وصفات حراير الكوزينة الجزء الثاني - الصفحة 82

idron0 · 2015-10-18, 12:30

وصفة الشاورما ام اماني و عبدو

نبداو بصدر الدجاج نقطعوه مربعات ونتبلوه بملح وفلفل وكمون وحشاوش وعصير ليمون وقشور الليمون وملعقة صغير زيت ونخلوه بجهة ونوجدو المايوناز ونزيدولها قطعة فرماج شاف وهذي اختيارية انا زدت لها ملعقة كرام فراش نحضر المول نقطع فيه حبة بصل وفلفل حلو ونديرلهم شوية ملح وفلفل اسود وممبعد نفرغ المايوناز والفرماج على الدجاج ونحطهم في المول ونغطيهم بالالمنيوم وندخل للفرن كي تحسيها طابت نحي الالمنيوم وخليها تتحمر شوية من فوق وكي تنحيها من الفرن ديريلها شوية شيدر من فوق وهذي ثاني اختيارية.

إضغط هنا لرؤية الصورة بحجمها الطبيعي.

idron0 · 2015-10-18, 17:16

التعمير ام حبوبة

نحير السميد الرقيق اي نقليه في المقلاة والسميد نسيحه يعني اللي يطيح هو اللي نخدم بيه
بعد ما نحير كاس اتاي السميد نديره في طبسي قدمايبرد شوية نزيد معاه اربع فصص ثوم ونصف حبة بصلة مطحونين ونزيد حبة فرماج ونزيد فلفل ولحم مكفت اللي عندك انا كان عندي شوية وزيدي حبة جومبو دجاج وحبة بيض ما تزيديش الملح لانو الفرماج والجومبو مالحين
نجيب بلاستيك غدائي ونحله ونحل فوقه الخليط وفي الاطراف نستف الفرماج مقطع ونرولي بمساعدة البلاستيك ونلوي الاطراف ونثقبه بالكيغدون ونغلفه في بابيي المنيوم ونديره في طاجين فيه ماء نخليه يطيب ندخل موس ونشوف اذا نشف يعني ناشف
وانا دايما نبغي كي نحيله البلاستيك نزفته شوية في المقلاة امممم وامم وامممم.

إضغط هنا لرؤية الصورة بحجمها الطبيعي.

idron0 · 2015-10-18, 18:04

الرولي ام ياسين الزهراء

انا عندي اللحم المرحي درتو البصل والثوم مرحين مليح وتبلتو بالموطارد والفلفل الاكحل والفاح والزنجبيل وبودرة الثوم والملح والمعدنوس مقطع وضربت حبة بيض وقسمتها مابين اللحم مرحي وصدر الجاج اللي رحيتو ودرتلو نفس الطريقة ومن جهة وجدت صوص بلونش بعضم الصدر وادا عندك الجاج زيدي مع البصل والتوابل ومرقت ودرت زرودية دوائر وزيتون وطيبت المرقة وخثرتها باش تجي بنينة واللحم مرحي فرشتو على نيلو تاع الطياب والله نسيت اسمو رققتو وزدت فوقو الجاج المرحي ودرت الزيتون مقطع ودورت واربط الجوانب كشغل حبة حلوى ومنبعد روليتو على ورق الاليمنيوم وحطيتو طاب في قدرة فيها الماء وورق رند خليتو طاب حوالي 20 د لان طري وخفيف يطيب ثم ثم ومبعد نحيتو ونحيتلو الا ليمنيوم وحمرتو في مقلى فيها زبدة وزيت وكيحما مليح قطعتو كيما شفتيه وكل طبسي نديرو الكمية وفوقها المرق.

إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.

idron0 · 2015-10-19, 11:33

شطيطحة السبناخ دائمة الحمد

انصبي صوص روج باللحم ماتكثريش الملح والطماطم لماتمرقي وتغلي ارمي كمية قليلة حمص واقفلي عليها وخليها تنشف
بعد لا تغسلي السبناخ وتقطعيه قليه مع مغرف او2زيت حتى يذبال
لما يطيب الحمص وتنشف لاصوص ارمي السبناخ و1 فلفل حار اذا حبيتي واقفلي عليه وحد10دقايق ثم حلي عليه وتلوحي 3او4بيضات وماتحركيش نقصي عليها حتى ينشف لوحي المعدنوس وطفي النار وشهية طيبة.

idron0 · 2015-10-19, 19:29

حميص الكوكوط ام ساجد

إضغط هنا لرؤية الصورة بحجمها الطبيعي.

idron0 · 2015-10-19, 19:35

كعكة الفلون منقول

إضغط هنا لرؤية الصورة بحجمها الطبيعي.

idron0 · 2015-10-19, 20:06

المطلوع ام ساجد

إضغط هنا لرؤية الصورة بحجمها الطبيعي.

