب الرجيم

دائمة تعيشي حنونة والله تقليشة على كارها

بصحتكم العشاء