اهلا بكن في الجزء 146 من كوزينتنا .اهلا وسهلا بيكم - الصفحة 81

أم هبوبة · 2015-10-02, 17:25

عطر الدهب الجمد لله على سلامتك و ام محمد و لهونة ما زالوا وافيلا البيبيات عجبتهم القعدة الداخل الحنانة و التقلاش ما حبوش يخرحوا
ام حبوبة المادلان يشهي عندي مدة ما درتهش

أم هبوبة · 2015-10-02, 17:27

اقتباس:

المشاركة الأصلية كتبت بواسطة oum habouba

سلام ام عبدو وملاك واش راكي هايل قاطوك الله يفرحك
ام سرااااااااج شكراااااااااااا حبيبتي انا قلتلك بلا بيك ما ندير فيها والو وما نعرفش هدي الطريقة وحتى لو نعرف يشرفني نتعلمها وتوريهالي اختي ممممممحححححح
ام هبوبة انا نموت على مبسس الطاجين خاصة بالتمر قوليلي راني نشوفك تدوري في الكوزينة دبرتي ميكرو
ام ساجد الله يحفظلك الوالدين ويرضيهم عليك
ام سهام ماشاء الله مرا ونصف يعطيك الصحة
عازفة نسيت ساع باش نشكرك على وصفة السمك راااااائعة كلمة قليلة درت كوبي كولي وشكرا على اطباق رفيف هايلين
اه يا البقلاوة روعة قوليلي طيبتيها في الدار ولا برا واذا في الدار الفور كي داير وكي درتيها لاختك الله يجعلها في ميزااان حسناتك
عطر الدهب الحمد لله على سلامتك ربي يحفظك لاحبابك ولوليداتك
الاماني راكي ناشطة ما شاء الله نبغي كي نشوفك

راه عندي نتاع صحبتي سلفتهلي هدا الويكاند عليها راني نبروفيتي بلا ما فرج ربي

البحر الصافي · 2015-10-02, 17:28

وهدا صابلي ليزابال ربي يجازيها الخير مازل ما درتلوش المعجون جا يدوب في الفم

البحر الصافي · 2015-10-02, 17:30

وهدا كروكي

oum islem · 2015-10-02, 17:40

السلام عليكم ورحمة الله وبركاته
وش راكم ان شاء الله الجميع بصحة جيدة
اذا تحبوني زوروني واذا ما زرتونيش ما نزعفكش منكم

https://www.djelfa.info/vb/showthread.php?t=1871775

oum islem · 2015-10-02, 17:44

اقتباس:

المشاركة الأصلية كتبت بواسطة عطرالذهب

السلام عليكم ورحمة الله وصح عيدكم ولو انها متاخرة جدا جدا لاسباب صحية مرضت يومين قبل العيد سلكت من الموت بشعرة والحمد لله واقيلا راني قط بسبعة ارواح
توحشتكم كاااااااااامل وان شاء الله راكم كامل بخير وتمنيت نفوت العيد معاكم بالصح الله غالب
عندي بعض الصور صوروهم بناتي هازة روحي بالسيف ونقوللهم ماتنسوش تصورو ههههه اتخيلو الموقف هههههههه
واش جديدكم كانش اخبار على ام تاجو ولهونة والا مازالو يتكركرو

كل عام وانت سالمة وزاهية وباهية ومنورة
اكيد تحبينا والا ما كنتيش تفكري في الصور وانت مريضة
الحوامل مازال يتكركرو مساكن
ربي يسهل ليك وليهم ويرزق كل محرومة يا رب
ألبسك الله الصحة والعافية وجزاك كل خير

الرجاء الاماني المجد · 2015-10-02, 17:45

روعععععععععععععععععععععععععععععععععة

الرجاء الاماني المجد · 2015-10-02, 17:50

بصحتك الروز

اقتباس:

المشاركة الأصلية كتبت بواسطة البحر الصافي

هدا غدانا روز ام سراج وملاك بنين وساهل

الرجاء الاماني المجد · 2015-10-02, 17:51

اقتباس:

المشاركة الأصلية كتبت بواسطة oum islem

السلام عليكم ورحمة الله وبركاته
وش راكم ان شاء الله الجميع بصحة جيدة
اذا تحبوني زوروني واذا ما زرتونيش ما نزعفكش منكم

https://www.djelfa.info/vb/showthread.php?t=1871775

ام اسلام مساء الفل راني دخلت وشفت الخبز تحفة ان شاء الله نجربو

oum islem · 2015-10-02, 17:53

ام حبوبة المادلان يهبل طيحي بالوصفة راح تقتليني
ام هبوبة وش راكي حبيبة وش راه سمية ليك وحشة قد الدنيا ربي يحنن قلب صحبتك تخليلك pc حتى يحن عليك الحكومة
البحر الصافي شهيتيني في الروز غدوا معروضة بعد غد نجربو بحول الله والصابلي يهبل والكروكي بربشتيه علاه ما قطعتيهش بالمنشار
الرجاء مساء النور كاش اطباق او تطبيقات متعي انظارنا
ام عبدو وملاك ما شاء الله على وليداتك يهبلو تاخذي برايي نحيهم من التوقيع اتقاء الحسد اختي
كل الحاضرات مسااااء الخير جميعا