أم التوأم · 2015-10-19, 21:26

وصفة المسمن لأم ملك ربي يجازيها كل خير
السميد من النوعية الجيدة أكيد هو الصح إدا كان مليح راح يخرجلك المسمن مليح درت 2 كيلات و نصف كيلة فرينة و ملح و بليت بالماء أنا ندلكو المسمن مليح بيدي جربت الكيس المبلل شحال من مرة و ما نجحتش فيها و درت فيه نصف مغرف فاني تاع الميزان عطاتو بنة روعة دلكتو حوالي 20 دقيقة و نضيف في الماء غير بشوية كل مرة نزيد قيس مغرف و ندخلها ملييييييح مبن نشوف العجينة يبست و ولات صعيبة في الدليك نزيد الماء حتى ولات طرية و حسيتها ما عاودتش يبست غطيتها ببلاستيك غذائي و خليتها تريح حوالي 30 د ثم جبدتها و عاودت عجنتها شوية و دخلتلها نصف مغرف صغيرة خمارة تاع قاطو و قرصتها قرصات صغار و خليتها زادت ريحت حوالي ربع ساعة برك و حليتها أنا نحل بخليط من الماغرغين ذايبة و الزيت
ثم نطيبها في الطاجين

idron0 · 2015-10-20, 12:47

المقبلة دائمة الحمد

مقبلة في مول السيلكون
ندهن مول السيليكون بالزيت
في بول كبيرة شوية نحط علبة طن + فلفل مشوي ومقطع قطع صغيرة و3مغارف كرام فراش+نصف ملعقة صغيرة طماطم كونسنتري+فلفل احمر مرحي كمية قليلة +ملح مانكثرش+سنات ثوم مقطعين رقاق+شوية هريسة لجماعة الحار+3مغارف معمرين مليح فرينة +نصف شكارة خميرة الحلويات ونخلطهم مع بعض مليح +3بيضات ونخلط هم مع بعض
نسخن الفور
نعمر مول السيليكون اكثر شوي من النصف
نحطهم يطيبو من تحت ومن بعد نشعل من فوق
لما يبردو نفرغهم ونقارنيهم على حسب الذوق.

إضغط هنا لرؤية الصورة بحجمها الطبيعي.

idron0 · 2015-10-21, 08:01

خبز هشوش ام ساجد

إضغط هنا لرؤية الصورة بحجمها الطبيعي.

idron0 · 2015-10-21, 08:13

لاسوب تاع عدس حمر om wassim

درت بصلة صغيرة مقطعة .1 طماطم حمرة مقطعة.1 جزر كبيرة.1 قرعة.كرافس.قرعة.كرافس.شوية روز و شوية عدس أحمر. فلفل اسود .رأس حانوت. شوية كمون.فلفل أحمر. ملح
قليهم شوية و مرقت و كي طاب رحيتهم.

إضغط هنا لرؤية الصورة بحجمها الطبيعي.

idron0 · 2015-10-21, 19:50

مقيرظ البحر الصافي

مقيرظ يعني مقروض صغير ساهل انا كان عندي غرس مطحون ومداوي في الثلاجة قلت نديرو للقهوة
الوصفة ساهلة ومضمونة 3كيلات دقيق من الشكارة ميكونش ارطب بزاف وكيلة فرينة وكيلة (نص مرقرين دايبة ونص
زيت) وقرصة ملح وقرصة خميرة حلويات حكي الكل بيديك حتى يدخل ليدام في الدقيق وبلي بشوي ماء زهر مخلط
مع الماء ديريهم في ساشي وابداي شكلي عادي ديري حربوش رقيق على تاع المقروض وقصيهم بالموس مقيرضات صغار كي تكملي سخني الزيت على نار متوسطة وابداي اقلي الكيلة لي استعملتها فنجان حليب متوسط جربي كيلة صغيرة برك حتى تولالفي راهو ما يتحلش خلاص في المقلة وشهية طيبة .

إضغط هنا لرؤية الصورة بحجمها الطبيعي.

idron0 · 2015-10-21, 20:35

ماسيدوان زينب 83

ماسيدوان عادية و ديريلها مايونيز و تشكيلها على شكل كرات و تغليفها بالجزر مرابي رقييييييق ، ممكن الجزر طيبيه شوي يجيك اسهل ، انا ماطيبتوش و ممكن تشكيلها على شكل جزرات جي تحفة

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

Uaeec · 2015-10-21, 21:35

روعه بارك الله فيك

idron0 · 2015-10-22, 07:32

غراتان الفاصوليا الخضراء زينب 83

لوبيا خضرة مفورة و تشوحيها في شوي زبدة و فلفل اسود و ثوم و ملح
بطاطا مقصوصة رقيق مقلية او مشوية في الفرن بشوي زيت
لحم مفروم متبل و طايب
جبن
تحطي طبقات من هذي المكونات في المول ممكن صغير او كبير و في الجوانب تحطي اللوبيا و في الاخير تفرغي بيض مضرب من داخل باه يتماسك لغراتان و دخليه الفرن قيس مايطيب البيض فقط و يذوب الجبن ، و ماتنسايش تدهني المول بالزبدة باه ديموليه بسهولة

و الصوص
كوتلات و فطر ، طماطم مصبرة و بهارات و بصل مفروم و ثوم و كسبر ورق و رند و ملح و ملعقة زيت تقليهم و تمرقي غير بشوي ماء ، و تغلقي لاكوكوت ، الصوص تكون ثقيلة

إضغط هنا لرؤية الصورة بحجمها الطبيعي.