ام سراج وملاك · 2015-10-02, 17:57

عطووورة على سلامتك اختي والحمد الله كي سلكتي بخير لبنات مزالو مزيدوش ربي يسلكهم بالف خير في انتظار صورك
البحر الصافي بصحتك حنونة ربي يبارك شاطرة نوعتيلهم بصحتكم والحمد الله كي عجبك الروز اختي بصحتكم
ام حبوبة بلامزية حنونة واش متعرفيش راني هنا ولا ابعثلي على الخاص ماشي مشكل رانا كامل نتعلمو من عند بعضانا المادلان هايل وشمن وصفة انا عندي وحدة راهي في وصفات حراير هايلة تجي بالياؤورت وخفيفة بزاف
الوصفة لعيونكم متجيش بالطابع تجي بالسريال ولا كاين لي يسموه الكورنيفلاكس وتشكلوها دوائر بطابع دائري

قاطو السريال : رطل زبدة 500غ + كاس سكر احرش + 2 بيضات مجمولين + 2 مغارف كاكاو كبار+ نصف كاس نشاء + كاس كاوكاو مرحي + 2 باكيات صغار نتاع نيسكافي حلوهم في شوي ماء سخون + باكي خميرة + وطبعا فرينة تشيحو بيها حتان تولي عجين
التزين كراميل حلوة ترك تخلطوهم مع بعضاهم فوق النار وطبعا كورنيفلاكس من فوق
طريقة التحضير : تشكلو دوائر طيبوهم وتلصقو كل زوج حبات مع بعضاهم بالمعجون مخلط مع حلوة ترك وعلى حواشي حبة القاطو زيدو المعجون وكاوكاو مرحي او لوز ايفيلي بصح هرسوه شوي بيديكم ومن فوق الحبة ديرو الكرامال لي مع حلوة ترك وزينو بالكورنيفلاكس كيما حبيتو على شكل وردة لي فوق القاطو كورنيفلاكس ماركة نتاع الجزائر وكاين واحد يجي على شكل عنقود نتاع عنب نتاع الخارج هو لي مليح مالفة نخدم بيه يجي شكل هايل ندير 3 حبات مقابلين بعضاهم وفي نص ندير حبة سمسم شوفو الكورنيفلاكس لي قصدتو لي فوق هاذي الصورة هذا لي مالفة نزين بيه

ملاحظة اذا محبيتوش الحشو نتاع الكرامال ممكن ديرو الشيكولا سوداء والكارامال من الاحسن لي ديرو بيه لي يجي في باط نتاع لفلان ذوق كرامال الاكياس لي فيهم هوما لي ديرو بيهم

Oum Habouba · 2015-10-02, 17:58

ام هبوبة هملا انا تاني نبروفيتي معاك وقوليلي نتي حبيبتي على المخللات كيفاه راكي تديريلهم فهميني مليح لانو دخلت لموضوع ام ساجد ربي يخليها ما بغاوش يخرجو التصاور راني حاسة روحي مبوقلة ماعلاباليش علاه ما طقتش نفهم كي نديرلهم نتي ولا اي وحدة راني باغية نديرهم مشكةرة مسبقا

دائمة الشكر · 2015-10-02, 18:07

ام سراج حبيبتي ديريه موضوع اختي خير ولكي جزيل الشكر
ام حبوبة بصحتك المادلان يشهي
ام سهام بصحتكم اختي فطور يشهي اممممم
البحر الصافي ديري المكياج للصابلي والكروكي خرجلك حميمر يشهي بصح اقسمي بموس المنشار بصحتكم
عطورة عيد سعيد وبالشفى عليك اختي
راجعت الصفحة الاخيرة فقط

oum islem · 2015-10-02, 18:08

اقتباس:

المشاركة الأصلية كتبت بواسطة ام سهام 02

السلام عليكم و صح غذاكم
فطورنا كان مدربل و سلاطة والطعام بعثتو لي جارتي والحمد لله

وهذي بقلاوة باللوز امممممم خدمتها لاختي طلبتها مني خدامة ما عندها ش الوقت بنتها اشهتها ما حبتش تخاليها لها في خاطرها

اللَّهُمَّ صَلِّ عَلَى مُحَمَّدٍ وَآلِ مُحَمَّدٍ، كَمَا صَلَّيْتَ عَلَى آلِ إِبْرَاهِيمَ،إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ وَآلِ مُحَمَّدٍ، كَمَا بَارَكْتَ عَلَى آلِ إِبْرَاهِيمَ، إِنَّكَ حَمِيدٌ مَجِيدٌ[

أم سهام يعطيك الصحة يالغالية كل شي يشهي
خاصة البقلاوة ولونها يهبل اذا ممكن طريقتك حبيبتي ولك كل الشكر

دائمة الشكر · 2015-10-02, 18:10

رجعت نسيت الروز بصحتك اختي البحر شوقتيني نجربو
ام عبدو وملاك بالشفى على عجوزتك طهورا ان شاء الله
فطورنا اليوم طعام باللحم
العشاء سلق ولله الحمد